სავალუტო ჯიხური

ლარის პერსპექტივა... ვინ უწამლებს ეროვნულ ვალუტას?

1054
(განახლებულია 17:02 01.08.2019)
საგარეო შოკები, შემცირებული ინვესტიციები, პრაქტიკულად ჩავარდნილი ტურისტული სეზონი და ეროვნული ვალუტის პერსპექტივა... გაუძლებს თუ არა ლარი ნეგატიური მოლოდინების გავლენას?

სამსონ ხონელი

ეროვნული ვალუტის ისტორია მეოთხედ საუკუნეს ითვლის... ვინც ლარის თავგადასავალს მეტ-ნაკლებად მაინც იცნობს, დამეთანხმება, რომ ბოლო რამდენიმე წელია, რაც ლარი ავად არის. ოპტიმისტები იმედოვნებდნენ, რომ პაციენტი თანდათან ძალას მოიკრებდა და ფეხზე დადგებოდა. პესიმისტები კი ავადობის გართულებას ვარაუდობდნენ. იყვნენ რეალისტებიც. მათ დროის მოკლე მონაკვეთში სასწაულის ნაკლებად სჯეროდათ, მაგრამ არც ფატალური შედეგის მოლოდინი ჰქონდათ. ახლა თავად განსაჯეთ, ვინ უფრო ზუსტად განჭვრიტა ეროვნული ვალუტის პერსპექტივა? ფაქტია, რომ კომერციულ ბანკებში ერთი ამერიკული დოლარის ღირებულება სამი ლარის ნიშნულზე დაფიქსირდა და ავადობის ისტორიაშიც ახალი ფურცელი გადაიშალა. ბევრი რომ აღარ გავაგრძელო, ეროვნულ ვალუტას შავი დღეები უდგას... „შევიფარებ და მოვუვლი გაუბედურებულ ლარს ნებისმიერი რაოდენობით და კურსით...“ – ეს გულამოსკვნილი სიტყვები სოციალურ ქსელში ამოვიკითხე. მათი ავტორი ეკონომისტი, ბატონი სიკო გეგიაძეა, ის ერთხანს ტურიზმის სფეროში მოღვაწეობდა...

რატომ მიეჯაჭვა ლარი სარეცელს? რაკი ტურიზმი ვახსენეთ, გეტყვით, რომ ეროვნული ბანკის პრეზიდენტი კობა გვენეტაძე ეროვნული ვალუტის ბოლოდროინდელი უღონობის მთავარ მიზეზად ტურისტული ნაკადის შემცირებას ასახელებს, რაც, მისივე აზრით, საგარეო შოკების შედეგია.

ანალიტიკოსთა ერთი ნაწილი ეროვნული ბანკის პრეზიდენტის მიერ ლარის გაუფასურების საგარეო შოკებითა და ქვეყანაში ტურისტული ნაკადის შემცირებით ახსნას „არაადეკვატურ შეფასებას“ უწოდებს და მიანიშნებს, რომ კობა გვენეტაძე არაფერს ამბობს იმის თაობაზე, რომ ბოლო დროს ქვეყანაში პირდაპირი უცხოური ინვესტიციები მცირდება...

ანალიტიკოსი აკაკი ცომაია: „როდესაც ეროვნული ბანკის პრეზიდენტი ამ ფაქტს მალავს და საინვესტიციო გარემოს გაუარესებას ლარის გაუფასურების მიზეზად არ მიიჩნევს, ეს, სულ მცირე, სწორი შეფასება არ არის. ის ასევე არ ასახელებს იმ ფაქტს, რომ 200 ათას ლარამდე სესხის აღება უცხოურ ვალუტაში შეუძლებელია და ეროვნული ვალუტის გაუფასურებას ეს ფაქტორიც იწვევს. კობა გვენეტაძე შეფასებებში არაადეკვატურია... საგარეო შოკები ადრეც არსებობდა, მაგრამ ლარი ადრე ასე არ მოძრაობდა...“

