გიორგი გახარია

გიორგი გახარია: თვითდასაქმებულთა რაოდენობა ბოლო ხუთი წლის განმავლობაში 20%-ით შემცირდა

102
(განახლებულია 13:58 08.09.2019)
დღეს საკანონმდებლო ორგანომ საქართველოს მთავრობის ახალი შემადგენლობა უნდა დაამტკიცოს.

თბილისი, 8 სექტემბერი — Sputnik. წელს პირველი წელია, როდესაც ქვეყანაში თვითდასაქმებულების რაოდენობა 1%-ით ნაკლებია ოფიციალურად დასაქმებულ ადამიანებზე, განაცხადა საქართველოს პრემიერ-მინისტრობის კანდიდატმა გიორგი გახარიამ პარლამენტში.

კვირას პარლამენტმა გიორგი გახარიას, მის მიერ წარდგენილ მინისტრთა კაბინეტსა და სამთავრობო პროგრამას ნდობა უნდა გამოუცხადოს.

მმართველ პარტიას ახალი მთავრობისთვის ნდობის გამოსაცხადებლად საკმარისზე მეტი ხმები აქვს. ამისათვის საკმარისია მინიმუმ 76 ხმა, ანუ საპარლამენტო უმრავლესობა.

„თვითდასაქმებულების რაოდენობა ბოლო 5 წლის განმავლობაში შემცირებულია 20 პროცენტით. ეს არის ძირითადი, ერთ-ერთი ყველაზე მნიშვნელოვანი მიღწევა, ის ტენდენცია, რაც უნდა გავაძლიეროთ და უნდა გვქონდეს ყურადღება გამახვილებული", - განაცხადა გახარიამ.

საქართველოს ეროვნული სტატისტიკის სამსახურის (საქსტატი) ინფორმაციით, უმუშევრობის დონე გასულ წელს საქართველოში 1,2%-ით შემცირდა და 12,7% შეადგინა, რაც ბოლო 15 წლის განმავლობაში ყველაზე დაბალი მაჩვენებელია.

ოფიციალურად დასაქმებული ადამიანების რაოდენობამ 2018 წელს თვითდასაქმებულთა რაოდენობას გადააჭარბა და დაახლოებით 51% შეადგინა.

ექსპერტების მოსაზრებით, უმუშევრობის დონის შემცირება ეკონომიკის პროდუქტიულ სექტორებში ახალი სამუშაო ადგილების შექმნის ზრდაზე მიუთითებს.

2019 წელს დასაქმების და უმუშევრობის გამოთვლის მეთოდოლოგიაში ფუნდამენტური ცვლილებები შევიდა. კერძოდ, ერთ-ერთ უმთავრეს ცვლილებას წარმოადგენს საკუთარი მოხმარებისთვის მომუშავე თვითდასაქმებულთა (პირველ რიგში, სოფლის მეურნეობის სფეროში) სტატუსის მქონე პირთა გამორიცხვა დასაქმებულთა კატეგორიიდან.

102
თემები:
საქართველოს ეკონომიკა (667)
ვალუტის კურსი

ლარის კურსი 3 აგვისტოს

171
(განახლებულია 21:56 02.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 3 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0719 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

ლარის კურსი 3 აგვისტოს
171
თემები:
ლარის კურსი დღეს
ალუნიმისა და მეტალო–პლასტმასის პროდუქციის საწარმო

ალუმინისა და მეტალო–პლასტმასის პროდუქცია საქართველოდან: ქუთაისში საწარმო გაიხსნა

103
(განახლებულია 15:47 02.08.2020)
საწარმოში თავიდან 15 ადამიანის დასაქმება იგეგმება, თუმცა, გაფართოების შემდეგ დასაქმებულთა რაოდენობა 100-მდე გაიზრდება.

თბილისი, 2 აგვისტო  — Sputnik.  ქუთაისში ახალი საწარმო გაიხსნა, რომელიც ალუმინისა და მეტალო–პლასტმასის პროდუქციას გამოუშვებს,  იუწყება საქართველოს ეკონომიკისა და მდგრადი განვითრების სამინისტრო.

იგი  მეწარმეობის სტიმულირების სამთავრობო პროგრამის „აწარმოე საქართველოში“ მხარდაჭერით აშენდა.  საწყის ეტაპზე პროდუქციის ადგილობრივ ბაზარზე რეალიზაცია იგეგმება. 

