პურ-ფუნთუშეული

გაიზრდება თუ არა ფასები: კომპანიები კონკურენციის სააგენტოსთან ითანამშრომლებენ

72
(განახლებულია 11:40 06.08.2019)
კონკურენციის სააგენტო ლარის კურსთან დაკავშირებით კომპანიებისა და ასოციაციების მხრიდან ფასების შესაძლო მატებასთან დაკავშირებით გავრცელებული განცხადებებით დაინტერესდა.

თბილისი, 6 აგვისტო — Sputnik. საქართველოს კონკურენციის სააგენტოს დაინტერესების თაობაზე კომპანიებისა და ბიზნეს-ასოციაციების მოსაზრება გაიყო, ნაწილი მზადაა თანამშრომლობისთვის, ნაწილი კი ფიქრობს.

სააგენტო დაინტერესდა ლარის კურსის ცვლილებისას კომპანიებისა და ასოციაციების მხრიდან ფასების შესაძლო მატებასთან დაკავშირებით გავრცელებული განცხადებებით.

საქართველოს კონკურენციის სააგენტომ განცხადება გაავრცელა, რომელშიც აღნიშნულია, რომ აპირებს საქართველოს დისტრიბუტორთა ბიზნეს-ასოციაციის, შპს „დიპლომატ ჰოლდინგის", ხორბლისა და ფქვილის მწარმოებელთა ასოციაციისა და მეფრინველეობის განვითარების ასოციაციისგან ლარის გაუფასურების გამო ფასების შესაძლო ზრდის თაობაზე გაკეთებულ განცხადებებთან დაკავშირებით განმარტება მოისმინოს.

სააგენტოს აზრით განცხადებები, შესაძლოა, კომპანიებს შორის კოორდინაციისა და „კონკურენციის შესახებ" საქართველოს კანონის დარღვევის რისკებს შეიცავდეს.

თანამშრომლობის თაობაზე მზადყოფნა გამოთქვა ხორბლისა და ფქვილის მწარმოებელთა ასოციაციის ხელმძღვანელმა ლევან სილაგავამ.

„ჩვენ ისედაც გვაქვს კომუნიკაცია სააგენტოსთან მონიტორინგის ფარგლებში, რომელიც 2018 წლის დეკემბრიდან მიმდინარეობს. ჩვენთვის მნიშვნელოვანია იყოს ჭეშმარიტება დადგენილი, თუ რა იწვევს ფქვილისა და ხორბლის ფასის ზრდას", - განაცხადა სილაგავამ საზოგადოებრივი მაუწყებლის პირველ არხზე.

მისი სიტყვებით, საქართველო დამოკიდებულია ხორბლის იმპორტზე, მისი ფასი საგარეო ბაზრებზე სტაბილურია, თუმცა, ერთი ტომარა ფქვილის ფასმა მოიმატა. ამავე დროს მან აღნიშნა, რომ ფასების ზრდა უმნიშვნელოა და სერიოზულ გავლენას ვერ მოახდენს საქართველოში ფასებზე.

ამასთან, დისტრიბუტორთა ბიზნეს-ასოციაციის ხელმძღვანელმა ივა ჭყონიამ განაცხადა, რომ კონკურენციის სააგენტოს გადაწყვეტილება მისთვის გაუგებარია.

„წარმოდგენა არ მაქვს, რას გულისხმობდა კონკურენციის სააგენტო და ჩემთვის საინტერესოა, რა კვლევა უნდა დაიწყონ. თუმცა, ხმამაღლა ვაცხადებ, მზად ვარ, კონკურენციის სააგენტოსთან ვითანამშრომლოთ", - აღნიშნა ჭყონიამ საზოგადოებრივი მაუწყებლის პირველ არხზე.

მისი სიტყვებით, სააგენტოს განცხადება გარკვეულ ეჭვს ბადებს, რამდენადაც საქართველოში თავისუფალი ბაზარია და ბიზნეს-ოპერატორებიდან არცერთი არ არის შეზღუდული ფასების დადგენის საკითხში.

„უფრო სხვა კონტექსტს ვხედავ ამ განცხადებაში, შეიძლება, პოლიტიკური განცხადებაც იყოს, რათა ანახონ მოსახლეობას, რომ ფასების ზრდას არ დაუშვებენ. თუ ბიზნესი თავისუფალია და ზეწოლა არ იქნება, როგორც უნდა ბიზნესს, ისეთ ლავირებას გაუწევს ფასებს", - განაცხადა ჭყონიამ.