მკითხველს მოვახსენებ, რომ ლარის კურსის განმსაზღვრელი ძირითადი მაკროეკონომიკური პარამეტრებიდან პირდაპირი უცხოური ინვესტიციები ყველაზე სუსტი პოზიციაა. ნათქვამს „საქსტატის“ ოფიციალური მონაცემებიც ადასტურებს. გასულ წელს პირდაპირი უცხოური ინვესტიციების მოცულობა 34.9 პროცენტით შემცირდა. მიმდინარე წლის პირველ კვარტალში, წინა წლის ანალოგიურ პერიოდთან შედარებით, კლებამ 6.3 პროცენტი შეადგინა. ანალიტიკოსები აცხადებენ, რომ სწორედ ქვეყანაში ფულის შემოდინების დაბალი ტემპის ბრალია კურსიც, სოციალური გაჭირვებაც, ხალხის გაბოროტებაც და სასოწარკვეთაც...

ეროვნული ბანკის პრეზიდენტის პოზიციას იზიარებს გიორგი ქობულია, რომელიც ერთხანს თავად იყო პასუხისმგებელი ქვეყნის ეკონომიკურ პოლიტიკაზე. გიორგი ქობულია საგარეო შოკებს აკონკრეტებს და ტურისტების რაოდენობის შემცირების მთავარ მიზეზად რუსეთთან კონფლიქტური სიტუაციის გამწვავებას ასახელებს.

გიორგი ქობულია: „რუსეთიდან შარშან შემოვიდა საშუალოზე უფრო მაღალი გადამხდელუნარიანი მილიონ-ნახევარი ტურისტი. ჩვენ გვაქვს დიდი რისკი, დავკარგოთ ეს ტურისტები. ამის კომპენსირება ამ მთავრობას კი არა, ვერც ერთ მთავრობას ვერ ძალუძს.  სიტუაციის გამძაფრებას მოჰყვა ინვესტიციების მოცულობის კიდევ უფრო შემცირება...“

რას ამბობს ხელისუფლება? მმართველი პარტიის პოზიციაც არახალია. „ქართული ოცნების“ ლიდერებისა და მთავრობის ეკონომიკური გუნდის წარმომადგენლების შეფასებებით ყველა ძირითადი მაკროეკონომიკური პარამეტრი წესრიგშია. მათი განმარტებით, ლარის კურსზე ნეგატიურად აისახა ქვეყნის მთავარ გამზირზე მიმდინარე საპროტესტო აქციები. ამგვარი პოზიცია ანალიტიკოსთა ერთი ნაწილისთვის ღიმილის მომგვრელია...

ანალიტიკოსი დემურ გიორხელიძე: „ხელისუფლების წარმომადგენლების მხრიდან ლარის გაუფასურების საპროტესტო აქციებთან დაკავშირება იმდენად აბსურდული არგუმენტია, რომ კომენტარის გაკეთებაც კი არ ღირს. ქვეყანაში პოლიტიკური პროცესები სულ მიდის და პირველი შემთხვევა არ არის, როცა მიტინგები ტარდება. ადრე რუსთაველზე საპროტესტო აქციები არ იყო?! ხელისუფლება ძალიან არაადეკვატურია! ლარის გაუფასურების საკითხზე მთავრობის განცხადებების შეფასება ძალზე უხერხულია, რადგან არაადეკვატურები არიან...“

ექსპერტულ წრეებში ლარის გაუფასურების ერთ-ერთ მიზეზად ეროვნული ბანკის მხრიდან რეზერვების შევსებასაც ასახელებენ. მკითხველს შევახსენებ, რომ მიმდინარე წლის თებერვლის თვიდან დღემდე ეროვნულმა ბანკმა 200 მილიონი დოლარი შეიძინა.

რა ელის ეროვნულ ვალუტას უახლოეს მომავალში?

