რთველი

რთველი 2019: კახეთში საკოორდინაციო შტაბი გაიხსნა

295
(განახლებულია 12:48 22.08.2019)
ჩაბარებული ყურძნის რაოდენობა ერთი ჰექტარიდან ათ ტონას არ უნდა აღემატებოდეს.

თბილისი, 22 აგვისტო — Sputnik. „რთველი 2019“-ის საკოორდინაციო შტაბმა კახეთში მუშაობა დაიწყო, იუწყება პირველი არხი.

საქართველოს ზოგიერთ რაიონში რთველი უკვე დაიწყო. წელს კახეთში 250 ათასამდე ტონა ყურძნის მოსავალს ელოდებიან.

მევენახეები კადასტრის ამონაწერის გარეშე ყურძენს ვერ ჩააბარებენ>>

საკოორდინაციო შტაბის ძირითადი ფუნქციაა ყურძნის ორგანიზებული ჩაბარების უზრუნველყოფა და მისი აღრიცხვა. შტაბში დარეგისტრირება შეუძლია ნებისმიერ ღვინის მწარმოებელს. მან უნდა მიუთითოს ყურძნის რაოდენობა და მისი ყიდვის სასურველი ფასი. ამის შემდეგ მევენახე, რომელსაც ყურძნის ჩაბარება სურს, მიმართავს შტაბს და ეძებს კომპანიას, რომელიც მისთვის მისაღებ ფასად ჩაიბარებს მოსავალს.

„შტაბიდან თითო ღვინის ქარხანაზე 4-5 ადამიანი იქნება მიმაგრებული როგორც ადგილობრივი, ასევე რეგიონული ორგანიზაციიდან, და ჩვენი სამინისტროს წარმომადგენელი, რომ ლოგისტიკა განხორციელდეს მობილურად და მოქნილად. ვფიქრობ, პროცესები პოზიტიურად წავა", – განაცხადა გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა.

წელს პირველად „ქინძმარაულისა" და „მუკუზანის" ადგილწარმოშობის ზონაში მოყვანილი ყურძნის ჩაბარება–გადამუშავებას კადასტრის ელექტრონულ სისტემაში დარეგისტრირებული ფერმერები შეძლებენ. ამონაწერის გაცემა უფასოა.

კადასტრიდან ამონაწერის დასამოწმებლად ფერმერებმა შესაბამის სამსახურებს 1 სექტემბრამდე უნდა მიმართონ. ისინი განთავსებულია ყვარლისა და გურჯაანის საინფორმაციო-საკონსულტაციო სამსახურებში, ასევე სოფლებში: ველისციხე, კალაური, ვაჩნაძიანი, ჩუმლაყი, ვაზისუბანი, ახაშენი, მუკუზანი, შაშიანი.

ასევე შეიქმნა კადასტრის მობილური ჯგუფი, რომელიც გურჯაანისა და ყვარლის რაიონების სოფლებში გადაადგილდება.

ჩაბარებული ყურძნის რაოდენობა ერთი ჰექტარიდან ათ ტონას არ უნდა აღემატებოდეს. ათ ტონაზე მეტი ყურძენი შეფასდება, როგორც მაღალი ხარისხის ღვინის მასალა.

295
თემები:
საქართველოს ეკონომიკა (638)
პიტერ სიიარტო

„ექსიმბანკი“ უნგრულ კომპანიებს საქართველოში ინვესტიციების განხორციელებაში დაეხმარება

35
(განახლებულია 07:54 07.07.2020)
უნგრეთის ბანკმა შექმნა 155 მილიონი ევროს მოცულობის ფონდი, რომელიც შეიძლება დაიხარჯოს საქართველოს ტერიტორიაზე.

თბილისი, 7 ივლისი  — Sputnik.  უნგრეთის ექსპორტ–იმპორტის ბანკმა „ექსიმბანკმა“  საკრედიტო ხაზი გამოყო იმ უნგრული კომპანიებისთვის, რომლებიც საქართველოში ინვესტიციების განხორციელებას გადაწყვეტენ, იუწყება საქართველოს ეკონომიკისა და მდგრადი განვითარების სამინისტრო.

ეკონომიკის მინისტრმა ნათია თურნავამ უნგრეთის საგარეო საქმეთა მინისტრ პიტერ სიიარტოსთან შეხვედრა გამართა, რომელიც საგანგებო მდგომარეობის დასრულების შემდეგ პირველი მაღალი რანგის სტუმარია საქართველოში. თურნავას თქმით, უნგრეთი საქართველოს სტრატეგიული პარტნიორია, ქვეყნებს ბევრი საერთო პროგრამა და პროექტი, ასევე მზარდი ეკონომიკური თანამშრომლობა აქვთ.  