1 აგვისტოს ეროვნული ვალუტის კურსმა დოლარის მიმართ ანტირეკორდულ მაჩვენებელს - 2,9718-ს მიაღწია. უფრო კონკრეტულად, 20 ივნისიდან ლარის კურსი დოლარის მიმართ 6,6%-ით დაეცა. მას შემდეგ, რაც 1 აგვისტოს ეროვნულმა ბანკმა სავალუტო რეზერვების ნაწილი გაყიდა, ლარმა გამყარება დაიწყო.

72
თემები:
ლარის კურსის დაცემა (35)
ნათია თურნავა

თურნავა: „სახელმწიფო ელექტროსისტემის“ სამეთვალყურეო საბჭოს წევრების შერჩევა დაიწყო

27
(განახლებულია 14:40 03.03.2021)
სახელმწიფო საწარმოების რეფორმაზე ფინანსთა სამინისტრომ მუშაობა 2020 წლის მეორე კვარტლიდან დაიწყო – აღნიშნული პროექტის განხორციელება გლობალური ეკონომიკური კრიზისის პირობებში განსაკუთრებით მნიშვნელოვანია.

 

თბილისი, 3 მარტი - Sputnik. საქართველოს მთავრობა სახელმწიფო საწარმოების მასშტაბურ რეფორმას ახორციელებს, რომლის ფარგლებშიც შეირჩა  „საქართველოს სახელმწიფო ელექტროსისტემა“,  ნათქვამია საქართველოს ეკონომიკისა და მდგრადი განვითარების სამინისტროს მიერ გავრცელებულ ინფორმაციაში.

მინისტრის განცხადებით, რეფორმის მთავარი ამოცანაა,  რომ მსხვილი სტრატეგიული სახელმწიფო კომპანიები გახდნენ უფრო ძლიერები, დამოუკიდებლები,  უფრო კვალიფიციურად მართულები და თავად შეძლონ ფინანსების მოზიდვა  როგორც ადგილობრივ  საფინანსო ბაზარზე,  ასევე უცხოეთში. 

ეკონომიკის მინისტრ ნათია თურნავას განცხადებით, „სახელმწიფო ელექტროსისტემა“ მნიშვნელოვანი კომპანიაა საქართველოს ენერგოუსაფრთხოებისა და ქვეყნის მოსახლეობის უწყვეტი და ხარისხიანი ენერგომომარაგებისთვის.

მისი თქმით, დღეს კომპანია ჩვეულებრივ რეჟიმში ფუნქციონირებს, რაც წინ გადადგმული ნაბიჯია კომპანიის გაძლიერებისკენ. მომდევნო ეტაპი კი საუკეთესო კორპორატიული სტანდარტების დანერგვაა, მათ შორის, მენეჯმენტში.

„ჩვენ გამოვაცხადეთ კონკურსი სამეთვალყურეო საბჭოს წევრების კანდიდატების შესარჩევად. კომპანიის წარმატებული რეფორმირება შემდგომში უნდა გახდეს მთლიანად სახელმწიფო საწარმოთა რეფორმის საპილოტე მოდელი. ამრიგად, კომპანიის სამეთვალყურეო საბჭოს წევრობის კანდიდატების გამჭვირვალე პროცედურით შერჩევა და შესაბამისი კვალიფიკაციის კადრების მოძიება უმნიშვნელოვანესია“, – აღნიშნა ნათია თურნავამ.

მთავრობის გადაწყვეტილებით,  უკვე შეიქმნა საკონკურსო კომისია, რომელმაც „საქართველოს სახელმწიფო ელექტროსისტემის“ სამეთვალყურეო საბჭოს წევრობის კანდიდატები უნდა შეარჩიოს. ამასთან,  საკონკურსო კომისიამ უნდა უზრუნველყოს შერჩევის პროცესის მაქსიმალური გამჭვირვალობა და საჯაროობა.

 

როგორც 25 თებერვალს გამართულ მთავრობის სხდომაზე საქართველოს პრემიერ-მინისტრმა ირაკლი ღარიბაშვილმა განაცხადა, 

სახელმწიფო საწარმოების მართვის რეფორმირებისთვის სპეციალური სამუშაო ჯგუფი შეიქმნება, რომელსაც ფინანსთა მინისტრი ივანე მაჭავარიანი უხელმძღვანელებს. აღნიშნული საბჭო სახელმწიფო საწარმოთა რეფორმის სტრატეგიასა და კონკრეტულ სამოქმედო გეგმას შეიმუშავებს და ასევე უზრუნველყოფს და მეთვალყურეობას გაუწევს რეფორმების დანერგვას ყველა ეტაპზე.

