გზა საკონტროლო პუნქტ „ზემო ლარსისკენ

ისტორიული პროექტი: კობი-გუდაურის გზის მშენებლობა წლის ბოლომდე დაიწყება

203
(განახლებულია 15:47 13.08.2019)
პროექტის დასრულების შემდეგ სატრანზიტო მიმოსვლა წლის ნებისმიერ დროს დაუბრკოლებლად იქნება შესაძლებელი

თბილისი, 13 აგვისტო — Sputnik. ახალი ჩქაროსნული მაგისტრალის მშენებლობა, რომელიც საქართველო-რუსეთის საზღვრისკენ მიდის, 2019 წლის ბოლომდე დაიწყება, განაცხად საქართველოს პრემიერ-მინისტრმა მამუკა ბახტაძემ ინფრასტრუქტურისა და რეგიონული განვითარების სამინისტროს მიერ 2019 წლის პირველ ნახევარში გაწეული სამუშაოს შედეგების პრეზენტაციაზე.

ხიდი საქართველოდან რუსეთისკენ მიმავალ გზაზე ევროპაში ერთ–ერთი საუკეთესო იქნება>>

აგვისტოს დასაწყისში აზიის განვითარების ბანკმა (ADB) საქართველოს ახალი მაგისტრალის მშენებლობისთვის 415 მილიონი აშშ დოლარის ოდენობის კრედიტი გამოუყო. პროექტი ფართომასშტაბიანი გეგმის ნაწილია, რომელიც ხელს შეუწყობს სატრანსპორტო ქსელის გაუმჯობესებასა და საქართველოს, როგორც რეგიონის სავაჭრო და ტურისტული ცენტრის გამტკიცებას.

„რამდენიმე დღეში ხელი მოეწერება და წლის ბოლომდე დაიწყება ისტორიული პროექტი - ეს არის კობი-გუდაურის ჩქაროსნული მაგისტრალი. ეს იქნება ერთ-ერთი ყველაზე გრძელი გვირაბის მქონე მაგისტრალი და ერთ-ერთი ყველაზე რთული საინჟინრო ნაგებობა ევროპაში. მას სჭირდება შესაბამისი ინვესტიციები, რომელიც უკვე მოზიდული და ხელმოწერილია", - აღნიშნა ბახტაძემ.

23–კილომეტრიანი შემოვლითი გზა გაივლის ქვეშეთი–კობის მონაკვეთზე, რომელიც ჩრდილოეთი–სამხრეთის სატრანზიტო დერეფნის ნაწილია. პროექტის დასრულების შემდეგ სატრანზიტო მიმოსვლა წლის ნებისმიერ დროს დაუბრკოლებლივ იქნება შესაძლებელი.

ასევე, პროექტის ფარგლებში დაგეგმილია ცხრაკილომეტრიანი გვირაბის – საქართველოში ყველაზე გრძელი გვირაბის მშენებლობა. გვირაბს გაიყვანენ ჯვრის უღელტეხილზე – სოფელ წკერედან სოფელ კობამდე. ასევე გაიყვანენ ხუთ გვირაბსა და ააშენებენ ექვს ხიდს.

პროექტის სავარაუდო ღირებულებაა 558,6 მლნ დოლარი. თანადამფინანსებელია ევროპის რეკონსტრუქციისა და განვითარების ბანკი – 60 მლნ დოლარის ოდენობით და საქართველოს მთავრობა – 83,6 მლნ დოლარის ოდენობით.

„როდესაც ჩვენ ვსაუბრობთ კრიტიკული ინფრასტრუქტურის განვითარებაზე, მხედველობაში უნდა გვქონდეს, რა დამატებით ეკონომიკურ სარგებელს მოუტანს ეს ჩვენს მოქალაქეებს. ამის კარგი მაგალითი იყო შარშან განხორციელებული პროექტი - ახალი საბაგირო, რომელმაც კობი გუდაურს დაუკავშირა. შედეგად მივიღეთ ის, რომ კობი გაცოცხლდა. ასეთმა პროექტმა საშუალება მოგვცა, რომ მაგალითად, თრუსოს ხეობაში ახალი დინამიკა შეგვეტანა. ეს არის ორიენტირი, როგორ უნდა განვავითაროთ საქართველოში ეკონომიკა", - აღნიშნა ბახტაძემ.

