ბათმის პორტი

საქართველოს საგარეო ბრუნვა: ექსპორტი იზრდება, იმპორტი მცირდება

90
(განახლებულია 08:47 14.08.2019)
საქართველოს ეკონომიკისა და მდგრადი განვითარების სამინისტრო ექსპორტის ზრდას ხსნის რამდენიმე ფაქტორით, მათ შორის, გასაღების ბაზრების გეოგრაფიის გაფართოებით.

თბილისი,  14 აგვისტო – Sputnik.  საქართველოს საგარეო ვაჭრობა 2019 წლის იანვარ–ივლისში, გასული წლის ანალოგიურ პერიოდთან შედარებით, 0,2%–ით დაეცა და 7 მლრდ–ზე მეტი შეადგინა, ნათქვამია საქართველოს სტატისტიკის ეროვნული სასმახურის („საქსტატი“) მასალებში. 

2019 წლის დასაწყისიდან, გასული წლის ანალოგიურ ვითარებასთან შედარებით, იმპორტი 4,7% შეადგინა და დაახლოებით 5 მლრდ დოლარი შეადგინა.

ამავე დროს ქართული პროდუქციის ექსპორტი 2019 წლის იანვარ-ივლისში, გასული წლის იმავე პერიოდთან შედარებით, 12,3%-ით გაიზარდა და დაახლოებით 2,1  მლრდ დოლარს გაუტოლდა.

საქართველოს ეკონომიკისა და მდგრადი განვითარების სამინისტრო ექსპორტის ზრდას ხსნის რამდენიმე ფაქტორით, მათ შორის, გასაღების ბაზრების გეოგრაფიის გაფართოებით.

კერძოდ, საქართველოს მთავრობა ექსპორტის შემდგომ ზრდასა და დივერსიფიკაციაზე აქტიურად მუშაობს. თავისუფალი ვაჭრობის სფეროში გაფორმებული ხელშეკრულებები ხელს უწყობს ქართული პროდუქციის გასაღების ბაზრების გაფართოებას, საექსპორტო პროდუქციის დივერსიფიკაციას და საექსპორტო პოტენციალის დამატებითი ზრდის შესაძლებლობას ქმნის.

საქართველო პროდუქციის გასაღების ბაზრებს აფართოებს

საქართველო და ინდოეთი დაიწყებენ მოლაპარაკებებს თავისუფალი ვაჭრობის შესახებ - კვლევამ აჩვენა, რომ საქართველოსა და ინდოეთს შორის თავისუფალი ვაჭრობა ორივე მხარისთვის მომგებიანი იქნება, ნათქვამია 2018 წლის 12 იანვრით დათარიღებულ საქართველოს ეკონომიკის სამინისტროს განცხადებაში. 

თავისუფალი ვაჭრობის შესაძლებლობის კვლევის დაწყების მიზანშეწონილობის შესახებ შეთანხმება საქართველომ და ინდოეთმა 2017 წლის აპრილში გააფორმეს.

ბოლო პერიოდში საქართველომ თავისუფალი ვაჭრობის შესახებ ხელშეკრულებები გააფორმა ევროკავშირთან, ევროპის თავისუფალი ვაჭრობის ასოციაციის (EFTA) წევრ ქვეყნებთან, თურქეთთან, ჰონგ-კონგთან და ჩინეთთან. გარდა ამისა, მიმდინარეობს განხილვა მსგავსი ხელშეკრულებების იაპონიასთან და აშშ-თან გაფორმების შესაძლებლობაზე. უკვე დაწყებულია წინასწარი კონსულტაციები დიდ ბრიტანეთთან Brexit-ის შემდეგ თავისუფალი ვაჭრობის რეჟიმის თაობაზე მოლაპარაკებების შესაძლებლობასთან დაკავშირებით.

