სწრაფი გადახდის აპარატები

საქართველოს ეროვნულმა ბანკმა ფასების ზრდასთან ბრძოლა დაიწყო

138
(განახლებულია 19:06 04.09.2019)
ეროვნული ბანკი, აუცილებლობის შემთხვევაში, პოლიტიკის შემდგომი გამკაცრების კუთხით საგანგებო გადაწყვეტილებების მიღებას არ გამორიცხავს.

თბილისი, 4 სექტემბერი — Sputnik. საქართველოს ეროვნულმა ბანკმა, გაძლიერებული ინფლაციური მოლოდინების საპასუხოდ, გაამკაცრა მონეტარული პოლიტიკა ლარის კურსის გაუფასურების საპასუხოდ, ნათქვამია რეგულატორის განცხადებაში.

საქართველოს ეროვნული ბანკის მონეტარული პოლიტიკის კომიტეტმა ოთხშაბათს რეფინანსირების განაკვეთი 0,5 საპროცენტო პუნქტით – 7%-მდე გაზარდა.

რეფინანსირების განაკვეთი – პროცენტის ოდენობაა წლიური გამოანგარიშებით, რომელსაც საკრედიტო ორგანიზაციები ეროვნულ ბანკს მათთვის გამოყოფილი კრედიტებისთვის უხდიან. განაკვეთი ეროვნული ბანკის ფულად-საკრედიტო პოლიტიკის ძირითადი ინსტრუმენტია და საფინანსო სექტორში საბაზრო განაკვეთების ორიენტირად არის მიჩნეული.

განაკვეთი ბოლოს მარტში შეიცვალა, როდესაც ის 6,75%-დან 6,5%-მდე შემცირდა.

ეროვნული ბანკი მზადაა, მონეტარული პოლიტიკა გაამკაცროს

ეროვნული ბანკის მონაცემებით, აგვისტოში ინფლაციის წლიურმა დონემ 4,9% შეადგინა.

„სიგარეტზე აქციზის გადასახადის ზრდა (წვლილი – 0.8 პროცენტული პუნქტი) კვლავ რჩება წლიური ინფლაციის მაღალ ნიშნულზე შენარჩუნების ერთ-ერთ მიზეზად. ამავე დროს ბოლო პერიოდში გაიზარდა ნომინალური ეფექტური გაცვლითი კურსის გაუფასურების ინფლაციაზე გავლენა. აღსანიშნავია, რომ საბაზო ინფლაცია, რომელიც გამორიცხავს სურსათის, ენერგომატარებლებისა და თამბაქოს ფასებს, კვლავ დაბალია და 2.4 პროცენტს შეადგენს, რაც მოთხოვნის მხრიდან ინფლაციაზე ზეწოლის სისუსტეზე მიუთითებს", – აღნიშნულია ეროვნული ბანკის განცხადებაში.

ამასთან, ქვეყანაში ერთობლივი მოთხოვნა პოტენციურ დონეებზე დაბალი რჩება, რაც გაცვლითი კურსის მხრიდან ინფლაციაზე ზეწოლის ნაწილობრივ კომპენსირებას ახდენს.

ეროვნული ბანკის პროგნოზით, ამჟამინდელი პირობების შენარჩუნების შემთხვევაში, ინფლაცია წელს მიზნობრივ დონეზე (3%) მაღლა დარჩება. მაჩვენებელი შემცირებას მომავალი წლის მარტიდან დაიწყებს და საშუალოვადიან პერსპექტივაში მიზნობრივ დონესთან ახლო დარჩება.

„ნომინალური ეფექტური გაცვლითი კურსის არსებული გაუფასურება ინფლაციურ მოლოდინებს აძლიერებს. შესაბამისად, მონეტარული პოლიტიკის კომიტეტმა მიიღო გადაწყვეტილება პოლიტიკის განაკვეთის გაზრდის შესახებ", – აღნიშნულია პრეს-რელიზში.

ამასთან, დოკუმენტში აღნიშნულია, რომ ეროვნული ბანკი მზადაა, განაგრძოს პოლიტიკის გამკაცრება, სანამ ზეწოლა გაცვლით კურსზე არ შესუსტდება.