 „ჩვენთვის ძალიან მნიშვნელოვანია ახალი საწარმოების გახსნა და ახალი სამუშაო ადგილების შექმნა. ეს არის ჩვენი მთავარი პრიორიტეტი. განახლებული პროგრამით „აწარმოე საქართველოში“ შესაძლებელი გახდება უფრო მეტი საწარმოს მხარდაჭერა. რაც შეეხება სამშენებლო მასალათა ბაზარს, ის ძალიან პერსპექტიულია - ჩვენ გაგვაჩნია საკუთარი რესურსი, ასევე მოთხოვნა ჩვენს ბაზარზე და ექსპორტის დიდი პოტენციალი“ - განაცხადა ეკონომიკის მინისტრმა ნათია თურნავამ ჟურნალისტებთან.  

საწარმოში 700 ათასი ლარის მოცულობის ინვესტიცია განხორციელდა. თავდაპირველად ადგილზე 15 ადამიანის დასაქმება იგეგმება, თუმცა, გაფართოების შემდეგ დასაქმებულთა რაოდენობა 100-მდე გაიზრდება.

კორონავირუსის პანდემიამ გამოწვევის წინაშე დააყენა არა მხოლოდ ქართული ბიზნესი, არამედ ასევე სახელმწიფო სააგენტოც, რომლის ერთ-ერთი მიზანი ქვეყანაში სამეწარმეო გარემოს გაუმჯობესებაა. ადგილობრივი მეწარმეობის მხარდასაჭერად საქართველოს მთავრობამ გააფართოვა პროექტი „აწარმოე საქართველოში“ და ის ახლა 300-ზე მეტი სახის ბიზნეს-საქმიანობას მოიცავს.

სამთავრობო პროგრამა „აწარმოე საქართველოში“ 2014 წლის ზაფხულში შეიქმნა. მისი მიზანია ქვეყანაში ადგილობრივი წარმოების წახალისება. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ქვეყნის ბიზნეს-სექტორისა და ეკონომიკური განვითარების ხელშეწყობისკენ მიმართული ყველა სახელმწიფო პროგრამა.

2014 წლიდან სააგენტომ მხარი დაუჭირა 359 სამეწარმეო პროექტს, რომლის შედეგადაც ქვეყანაში 13 ათასზე მეტი სამუშაო ადგილი გაჩნდა. გასუ წელს დაფინანსდა 85 პროექტი, რაც 31%–ით მეტია 2018 წელთან შედარებით.

19%–ით გაიზარდა კერძო სექტორის მხრიდან ინვესტიციები. სააგენტოს ხელშეწყობით 2019 წელს ქვეყანაში ხუთი ახალი საინვესტიციო პროექტი გაჩნდა, რომლებმაც ქვეყანას 83 მლნ დოლარის პირდაპირი უცხოური ინვესტიციები მოუტანა და 850 ახალი სამუშაო ადგილი შექმნა.

103
თემები:
საქართველოს ეკონომიკა (667)

ცხოვრება სტიქიის შემდეგ: რაჭაში წყალდიდობის შედეგების აღმოფხვრაზე მუშაობენ - ვიდეო

0
რაჭაში გადაუღებელი წვიმის გამო მოვარდნილი წყალდიდობის შედეგების ლიკვიდაცია და აღდგენითი სამუშაოები მიმდინარეობს. იხილეთ Sputnik-საქართველოს კადრები შემთხვევის ადგილიდან

რაჭაში ძლიერი წვიმის შედეგად კალაპოტებიდან გადმოვიდა მდინარეები, რომლებმაც ონის რაიონში დააზიანა სახლები, გზები და ინფრასტრუქტურა. ადიდებულმა მდინარეებმა დატბორა მიმდებარე ტერიტორიები. 12 სოფელი, რომლებშიც 2 ათასამდე მოსახლეა, გარესამყაროს მოწყდა.

სტიქიური უბედურების ზონაში მცხოვრებთა ევაკუაცია სასაზღვრო პოლიციის ვერტმფრენებით განხორციელდა.

ახლა რაჭაში მიმდინარეობს გზისა და ინფრასტრუქტურის აღდგენითი სამუშაოები. წინასწარი შეფასებით, წყალდიდობის შედეგების აღმოსაფხვრელად 50 მილიონი ლარი დაიხარჯება.

0