90
თემები:
საქართველოს ეკონომიკა (638)
გაზქურა

მოსახლეობისთვის გაზის ტარიფი არ შეიცვლება რა ვადაზეა გათვლილი გადაწყვეტილება

48
(განახლებულია 10:32 08.07.2020)
სახელმწიფოს დახმარება გამოიხატება იმაში, რომ ის აზერბაიჯანიდან თურქეთში გაზის ტრანზიტისთვის თავის წილს თმობს, რაც საშუალებას იძლევა, რომ გაზის ტარიფი არ გაიზარდოს

თბილისი, 8 ივლისი – Sputnik. საქართველოში ბუნებრივი აირის ტარიფი სამი წლის განმავლობაში არ შეიცვლება, განაცხადა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ–ი) თავმჯდომარე დავით ნარმანიამ კომისიის მიერ 2019 წელს გაწეული მუშაობის ანგარიშის წარდგენისას.

2020 წლის დასაწყისიდან თბილისელები ერთ კუბომეტრ გაზზე 0,002 თეთრით ნაკლებს იხდიან. ტარიფი ერთ კუბომეტრზე 46,137 თეთრს შეადგენს. ეს ტარიფი 2020 წლის 1 იანვარს ამოქმედდა და 2022 წლის 31 დეკემბრის ჩათვლით იმოქმედებს.

როგორც კომისიაში აცხადებენ, ტარიფის შენარჩუნება შესაძლებელი გახდა ე.წ. სოციალური გაზის შესყიდვაზე ტარიფის შემცირების გამო. SOCAR Georgia Gas LLC–ს სამომხმარებლო ტარიფი დღგ–ის გათვალისწინებით 56,928 თეთრს შეადგენს ერთ კუბომეტრზე. Sakorgas Ltd–ს ტარიფი ახალი კლიენტებისთვის, დღგ–ის ჩათვლით, 56,990 თეთრია ერთ კუბომეტრზე.

„არის სპეციალური ფორმულა, რომლის მეშვეობითაც მარეგულირებელი კომისია ითვლის გაზის ტარიფს. ამ ეტაპზე, როცა ჩვენ რეგიონებისთვის დავადგინეთ „სოკარის“, „საქორგაზისა“ და რამდენიმე მცირე ლიცენზიანტის ტარიფები, ვიხელმძღვანელეთ იმით, რომ, ერთი მხრივ, მოსაწოდებელი გაზის ფასი შემცირდა, მეორე მხრივ, სახელმწიფომ გარკვეული შეხიდება გააკეთა თავის მხრივ მოსაწოდებელი გაზის ფასთან დაკავშირებით. შესაბამისად, ჩვენ სოციალური გაზის ტარიფი შევინარჩუნეთ იგივე და მომდევნო სამი წლის განმავლობაში გაზის ტარიფი იქნება უცვლელი“, – განაცხადა ნარმანიამ.

მისი თქმით, სახელმწიფოს დახმარება – ეს არის აზერბაიჯანიდან თურქეთში გაზის ტრანზიტისთვის თავისი წილის დათმობა, რაც საშუალებას იძლევა, რომ გაზის ტარიფი არ გაიზარდოს.

მისი აზრით, ვითარებაზე გავლენა მოახდინა ლარის გაცვლითი კურსის ვარდნამ, მაგრამ კურსის განსხვავების დაბალანსება სწორედ სახელმწიფოს მონაწილეობით გახდა შესაძლებელი.

„გაზის გამანაწილებელი კომპანიებისთვის მისაწოდებელი გაზის ფასში სახელმწიფომ, ამ შემთხვევაში, ნავთობისა და გაზის კორპორაციამ, მისი კუთვნილი გაზით ფასის სუბსიდირება მოახდინა. ანუ კორპორაცია არ აიღებს კუთვნილ გაზს და მოგებას, რომელიც რამდენიმე მილიონ ლარს შეადგენს, მომდევნო სამი წლის განმავლობაში გაზის ტარიფს დაასუბსიდირებს“, – განაცხადა დავთ ნარმანიამ.