ბევრი ლარი და ცოტა დოლარი... ანუ მთავარი ბანკირის ჰობი თუ თვითმიზანი?>>

მონეტარული პოლიტიკის კომიტეტის შემდეგი სხდომა 2019 წლის 23 ოქტომბერს გაიმართება, თუმცა, საჭიროების შემთხვევაში, კომიტეტი რიგგარეშე სხდომას ჩაატარებს.

138
თემები:
საქართველოს ეკონომიკა (667)
ვალუტის კურსი

ლარის კურსი 3 აგვისტოს

334
(განახლებულია 21:56 02.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 3 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0719 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

ლარის კურსი 3 აგვისტოს
334
თემები:
ლარის კურსი დღეს
ალუნიმისა და მეტალო–პლასტმასის პროდუქციის საწარმო

ალუმინისა და მეტალო–პლასტმასის პროდუქცია საქართველოდან: ქუთაისში საწარმო გაიხსნა

111
(განახლებულია 15:47 02.08.2020)
საწარმოში თავიდან 15 ადამიანის დასაქმება იგეგმება, თუმცა, გაფართოების შემდეგ დასაქმებულთა რაოდენობა 100-მდე გაიზრდება.

თბილისი, 2 აგვისტო  — Sputnik.  ქუთაისში ახალი საწარმო გაიხსნა, რომელიც ალუმინისა და მეტალო–პლასტმასის პროდუქციას გამოუშვებს,  იუწყება საქართველოს ეკონომიკისა და მდგრადი განვითრების სამინისტრო.

იგი  მეწარმეობის სტიმულირების სამთავრობო პროგრამის „აწარმოე საქართველოში“ მხარდაჭერით აშენდა.  საწყის ეტაპზე პროდუქციის ადგილობრივ ბაზარზე რეალიზაცია იგეგმება. 

 „ჩვენთვის ძალიან მნიშვნელოვანია ახალი საწარმოების გახსნა და ახალი სამუშაო ადგილების შექმნა. ეს არის ჩვენი მთავარი პრიორიტეტი. განახლებული პროგრამით „აწარმოე საქართველოში“ შესაძლებელი გახდება უფრო მეტი საწარმოს მხარდაჭერა. რაც შეეხება სამშენებლო მასალათა ბაზარს, ის ძალიან პერსპექტიულია - ჩვენ გაგვაჩნია საკუთარი რესურსი, ასევე მოთხოვნა ჩვენს ბაზარზე და ექსპორტის დიდი პოტენციალი“ - განაცხადა ეკონომიკის მინისტრმა ნათია თურნავამ ჟურნალისტებთან.  

საწარმოში 700 ათასი ლარის მოცულობის ინვესტიცია განხორციელდა. თავდაპირველად ადგილზე 15 ადამიანის დასაქმება იგეგმება, თუმცა, გაფართოების შემდეგ დასაქმებულთა რაოდენობა 100-მდე გაიზრდება.

კორონავირუსის პანდემიამ გამოწვევის წინაშე დააყენა არა მხოლოდ ქართული ბიზნესი, არამედ ასევე სახელმწიფო სააგენტოც, რომლის ერთ-ერთი მიზანი ქვეყანაში სამეწარმეო გარემოს გაუმჯობესებაა. ადგილობრივი მეწარმეობის მხარდასაჭერად საქართველოს მთავრობამ გააფართოვა პროექტი „აწარმოე საქართველოში“ და ის ახლა 300-ზე მეტი სახის ბიზნეს-საქმიანობას მოიცავს.

სამთავრობო პროგრამა „აწარმოე საქართველოში“ 2014 წლის ზაფხულში შეიქმნა. მისი მიზანია ქვეყანაში ადგილობრივი წარმოების წახალისება. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ქვეყნის ბიზნეს-სექტორისა და ეკონომიკური განვითარების ხელშეწყობისკენ მიმართული ყველა სახელმწიფო პროგრამა.

