ბაზრის დახლი

რატომ ძვირდება ადგილობრივი პროდუქტი - სოფლის მეურნეობის სამინისტროს განმარტება

115
მიმდინარე გაცვლითი კურსის პირობებში ადგილობრივ მწარმოებლებს პროდუქციის ექსპორტის გაზრდის შესაძლებლობა აქვთ, მიიჩნევს მინისტრის მოადგილე

თბილისი, 7 აგვისტო — Sputnik. საქართველოში ადგილობრივ პროდუქტებზე ფასები მაღალი მოთხოვნის გამო იზრდება, განუცხადა ჟურნალისტებს სოფლის მეურნეობის მინისტრის მოადგილე გიორგი ხანიშვილმა.

20 ივნისიდან ლარის კურსი დოლარის მიმართ 6,6%-ით დაეცა. ეროვნულმა ბანკმა აუქციონზე 32 მილიონ დოლარზე მეტი გაყიდა, შედეგად ლარი 1,4%-ით გამყარდა. თუმცა 7 აგვისტოს ლარის კურსი კვლავ დაეცა - 2,9321 GEL/$. ივლისში პროდუქტებისა და უალკოჰოლო სასმელების ფასები ივნისთან შედარებით 0,2%-ით გაიზარდა.

„ადგილობრივი წარმოების პროდუქციის ფასის ზრდის განმაპირობებელი ძირითადად ბაზარზე მოთხოვნის გაზრდა და პროდუქციის დეფიციტია და არა კურსი. მაგალითად, ბადრიჯანი, რომელიც ნაწარმოებია ლაგოდეხში ან თუნდაც, ქართლში, რომლის მოყვანის ძირითადი ხარჯი არის ლარში გაწეული, არ შეიძლება, კურსის გამო მერყეობდეს მისი ფასი და იზრდებოდეს“, – განაცხადა ხანიშვილმა.

ამასთან მან აღნიშნა, რომ იმპორტირებული სასურსათო პროდუქციის მოცულობა საქართველოში 2012 წლის შემდეგ არ გაზრდილა, მაშინ, როცა ქვეყანაში წარმოებული სასოფლო სამეურნეო პროდუქციის ექსპორტი თითქმის 70-80%-ით გაიზარდა და ახლა საქართველოს საექსპორტო პოტენციალის გაზრდის კარგი შანსი აქვს.

„ადგილობრივი წარმოების პროდუქცია არის უფრო ნაკლებად დამოკიდებული ლარის კურსზე, რადგან ძირითადი წარმოება ხდება ადგილზე, მუშა ხელი და ბევრი სხვა სიკეთე მოიხმარება ადგილზე. ასეთ შემთხვევებში, ჩვენი რეალური გამოსავალი არის, რაც შეიძლება მეტი ხარისხიანი პროდუქცია ვაწარმოოთ, რაც ლარის ასეთ პირობებში, გაზრდის ქვეყნის საექსპორტო პოტენციალს“, - განაცხადა ხანიშვილმა.

საქსტატის მონაცემებით, ქართული პროდუქციის ექსპორტი 2019 წლის იანვარ-ივნისში 11,5%-ით გაიზარდა გასული წლის იმავე პერიოდთან შედარებით და დაახლოებით 1,8 მილიონ დოლარს გაუტოლდა. ამასთან სუფთა ექსპორტი (რექსპორტის ჩათვლის გარეშე) 2018 წლის პირველ 6 თვესთან შედარებით 0,8%-ით გაიზარდა და 1,1 მილიარდ დოლარს აჭარბებს.

კომპანია „ოქროს სიიდან“ შეღავათების გაუქმების გამო ფასების ზრდით იმუქრება >>

ამავე დროს, საქართველოში 2019 წლის დასაწყისიდან იმპორტი 4,9%-ით შემცირდა და დაახლოებით 4,2 მილიარდ დოლარს გაუტოლდა. იმპორტი იკლებს ძირითადად იმის გამო, რომ საქართველოში ნავთობპროდუქტების მიწოდება 15,1%-ით შემცირდა.