მან ასევე აღნიშნა, რომ არ იგეგმება ელექტროენერგიის ტარიფის არაგეგმური გადახედვა.

48
თემები:
საქართველოს ენერგეტიკა
მამაკაცები ქვეყანაში არსებულ ვითარებას განიხილავენ

სახელმწიფოს მხრიდან კომპენსაციების გაცემა გრძელდება

70
(განახლებულია 09:30 08.07.2020)
საქართველოს ჯანდაცვის სამინისტროს პორტალზე დარეგისტრირებულია 188 363 თვითდასაქმებული პირი, რომლებსაც 300 ლარის ოდენობის კომპენსაციის მიღება სურთ

თბილისი, 8 ივლისი – Sputnik. კომპენსაცია სახელმწიფოსგან უკვე 244 956 ადამიანმა მიიღო, ნათქვამია დასაქმების ხელშეწყობის სააგენტოს განცხადებაში.

7 ივლისის მონაცემებით, საქართველოს ჯანდაცვის პორტალზე დარეგისტრირებულია 188 363 თვითდასაქმებული ადამიანი, რომლებსაც 300 ლარის ოდენობის კომპენსაციის მიღება სურთ. აქედან 115 719–მა 300–ლარიანი კომპენსაცია მიიღო. სულ გადარიცხულია 34,7 მლნ ლარი.

რაც შეეხება დასაქმებულებს, რომლებიც პანდემიის გამო დაზარალდნენ, 200 ლარის ოდენობით კომპენსაცია უკვე ჩაერიცხა 129 237 პირს. გადარიცხული თანხა შეადგენს 25,8მლნ ლარს. მიმდინარეობს თანხების ეტაპობრივად ჩარიცხვა.

ამ დროისთვის სულ დარეგისტრირებულია 12 482 პირი, რომლებიც თვითდასაქმებული იყვნენ ვაჭრობის სფეროში. აქედან ბაზრობის მოვაჭრე იყო 9 730 პირი, ხოლო 2 752 – სხვა ტიპის მოვაჭრე. ერთჯერადი დახმარების სახით 300 ლარის ოდენობის კომპენსაცია გადაერიცხა 6 904 ბაზრობის მოვაჭრე პირს, ხოლო სხვა ტიპის მოვაჭრეს - 1 727 პირს.

რაც შეეხება მძღოლებს, სულ დარეგისტრირდა 15 904 პირი, აქედან ლიცენზირებული ტაქსის მძღოლი იყო 10 660 პირი, კომპენსაცია დაერიცხა 13 192 პირს, მათ შორის 9 632 ტაქსის მძღოლს 300 ლარის ოდენობით.

პორტალის ეკონომიკური საქმიანობის ტიპების ჩამონათვალშია ასევე: ძიძა/მომვლელი, რეპეტიტორი/პედაგოგი, დამხმარე პერსონალი: რესტორნის დამხმარე, სასტუმროს დამხმარე, მცხობელი, სილამაზის სალონი პერსონალი, ტუროპერატორი/გიდი, მუშა, ხელოსანი, მშენებლობის სპეციალისტი და სხვ.

გრძელდება კომპენსაციის მიმღები თვითდასაქმებული პირების განაცხადების მიღება და დამუშავება. 29 ივნისიდან, დაწყებულია ჯანდაცვის სარეგისტრაციო პორტალზე – https://compensation.moh.gov.ge/ – საზღვარგარეთ სეზონურ სამუშაოებზე დასაქმებული საქართველოს მოქალაქეების რეგისტრაციის პროცესი. სახელმწიფოსგან ერთჯერად 300–ლარიან დახმარებას ისინიც შეძლებენ.

რეგისტრაციის პროცესი 15 ივლისს დასრულდება.