2014 წლიდან სააგენტომ მხარი დაუჭირა 359 სამეწარმეო პროექტს, რომლის შედეგადაც ქვეყანაში 13 ათასზე მეტი სამუშაო ადგილი გაჩნდა. გასუ წელს დაფინანსდა 85 პროექტი, რაც 31%–ით მეტია 2018 წელთან შედარებით.

19%–ით გაიზარდა კერძო სექტორის მხრიდან ინვესტიციები. სააგენტოს ხელშეწყობით 2019 წელს ქვეყანაში ხუთი ახალი საინვესტიციო პროექტი გაჩნდა, რომლებმაც ქვეყანას 83 მლნ დოლარის პირდაპირი უცხოური ინვესტიციები მოუტანა და 850 ახალი სამუშაო ადგილი შექმნა.

111
თემები:
საქართველოს ეკონომიკა (667)
ლილოს ბაზრობა

ჯერი „ელიავას“ ბაზრობაზეა: ლილოსა და „დინამოს“ ბაზრობებზე კორონავირუსზე ტესტირება დასრულდა

0
(განახლებულია 20:39 03.08.2020)
კორონავირუსით ინფიციფრების ექვსისვე შემთხვევა ლილოს ბაზრობაზე დასაქმებულთა ტესტირების შედეგად გამოვლინდა. სადაც ჯამში 4700-ზე მეტი პირი დაიტესტა.

თბილისი, 3 აგვისტო - Sputnik. ლილოსა და ე.წ. დინამოს ბაზრობაზე დასაქმებულთა ტესტირება დასრულდა, შედეგად კორონავირუსით ინფიცირების ექვსი შემთხვევა გამოვლინდა, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ, იუწყება პირველი არხი.

ინფიცირების წყარო ვერ დგინდება: კორონავირუსის ახალი შემთხვევები საქართველოში>>

კორონავირუსით ინფიციფრების ექვსივე შემთხვევა ლილოს ბაზრობაზე დასაქმებულთა ტესტირების შედეგად გამოვლინდა, სადაც ჯამში 4700-ზე მეტი პირი დაიტესტა. ამასთან, ეპიდემიოლოგები იკვლევენ აღნიშნულ ბაზრობასთან დაკავშირებული ოჯახის კონტაქტებსაც. აქედან გამომდინარე, შესაძლოა, ლილოს ბაზრობასთან დაკავშირებული სტატისტიკა კიდევ გაიზარდოს.

რაც შეეხება ე.წ. დინამოს ბაზრობას, ამირან გამყრელიძის თქმით, იქ შემთხვევითი შერჩევის პრინციპით 500-მდე ადამიანი დაიტესტა და ყველა პასუხი უარყოფითია.

„იმავე პრინციპით 500-მდე ადამიანის გამოკვლევა მიმდინარეობს ე.წ. ელიავას ბაზრობაზე, სადაც ეპიდემილოგები კიდევ რამდენიმე დღე იმუშავებენ. ეპიდვითარების გათვალისწინებით დაიგეგმება სხვა ბაზრობების კვლევაც“, – აღნიშნა გამყრელიძემ.

ამირან გამყრელიძის ცნობით, ბოლო კვირების განმავლობაში დადასტურებულ შემთხვევებიდან ყველას ინფიცირების წყარო დადგენილია.

რამდენიმე დღის წინ გარდაბნის მუნიციპალიტეტის სოფლებში კორონავირუსის ახალი შემთხვევები გამოვლინდა. ინფიცირების ჯაჭვის მიხედვით ეპიდემიოლოგები ლილოს ბაზრობაზე გავიდნენ, სადაც გარდაბნის მცხოვრებლები ვაჭრობენ. ამ ფაქტის გამო სპეციალისტებმა ყველა მოვაჭრის შემოწმება დაიწყეს.

 ლილოს ბაზრობის მსგავსად, კორონავირუსზე  სხვა ბაზრების მოვაჭრეთა შემოწმებაც იგეგმება.

3  აგვისტოს მონაცემებით, საქართველოში ინფიცირებულთა რიცხვმა 1179-ს მიაღწია, გამოჯანმრთელდა 959, გარდაიცვალა 17 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში