სამგზავრო თვითმფრინავი თბილისის აეროპორტში

უცხოურ თვითმფრინავებს საქართველოს აეროპორტებში, შესაძლოა, ხმაური აეკრძალოთ

91
(განახლებულია 13:26 10.09.2019)
პროექტი, რომელიც მიმართულია საქართველოს აეროპორტებში თვითმფრინავების ექსპლუატაციის დროს ხმაურის დონის შემცირებისკენ, განხილვის პროცესშია.

თბილისი, 10 სექტემბერი — Sputnik. საქართველოს სამოქალაქო ავიაციის სააგენტო ქვეყნის აეროპორტებში თვითმფრინავების ექსპლუატაციის დროს ხმაურის დონის მინიმუმამდე დაყვანასა და უცხოური თვითმფრინავებისთვის შეზღუდვების დაწესებას აპირებს, ნათქვამია სააგენტოს განცხადებაში Facebook-გვერდზე.

ნორმატიული აქტის პროექტის თანახმად, სიახლე შეეხება საჰაერო ხომალდებს, რომლებიც ახორციელებენ რეგულარული ან არარეგულარული საჰაერო მიმოსვლის და/ან საავიაციო სამუშაოს საჰაერო ხომალდებით, რომელთა მაქსიმალური ასაფრენი მასა არის 34 000 კგ ან მეტი, ხოლო სამგზავრო ადგილების რაოდენობა აღემატება 19 ადგილს, ეკიპაჟის წევრებისთვის განკუთვნილი ადგილების გამოკლებით.

ხმაურის მხრივ არ შეიზღუდებიან უცხო ქვეყნის სახელმწიფო თვითმფრინავები, თვითმფრინავები, რომლებიც ფრენას ჰუმანიტარული მისიით ასრულებენ, თვითმფრინავები, რომლებიც გამოიყენებიან ქვეყანაში საგანგებო სიტუაციების დროს (ხანძარი, ბუნებრივი მოვლენები და სხვა), თვითმფრინავები, რომლებიც ახორციელებენ არაკომერციულ ფრენას ტექნიკური მიზნით (სარემონტო სამუშაოები, საჰაერო ხომალდის რეგისტრაციის ცვლილება და ა.შ.), აღნიშნულია პროექტში.

ასეთი სახით იგეგმება ნორმების დანერგვა, რომლებიც გათვალისწინებულია ევროკავშირთან ზოგადი საჰაერო სივრცის შესახებ შეთანხმებით. ეს მოთხოვნები ნაწილობრივ დაინერგა 2013 წელს საქართველოში რეგისტრირებული თვითმფრინავებისთვის.

„შესაბამისად, უცხო ქვეყნის საჰაერო ხომალდების მიერ საჰაერო მიმოსვლის შესრულებისთვის ხმაურის მოთხოვნების დადგენით ქართულ და უცხოურ ავიაკომპანიებზე თანაბარი პირობები გავრცელდება", – ნათქვამია განცხადებაში.

91
საკვები შინაური ცხოველებისთვის

სიღნაღში კომბინირებული საკვების საწარმო ამოქმედდა

66
(განახლებულია 18:16 11.07.2020)
„ერთიანი აგროპროექტის“ ფარგლებში 2013 წლიდან დღემდე სახელმწიფოს დახმარებით 225 ახალი საწარმო ამოქმედდა.

თბილისი, 11 ივლისი - Sputnik. სიღნაღის მუნიციპალიტეტის ქალაქ წნორში კომბინირებული საკვების საწარმო ამოქმედდა, ნათქვამია საქართველოს გარემოს დაცვისა და სოფლის მეურნეობის სამინისტროს მიერ გავრცელებულ განცხადებაში.

უწყების ცნობით, თანამედროვე სტანდარტებით აღჭურვილ საწარმოში თვეში 80 ტონამდე შინაური ცხოველების და თევზების საკვების წარმოებაა შესაძლებელი.

პროდუქციის რეალიზაცია ადგილობრივ ბაზარზე ბრენდ „ტაოფუდის“ სახელით ხდება.

საწარმოში ჯამში 900 ათას ლარამდე ინვესტიცია განხორციელდა, აქედან 600 ათასი ლარი შეღავათიანი აგროკრედიტია, 300 ათასი  ლარი კი -  ბენეფიციარის ინვესტიცია.