არსებული 35 კილომეტრიანი ე. წ. სამხედრო გზა, რომლითაც ყოველდღიურად 3,5 ათასი ავტომობილი სარგებლობს, ერთ–ერთი ყველაზე საშიში გზაა საქართველოში. წელიწადში 40 დღეზე მეტი, უმეტესად, ზამთრის პერიოდში, ის იკეტება, რაც დიდ პრობლემებს ქმნის რუსეთიდან საქართველოში მომავალ მოგზაურებსა და ტვირთის გადამზიდავებს.

ხსნა სომეხი გადამზიდავებისთვის – საქართველო ზემო ლარსთან გვირაბს გაიყვანს>>

ამჟამად ეს ერთადერთი მოქმედი საავტომობილო გზაა, რომელიც საქართველოსა და სომხეთს რუსეთთან აკავშირებს.

203
თემები:
ტრანსპორტი საქართველოში (331)
საქართველოსა და ევროკავშირის დროშები

მორიგი დახმარება COVID-19–თან ბრძოლისთვის: ევროკავშირთან ორ შეთანხმებას მოეწერა ხელი

9
(განახლებულია 21:37 29.09.2020)
მხარდაჭერა მოიცავს მედიკამენტებს, მოწყვლადი ჯგუფების სოციალურ მხარდაჭერას, გრანტებს ფერმერებისთვის და სხვ.

თბილისი, 29 სექტემბერი – Sputnik. საქართველო მიიღებს 129 მილიონ ევროს, რომელიც ქვეყანას დაეხმარება, გაუმკლავდეს კორონავირუსის აფეთქებას და მის გავლენას ეკონომიკაზე.

ევროკომისარმა სამეზობლო და გაფართოების საკითხებში ოლივერ ვარჰელმა და საქართველოს პრემიერ–მინისტრმა გიორგი გახარიამ ბრიუსელში 129 მლნ ევროზე ორ ფინანსურ შეთანხმებას მოაწერეს ხელი, აღნიშნულია ევროპის კომისიის განცხადებაში.

კორონავირუსის პანდემიამ ნეგატიური გავლენა მოახდინა როგორც კერძო სექტორზე, ისე საქართველოს მოქალაქეების სოციალურ მდგომარეობაზე. მთავრობა იძულებული გახდა, მეწარმეებისა და მოაქალაქეების დასახმარებლად, ასევე ეპიდემიის გავრცელების აღმოსაფხვრელად და დაავადებულთა მკურნალობისთვის დამატებითი რესურსები მოეზიდა.

ევროკავშირის დახმარება საქართველოსთვის (პანდემიის დაწყებიდან მოყოლებული) რიგ მოქმედებებს მოიცავს, რაც ითვალისწინებს ქვეყნის მოქალაქეების დახმარებას პანდემიის შედეგებთან გამკლავებაში. მხარდაჭერა მოიცავს მედიკამენტებს, მოწყვლადი ჯგუფების სოციალურ მხარდაჭერას, უპროცენტო სესხებსა და გრანტებს ფერმერებისთვის, ასევე პირდაპირ ფინანსურ მხარდაჭერას სახელმწიფო ბიუჯეტში.

რას ხმარდება გაზრდილი სახელმწიფო ვალი და რა განრიგით მოუწევს ქვეყანას მისი გასტუმრება>>

პირველი შეთანხმების ფარგლებში ევროკავშირი მხარს დაუჭერს საქართველოს ანტიკრიზისულ ეკონომიკურ გეგმას 75 მლნ ევროს ოდენობის გრანტის მეშვეობით.

ზომები მოიცავს სოციალურად დაუხცველი ოჯახების სოციალურ დახმარებას, ბიზნესის მხარდაჭერას, რომლებმაც რთულ დროს სამუშაო შეინარჩუნეს. ის ასევე ითვალისწინებს ინტენსიური თერაპიის განყოფილებებში საწოლების რაოდენობის გაზრდას, რათა ქვეყანა მზად იყოს ინფექციის პოტენციური ზრდისთვის.

მეორე შეთანხმებაა „ინტეგრირებული ტერიტორიული განვითარება“, რომლის ფარგლებშიც გრანტების სახით 54 მილიონი ევრო გამოიყოფა. ეს თანხა რეგიონების განვითარებას მოხმარდება. პროგრამა მიმართულია ქალაქის ინფრასტრუქტურის აღდგენასა და მშენებლობაზე, ტურიზმის განვითარების წახალისებასა და მცირე და საშუალო კომპანიებისა და ინოვაციების მხარდაჭერაზე.

