რთველი

მევენახეებმა კახეთში კვლავ საპროტესტო აქცია გამართეს

170
(განახლებულია 12:16 14.09.2019)
რთველის დაწყებიდან ფერმერებმა უკვე მეორე საპროტესტო აქცია გამართეს

თბილისი, 11 სექტემბერი — Sputnik. გურჯაანის რაიონის მევენახეებმა გამართეს აქცია და ყურძნის ჩაბარების ფასის გაზრდა მოითხოვეს.

კახელი მევენახეები ყურძნის ფასის გაზრდას მოითხოვენ: აქცია ყვარელში >>

აქციაში მონაწილეობა მიიღო ახაშენის, ზეგაანისა და მუზუკანის დაახლოებით 100-მა მევენახემ. რთველის დაწყებიდან ეს უკვე მეორე საპროტესტო აქციაა. პირველი აქცია ყვარელში გაიმართა.

„მერის მოწვევით აქციის ყველა მონაწილე მოვიდა გურჯაანის მერიაში, სადაც გაიმართა შეხვედრა ადგილობრივი და ცენტრალური ხელისუფლების წარმომადგენლებთან. მათი მთავარი მოთხოვნაა ყურძნის ფასის გაზრდა, ითხოვენ სუბსიდირებას“, - განუცხადა „Sputnik-საქართველოს“ მერიის პრესსამსახურის თანამშრომელმა.

დღეს საწარმოებში 1 კგ ყურძნის ჩაბარების ფასია 70 თეთრი, რაც, მევენახეების თქმით, მიზერული თანხაა. ისინი ამტკიცებენ, რომ ვენახების მოვლის ხარჯების ანაზღაურება და რაიმე მოგების მიღება შესაძლებელია მხოლოდ იმ შემთხვევაში, თუ ყურძენი სულ მცირე 1 ლარი იღირება.

აქციის მონაწილეებს შეხვდნენ გურჯაანის მერი არჩილ ხანდამაშვილი, სოფლის მეურნეობის მინისტრის მოადგილე სოლომონ პავლიაშვილი, ღვინის ეროვნული სააგენტოს უფროსი ლევან მეხუზლა და კახეთის გუბერნატორი ირაკლი ქადაგიშვილი.

შეხვედრაზე მევენახეებს კვლავ განუმარტეს, რომ სახელმწიფო რთველის სუბსიდირებას აღარ განახორციელებს. ამაზე ხელისუფლებამ უარი 2017 წელს თქვა. ყურძნის ჩაბარების ფასს თავად ბაზარი განსაზღვრავს.

ფერმერებს აუხსნეს, რომ თანხები დაიხარჯა მელიორაციის სისტემაზე, მეხამრიდებზე და შეღავათიან აგროკრედიტებზე.

წელს მთავრობამ 20 მილიონი ლარი გამოყო იმისათვის, რომ რქაწითელის ჯიშის ყურძნის ფასი 70 თეთრზე დაბალი არ იყოს. მთავრობა აფინანსებს საწარმო „აკურას“ კახეთში, რომელიც ამ ფასად იბარებს ისეთ ყურძენსაც, რომელიც კერძო ქარხნებმა უფრო იაფად შეაფასეს.

საკოორდინაციო შტაბი „რთველი 2019“, რომელიც ქალაქ თელავში ფუნქციონირებს, მევენახეებს ჩამბარებლის მოძებნაში ეხმარება.

მსოფლიოში ქართული ღვინის პოპულარობა იზრდება >>

აღსანიშნავია, რომ წელს კახეთში ყურძნის მდიდარ მოსავალს ელოდებიან, თუმცა მისი რეალიზაციის საკითხი კვლავ პრობლემატურია. პროგნოზების თანახმად, ყურძენზე მოთხოვნა დაბალი იქნება. კერძო კომპანიები რუსეთის მიერ დაწესებულ ემბარგოს უფრთხიან და ცდილობენ, სანამ ვითარება სტაბილური არ გახდება, რისკებს თავი აარიდონ.

 

170
თემები:
ღვინის კულტურა და მეღვინეობა (85)
რთველი

რთველი 2020: მევენახეებმა 191 ათასი ტონა ყურძენი ჩააბარეს

71
(განახლებულია 16:30 27.09.2020)
საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

თბილისი, 27 სექტემბერი — Sputnik. საქართველოში „რთველი 2020“-ის ფარგლებში ამ დროისათვის დაახლოებით 191 ათასი ტონა ყურძენია გადამუშავებული, იუწყება ღვინის ეროვნული სააგენტო

კახეთში ყურძნის მოსავლის აღების სეზონი 22 აგვისტოს დაიწყო. გადამუშავების პროცესში 60-ზე მეტი ღვინის საწარმოა ჩართული.