ეროვნული ბანკის პრეზიდენტი აცხადებს, რომ ლარის გაუფასურების პროცესი დიდხანს არ გაგრძელდება, თუმცა ის არ აკონკრეტებს, როდის დასრულდება დაცემა. კობა გვენეტაძე გვაიმედებს, რომ გაუფასურებას გამყარება მოჰყვება. განცდა მაქვს, რომ ცოტაც და მთავარი ბანკირი გვეტყვის − გაუფასურება და გამყარება ძმები არიან...

საშუალოვადიან პერიოდში ეროვნული ვალუტის გამყარებას ვარაუდობს „თიბისი ბანკის“ გენერალური დირექტორი ვახტანგ ბუცხრიკიძე. ის „თიბისი ჯგუფის“ მიერ ჩატარებული კვლევის შედეგებს ეყრდნობა...

ვახტანგ ბუცხრიკიძე: „ბოლო ორი თვის განმავლობაში რამდენიმე კვლევა დავდეთ. ბოლო კვლევა კი მას შემდეგ ჩავატარეთ, რაც რუსეთიდან ფრენები აიკრძალა. გვაქვს მოლოდინი, რომ ტურიზმში 2019 წელს გასულ წელთან შედარებით მცირედით, მაგრამ ზრდა მაინც იქნება. აქედან გამომდინარე, ჩვენი ანალიზით, საშუალოვადიან პერიოდში ლარი უნდა გამყარდეს..."

ანალიტიკოსთა ერთი ნაწილი ვარაუდობს, რომ ნეგატიური მოლოდინების თანდათან მინელების ფონზე კურსი უნდა დასტაბილურდეს 2.8 ნიშნულთან ახლოს. მანამდე კი ლარი გაუფასურებას განაგრძობს და ეს პროცესი ფასებზეც ახდენს გავლენას. ცხოვრება ძვირდება!

P.S. წერტილის დასმას ვაპირებდი, როცა ეროვნული ბანკის განცხადება გავრცელდა. კობა გვენეტაძის უწყების შეფასებით, მიუხედავად დადებითი შიდა და საგარეო მაკროეკონომიკური დინამიკისა, ტურიზმთან დაკავშირებული შოკისა და ნეგატიური მოლოდინების ფონზე გაცვლითმა კურსმა ისეთ ნიშნულს მიაღწია, რომელმაც შესაძლებელია რისკი შეუქმნას ფასების სტაბილურობას. აქედან გამომდინარე ეროვნული ბანკი მიზანშეწონილად მიიჩნევს მის ხელთ არსებული ინსტრუმენტების თანმიმდევრულ გამოყენებას, რათა არ მოხდეს ამ რისკის მატერიალიზაცია. ამ მიზნით ეროვნული ბანკი 1 აგვისტოს სავალუტო აუქციონზე 40 მილიონ აშშ დოლარს გაყიდის. საჭიროების შემთხვევაში ეროვნული ბანკი ინტერვენციებს მომავალ დღეებშიც მიმართავს. თუ გაცვლითი კურსიდან მომდინარე წნეხი ინფლაციაზე შენარჩუნდა, ეროვნული ბანკი ასევე გაამკაცრებს მონეტარულ პოლიტიკას.

 

1054
რთველი

რთველი 2020: მევენახეებმა 191 ათასი ტონა ყურძენი ჩააბარეს

21
(განახლებულია 16:30 27.09.2020)
საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

თბილისი, 27 სექტემბერი — Sputnik. საქართველოში „რთველი 2020“-ის ფარგლებში ამ დროისათვის დაახლოებით 191 ათასი ტონა ყურძენია გადამუშავებული, იუწყება ღვინის ეროვნული სააგენტო

კახეთში ყურძნის მოსავლის აღების სეზონი 22 აგვისტოს დაიწყო. გადამუშავების პროცესში 60-ზე მეტი ღვინის საწარმოა ჩართული.