9
თემები:
COVID-19 საქართველოში
ნიკა შენგელია

ექსპერტის მოსაზრება: რატომ არის აუცილებელი ფულად-საკრედიტო პოლიტიკის შეცვლა

61
(განახლებულია 15:01 29.09.2020)
დევალვირებული ლარი და გაკოტრებული ბიზნესი – აი, რას მიიღებს ქვეყანა, თუ არ მოხდა ქვეყნის ფულად-საკრედიტო პოლიტიკის მკვეთრი ცვლილება, თვლის ეკონომიკის ექსპერტი ნიკა შენგელია.

ლარის კურსმა მკვეთრი ვარდნა 9 მარტიდან დაიწყო, როდესაც კორონავირუსის პანდემიასთან დაკავშირებულ გაურკვევლობას მსოფლიო ბაზრებზე ნავთობის ფასების მკვეთრი ვარდნა დაემატა. 25 მარტისთვის ლარი უკვე 3,45 ნიშნულამდე იყო მისული. თუმცა ეროვნულმა ბანკმა ინტერვენციებით შეძლო ლარის გამყარება 40 თეთრით.

ბოლო თვეებში ლარის სტაბილურობის შესანარჩუნებლად მარეგულირებელს არაერთი სავალუტო აუქციონი აქვს გამართული და 410 მილიონ დოლარზე მეტი აქვს ბაზრისთვის მიწოდებული, თუმცა ეროვნული ვალუტა რყევას მაინც განაგრძობს.

მაგალითად, თუ 1 სექტემბერს ეროვნული ვალუტის კურსი აშშ დოლარის მიმართ 3,06 ნიშნულზე იყო, დღეს 1 დოლარის შეძენას კომერციულ ბანკებში უკვე 3.36 ლარი სჭირდება.

სავალუტო ბაზრის სტაბილიზაციის მიზნით ეროვნულმა ბანკმა 40 მილიონი დოლარი 23 სექტემბერსაც გაყიდა. თუმცა ამ ინტერვენციას ლარის კურზე გავლენა გამყარების თვალსაზრისით არ მოუხდენია.

40-მილიონიანი ინტერვენცია ბაზარმა ისე შეისრუტა, რომ ამან არათუ გაამყარა ლარი, არამედ მისი გაუფასურების შეჩერებაც ვერ შეძლო, მიაჩნია ეკონომისტ ნიკა შენგელიას.

„ჩვენ სამი თვის წინ ვაკეთებდით პროგნოზს, რომ ლარის კურსი სექტემბრის ბოლომდე 3.20-3,25 მაჩვენებელს მიუახლოვდებოდა, თუმცა დღეს უკვე ცალსახაა, რომ 3,25 ნიშნულის დონე ლარის კურსმა გაარღვია ზედა მიმართულებით. მოკლევადიან პერსპექტივაში თუ რეგულატორმა ინტერვენციის მოცულობას არ მოუმატა, ლარის კურსს 3,25 ნიშნულის დაბლა ჩამოსვლა გაუჭირდება და 3,30 ნიშნულთან იტრიალებს“, – აღნიშნა ნიკა შენგელიამ „Sputnik–საქართველოსთან“ საუბრისას.

ეკონომისტის თქმით, იმისათვის რომ ქვეყნის ეკონომიკა განვითარდეს და კურსი არ იყოს მერყევი, ფულად-საკრედიტო პოლიტიკის ძირეული ცვილილებაა აუცილებელი.

„დღეს ფულად-საკრედიტო პოლიტიკა გადამყიდველებსა და მსხვილ საბანკო სექტორზეა მორგებული, ქვეყნის ეკონომიკური განვითარებისთვის კი აუცილებელია განახევრდეს რეფინანსირების საპროცენტო განაკვეთი, რომელიც დღეს 8 პროცენტია, და დავიდეს 3-4 პროცენტამდე. ეს გაზრდის ბიზნესისთვის ფულზე ხელმისაწვდომობას და მოახდენს ეკონომიკის სტიმულირებას“, – განაცხადა ექსპერტმა.

ნიკა შენგელიას თქმით, სპეციალისტები უკვე წლებია აკრიტიკებენ მთავრობის ეკონომიკის იმ კურსსაც, რომელიც ეკონომიკაში მხოლოდ ტურიზმის სექტორის განვითარებას ემყარება.

„ის, რომ ლარის კურსი ჩამოკიდებული იყო წლების მანძილზე ტურიზმსა და ემიგრანტების შრომაზე, ეს იყო შეცდომა. სახელმწიფომ ტურიზმი ჯერ კიდევ წინა მთავრობის პირობებში აქცია პრიორიტეტად და ამჟამინდელმაც გააგრძელა. შედეგები, თუ რა მოგვიტანმა ასეთმა ეკონომიკურმა კურსმა, დავინახეთ“, – აღნიშნა შენგელიამ.

