თონე

გაძვირდება თუ არა პური საქართველოში: სოფლის მეურნეობის სამინისტრო განმარტებას აკეთებს

140
(განახლებულია 12:08 08.08.2019)
საქართველოში პურზე ფასი მსოფლიო ბაზარზე ხორბლის ფასზეა დამოკიდებული, აცხადებენ სამინისტროში

თბილისი, 8 აგვისტო — Sputnik. საქართველოს ეკონომიკა იმპორტირებულ პროდუქციაზეა დამოკიდებული, ამიტომ მსოფლიოში მიმდინარე ტენდენციები, ბუნებრივია, გავლენას მოახდენს ქვეყნის შიგნით არსებულ საფასო პოლიტიკაზე, განაცხადა გარემოს დაცვისა და სოფლის მეურნეობის მინისტრის მოადგილე გიორგი ხანიშვილმა ჟურნალისტებთან.

20 ივნისიდან ლარის კურსი დოლარის მიმართ 6,6%-ით დაეცა. ეროვნულმა ბანკმა 1 აგვისტოს აუქციონზე 32 მილიონ დოლარზე მეტი გაყიდა, შედეგად ლარი 1,4%-ით გამყარდა. თუმცა, 7 აგვისტოს ლარის კურსი კვლავ დაეცა - 2,9321 GEL/$. ივლისში პროდუქტებისა და უალკოჰოლო სასმელების ფასები ივნისთან შედარებით 0,2%-ით გაიზარდა.

„ქვეყანაში საფასო პოლიტიკა დამოკიდებულია ბევრ კომპონენტზე, მათ შორის, ერთ-ერთი ლარის კურსია. თუ ხორბლის ფასი შემცირდება მსოფლიო ბაზარზე და სტაბილურად იქნება დაბალი ფასები, როგორც მიმდინარე ეტაპზეა, მაშინ ლარის ასეთი კურსის პირობებში, არ არსებობს წინაპირობა, რომ მკვეთრ გაძვირებას ველოდოთ. თუ მოხდა ისე, რომ მსოფლიო ბაზარზე ფასები მკვეთრად შეიცვალა, მაშინ, თუნდაც ლარის კურსი ბევრად უფრო მყარი იყოს, მოსალოდნელი იქნება მისი გაძვირება", – განაცხადა გიორგი ხანიშვილმა.

მისი სიტყვებით, ქვეყანაში ხორბლის დეფიციტი არ არის, მით უმეტეს, რომ საქართველოში ახლახან დასრულდა ადგილობრივი წარმოების ხორბლის აღება.

„ჩვენ ვერ დავიკვეხნით ხორბლის ძალიან დიდი რაოდენობით. ჩვენი მოსავალი დაახლოებით 100-120 ათასი ტონის ფარგლებში მერყეობს. ეს აკმაყოფილებს ჩვენს სასურსათო ხორბლის მოთხოვნის 10-15%-ს. დანარჩენი იმპორტზე ვართ მთლიანად დამოკიდებული", – განაცხადა მინისტრის მოადგილემ.

შედეგად, ხორბლის ფასების მდგენელი ქართულ წარმოებასთან დაკავშირებული არ არის.

„ჩვენ დამოკიდებული ვართ მსოფლიო ფასებზე. მეზობელ რეგიონებში არც თუ ძალიან მაღალი მოსავალია, თუმცა საფასო პოლიტიკის თვალსაზრისით, რამე განსაკუთრებული რყევები და განსაკუთრებული ზრდა ჯერ არ შეინიშნება. ამიტომ ვფიქრობთ, რომ რადიკალურ გაძვირებებსა და მსგავს ღონისძიებებს არ უნდა ველოდოთ", – განაცხადა ხანიშვილმა.

ადრე  „ხორბლის მწარმოებელთა ასოციაციის" აღმასრულებელმა დირექტორმა ლევან სილაგავამ „Sputnik საქართველოსთან" ინტერვიუში განაცხადა, რომ ეროვნული ვალუტის გაუფასურებამ, შესაძლოა, ერთი ტომარა ფქვილის 2 ლარით გაძვირება გამოიწვიოს, თუმცა, იგი პურის ფასზე არ აისახება.

140
თემები:
საქართველოს სოფლის მეურნეობა (91)
მამაკაცები ქვეყანაში არსებულ ვითარებას განიხილავენ

სახელმწიფოს მხრიდან კომპენსაციების გაცემა გრძელდება

64
(განახლებულია 09:30 08.07.2020)
საქართველოს ჯანდაცვის სამინისტროს პორტალზე დარეგისტრირებულია 188 363 თვითდასაქმებული პირი, რომლებსაც 300 ლარის ოდენობის კომპენსაციის მიღება სურთ

თბილისი, 8 ივლისი – Sputnik. კომპენსაცია სახელმწიფოსგან უკვე 244 956 ადამიანმა მიიღო, ნათქვამია დასაქმების ხელშეწყობის სააგენტოს განცხადებაში.

7 ივლისის მონაცემებით, საქართველოს ჯანდაცვის პორტალზე დარეგისტრირებულია 188 363 თვითდასაქმებული ადამიანი, რომლებსაც 300 ლარის ოდენობის კომპენსაციის მიღება სურთ. აქედან 115 719–მა 300–ლარიანი კომპენსაცია მიიღო. სულ გადარიცხულია 34,7 მლნ ლარი.