დღეის მდგომარეობით ყურძენი ღვინის საწარმოებს 20 ათასამდე მევენახემ ჩააბარა. ამ დროისათვის მევენახეებმა ყურძნის რეალიზაციით 195 მლნ ლარი მიიღეს.

27 სექტემბრის მონაცემებით, კახეთის რეგიონში გადამუშავებულია 137 ათასი ტონა რქაწითელი, 45 ათასი ტონა საფერავი, 3,3 ათასი ტონა კახური მწვანე და დანარჩენი სხვადასხვა ჯიშის ყურძენია.

მოსავლის დაბინავება კახეთის ყველა მუნიციპალიტეტში მიმდინარეობს.

ყურძნის დღეღამური გადამუშავების მაჩვენებელი კვლავ 10 ათას ტონას აღემატება, რაც ნიშნავს, რომ კახეთში რთველი პიკურ პერიოდშია. 163-მა ღვინის კომპანიამ უკვე გადაამუშავა ყურძენი, აცხადებენ ღვინის სააგენტოში.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

საქართველოდან თხილის ექსპორტი კვლავ იზრდება >>

სუბსიდიას მიიღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

21
თემები:
ღვინის კულტურა და მეღვინეობა

ლარის კურსმა პიკს მიაღწია: რა ელოდება საქართველოს ეროვნულ ვალუტას? - ფოტო

90
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
  • ქართული ლარი ახალ ანტირეკორდებს ამყარებს
  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
  • თუმცა რა იქნება შემდეგ?
  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
ბოლო დღეებში ქართული ვალუტის კურსი მკვეთრად დაეცა მსოფლიოს სხვადასხვა ვალუტებთან მიმართებაში. რა ელოდება ქართულ ლარს? სანამ ექსპერტები პროგნოზებს აკეთებენ, რიგითი მოქალაქეები დოლარს ყიდულობენ

იხილეთ Sputnik-საქართველოს ფოტოლენტაში, რა ხდებოდა პარასკევს საღამოს ალექსანდრე ყაზბეგის გამზირზე, სადაც ვალუტის გამცვლელი პუნქტები მრავლადაა.

ბევრს მიაჩნია, რომ აქ ყველაზე ხელსაყრელი კურსი, მაგრამ არც ქალაქის სხვადასხვა უბნებშია ნაკლები. თუმცა იქამდე მიღწევა ასევე პრობლემას წარმოადგენს. ყაზბეგის გამზირზე მოხვედრა კი გაცილებით ადვილია, რადგან აქ ერთ-ერთი მთავარი სატრანსპორტო ძარღვი გადის.

90
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
    © Sputnik / Alexander Imedashvili

    ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი

  • ქართული ლარი ახალ ანტირეკორდებს ამყარებს
    © Sputnik / Alexander Imedashvili

    ქართული ლარი ახალ ანტირეკორდებს ამყარებს

  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
    © Sputnik / Alexander Imedashvili

    მიუხედავად ეროვნული ბანკის მხრიდან სიტუაციის დასტაბილურების მცდელობებისა

  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
    © Sputnik / Alexander Imedashvili

    სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ

  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
    © Sputnik / Alexander Imedashvili

    საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო

  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
    © Sputnik / Alexander Imedashvili

    საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს

  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
    © Sputnik / Alexander Imedashvili

    თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას

  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
    © Sputnik / Alexander Imedashvili

    სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ

  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
    © Sputnik / Alexander Imedashvili

    ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა

  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
    © Sputnik / Alexander Imedashvili

    როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება

  • თუმცა რა იქნება შემდეგ?
    © Sputnik / Alexander Imedashvili

    თუმცა რა იქნება შემდეგ?