 

27
თემები:
საქართველოს ეკონომიკა
VTB Georgia

S&P-ს რეიტინგით VTB ბანკის პროგნოზი გაუარესდა

34
(განახლებულია 14:47 03.03.2021)
ცვლილება უკავშირდება საქართველოს სუვერენული რეიტინგების პროგნოზის გაუარესებას, რომელიც გასულ კვირაში „სტაბილურიდან“ „ნეგატიურზე“ შეიცვალა.

თბილისი, 3 მარტი — Sputnik. საერთაშორისო სარეიტინგო სააგენტოს S&P Global Ratings რეიტინგის მიხედვით „ვი-თი-ბი ბანკის“ (VTB, საქართველო) რეიტინგი „სტაბილურიდან“ „ნეგატიურამდე“ გაუარესდა, ნათქვამია სააგენტოს განცხადებაში.

ამავე დროს, S&P-მ ბანკის გრძელვადიანი და მოკლევადიანი საკრედიტო რეიტინგები BB/B დონეზე დატოვა.

„ბანკის პროგნოზის ცვლილება უკავშირდება საქართველოს სუვერენული რეიტინგების პროგნოზის გაუარესებას, რომელიც გასულ კვირაში „სტაბილურიდან“ „ნეგატიურზე“ შეიცვალა, რაც ასახავს მზარდ რისკებს სახელმწიფოს შესაძლებლობებისთვის – მოახდინოს სავალუტო შემოსავლის გენერირება თავისი საგარეო ვალდებულებების მომსახურებისთვის“, – ნათქვამია სააგენტოს პრეს-რელიზში.

ამასთან, S&P VTB ბანკს კვლავ განიხილავს, როგორც რუსეთში არსებული VTB ბანკის სტრატეგიულად მნიშვნელოვან შვილობილ კომპანიას, რომელიც, როგორც ჩანს, განაგრძობს თავისი ქართული ფილიალის მხარდაჭერას.

როგორც განცხადებაშია აღნიშნული, მაგალითად, 2020 წელს დამფუძნებელმა კომპანიამ შვილობილ კომპანიას გამოუყო 20 მლნ ლარი, რითიც მხარი დაუჭირა ქართული ბანკის კაპიტალის საკმარისობის კოეფიციენტს.

საქართველოში „უიმედო" სესხების მოცულობა იზრდება>>

„ჩვეულებრივ, ჩვენ ჯგუფის სტრატეგიულ შვილობილ კომპანიას მის საკუთარ საკრედიტო პროფილზე (SACP) სამი საფეხურით მაღლა ვაფასებთ, რაც VTB ბანკის (საქართველო) შემთხვევაში არის „b“. ჩვენ იშვიათად ვაფასებთ ფინანსურ დაწესებულებას ქვეყნის სუვერენულ რეიტინგზე მაღლა“, – ნათქვამია განცხადებაში.

S&P მოლოდინია, რომ ბანკი შეინარჩუნებს ადეკვატურ კაპიტალიზაციას RAC–კოეფიციენტით, რომელიც, სავარაუდოდ, სტაბილურად დარჩება 7%-ზე მეტი მომდევნო 12 თვის განმავლობაში. მიუხედავად იმისა, რომ 2020 წელს ბანკის ბალანსის დოლარიზაცია მთლიანი საკრედიტო პორტფელიდან 43%-მდე შემცირდა (46% – ერთი წლით ადრე), ის საერთაშორისო კონტექსტში მაღალი რჩება და ბანკის რისკების პროფილზე შეიძლება აისახოს.

VTB ბანკმა 2020 წელს ბიზნესის ზრდის მოსალოდნელზე მაღალი ზრდა აჩვენა: სესხის პორტფელი დაახლოებით 21%-ით გაიზარდა, რაც ეროვნული ვალუტის დევალვაციის გამო ნაწილობრივ იკარგება, მაგრამ მხარდაჭერილია სახელმწიფოს მიერ სუბსიდირებული იპოთეკური კრედიტებით. თუმცა, არის მოლოდინი, რომ პრობლემური კრედიტები ერთნიშნა ციფრების დონეზე დარჩება 2022 წლის ბოლომდე.