დღეის მდგომარეობით ყურძენი ღვინის საწარმოებს 20 ათასამდე მევენახემ ჩააბარა. ამ დროისათვის მევენახეებმა ყურძნის რეალიზაციით 195 მლნ ლარი მიიღეს.

27 სექტემბრის მონაცემებით, კახეთის რეგიონში გადამუშავებულია 137 ათასი ტონა რქაწითელი, 45 ათასი ტონა საფერავი, 3,3 ათასი ტონა კახური მწვანე და დანარჩენი სხვადასხვა ჯიშის ყურძენია.

მოსავლის დაბინავება კახეთის ყველა მუნიციპალიტეტში მიმდინარეობს.

ყურძნის დღეღამური გადამუშავების მაჩვენებელი კვლავ 10 ათას ტონას აღემატება, რაც ნიშნავს, რომ კახეთში რთველი პიკურ პერიოდშია. 163-მა ღვინის კომპანიამ უკვე გადაამუშავა ყურძენი, აცხადებენ ღვინის სააგენტოში.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

საქართველოდან თხილის ექსპორტი კვლავ იზრდება >>

სუბსიდიას მიიღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

71
თემები:
ღვინის კულტურა და მეღვინეობა (85)

ლარის კურსმა პიკს მიაღწია: რა ელოდება საქართველოს ეროვნულ ვალუტას? - ფოტო

118
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
  • ქართული ლარი ახალ ანტირეკორდებს ამყარებს
  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
  • თუმცა რა იქნება შემდეგ?
  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
ბოლო დღეებში ქართული ვალუტის კურსი მკვეთრად დაეცა მსოფლიოს სხვადასხვა ვალუტებთან მიმართებაში. რა ელოდება ქართულ ლარს? სანამ ექსპერტები პროგნოზებს აკეთებენ, რიგითი მოქალაქეები დოლარს ყიდულობენ

იხილეთ Sputnik-საქართველოს ფოტოლენტაში, რა ხდებოდა პარასკევს საღამოს ალექსანდრე ყაზბეგის გამზირზე, სადაც ვალუტის გამცვლელი პუნქტები მრავლადაა.

ბევრს მიაჩნია, რომ აქ ყველაზე ხელსაყრელი კურსი, მაგრამ არც ქალაქის სხვადასხვა უბნებშია ნაკლები. თუმცა იქამდე მიღწევა ასევე პრობლემას წარმოადგენს. ყაზბეგის გამზირზე მოხვედრა კი გაცილებით ადვილია, რადგან აქ ერთ-ერთი მთავარი სატრანსპორტო ძარღვი გადის.

118
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
    © Sputnik / Alexander Imedashvili

    ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი

  • ქართული ლარი ახალ ანტირეკორდებს ამყარებს
    © Sputnik / Alexander Imedashvili

    ქართული ლარი ახალ ანტირეკორდებს ამყარებს

  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
    © Sputnik / Alexander Imedashvili

    მიუხედავად ეროვნული ბანკის მხრიდან სიტუაციის დასტაბილურების მცდელობებისა

  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
    © Sputnik / Alexander Imedashvili

    სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ

  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
    © Sputnik / Alexander Imedashvili

    საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო

  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
    © Sputnik / Alexander Imedashvili

    საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს

  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
    © Sputnik / Alexander Imedashvili

    თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას

  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
    © Sputnik / Alexander Imedashvili

    სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ

  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
    © Sputnik / Alexander Imedashvili

    ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა

  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
    © Sputnik / Alexander Imedashvili

    როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება

  • თუმცა რა იქნება შემდეგ?
    © Sputnik / Alexander Imedashvili

    თუმცა რა იქნება შემდეგ?