115
თემები:
საქართველოს ეკონომიკა (638)
გაზქურა

მოსახლეობისთვის გაზის ტარიფი არ შეიცვლება რა ვადაზეა გათვლილი გადაწყვეტილება

28
(განახლებულია 10:32 08.07.2020)
სახელმწიფოს დახმარება გამოიხატება იმაში, რომ ის აზერბაიჯანიდან თურქეთში გაზის ტრანზიტისთვის თავის წილს თმობს, რაც საშუალებას იძლევა, რომ გაზის ტარიფი არ გაიზარდოს

თბილისი, 8 ივლისი – Sputnik. საქართველოში ბუნებრივი აირის ტარიფი სამი წლის განმავლობაში არ შეიცვლება, განაცხადა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ–ი) თავმჯდომარე დავით ნარმანიამ კომისიის მიერ 2019 წელს გაწეული მუშაობის ანგარიშის წარდგენისას.

2020 წლის დასაწყისიდან თბილისელები ერთ კუბომეტრ გაზზე 0,002 თეთრით ნაკლებს იხდიან. ტარიფი ერთ კუბომეტრზე 46,137 თეთრს შეადგენს. ეს ტარიფი 2020 წლის 1 იანვარს ამოქმედდა და 2022 წლის 31 დეკემბრის ჩათვლით იმოქმედებს.

როგორც კომისიაში აცხადებენ, ტარიფის შენარჩუნება შესაძლებელი გახდა ე.წ. სოციალური გაზის შესყიდვაზე ტარიფის შემცირების გამო. SOCAR Georgia Gas LLC–ს სამომხმარებლო ტარიფი დღგ–ის გათვალისწინებით 56,928 თეთრს შეადგენს ერთ კუბომეტრზე. Sakorgas Ltd–ს ტარიფი ახალი კლიენტებისთვის, დღგ–ის ჩათვლით, 56,990 თეთრია ერთ კუბომეტრზე.

„არის სპეციალური ფორმულა, რომლის მეშვეობითაც მარეგულირებელი კომისია ითვლის გაზის ტარიფს. ამ ეტაპზე, როცა ჩვენ რეგიონებისთვის დავადგინეთ „სოკარის“, „საქორგაზისა“ და რამდენიმე მცირე ლიცენზიანტის ტარიფები, ვიხელმძღვანელეთ იმით, რომ, ერთი მხრივ, მოსაწოდებელი გაზის ფასი შემცირდა, მეორე მხრივ, სახელმწიფომ გარკვეული შეხიდება გააკეთა თავის მხრივ მოსაწოდებელი გაზის ფასთან დაკავშირებით. შესაბამისად, ჩვენ სოციალური გაზის ტარიფი შევინარჩუნეთ იგივე და მომდევნო სამი წლის განმავლობაში გაზის ტარიფი იქნება უცვლელი“, – განაცხადა ნარმანიამ.

მისი თქმით, სახელმწიფოს დახმარება – ეს არის აზერბაიჯანიდან თურქეთში გაზის ტრანზიტისთვის თავისი წილის დათმობა, რაც საშუალებას იძლევა, რომ გაზის ტარიფი არ გაიზარდოს.

მისი აზრით, ვითარებაზე გავლენა მოახდინა ლარის გაცვლითი კურსის ვარდნამ, მაგრამ კურსის განსხვავების დაბალანსება სწორედ სახელმწიფოს მონაწილეობით გახდა შესაძლებელი.

„გაზის გამანაწილებელი კომპანიებისთვის მისაწოდებელი გაზის ფასში სახელმწიფომ, ამ შემთხვევაში, ნავთობისა და გაზის კორპორაციამ, მისი კუთვნილი გაზით ფასის სუბსიდირება მოახდინა. ანუ კორპორაცია არ აიღებს კუთვნილ გაზს და მოგებას, რომელიც რამდენიმე მილიონ ლარს შეადგენს, მომდევნო სამი წლის განმავლობაში გაზის ტარიფს დაასუბსიდირებს“, – განაცხადა დავთ ნარმანიამ.

მან ასევე აღნიშნა, რომ არ იგეგმება ელექტროენერგიის ტარიფის არაგეგმური გადახედვა.

28
თემები:
საქართველოს ენერგეტიკა
მამაკაცები ქვეყანაში არსებულ ვითარებას განიხილავენ

სახელმწიფოს მხრიდან კომპენსაციების გაცემა გრძელდება

65
(განახლებულია 09:30 08.07.2020)
საქართველოს ჯანდაცვის სამინისტროს პორტალზე დარეგისტრირებულია 188 363 თვითდასაქმებული პირი, რომლებსაც 300 ლარის ოდენობის კომპენსაციის მიღება სურთ

თბილისი, 8 ივლისი – Sputnik. კომპენსაცია სახელმწიფოსგან უკვე 244 956 ადამიანმა მიიღო, ნათქვამია დასაქმების ხელშეწყობის სააგენტოს განცხადებაში.