კომბინირებული საკვების საწარმოში 25 ადამიანია დასაქმებული.

2013 წლიდან დღემდე სახელმწიფოს დახმარებით „ერთიანი აგროპროექტის“ ფარგლებში 225 ახალი საწარმო ამოქმედდა.

„ერთიან აგროპროექტს“ სოფლისა და სოფლის მეურნეობის განვითარების სააგენტო ახორციელებს. პროექტი გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სურსათის უვნებლობის საერთაშორისო სტანდარტების დანერგვას.

პროგრამა  „ერთიანი აგროპროექტი" რამდენიმე ნაწილისგან შედგება – წარმოებისა და პროდუქციის გადამუშავების ხელშეწყობა, მის რეალიზაციაში დახმარება, აგროსექტორის დაზღვევის სისტემის განვითარება, ჩაის წარმოების ხელშეწყობა და სასოფლო-სამეურნეო პროდუქციის გადამამუშავებელი და შემნახველი საწარმოების თანადაფინანსება.

 

66
თემები:
საქართველოს ეკონომიკა
პლასტიკის გადამუშავება

ხობში პლასტმასის გადამამუშავებელი საწარმო აშენდება

61
ახალი საწარმო პანდემიის შემდეგ სამხრეთ-აღმოსავლეთ აზიიდან საქართველოში საწარმოს გადმოტანის ერთ-ერთი პირველი მაგალითია, მიიჩნევს თურნავა

თბილისი, 11 ივლისი — Sputnik. უახლოეს დროს ხობის მუნიციპალიტეტში პლასტმასის გადამამუშავებელი საწარმოს მშენებლობა დაიწყება, ნათქვამია ეკონომიკის სამინისტროს განცხადებაში.

საერთაშორისო კომპანიამ Global recycling co, „100 საინვესტიციო შეთავაზების“ პროექტის ფარგლებში აუქციონზე ხობში 300 კვადრატული მეტრი ფართობის მიწის ნაკვეთი შეიძინა. პირველ ეტაპზე კომპანია განახორციელებს 50 მლნ ლარის ინვესტიციას და 400 ადგილობრივი მოსახლეს დაასაქმებს.

„ხობში ჩინური ინვესტიციით პლასტმასის გადამამუშავებელი საწარმოს პროექტი, პანდემიის შემდეგ სამხრეთ-აღმოსავლეთ აზიიდან საქართველოში საწარმოს გადმოტანის ერთ-ერთი პირველი მაგალითია. პროექტი საგანგებო ვითარების პარალელურად მზადდებოდა, უახლოეს პერიოდში კი მშენებლობა დაიწყება“, - განაცხადა ეკონომიკისა და მდგრადი განვითარების მინისტრმა ნათია თურნავამ.

საერთაშორისო კომპანიის წარმომადგენლებმა საინვესტიციო პროექტი სამინისტროს უკვე წარუდგინეს.

კომპანიის გეგმებშია - სამხრეთ-აღმოსავლეთ აზიიდან პლასტმასის გადამამუშავებელი საწარმოს გადმოტანა, შემდეგ კი აღნიშნული მიწოდების ჯაჭვში ჩართული სხვა საწარმოების გახსნა. მათი თქმით, ეს გააუმჯობესებს როგორც ადგილობრივ ეკონომიკურ, სოციალურ და ეკოლოგიურ მდგომარეობას, ისე მთლიანად ქვეყანაში არსებულ ვითარებას.

საწარმოში წარმოებული პოლიმერული გრანულები როგორც ადგილობრივ, ისე უცხოურ ბაზრებზე გაიყიდება.

„ვეფხისტყაოსნის ტყე“ ყოფილ ნაგავსაყრელზე - რას სთავაზობენ ქალაქის მერს >>

როგორც ადრე იუწყებოდა ეკონომიკის სამინისტრო, კომპანია თავისუფალი ინდუსტრიული ზონის განვითარებას და პოლიმერგადამამუშავებელი უცხოური კომპანიების მოზიდვას გეგმავს. შედეგად ადგილზე ახალი საექსპორტო პროდუქციის წარმოების მთლიანი ჯაჭვი შეიქმნება.

საინვესტიციო შეთავაზებები ბიზნესს

პროექტი „100 საინვესტიციო შეთავაზება“ საქართველოში 2019 წლის შემოდგომიდან ხორციელდება. პროგრამის ფარგლებში უკვე 48,8 მილიონი ლარის ღირებულების 45 ობიექტი გაიყიდა.