ფინანსური დახმარების მისაღებად ამ დასაქმებულები, რომლებიც სეზონურ სამუშაოებზე სხვადასხვა ქვეყანაში საქმდებოდნენ, არანაირი დოკუმენტის წარდგენა სჭირდებათ, გარდა ინფორმაციისა საზღვრის გადაკვეთის შესახებ.

რეგისტრაციის გავლა შეუძლიათ პირებს, რომლებიც სეზონურ სამუშაოებზე გადიოდნენ  2019 წლის მარტიდან ოქტომბრის ჩათვლით პერიოდში და საზღვარგარეთ 30–დან 120 დღემდე იმყოფებოდნენ იქ. 

კომპენსაცია ადამიანების კიდევ ერთ კატეგორიას ეკუთვნის, ვისი სამუშაოც საზღვრის რეგულარულ გადაკვეთას უკავშირდება. თუ 2019 წლის განმავლობაში მათ 60–ჯერ ან მეტჯერ გადაკვეთეს საზღვარი, ამ ადამიანებს კომპენსაცია ეკუთვნის. მათ არ სჭირდებათ რამე სახის დოკუმენტების წარდგენა, გარდა პასპორტის გვერდის ასლისა.

70
თემები:
სოციალური სფერო საქართველოში
გიორგი შაქარაშვილი

შაქარაშვილის საქმე შესაძლოა თავდაყირა დადგეს - საქმეში თეთრპერანგიანი მამაკაცი გამოჩნდა

0
(განახლებულია 12:11 08.07.2020)
19 წლის გარდაცვლილი ფეხბურთელის გიორგი შაქარაშვილის საქმე შესაძლოა თავდაყირა დადგეს. საქმეში თეთრპერანგიანი მამაკაცი გამოჩნდა

თბილისი, 8 ივლისი – Sputnik. ტელეკომპანია „პირველის“ ინფორმაციითსაქმეს ახალი ფიგურანტი ჰყავს - თეთრპერანგიანი მამაკაცი, რომელიც მას შემდეგ გამოჩნდა დიდუბის ტერიტორიაზე, რაც შაქარაშვილის გაუჩინარებიდან მალევე გური ამირხანაშვილი, საქმის „ოქროს მოწმე“, ტოიოტას მარკის ავტომობილის მგზავრებმა დიდუბის ტერიტორიაზე ჩამოსვეს.

საქმეშია „ლუკოილის“ ბენზინგასამართ სადგურის კადრები, რომელიც ადასტურებს, რომ თეთრპერანგიან მამაკაცს, საქმის მთავარ მოწმესთან, გური ამირხანაშვილთან შეხვედრა ჰქონდა. საქმეში კამერის მხოლოდ დღის ჩანაწერი დევს, საკვანძო მომენტები კი გამქრალია. არ ჩანს მანქანის ნომერი და თეთრპერანგიანის ამოცნობაც შეუძლებელია.

ტელეკომპანიის ჟურნალისტები ერთ-ერთი დაწესებულების თანამშრომლებს ესაუბრნენ, რომლის კამერებსაც წესით გური ამირხანაშვილისა და თეთრპერანგიანის შეხვედრა უნდა დაეფიქსირებინა, თუმცა მაღაზიის კამერები პროკურატურის მიერ ამოღებული არ არის. მაღაზიის თანამშრომლები აცხადებენ, რომ არ იციან მივიდნენ თუ არა დაწესებულებაში სამართალდამცავები.

ბენზინგასამართი სადგურის თანამშრომლები კი ცხადებენ, რომ სამართალდამცავებმა კამერების თითქმის ყველა ჩანაწერები ამოიღეს, თუმცა პროკურატურის მიერ გამოქვეყნებულ კადრებში არ არის იმ ზედხედ კამერის ჩანაწერები, რომელსაც, სავარაუდოდ, თეთრპერანგიანი მამაკაცის სახის, ან მანქანის ნომრის დაფიქსირება შეეძლო.