სააგენტოს ბანკის მიმართ შემდეგი 12 თვის განმავლობაში ნეგატიური სარეიტინგო მოქმედება შეუძლია, თუ საქართველოს სუვერენული რეიტინგი შემცირდება. ასეთი მოქმედება ასევე შესაძლებელია, თუ ბანკის მნიშვნელობა დამფუძნებელი კომპანიისთვის არსებითად შემცირდება, კერძოდ, თუ შემცირდება სათავო სს VTB ბანკის ინტერესი ან შესაძლებლობა, ფინანსურად დაეხმაროს VTB ბანკს საქართველოში.

ამავე დროს, ბანკის რეიტინგის პროგნოზი „ნეგატიურიდან“ „სტაბილურზე“ შეიძლება გადაიხედოს, თუ ანალოგიური სარეიტინგო მოქმედება განხორციელდება სუვერენული ვალის მიმართ.

„ამ შემთხვევაში პროგნოზის გადახედვა შესაძლებელი იქნება მხოლოდ იმ შემთხვევაში, თუ ვერ დავინახავთ არსებით ზეწოლას ბანკის კრედიტუნარიანობაზე და დამფუძნებელ ბანკს შვილობილი კომპანიის მხარდაჭერის მზადყოფნა ექნება“, – აღნიშნავს S&P.

34
თემები:
საქართველოს ეკონომიკა
კალაუბანი

Freedom House–ის ანგარიში: საქართველო ნაწილობრივ თავისუფალ ქვეყნებს შორისაა

0
(განახლებულია 17:25 03.03.2021)
ანგარიში  მსოფლიოს 195 ქვეყანაში პოლიტიკური უფლებების და სამოქალაქო თავისუფლების მხრივ არსებულ ვითარებას ასახავს.

თბილისი, 3 მარტი - Sputnik. ამერიკული არასამთავრობო ორგანიზაცია Freedom House-ის მსოფლიოში თავისუფლების შესახებ 2021 წლის რეიტინგში საქართველო ერთი საფეხურით ჩამოქვეითდა, თუმცა, „ნაწილობრივ თავისუფალი“ ქვეყნის სტატუსი შეინარჩუნა.

ამჯერად საქართველომ 60 ქულა მიიღო სისტემით, რომელშიც 100 ქულა ყველაზე კარგი შედეგია – შედარებისთვის ქვეყანას 2017 და 2018 წლების ანგარიშში  64 ქულა ჰქონდა, 2019-ში 63 და 2020 წელს 61. 

Freedom House-ი ქვეყნის თავისუფლებას ორი კრიტერიუმით აფასებს, ესენია პოლიტიკური უფლებები და სამოქალაქო უფლებები. პოლიტიკურ უფლებებს 40 ქულა ეთმობა, სამოქალაქოს კი 60 – საქართველომ აღნიშნულ კრიტრიუმებში 23 და 37 ქულები მიიღო.
აღნიშნული კვლევა 195 ქვეყანას და 14 ტერიტორიულ წარმონაქმს, მათ შორის, საქართველოს ცენტრალური ხელისუფლების მიერ არაკონტროლირებად აფხაზეთისა და ცხინვალის რეგიონს მოიცავს.

ანგარიშის მიხედვით, საქართველო კონკურენტულ არჩევნებს ატარებს და მას დემოკრატიის ტრაექტორიის გაუმჯობესების ნიშნები განსაკუთრებით 2012-2013 წლებში ჰქონდა, რაც მთავრობის შეცვლას უკავშირდებოდა, თუმცა, ბოლო წლებია უკუსვლას განიცდის. ორგანიზაციის შეფასებით, ქვეყანაში პრობლემად რჩება კორუფციაც. 

Freedom House დამოუკიდებელი ორგანიზაციაა, რომელიც დემოკრატიისა და თავისუფლების გაფართოებაზე ზრუნავს მთელ მსოფლიოში. ორგანიზაცია აანალიზებს თავისუფლების პრობლემებს, გამოდის უფრო ფართო პოლიტიკური უფლებებისა და სამოქალაქო თავისუფლებების მხარდაჭერით და ხელს უწყობს დემოკრატიულ გარდაქმნებს.

Freedom House 1941 წელს დაარსდა.

0