„ქინძმარაული“ მოსკოვის მაღაზიის დახლებზე

კვლევა: როგორ შეიცვლება 2019 წელს ღვინისა და ალკოჰოლური სექტორის შემოსავლები

127
Galt&Taggart–ის შეფასებით, ღვინისა და ალკოჰოლური სასმელების ბიზნესი საქართველოში ერთ-ერთი ყველაზე მომგებიანი სექტორია

თბილისი, 30 ივლისი — Sputnik. კონსალტინგური კომპანია Galt&Taggart–ის გათვლებით, 2019 წელს ღვინისა და ალკოჰოლური  სექტორის შემოსავლები დაახლოებით 10%-ით გაიზრდება, განუცხადა Galt&Taggart–ის მმართველმა დირექტორმა, ოთარ შარიქაძემ საზოგადოებრივი მაუწყებლის პირველ არხს.

„2013-18 წლებში სექტორის შემოსავლები თითქმის გაორმაგდა და დაახლოებით 870 მილიონი ლარი შეადგინა. ღვინო საქართველოს მე-4, ხოლო ბრენდი მე-8 უმსხვილესი საექსპორტო პროდუქტია. 2018 წელს საქართველომ ღვინისა და ბრენდის ექსპორტიდან 305 მლნ აშშ დოლარის შემოსავალი მიიღო. ჩვენი გათვლებით, 2019 წელი სექტორისთვის სავარაუდოდ კიდევ ერთი კარგი წელი იქნება და შემოსავლები დაახლოებით 10%-ით გაიზრდება“, – განაცხადა შარიქაძემ.

მისი თქმით, ღვინისა და ალკოჰოლური სასმელების ბიზნესი საქართველოში ერთ-ერთი ყველაზე მომგებიანი სექტორია.

კომპანია Galt&Taggart–ის მიერ ჩატარებული კვლევის მიხედვით, 2019 წელს მოსალოდნელია სექტორის დაახლოებით 10%-იანი წლიური ზრდა. 2018 წელს ყურძნის რეკორდული მოსავლიდან და ექსპორტის ზრდის ტენდენციებიდან გამომდინარეობს.

კვლევაში საუბარია იმაზე, რომ 2013-2018 წლებში ღვინის ექსპორტი არატრადიციულ ბაზრებზე გასამმაგდა, რაც საკმაოდ კარგი მიღწევაა ამ ბაზრებზე ქართული ღვინის დაბალი ცნობადობის პირობებში.

იმის გათვალისწინებით, რომ აზიაში ღვინის მოხმარება საკმაოდ მზარდია, ამ ბაზრების მიმართულებით შესაძლებელია ქართული ღვინის ექსპორტის 120 მლნ აშშ დოლარამდე ზრდა მომდევნო ხუთ წელიწადში, რაც გადააჭარბებს რუსეთიდან მიღებულ ამჟამინდელ შემოსავლებს. ამის მისაღწევად საჭიროა ბრენდის პოპულარიზაციასა და სადისტრიბუციო ქსელების გაფართოებაზე კონცენტრირება.

ორგანიზაციამ ღვინისა და სპირტიანი სასმელების ინდუსტრიის კვლევის პრეზენტაცია დღეს გამართა.

ღვინის ეროვნული სააგენტოს მონაცემებით, 2019 წლის დასაწყისიდან საქართველომ ექსპორტზე 40,5 მილიონამდე ბოთლი ღვინო გაიტანა – 6%-ით მეტი, ვიდრე გასულის წლის იანვარ-ივნისში.

საქართველოდან 98 მილიონი აშშ დოლარის ღირებულების ღვინო მსოფლიოს 44 ქვეყანაში გაიტანეს – ეს გასული წლის იანვარ-ივნისის მონაცემზე 9%-ით მეტია.

ქართული ღვინის მიწოდების მხრივ ლიდერი ქვეყნების ხუთეულში პირველ ადგილზეა რუსეთი, შემდეგ მოდიან უკრაინა, ჩინეთი, პოლონეთი და ყაზახეთი.

ექსპორტზე გატანილი ღვინოებიდან დიდი პოპულარობით სარგებლობს „ქინძმარაული“, „მუკუზანი“, „წინანდალი“, „ახაშენი“ და „ხვანჭკარა“.

საგარეო ფაქტორები და ქართული ეკონომიკა... როგორ ავიცილოთ შოკი? >>

2019 წლის დასაწყისიდან ბრენდის ექსპორტი გაიზარდა 50%-ით – მსოფლიოს 18 ქვეყანაში ექსპორტირებული იყო 27,4 მილიონი დოლარის ღირებულების ბრენდი – 62%-ით მეტი, ვიდრე 2018 წლის პირველ ნახევარში.

ჭაჭის ექსპორტი გაიზარდა 34%-ით – აღნიშნულ პერიოდში ჭაჭა გაიტანეს მსოფლიოს 23 ქვეყანაში. პროდუქციის ღირებულება შეადგენდა 633,2 ათას დოლარს, რაც 20%-ით მეტია, ვიდრე 2018 წლის იანვარ-ივნისის მონაცემი.

127
თემები:
საქართველოს ეკონომიკა (687)
ჩაის პლანტაცია ოზურგეთში

ქართული ჩაი ჩინეთში გააქვთ

63
(განახლებულია 09:37 11.08.2020)
ამჟამად ჩაის პლანტაციებს საქართველოში რვა ჰექტარი უკავია, მაგრამ აქედან ნახევარს აღდგენა ესაჭიროება

თბილისი, 11 აგვისტო – Sputnik. ქართულ ჩაის კომპანია „ლაზს“, რომელსაც წალენჯიხაში 350 ჰექტარი პლანტაციები აქვს, პროდუქციის 80%–მდე ჩინეთში გააქვს, ხოლო დანარჩენი 20% – ცენტრალური აზიის ქვეყნებში.