რაც შეეხება დასაქმებულებს, რომლებიც პანდემიის გამო დაზარალდნენ, 200 ლარის ოდენობით კომპენსაცია უკვე ჩაერიცხა 129 237 პირს. გადარიცხული თანხა შეადგენს 25,8მლნ ლარს. მიმდინარეობს თანხების ეტაპობრივად ჩარიცხვა.

ამ დროისთვის სულ დარეგისტრირებულია 12 482 პირი, რომლებიც თვითდასაქმებული იყვნენ ვაჭრობის სფეროში. აქედან ბაზრობის მოვაჭრე იყო 9 730 პირი, ხოლო 2 752 – სხვა ტიპის მოვაჭრე. ერთჯერადი დახმარების სახით 300 ლარის ოდენობის კომპენსაცია გადაერიცხა 6 904 ბაზრობის მოვაჭრე პირს, ხოლო სხვა ტიპის მოვაჭრეს - 1 727 პირს.

რაც შეეხება მძღოლებს, სულ დარეგისტრირდა 15 904 პირი, აქედან ლიცენზირებული ტაქსის მძღოლი იყო 10 660 პირი, კომპენსაცია დაერიცხა 13 192 პირს, მათ შორის 9 632 ტაქსის მძღოლს 300 ლარის ოდენობით.

პორტალის ეკონომიკური საქმიანობის ტიპების ჩამონათვალშია ასევე: ძიძა/მომვლელი, რეპეტიტორი/პედაგოგი, დამხმარე პერსონალი: რესტორნის დამხმარე, სასტუმროს დამხმარე, მცხობელი, სილამაზის სალონი პერსონალი, ტუროპერატორი/გიდი, მუშა, ხელოსანი, მშენებლობის სპეციალისტი და სხვ.

გრძელდება კომპენსაციის მიმღები თვითდასაქმებული პირების განაცხადების მიღება და დამუშავება. 29 ივნისიდან, დაწყებულია ჯანდაცვის სარეგისტრაციო პორტალზე – https://compensation.moh.gov.ge/ – საზღვარგარეთ სეზონურ სამუშაოებზე დასაქმებული საქართველოს მოქალაქეების რეგისტრაციის პროცესი. სახელმწიფოსგან ერთჯერად 300–ლარიან დახმარებას ისინიც შეძლებენ.

რეგისტრაციის პროცესი 15 ივლისს დასრულდება.

ფინანსური დახმარების მისაღებად ამ დასაქმებულები, რომლებიც სეზონურ სამუშაოებზე სხვადასხვა ქვეყანაში საქმდებოდნენ, არანაირი დოკუმენტის წარდგენა სჭირდებათ, გარდა ინფორმაციისა საზღვრის გადაკვეთის შესახებ.

რეგისტრაციის გავლა შეუძლიათ პირებს, რომლებიც სეზონურ სამუშაოებზე გადიოდნენ  2019 წლის მარტიდან ოქტომბრის ჩათვლით პერიოდში და საზღვარგარეთ 30–დან 120 დღემდე იმყოფებოდნენ იქ. 

კომპენსაცია ადამიანების კიდევ ერთ კატეგორიას ეკუთვნის, ვისი სამუშაოც საზღვრის რეგულარულ გადაკვეთას უკავშირდება. თუ 2019 წლის განმავლობაში მათ 60–ჯერ ან მეტჯერ გადაკვეთეს საზღვარი, ამ ადამიანებს კომპენსაცია ეკუთვნის. მათ არ სჭირდებათ რამე სახის დოკუმენტების წარდგენა, გარდა პასპორტის გვერდის ასლისა.

64
თემები:
სოციალური სფერო საქართველოში
ვალუტის გაცვლის პუნქტი

ლარის კურსი 8 ივლისს

58
(განახლებულია 08:46 08.07.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0020 ლარით გაუფასურდა. 

თბილისი, 8 ივლისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0552 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0020 ლარით გაუფასურდა. 

ლარის კურსი 8 ივლისს
ლარის კურსი 8 ივლისს
58
თემები:
ლარის კურსი დღეს
ტესტი

COVID-19 საქართველოში: რამდენია გამოჯანმრთელებულთა საერთო რაოდენობა

0
(განახლებულია 10:18 08.07.2020)
ამ დროისათვის საქართველოში ახალი კორონავირუსი 963ადამიანს დაუდგინდა, გამოჯანმრთელდა 841 პაციენტი. პირველი შემთხვევის გამოვლენიდან დღემდე გარდაიცვალა 15 ადამიანი.

თბილისი, 8 ივლისი — Sputnik. საქართველოში ბოლო დღე-ღამეში COVID-19-სგან სამი პაციენტი გამოჯანმრთელდა, ნათქვამია სამთავრობო ვებ-გვერდზე stopcov.ge.

ამ დროისათვის საქართველოში ახალი კორონავირუსი 963ადამიანს დაუდგინდა. გამოჯანმრთელდა 841, ეპიდემიის დაწყებიდან დღემდე გარდაიცვალა 15 ადამიანი.

კარანტინის რეჟიმში იმყოფება 3903, ხოლო სტაციონარებში დაკვირვების ქვეშ 202 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

0
თემები:
COVID-19 საქართველოში