ის ითვალისწინებს 100 პარალელური აუქციონის ერთდროულად ჩატარებას და სახელმწიფო საკუთრების გამარტივებული პროცედურით პრივატიზაციას. ობიექტების ჩამონათვალშია უძრავი ქონება – სამრეწველო ობიექტები, სასაწყობე და ფერმერული მეურნეობები, სამედიცინო დაწესებულებები, სპორტული ინფრასტრუქტურა, სასტუმროები და სხვ. ეს გადაწყვეტილება ხელისუფლებამ მიიღო იმ მიზნით, რომ ბიზნესმა უფრო ეფექტური ოპერირება შეძლოს.

აუქციონზე გატანილი ქონების საწყისი ღირებულება 150 მილიონ ლარს შეადგენს. პროექტის განხორციელების შედეგად ქვეყანაში 2,5 ათასი სამუშაო ადგილი შეიქმნება. მოსალოდნელი ინვესტიციების მოცულობა დაახლოებით 200 მილიონი ლარია.

61
თემები:
საქართველოს ეკონომიკა
ავიაკომპანია „პობედას“ სტიუარდესა

რუსეთი 15 ივლისიდან საერთაშორისო ფრენების აღდგენას იწყებს

0
რუსეთის ხელისუფლებამ განაცხადა, რომ საზღვრების გახსნის თარიღი ეპიდემიოლოგიურ სიტუაციაზე იქნება დამოკიდებული

თბილისი, 12 ივლისი – Sputnik. რუსეთის ვიცე-პრემიერმა ტატიანა გოლიკოვამ განაცხადა, რომ 15 ივლისიდან ხელისუფლება საერთაშორისო ფრენებზე დაწესებული შეზღუდვების ეტაპობრივ მოხსნას დაიწყებს, იუწყება РИА Новости.

უცნობი და უფრო საშიში პნევმონია ყაზახეთში: ჯანმო მუდმივ კონტაქტზეა >>

პანდემიის გამო რუსეთმა 27 მარტიდან სხვა ქვეყნებთან რეგულარული და ჩარტერული ავიამიმოსვლა შეწყვიტა. გამონაკლისს შეადგენს რეისები, რომლითაც რუსეთის მოქალაქეები სამშობლოში ბრუნდებიან, ასევე სატვირთო, საფოსტო, სანიტარული და ზოგიერთი სხვა ფრენები. ადრე გამოცხადდა, რომ საზღვრების გახსნის თარიღი ეპიდემიოლოგიურ სიტუაციაზე იქნება დამოკიდებული.

„ეს შესაძლებელი გახდა, რადგან, როგორც მოგეხსენებათ, რუსეთში უკვე საკმაოდ დიდი ხნის განმავლობაში ავადობის და ახალი კორონავირუსული ინფექციის გამოვლენილი შემთხვევების შემცირება ფიქსირდება“, - განაცხადა მან ბრიფინგზე.

ვიცე-პრემიერის თქმით, ავიამიმოსვლის აღდგენა დაიწყება იმ ქვეყნებთან, სადაც COVID-19-ით ინფიცირება 100 ათას მოსახლეზე 40 შემთხვევას არ აღემატება.

ინფიცირებულთა საშუალო დღიური მატება და დაავადების გავრცელების მაჩვენებელი ამ სახელმწიფოებში არ უნდა აღემატებოდეს 1%-ს.

გოლიკოვას განცხადებით, საავიაციო ხელისუფლებამ უნდა გამართოს მოლაპარაკებები და დაადგინოს, რომელი ქვეყნები შეესაბამება ამ კრიტერიუმებს. ავიამიმოსვლის აღდგენა ორმხრივი პრინციპით მოხდება.

რუსეთში შესვლისას უცხოელებმა უნდა წარმოადგინონ ცნობა ჯანმრთელობის შესახებ, რომელიც საზღვრის გადაკვეთამდე არაუმეტეს სამი დღით ადრეა გაცემული. რაც შეეხება რუსეთის მოქალაქეებს, მათ შეუძლიათ აჩვენონ კორონავირუსზე ტესტის შედეგები ან ეს ტესტი სამშობლოში ჩაიტარონ.

0
თემები:
COVID-19-ის პანდემია მსოფლიოში