7 ივლისის მონაცემებით, საქართველოს ჯანდაცვის პორტალზე დარეგისტრირებულია 188 363 თვითდასაქმებული ადამიანი, რომლებსაც 300 ლარის ოდენობის კომპენსაციის მიღება სურთ. აქედან 115 719–მა 300–ლარიანი კომპენსაცია მიიღო. სულ გადარიცხულია 34,7 მლნ ლარი.

რაც შეეხება დასაქმებულებს, რომლებიც პანდემიის გამო დაზარალდნენ, 200 ლარის ოდენობით კომპენსაცია უკვე ჩაერიცხა 129 237 პირს. გადარიცხული თანხა შეადგენს 25,8მლნ ლარს. მიმდინარეობს თანხების ეტაპობრივად ჩარიცხვა.

ამ დროისთვის სულ დარეგისტრირებულია 12 482 პირი, რომლებიც თვითდასაქმებული იყვნენ ვაჭრობის სფეროში. აქედან ბაზრობის მოვაჭრე იყო 9 730 პირი, ხოლო 2 752 – სხვა ტიპის მოვაჭრე. ერთჯერადი დახმარების სახით 300 ლარის ოდენობის კომპენსაცია გადაერიცხა 6 904 ბაზრობის მოვაჭრე პირს, ხოლო სხვა ტიპის მოვაჭრეს - 1 727 პირს.

რაც შეეხება მძღოლებს, სულ დარეგისტრირდა 15 904 პირი, აქედან ლიცენზირებული ტაქსის მძღოლი იყო 10 660 პირი, კომპენსაცია დაერიცხა 13 192 პირს, მათ შორის 9 632 ტაქსის მძღოლს 300 ლარის ოდენობით.

პორტალის ეკონომიკური საქმიანობის ტიპების ჩამონათვალშია ასევე: ძიძა/მომვლელი, რეპეტიტორი/პედაგოგი, დამხმარე პერსონალი: რესტორნის დამხმარე, სასტუმროს დამხმარე, მცხობელი, სილამაზის სალონი პერსონალი, ტუროპერატორი/გიდი, მუშა, ხელოსანი, მშენებლობის სპეციალისტი და სხვ.

გრძელდება კომპენსაციის მიმღები თვითდასაქმებული პირების განაცხადების მიღება და დამუშავება. 29 ივნისიდან, დაწყებულია ჯანდაცვის სარეგისტრაციო პორტალზე – https://compensation.moh.gov.ge/ – საზღვარგარეთ სეზონურ სამუშაოებზე დასაქმებული საქართველოს მოქალაქეების რეგისტრაციის პროცესი. სახელმწიფოსგან ერთჯერად 300–ლარიან დახმარებას ისინიც შეძლებენ.

რეგისტრაციის პროცესი 15 ივლისს დასრულდება.

ფინანსური დახმარების მისაღებად ამ დასაქმებულები, რომლებიც სეზონურ სამუშაოებზე სხვადასხვა ქვეყანაში საქმდებოდნენ, არანაირი დოკუმენტის წარდგენა სჭირდებათ, გარდა ინფორმაციისა საზღვრის გადაკვეთის შესახებ.

რეგისტრაციის გავლა შეუძლიათ პირებს, რომლებიც სეზონურ სამუშაოებზე გადიოდნენ  2019 წლის მარტიდან ოქტომბრის ჩათვლით პერიოდში და საზღვარგარეთ 30–დან 120 დღემდე იმყოფებოდნენ იქ. 

კომპენსაცია ადამიანების კიდევ ერთ კატეგორიას ეკუთვნის, ვისი სამუშაოც საზღვრის რეგულარულ გადაკვეთას უკავშირდება. თუ 2019 წლის განმავლობაში მათ 60–ჯერ ან მეტჯერ გადაკვეთეს საზღვარი, ამ ადამიანებს კომპენსაცია ეკუთვნის. მათ არ სჭირდებათ რამე სახის დოკუმენტების წარდგენა, გარდა პასპორტის გვერდის ასლისა.

65
თემები:
სოციალური სფერო საქართველოში