„უნგრეთის საგარეო საქმეთა და ვაჭრობის მინისტრმა აღნიშნა, რომ უნგრეთის სახელმწიფო განვითარების ბანკ „ექსიმბანკში“ სპეციალური საკრედიტო ხაზია გამოყოფილი იმ უნგრული კომპანიებისთვის, რომლებიც საქართველოში თავისი თანხების დაბანდებას გადაწყვეტენ. უნგრეთის მინისტრმა ბრძანა, რომ ჩვენს მსგავსად, უნგრელი ინვესტორებიც ხედავენ საგარეო ბაზარზე ახალ შესაძლებლობებს, რომლებიც გაჩნდა პოსტპანდემიურ პერიოდში. კომპანიებს სურთ დივერსიფიკაცია“, - განაცხადა ნათია თურნავამ.

როგორც სიიარტომ განაცხადა, უნგრეთის ბანკმა შექმნა 155 მილიონი ევროს მოცულობის ფონდი, რომელიც შეიძლება დაიხარჯოს საქართველოს ტერიტორიაზე.

„საქსტატის“ მონაცემებით, 2019 წელს უნგრეთიდან საქართველოში ინვესტიციების მოცულობამ 2,7 მლნ დოლარი შეადგინა, რაც თითქმის ორჯერ აღემატება 2018 წლის ანალოგიური პერიოდის მაჩვენებელს.

ორმხრივი ურთიერთობები

საქართველომ და უნგრეთმა დიპლომატიური ურთიერთობები 1992 წლის 14 მარტს დაამყარეს. ქვეყნები თანამშრომლობენ ეკონომიკის, ვაჭრობის, ტრანსპორტის, ტურიზმის, განათლებისა და მეცნიერების სფეროებში. 

ტურიზმის ეროვნული ადმინისტრაციის მონაცემებით, 2019 წელს საქართველოს დაახლოებით 7,8 ათასი უნგრელი ეწვია, რაც 18,9%-ით მეტია 2018 წლის ანალოგიურ მაჩვენებელთან შედარებით. 

სტატისტიკის ეროვნული სამსახურის მონაცემებით, 2018 წელს ქვეყნებს შორის სავაჭრო მოცულობამ დაახლოებით 45,9 მლნ დოლარი შეადგინა, რაც 5,6%–ით ნაკლებია 2018 წლის მონაცემთან შედარებით.

საქართველოსა და უნგრეთს შორის ურთიერთობების გაღრმავების მიზნით 2013 წლიდან ფუნქციონირებს სახელმწიფოთაშორისი კომისია ეკონომიკური თანამშრომლობის საკითხებში.

35
თემები:
საქართველოს საგარეო პოლიტიკა
კოლხური ხოხობი

კოლხური ხოხბები და ხონთქრის ქათმები - ხობის რაიონში საწიწილე მეურნეობა გაიხსნა

79
(განახლებულია 17:19 06.07.2020)
ახალი მეურნეობის ძირითადი დანიშნულება ამ იშვიათი ფრინველის გამრავლება და შემდეგ ველურ ბუნებაში გაშვებაა

თბილისი, 6 ივლისი — Sputnik. ხობის მუნიციპალიტეტის სოფელ ნოჯიხევში საქართველოს გარემოს დაცვისა და სოფლის მეურნეობის სამინისტროს ველური ბუნების დაცვის სააგენტომ კოლხური ხოხბის საწიწილე მეურნეობა მოაწყო, იუწყება პირველი არხი.

მეურნეობა მოიცავს ბუნებასთან ინტეგრირებულ ვოლიერებს, საინკუბატორო-საწიწილე ნაგებობებსა და ადმინისტრაციულ შენობას.

ფერმაში, გარდა კოლხური ხოხობისა, ასევე მოაშენებენ ხონთქრის ქათმებს (Porphyrio porphyriо). სააგენტოს წარმომადგენლის განცხადებით, წლის ბოლოსთვის ხოხბების რაოდენობა ათასამდე გაიზრდება.

ფრინველის საკვების უზრუნველსაყოფად წელს ათამდე ჰექტარზე სიმინდი დათესეს. მომავალში მზესუმზირისა და მცენარეთა ენდემური სახეობების დათესვა იგეგმება.

ხობის მუნიციპალიტეტის წარმომადგენლის განცხადებით, მეურნეობის ძირითადი ამოცანაა ხოხბების მომრავლება და მათი ველურ ბუნებაში დაბრუნება.

კოლხური ხოხობი მოშინაურებულ ფრინველთა რიცხვს განეკუთვნება. ის ბუდობს ტყეებსა და ბუჩქნარში.

ველური ბუნების სააგენტო საქართველოს ფლორისა და ფაუნის შენარჩუნებაზე ზრუნავს, მათ შორის, იშვიათი სახეობის ფრინველებისა და მცენარეების.

79
თემები:
საქართველოს სოფლის მეურნეობა