  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
    © Sputnik / Alexander Imedashvili

    სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა

მზის ჩასვლა

კვირის ასტროპროგნოზი: სიყვარული, ფინანსები, სამუშაო 28 სექტემბერი 4 ოქტომბერი

0
(განახლებულია 15:23 27.09.2020)
ასტროლოგები გვირჩევენ, ამ კვირაში დიდი ყურადღება მივაქციოთ შინაგან ჰარმონიას. ძალზე მნიშვნელოვანია ვაკეთოთ ის, რაც მოგვწონს. საკმაოდ ხელსაყრელი კვირა ელოდება ზოდიაქოს ნიშნების უმრავლესობას

როგორი იქნება ვარსკვლავებისა და პლანეტების განწყობა ამ კვირაში ზოდიაქოს ნიშნებისთვის, როგორ იმოქმედებენ ისინი ადამიანებზე, რა უნდა გავითვალისწინოთ, რომ წარმატებებს მივაღწიოთ – ყოველივე ამის შესახებ კვირის ასტროლოგიური პროგნოზიდან შეიტყობთ.

რა ფარული ნიჭი იმალება ზოდიაქოს თითოეულ ნიშანში>>

ვერძი

ვერძებისთვის ამ კვირაში ყველაზე მნიშვნელოვანი სფერო სიყვარული იქნება. თამამად შიძლება ახალი ადამიანების გაცნობა, ახალი ურთიერთობების დაწყება, ან უკვე არსებულის ახალ დონეზე გადაყვანა. კარგად ჩაივლის სიყვარულში გამოტყდომა, საყვარელი ადამიანის მშობლებთან შეხვედრა, საცხოვრებლად სხვაგან გადასვლა, შოპინგი.

ვარსკვლავებისა და პლანეტების ენერგია დაგეხმარებათ ცნობიერებაში არსებული ბარიერების გადალახვაში, რომლებიც მიზნების მიღწევაში გიშლით ხელს. უნდა იყოთ გაბედული, მიზანსწრაფული და ნებისმიერი ცვლილებისთვის მზად. სამსახურსა და ბიზნესში სტაბილურობა არ გელოდებათ, მაგრამ ეს არ ნიშნავს, რომ ყველაფერი ცუდად მიდის. პირიქით, ახლა სწორედ ის დროა, როდესაც შესაძლებელია გამარჯვება და წარმატებების მიღწევა.

კურო

კუროებს მხოლოდ საკუთარი თავის იმედი უნდა გქონდეთ. ეს განსაკუთრებით ეხება 28 და 29 სექტემბერსა და 4 ოქტომბერს. ამ არახელსაყრელ დღეებში ბევრი მნიშვნელოვანი რამ შეიძლება მოხდეს. ასტროლოგები გირჩევენ, თვითონ გადალახოთ დაბრკოლებები, რომ გაძლიერდეთ, ისწავლოთ რამე ახალი და აიმაღლოთ ავტორიტეტი კოლეგებს, ხელმძღვანელობას, მეგობრებსა და ახლობლებს შორის.

ძალზე მნიშვნელოვან როლს შეასრულებს პოზიტიური აზროვნება. ეს დაგეხმარებათ სასურველის მოზიდვასა და დასახული მიზნების სწრაფად განხორციელებაში. პოზიტიური ადამიანები იზიდავენ არა მხოლოდ ფულს, არამედ სხვა ადამიანებსაც. ეს ნიშნავს, რომ კეთილ და მხიარულ კუროებთან წარმატება ნაცნობებისა და კავშირების მეშვეობითაც მივა. ექსპერტები გირჩევენ, იმოქმედოთ შედგენილი გეგმით და არ გარისკოთ.

ტყუპი

ყურადღება მიაქციეთ დესტრუქციულ აზროვნებას, რომელიც ხშირად გარშემომყოფებისგან მოდის. ეს საშიში გზაა, რომელიც ჩიხში შეგიყვანთ. უნდა იაროთ საკუთარი გზით, ჯანსაღად შეაფასოთ გარესამყარო და მოიქცეთ ისე, როგორც ამას საკუთარი გული გკარნახობთ და არა შემთხვევითი მრჩეველი. ამ კვირაში თქვენი ინტუიცია საკმაოდ ძლიერი იქნება.

ოქტომბრის დასაწყისში აუცილებლად მიქციეთ ყურადღება ჯანმრთელობას. მრავალრიცხოვან პრობლემებსა და მცირე გაუგებრობებს თქვენი კალაპოტიდან ამოგდება, შინაგანი ბალანსისა და ჰარმონიის დარღვევა შეუძლია. ასტროლოგები გირჩევენ, ყველანაირად ეცადოთ, რომ არ ინერვიულოთ. ამაში ფიზიკური აქტიურობა, აქტიური ცხოვრების წესი დაგეხმარებათ.

კირჩხიბი

თქვენთვის კვირის ყველაზე ხელსაყრელი დღეებია 2, 3 და 4 ოქტომბერი. ამ დღეებში ადვილი იქნება ნებისმიერი, განსაკუთრებით შემოქმედებითი სამუშაოს შესრულება. ვარსკვლავებისა და პლანეტებისგან მიიღებთ ძალებისა და ენერგიის დიდ მარაგს, რაც სირთულეების გადალახვაში დაგეხმარებათ.

კვირის დასაწყისში პრობლემების გაჩენისთანავე შეგიძლიათ დახმარებისთვის მეგობრებს, ნათესავებს ან კოლეგებს მიმართოთ. არ ღირს საკუთარ თავში ჩაკეტვა და ყველასგან იზოლირება, თუნდაც ამის ძლიერი სურვილი გაგიჩნდეთ. გარშემომყოფებისგან უნდა აიღოთ პოზიტიური ენერგია, ჩაკეტილობა კი იდეების წყაროებსა და შესაძლებლობებს გადაღობავს.

ლომი

დღის წესრიგი ადამიანის ბიოველსა და განწყობაზე მოქმედებს. ამ კვირაში ლომებს ექსპერტები გირჩევენ, მოაგვაროთ დღის რეჟიმი, შეასრულოთ ფიზიკური სავარჯიშოები, ბევრი იმოძრაოთ. ძალზე ხელსაყრელი პერიოდია იმისთვის, რომ გამოიმუშაოთ ახალი სასარგებლო ჩვევები და გათავისუფლდეთ მავნე ჩვევებისგან.

ვარსკვლავები თქვენ მხარეს იქნებიან, ამიტომ გქონდეთ იღბლის იმედი ნებისმიერ სფეროში. ყველაზე მეტად გაუმართლებს იმას, ვინც ადამიანებთან მუშაობს, მათთან ურთიერთობები აქვს. კვირის მეორე ნახევარი დაუთმეთ სწავლას, ახალი გამოცდილების მიღებას. ჩნდება დიდი შანსი მათთვის, ვინც სამუშაოს ეძებს.

ქალწული

ქალწულებისთვის ძალზე დინამიკური პერიოდი იწყება. ამ დროს ყურადღება ყველაზე მნიშვნელოვანზე უნდა გაამახვილოთ. არ ღირს ორ კურდღელზე გამოდევნება. დროა, ერთი პრიორიტეტული მიმართულება შეარჩიოთ. თუ დინამიკურ რიტმში იცხოვრებთ და ბევრ ამოცანას შეეჭიდებით ერთდროულად, ძალიან მალე დახარჯავთ ენერგიას, ძალას და სიტუაციაზე კონტროლს დაკარგავთ.

აუცილებლად უნდა იპოვოთ დრო დასვენებისთვის, თუნდაც გაჩაღებული მუშაობის დროს. უქმეებზე ძალიან წაგადგებათ გარემოს შეცვლა, სადმე წასვლა, ნათესავების მონახულება. ნერვების დამშვიდებასა და მოდუნებაში დაგეხმარებათ შოპინგი, გარდერობის განახლება.

სასწორი

სასწორებმა ეს კვირა მსუბუქი განწყობითა და ოპტიმიზმით უნდა გაატაროთ. არ შეიძლება წარსულზე, წყენებზე „ჩაციკლვა“ და მით უმეტეს, შურისძიებაზე, გულში ბოღმის ჩადებაზე. აპატიეთ საკუთარ თავსაც და სხვებსაც. თქვენთვის, როგორც ასტროლოგები მიიჩნევენ, პრიორიტეტულია პატიება და კომპრომისის მოძებნა.

კვირა მნიშვნელოვანი იქნება კარიერული წარმატებებისთვისაც. არაა გამორიცხული კარიერულ კიბეზე წინსვლა, ხელფასის მომატება. საკუთარ თავზე უნდა აიღოთ პასუხისმგებლობა როგორც გამარჯვებაზე, ისე მარცხზეც. კვირის ბოლოს, შესაძლოა, თქვენი ძალები ამოიწუროს, ამიტომ თქვენთვის რეკომენდებულია საღამოობით დასვენება და პოზიტივზე და არა ნეგატივზე ფოკუსირება.