ლარის კურსის სამომავლო პროგნოზზე საუბრისას ნიკა შენგელიამ ყურადღება იმაზეც გაამახვილა რომ, იმ მაკროეკონომიკური ფაქტორებიდან, რომელზეც არის დამოკიდებული ლარის სტაბილურობა, ნაწილში უკვე არის ჩავარდნა და თუ დროულად არ მოხდება ფულად-საკრედიტო პოლიტიკის ცვლილება, საშუალოვადიან პერსპექტივაში მთავრობა უფრო მეტად დევალვირებულ ლარს და ბევრ გაკოტრებულ ბიზნესს მიიღებს.

ეროვნული ბანკის პრეზიდენტის პროგნოზით კი პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კურსი მის წონასწორულ ნიშნულს დაუბრუნდება.

დღევანდელი მდგომარეობით, ეროვნული ბანკის სავალუტო რეზერვების მოცულობა 3 931 898 ათასი დოლარია. წლის ბოლომდე კი მარეგულირებელს ლარის სტაბილიზაციის მიზნით მილიონების გაყიდვა კიდევ არაერთხელ მოუწევს.

 

ნატა პატარაია

61
ვლადიმირ ვაისი

ვაისს სომხეთთან მატჩისთვის ჯერ „არ სცხელა“

0
საქართველოს ფეხბურთის ნაკრები 5 ოქტომბრიდან ბელარუსთან მატჩისთვის მზადებას დაიწყებს. გამარჯვების შემთხვევაში ის ევროზე საგზურის მისაღებად გააგრძელებს ბრძოლას

თბილისი, 29 სექტემბერი – Sputnik. საქართველოს ფეხბურთის ნაკრების მთავარმა მწვრთნელმა ვლადიმირ ვაისმა სომხეთის გუნდთან მომავალ მატჩზე კომენტარი არ გააკეთა. მატჩი 11 ოქტომბერს უეფას ერთა ლიგის ჯგუფური ეტაპის ფარგლებში უნდა გაიმართოს.

„სომხეთზე რატომ მეკითხებით? ჩვენი მთელი ძალები და ყურადღება, პირველ რიგში, ბელარუსის გუნდთან თამაშზეა მიმართული. მერ ეუკვე – ერთა ლიგა, მატჩები სომხეთთან და ჩრდილოეთ მაკედონიასთან. რაც შეეხება პოლიტიკასა და არეულ ვითარებას... ასეთ კითხვებს არ ვუპასუხებ“, – განუცხადა ვაისმა РИА Новости–ს.

უფრო ადრე ამავე საკითხზე Sputnik–საქართველომ საქართველოს ფეხბურთის ფედერაციის (სფფ) პრეს–სამსახურს მიმართა.

„ამ საკითხზე ჯერ ვერაფერს გეტყვით. საუბარი მატჩის გაუქმების ან მისი ნეიტრალურ მოედანზე გადატანის შესახებ ჯერ არ არის. თვალს ვადევნებთ ვითარებას, მაგრამ საბოლოოს სიტყვა, ნებისმიერ შემთხვევაში, უეფაზეა“, – განაცხადეს სფფ–ის პრეს–სამსახურში.

რაც შეეხება უშუალოდ უეფას რეაქციას, ორგანიზაცია თვალს ადევნებს მთიან ყარაბაღში განვითარებულ საომარ მოვლენებს, მაგრამ სომხეთისა და აზერბაიჯანის ნაკრებების ერთა ლიგის ჯგუფური ეტაპის საშინაო მატჩების გადატანას ჯერჯერობით არ გეგმავს.

საქართველოს ნაკრების ფეხბურთელები თბილისში 5 ოქტომბერს შეიკრიბებიან. ბელარუსის მატჩისთვის (უეფას ერთა ლიგის გასული გათამაშების ნახევარფინალი) ისინი სამი დღე მოემზადებიან. თამაში თბილისში 8 ოქტომბერს „დინამო არენაზე“ უნდა გაიმართოს.

საქართველოს ნაკრებმა ფიფას რეიტინგში პოზიციები გაიუმჯობესა>>

მატჩის შემდეგ საქართველოს ნაკრებს ორი გასვლითი შეხვედრა ელოდება უეფას ერთა ლიგის ამჟამინდელი გათამაშების ფარგლებში – 11 ოქტომბერს ერევანში სომხეთის წინააღმდეგ და სამი დღის შემდეგ სკოპიეში ჩრდილოეთ მაკედონიის წინააღმდეგ.

0
თემები:
სპორტის ამბები