სკანდალური განცხადება გააკეთა 19 წლის ფეხბურთელ გიორგი შაქარაშვილის გარდაცვალების საქმეზე დაკავებული ძიუდოისტის გიგა ტატიაშვილის ადვოკატმა, რომელიც არ გამორიცხავს, რომ შემთხვევის ადგილზე მესამე მანქანა ყოფილიყო.

როგორც ადვოკატი გიორგი ყიფშიძე აცხადებს, გიორგი შაქარაშვილის ცხედარი 4 დღის განმავლობაში წყალში არ ყოფილა და მისივე თქმით, ცხედარს ხრწნის კვალი არ ეტყობოდა.

„ჩვენ მესამე მანქანა პირობითად ვთქვით, შეიძლება იქ იყო მეოთხეც და მეხუთეც. არ არის გამორიცხული, რომ ეს ბავშვი წაიღეს და შემდეგ მოიტანეს. ეს ყველაფერი თავისი ჭკუით დაალაგეს და ისევ ჩააგდეს წყალში – ეს იყო ჩვენი ვარაუდი“, – ამბობს „მთავარ არხთან“ ინტერვიუში გიორგი ყიფშიძე.

მისი თქმით, შესაძლოა საქმეში დაზარალებულებად ცნობილები მალე ბრალდებულებიც გახდნენ.

22 ივნისს 19 წლის გიორგი შაქარაშვილის ცხედარი ოთხდღიანი ძებნის შემდეგ მაშველებმა მდინარე არაგვში იპოვეს.

18-19 ივნისის ღამით მომხდარ ფაქტებზე აღძრულ საქმეებზე 26 ივნისს 17 პირი დააკავეს. მათ ბრალი ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე აქვთ წარდგენილი – სსკ-ის 126-ე მუხლის პირველი პრიმა ნაწილის „ბ“ და „გ“ ქვეპუნქტებით, 225-ე მუხლის 1-ლი და მე-2 ნაწილებით და 143-ე მუხლის მე-3 ნაწილის „ა“ ქვეპუნქტით. ბრალდებულთა შორის არიან ფეხბურთელები, მორაგბეები, მოჭიდავეები. მათგან რამდენიმე თავადაც დაზარალებულად ცნეს.

მოსამართლემ აღკვეთის ღონისძიების სახით პატიმრობის გამოყენებაზე პროკურატურის შუამდგომლობა დააკმაყოფილა. ადვოკატების ნაწილმა მათი დაცვის ქვეშ მყოფების აღკვეთის ღონისძიების გარეშე დატოვება მოითხოვა, ნაწილმა კი გირაოს შეფარდების შუამდგომლობა დააყენა.

მცხეთის რაიონულ სასამართლოში პროცესი დახურულ რეჟიმში მიმდინარეობდა, რადგან საქმეში ექვსი ბრალდებული არასრულწლოვანია.

გამოძიების ვერსიით, 18 ივნისს შაქარაშვილი მეგობართან ერთად ესწრებოდა მცხეთაში დაქირავებულ კერძო სახლში გამართულ წვეულებას, სადაც ერთ-ერთი გოგონას დაბადების დღეს აღნიშნავდნენ. წვეულებაზე სტუმრებს შორის კონფლიქტი მოხდა. ურთიერთობების გარჩევა ქალაქისკენ მიმავალ ცენტრალურ მაგისტრალზე გაგრძელდა, სადაც საქმეში თბილისიდან ჩასული ახალი პირები ჩაერთვნენ, რადგან კონფლიქტის მონაწილეთა ნაწილმა თბილისიდან „დახმარება“ გამოიძახა.

მოწმეები ამტკიცებენ, რომ გიორგი შაქარაშვილი გარჩევის ადგილს გაერიდა და მდინარისკენ გაიქცა, შემდეგ კი მისი კვალი იკარგება. ახალგაზრდა ფეხბურთელის ცხედარი ოთხი დღის ძებნის შემდეგ მაშველებმა და მყვინთავებმა მდინარეში იპოვეს.

0