მორიელი

კვირის პირველი დღე საკმაოდ არახელსაყრელი და საშიში იქნება. ეს ეხება შაბათსაც. ამ დღეებში მეტი სიფრთხილე გმართებთ.

მომავალში წარმატებებისთვის ძალიან მნიშვნელოვანია ამ კვირაში ნათესავებთან ურთიერთობები. კავშირი უნდა გქონდეთ მეგობრებთან და ურთიერთობები – სასიამოვნო ადამიანებთან. რთულ მომენტებში შეგიძლიათ მათ დახმარება სთხოვოთ. ასტროლოგები გირჩევენ, მოერიდოთ ოჯახურ კონფლიქტებს, განსაკუთრებით უქმეებზე.

მშვილდოსანი

მშვილდოსნებმა უნდა იპოვოთ ენერგიისა და დადებითი ემოციების წყარო. მთელი შვიდი დღის განმავლობაში შრომისუნარიანობისა და კარგი განწყობის შენარჩუნება გაგიჭირდებათ, ამიტომ აუცილებლად გამონახეთ დრო დასვენებისთვის. თქვენი გარემოს შეცვლის ნიჭის გათვალისწინებით, იდეებთან დაკავშირებით პრობლემა არ უნდა გაჩნდეს.

კვირის პირველი ნაახევარი შემოქმედებას, ინტელექტუალურ მუშაობას, ახალი ცოდნის შეძენას, უცხო ენების შესწავლას მიესადაგება. ასტროლოგები გირჩევენ, ამ კვირაში შორეულ გზას არ დაადგეთ. 1–დან 4 ოქტომბრის ჩათვლით მოსალოდნელია სასიამოვნო შეხვედრები და ნაცნობობა.

თხის რქა

ასტროლოგები გირჩევენ, რომ ამ კვირაში მეტი ყურადღება დაუთმოთ სიყვარულსა და ურთიერთობებს. თუ თქვენი საყვარელი ადამიანი ეჭვიანია, სჯობს, არ მოახდინოთ მისი პროვოცირება. პირიქით, იყავით ლოიალური, გულღია დიალოგისთვის.

კარგი დროა თვალსაწიერის გაფართოებისთვის. მარტოხელებს არ გაწყენთ ახალი ნაცნობობა. რაც შეეხება სამუშაოს, ამ სფეროში იღბლიანი იქნება ნებისმიერი ახალი წამოწყება. კვირის პირველივე დღიდან ღირს ინიციატივის გამოჩნენა, თავდაჯერებულობისა და ოპტიმიზმის დემონსტრირება. კოლეგები და ხელმძღვანელობა ამას სათანადოდ შეაფასებს.

მერწყული

ამ კვირაში მერწყულებისთვის ყველაზე მნიშვნელოვანი ფინანსური სფერო გახდება. ვარსკვლავები და პლანეტები ყოველთვის კარგ განწყობაზე არ იქნებიან. ამ მხრივ უნდა იფრთხილოთ და გეგმას მისდიოთ, განსაკუთრებით 30 სექტემბერსა და 1 ოქტომბერს.

შუა კვირაში არ ღირს სესხის აღება და ძვირადღირებული რამის ყიდვა. იღბალი იმ მერწყულების გვერდით იქნება, რომლებიც დავალებებს პასუხისმგებლობით მოეკიდებიან, იმოქმედებენ და უქმად არ ისხდებიან. ეს იქნება დინამიკური დრო, როდესაც სარისკოა საქმეების თავის დინებაზე მიშვება. ამან შეიძლება დიდი პრობლემები გამოიწვიოს.

თევზები

თევზები ბედის იმედად არ უნდა იყოთ. უნდა გამოიჩინოთ მაქსიმალური აქტიურობა და მზად იყოთ ნებისმიერი ამოცანის გადასაჭრელად. ორშაბათი ძალზე ხელსაყრელი დღე იქნება, ამიტომ დილიდან უნდა განეწყოთ პოზიტიურ კილოზე, სწრაფად ჩაერთოთ მუშაობაში, მაგრამ ძალიან არ უნდა გადაიღალოთ.

იღბალზე პოზიტიურად აისახება დამოუკიდებლობა. არ ღირს დახმარების თხოვნა გარშემომყოფებისთვის, განსაკუთრებით, თუ მათთან ურთიერთობები ყოველთვის სასიამოვნოდ არ ეწყობა. მოერიდეთ არაკეთილმოსურნეებს, ამასთან, მათი რიცხვი შეიძლება გაიზარდოს.

0