ჩაის კულტურის ისტორია აქართველოში დაახლოებით 200 წელს ითვლის, პირველი ჩაის ბუჩქი გურიაში მე–19 საუკუნის დასაწყისში გამოჩნდა და თანდათანობით შავი ზღვის სანაპიროზე გავრცელდა, მეო–20 საუკუნეში კი ჩაის პლანტაციებმა დასავლეთ საქართველოს დიდი ნაწილი დაიკავა.

ამჟამად ჩაის პლანტაციების წილი იკლებს, თუმცა ქვეყანაში არის წარმოებები, რომლებიც ჩაის აწარმოებენ.

ჩაის მოსავლის აღება წალენჯიხაში აპრილში იწყება და აგვისტოში მთავრდება. ამ პერიოდში ერთმანეთს ენაცვლება ხელით და დანადგარით კრეფა იმის მიხედვით, თუ რა ხარისხის პროდუქტის მიღება სურთ. სეზონის პირველი ფოთლები ხელით იკრიფება, რაც საბოლოოდ შედარებით ძვირადღირებულ პროდუქტს ქმნის, შემდეგ დარჩენილ ფოთლებს სპეციალური დანადგარით კრეფენ. შუა ზაფხულში ახალი ფოთლები ისევ ხელით იკრიფება, შემდეგ კვლავ დანადგარით, განმარტავენ კომპანიაში.

„ჩაი ერთ-ერთი ყველაზე სტაბულური მცენარეა და მისი წარმოება ნაკლებ რისკებს შეიცავს. ამინდის ცვალებადობა და სეზონურობა მასზე ნაკლებად მოქმედებს, შესაბამისად საკმაოდ პროგნოზირებადი და სანდო კულტურაა. ჩვენთან განსაკუთრებულად ხარისხიანი მწვანე ჩაია. ქართულ მიწაზე მოყვანილი ჩაის ჯიშების უმეტესობა ჩინურია, დანარჩენი 20% კი იაპონური ან ადგილზე გამოყვანილია“, – განაცხადა „ლაზის“ დამფუძნებელმა გონერი სალიამ ტელეკომპანია Imedi–ს ეთერში.

მისი თქმით, „ლაზის“ განვითარებისთვის გარდამტეხი აღმოჩნდა 2017–2018 წლები, როდესაც პლანტაციებს ჩინელი ინვესტორები ესტუმრნენ. აღმოჩნდა, რომ ჩაის ის სახეობები, რომლებიც წალენჯიხაში მოდის, ჩინეთში საერთოდ არ მოიპოვება. ჩინეთის ბაზარი ქართული ჩაის ექსპორტისთვის ძალზე ხელსაყრელი აღმოჩნდა.

ჩინელ პარტნიორებთან ერთად კომპანიამ „ლაზი“ ადგილობრივი მოსახლეობისთვის სასწავლო ცენტრი გახსნა, სადაც მსურველებს უზიარებენ ცოდნას აღწურვილობისა და სხვადასხვა ტექნოლოგიის გამოყენების შესახებ.

დღესდღეობით ჩაის პლანტაციებს საქართველოში 8000 ჰექტარი უკავია, მაგრამ ნახევარს აღდგენა სჭირდება.

63
თემები:
საქართველოს სოფლის მეურნეობა
ვალუტის გაცვლის პუნქტი

ლარის კურსი 11 აგვისტოს

58
(განახლებულია 18:12 10.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0015 ლარით გამყარდა.

თბილისი, 11 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0743 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0015 ლარით გამყარდა.

ლარის კურსი 11 აგვისტოს
ლარის კურსი 11 აგვისტოს
58
თემები:
ლარის კურსი დღეს
მარინა ეზუგბაია

კორონავირუსი საქართველოში: გამოჯანმრთელდა 44 პაციენტი ვინ დაამარცხა ვირუსი

0
(განახლებულია 12:45 11.08.2020)
საქართველოში ამ დროისათვის სულ გამოჯანმრთელდა 1054 ადამიანი, გარდაიცვალა – 17, კარანტინის რეჟიმში იმყოფება 6930, ხოლო სტაციონარებში ექიმების დაკვირვების ქვეშ 263 პაციენტია

თბილისი, 11 აგვისტო – Sputnik. თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, საქართველოში კორონავირუსისგან გამოჯანმრთელებული პაციენტებიდან უმეტესობა ავღანეთიდან ჩამოყვანილი ქართველი სამხედროა.

კორონავირუსი საქართველოში: რამდენი შემთხვევა გამოვლინდა ბოლო დღე–ღამეში>>

საქართველოში ახალი კორონავირუსით დაავადებულთა რაოდენობა ბოლო დღე-ღამეში 14-ით გაიზარდა და 1264-ს მიაღწია. ამ დროისათვის გამოჯანმრთელებულია 1054 ადამიანი, გარდაცვლილია – 17, კარანტინის რეჟიმში იმყოფება 6930, ხოლო სტაციონარებში ექიმების დაკვირვების ქვეშ 263 პაციენტია.

„გამოჯანმრთელებულთა რიცხვი გაიზარდა 44-ით. იყო 1010 და ახლა არის 1054. 44 გამოჯანმრთელებულიდან ნახევარზე მეტი ავღანეთიდან ჩამოყვანილი სამხედროა, დანარჩენი კი – ჩვენს ქვეყანაში დაინფიცირებული პირი“, – განაცხადა ეზუგბაიამ.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა.

0
თემები:
COVID-19 საქართველოში