  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
    © Sputnik / Alexander Imedashvili

    სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა

საკლასო ოთახი

გურიაში შესაძლოა სკოლებში სწავლა ონლაინ-რეჟიმზე გადავიდეს

0
(განახლებულია 17:36 27.09.2020)
გურიაში სახელმწიფო რწმუნებულმა ზურაბ ნასარაიამ განაცხადა, რომ საკითხი ჯერ დაზუსტებული არ არის. ამასთან, ჩოხატაურსა და ლანჩხუთში სასწავლო პროცესი ჩვეულ რეჟიმში გაგრძელდება

თბილისი, 27 სექტემბერი — Sputnik. ოზურგეთში შესაძლოა სკოლები სწავლის ონლაინრეჟიმზე გადავიდნენ, ამის შესახებ გურიაში სახელმწიფო რწმუნებულმა ზურაბ ნასარაიამ ისაუბრა, იუწყება საზოგადოებრივი მაუწყებლის პირველი არხი.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 294-ით გაიზარდა. გურიაში დღეს კორონავირუსის 16 ახალი შემთხვევა გამოვლინდა. რეგიონში შემთხვევების რაოდენობა 90-ს უახლოვდება. ორი დღის წინ კორონავისუსით ინფიცირების შემთხვევების მატების გამო ოზურგეთის მუნიციპალიტეტის დაბა ლაითურში გადაადგილება შეიზღუდა.

ნასარაიას თქმით, საკითხი ჯერ დაზუსტებული არ არის. ამასთან, ზურაბ ნასარაიას განმარტებით, ჩოხატაურსა და ლანჩხუთში სასწავლო პროცესი ჩვეულ რეჟიმში გაგრძელდება.

„ვამუშავებთ სქემას, რომ ოზურგეთის სკოლები ნელ-ნელა გადავიდნენ ონლაინ სწავლებაზე, თუმცა ეს ჯერ დაზუსტებული არ არის და საჭიროებს შეთანხმებას შესაბამის უწყებასთან. ლანჩხუთისა და ჩოხატაურის სკოლებში სწავლა ჩვეულ რეჟიმში გაგრძელდება. რაც შეეხება სოფელ ლაითურს, იქ შეზღუდვები კვლავაც გრძელდება, მაგრამ გადაადგილების შეზღუდვა არ ვრცელდება არც სადისტრიბუციო კომპანიებზე და არც იმ პირებზე, რომლებიც სხვაგან არიან დასაქმებული“, – განაცხადა გურიაში სახელმწიფო რწმუნებულმა ზურაბ ნასარაიამ.

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო რვა ქალაქის – თბილისი, ბათუმი, ქობულეთი, ქუთაისი, ფოთი, რუსთავი, ზუგდიდი, გორი, ასევე კახეთის, გურიისა და შიდა ქართლის ზოგიერთი სოფლის სკოლების მოსწავლეები და სტუდენტები იძულებული არიან, ორი კვირის განმავლობაში, 1 ოქტომბრამდე დისტანციურად ისწავლონ. სხვა ქალაქებსა და სოფლებში სასწავლო დაწესებულებები გაიხსნა.

სასწავლო პროცესის დაწყებიდან რამდენიმე დღეში, 21 სექტემბერს კორონავირუსი დაფიქსირდა სამ სკოლაში - ოზურგეთის მუნიციპალიტეტის სოფელ ლაითურში, შრომაში და სენაკში. იქ COVID-19 რამდენიმე პედაგოგსა და მოსწავლეს დაუდგინდა. აღნიშნული სკოლები დისტანციურ რეჟიმზე გადავიდნენ.

დღეს პრემიერ-მინისტრმა გიორგი გახარიამ განაცხადა, რომ სასწავლო პროცესი განახლდება ზუსტად იმ რეჟიმში, როგორც იყო გამოცხადებული.

საქართველოში ახალი კორონავირუსით დაავადებულთა რაოდენობამ 5254-ს მიაღწია.

ამ დროისათვის სულ გამოჯანმრთელდა 1906 ადამიანი, გარდაიცვალა – 28, კარანტინის რეჟიმში იმყოფება 5674, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 800 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში