Обменный пункт

ბიზნესი საქართველოში საფრთხეშია - ვინ მართავს მოლოდინებს და აცდება თუ არა 1 დოლარი 3 ლარს

223
20 ივნისიდან ლარის კურსი დოლარის მიმართ 5,2%-ით დაეცა.. საქართველოს ეროვნული ბანკის მიერ გამოცხადებული ლარის ოფიციალური კურსი დოლართან მიმართებით 20 ივნისს თუ 2,7871, იყო, ეს მაჩვენებელი 27 ივლისს უკვე - 2,9321. შეადგენდა.

ნატა პატარაია

ეროვნული ვალუტის ასეთი სწრაფი  ტემპით გაუფასურებამ ბიზნეს სექტორს სერიოზული პრობლემები შეუქმნა.

ბიზნესომბუდსმენის მოადგილის ლევან კალანდაძის განცხადებით ლარის დევალვაცია დღეს ქართული ბიზნესისთვის ყველაზე აქტუალური თემა გახდა . 

„ყველა ბიზნესი დღეს ნომერ პირველ პრობლემად ლარს ასახელებს.უკვე აღარ არის საუბარი არც რეგულაციების გავლენაზე, არც  ბიზნესგარემოს გაუარესებაზე ან სახელმწიფოს გაჭიანურებულ გადაწყვეტილებებზე. ის რაც ჯერ კიდევ რაღაც  ორი-სამი თვის წინ აქტუალური  იყო, ლარმა  დღეს ის  მეორეხარისხოვნად აქცია“–განაცხადა ლევან კალანდაძემ Sputnik საქართველოსთან საუბრისას.

მისი თქმით, მოცემულ მომენტში ბიზნესი მთავრობისგან და პირველ რიგში ეროვნული ბანკისგან უფრო საქმიან და კონკრეტულ კომუნიკაციას ელოდება.

„როდესაც ვამბობთ, რომ ლარის კურსის ფორმირებაში მთავარი და გადამწყვეტი ფაქტორი მოლოდინებია, ამ მოლოდინებს მართვა სჭირდება, თუ ვერ ვმართავთ, ეს ნიშნავს, რომ ხარვეზიანი პოლიტიკა გვაქვს“–აღნიშნა ლევან კალანდაძემ

ბიზნესომბუდსმენის მოადგილის განცხადებით, მართალია ქვეყანაში ლარის მცურავი გაცვლითი კურსის რეჟიმი მოქმედებს და ეროვნულ ბანკსაც  თავისი მარეგულირებელი კანონი და ჩარჩოები აქვს, საიდანაც არ უნდა გავიდეს, თუმცა  ქვეყანას სწრაფი გადაწყვეტილებები სჭირდება.  

ანალიტიკოსი მერაბ ჯანიშვილი კი მიიჩნევს, რომ  თუ ქვეყანაში საკანონმდებლო დონეზე  ეროვნულ ვალუტაზე პასუხისმგებელობა არც ერთ უწყებას არ ეკისრება, მაშინ ის დროა საქართველომ გადახდის საშუალებად ევრო შემოიღოს.

„თუ  ეროვნული ვალუტის კურსის დადგენა არავის პასუხისმგებლობა არ არის, მაშინ რად გვინდა საერთოდ ეროვნული ვალუტა? გადავიდეთ ევროზე და არც ამხელა– 110 კაციანი ეროვნული ბანკი დაგვჭირდება, თუ ის მხოლოდ ინფლაციაზეა  პასუხისმგებელი“–აღნიშნა მერაბ ჯანიაშვილმა Sputnik -საქართველოსთან საუბრისას.

რაც შეეხება ბიზნესს, ანალიტიკოსი დარწმუნებულია, რომ ლარის კურსთან დაკავშირებული რისკები ბევრმა ბიზნესმა უკვე  გაითვალისწინა და ასახა კიდეც  უკვე პროდუქციის ან მომსახურებსი ფასში, თუმცა შესაძლებებლი იყო, რომ აქამდე საქმე არ მისულიყო.

„ჩემი აზრით. ლარი არ უნდა გაუფასურებულიყო  რადგან ამის არანაირი მიზეზი არ არსებობდა.  არც პანიკის საფუძველი იყო. მაგრამ შექმნეს ეს პანიკა და უყურებენ  გარედან. ეროვნულ ბანკს რომ ცოტა ხელი გაენძრია, ლარი 2, 94 ნიშნულს არ მიაღწევდა“ –აღნიშნა ანალიტიკოსმა.

მერაბ ჯანიაშვილის ვარაუდით, ლარმა გაუფასურება რომც განაგრძოს, არსებული მაკროეკონომიკური მაჩვენებლებიდან გამომდინარე ერთი დოლარის ფასი სამი ლარზე მეტი არავითარ შემთხვევაში არ  უნდა გახდეს.

ანალიტიკოსი ემზარ ჯგერენაია კი მიიჩნევს, რომ ლარის გაუფასურება მსოფლიო ტენდენციებით არის განპირობებული.

„დოლარი ბოლო წლებში არნახულად მყარდება მსოფლიო ვალუტების მიმართ და სანამ ეს პროცესი გაგრძელდება, ლარის გამყარებას არ ველოდები“– აღნიშნა ემზარ ჯგერენაიამ.

თუმცა, რა მიზეზებითაც არ უნდა ეცემოდეს ლარი,, ბიზნესიც და  ანალიტიკოსების ნაწილიც მთავრობისგან და  ცენტრალური ბანკისგან შესაბამის ზომების მიღებას ელოდება.

ეროვნული ვალუტის გაუფასურებას უკვე გამოეხმმაურა საქართველოს პარლამენტის თავმჯდომარე არჩილ თალაკვაძე.

„ვფიქრობ, რომ უნდა დაიგეგმოს სახელმწიფოს მხრიდან სათანადო ინსტრუმენტების გამოყენება და ეს არის მომენტი, როდესაც ჩარევა სასურველია. ბუნებრივია, ეს დასაბუთებული, დაგეგმილი ინტერვენციები მოხდება და სახელმწიფო გამოიყენებს თავის ინსტრუმენტებს,“ –აღნიშნა პარლამეტის თავმჯდომარემ.

ეროვნული ვალუტა წლის დასაწყისიდან უკვე 19 პროცენტით გაუფასურდა.  თუ 2018 წლის ბოლოს ლარის გაცვლითი კურსი ერთი აშშ დოლარის მიმართ 2.44 –ს შეადგენდა. დღევანდელი მდგომარეობით, ეს მაჩვენებელი უკვე 2.90–ს

223
სატვირთო ავტომობილები

საქართველოს საგარეო ვაჭრობა შემცირებას განაგრძობს

10
(განახლებულია 10:00 14.08.2020)
მიმდინარე წლის ივლისში საქართველოს საგარეო სავაჭრო ბრუნვა 16,4%-ით შემცირდა - ექსპორტი - 21,6%-ით, იმპორტი კი - 14,3%-ით

თბილისი, 14 აგვისტო - Sputnik. საქართველოდან ექსპორტი კვლავ მცირდება - მიმდინარე წლის იანვრიდან ივლისის ჩათვლით ქვეყნიდან გაიტანეს 1,8 მილიარდი დოლარის ღირებულების პროდუქცია - 16,8%-ით ნაკლები, ვიდრე ერთი წლის წინ, ნათქვამია საქართველოს სტატისტიკის ეროვნული სამსახურის - „საქსტატის“ პრეს–რელიზში.

2020 წლის იანვარ-ივლისში იმპორტის ღირებულებამ 4,3 მილიარდი დოლარი შეადგინა, რაც 17,9%-ით ნაკლებია 2019 წლის ანალოგიურ მაჩვენებელზე.

საერთო ჯამში, 2020 წლის დასაწყისიდან საგარეო სავაჭრო ბრუნვა წინა წლის ანალოგიურ მაჩვენებელთან შედარებით 17,6%-ით შემცირდა და დაახლოებით ექვსი მილიარდი დოლარი შეადგინა (არაორგანიზებული ვაჭრობის გათვალისწინების გარეშე).

საგარეო ვაჭრობის ვარდნის ტემპი

მიმდინარე წლის ივლისში საქართველოს საგარეო სავაჭრო ბრუნვა 16,4%-ით დაეცა, აქედან ექსპორტი - 21,6%-ით, იმპორტი კი - 14,3%-ით.

ვარდნის ტემპმა შემცირება ივნისში დაიწყო - საქართველოს საგარეო სავაჭრო ბრუნვა 16%-ით დაეცა, აქედან ექსპორტი - 13,1%-ით, იმპორტი - 17,2%-ით. მაისში იგივე მაჩვენებელი 33,2%-ის ტოლი იყო, აქედან ექსპორტის ვარდნა - 30,6%, იმპორტისა - 34,3%.

თურნავა: პანდემია საქართველოში ინვესტირებას უშლის ხელს>>

კორონავირუსმა ქვეყნის ეკონომიკას სერიოზული დარტყმა მიაყენა - იზარალეს სასტუმროებმა, რესტორნებმა, სავაჭრო ცენტრებმა, დასვენებისა და გართობის სფეროებმა, ტრანსპორტმა. საფრთხის ქვეშ აღმოჩნდა ასევე ფინანსური, სამშენებლო, უძრავი ქონების, სამრეწველო და განათლების სფეროები.

როდის გაუმჯობესდება ვაჭრობის მაჩვენებელი?

ეკონომიკურ საკითხთა ექსპერტი აკაკი ცომაია ფიქრობს, რომ საგარეო სავაჭრო ბრუნვის მაჩვენებელი ეკონომიკის ზრდის შემთხვევაში გამოსწორდება.

„მაჩვენებლები გაუმჯობესებას დაიწყებს, როგორც კი ეკონომიკაში რაიმე საკვანძო ცვლილებები მოხდება. ანუ, როდესაც საქართველოს ეკონომიკა ზრდას დაიწყებს, როდესაც ადამიანები, რომლებმაც დაკარგეს შემოსავალი, მათ შორის, ტურიზმის სექტორში, იპოვიან რაიმე ალტერნატივას ან ტურიზმი კვლავ ამუშავდება, ისინი კვლავ მიიღებენ შემოსავალს და დაიწყებენ მეტის ხარჯვას მოხმარებაზე“, - განუცხადა ცომაიამ Sputnik-საქართველოს.

ექსპერტის თქმით, ამ შემთხვევაში გაიზრდება იმპორტი და შესაძლებელი იქნება ექსპორტზე საუბარიც.

„როდესაც სხვადასხვა ქვეყნის მოქალაქეები ეკონომიკური კრიზისიდან გამოსვლას დაიწყებენ, ჩვენი ექსპორტიც მოიმატებს“, - აღნიშნა ცომაიამ.

არასახარბიელო პროგნოზი

საერთაშორისო კვლევები აჩვენებს, რომ გლობალური სავაჭრო კრახის შედეგად, 2020 წელს ვაჭრობა 9-32%-ის დიაპაზონში შემცირდება, განაცხადა ეკონომიკის დოქტორმა რატი აბულაძემ.

„ნიშანდობლივია ვაჭრობის ვარდნის დიდი მასშტაბები რეგიონულ დონეზე. კვლევების შედეგების თანახმად, ევროკავშირის 27 ქვეყნის ექსპორტის შემცირება 285 მილიარდ ევროს გადააჭარბებს, იმპორტის ვარდნის მასშტაბი კი - 245 მილიარდ ევროს“, - განუცხადა აბულაძემ Sputnik-საქართველოს.

მას მიაჩნია, რომ მიუხედავად პანდემიის შესუსტებისა, საერთაშორისო ვაჭრობაში ვარდნა და დაბრკოლებები - მხოლოდ დასაწყისია.

10
თემები:
საქართველოს ეკონომიკა
სეტყვისგან დაზიანებული ვაზი

კახელ ფერმერებს სეტყვის შედეგად მიღებული ზარალი აუნაზღაურდებათ

27
(განახლებულია 08:35 14.08.2020)
ერთია, კარგი მოსავალი მიიღო და მეორე – ის შეინარჩუნო რეგიონში, სადაც სეტყვა არცთუ იშვიათი მოვლენაა. აქ უკვე ფერმერების დასახმარებლად სადაზღვევო კომპანიები ერთვებიან

თბილისი, 14 აგვისტო – Sputnik. კახეთში აგროდაზღვევის სახელმწიფო პროგრამაში ჩართულ ბენეფიციარებს სეტყვის შედეგად მიყენებული ზარალი აუნაზღაურდებათ, იუწყება ტელეარხი Imedi სოფლისა და სოფლის მეურნეობის განვითარების სააგენტოზე დაყრდნობით.

სადაზღვევო კომპანიებმა ზარალი უკვე დაითვალეს და მზარ არიან, აანაზღაურონ.

სახელმწიფო აგროდაზღვევის ერთ–ერთმა ბენეფიციარმა დავით დოლმაზაშვილმა ქარიშხლისა და სეტყვის გამო მოსავლის დაახლოებით 75% დაკარგა. კომპენსაციის სახით ის თითქმის 39 ათას ლარს მიიღებს.

სააგენტოს 2020 წლის ივლისის მონაცემებით, საქართველოს მასშტაბით სახელმწიფო აგროდაზღვევის პროგრამის ფარგლებში უკვე გაიცა 15 422 პოლისი, ხოლო დაზღვეულმა ფართობმა 15 ათასი ჰექტარი შეადგინა. ეს 2019 წლის ამავე პერიოდთან შედარებით 24%–ით მეტია. დაზღვეული მოსავლის ღირებულება 140 მლნ ლარს ჭარბობს.

საქართველოში შეღავათებით საწვავზე 100 ათასზე მეტმა ფერმერმა ისარგებლა>>

აგროდაზღვევის პროექტი მონაწილეობა შეუძლიათ როგორც ფიზიკურ, ისე იურიდიულ პირებს, რომლებიც ფლობენ ან ფაქტობრივ მფლობელობაში აქვთ მაქსიმუმ 5 ჰექტარი სასოფლო–სამეურნეო დანიშნულების მიწის ნაკვეთი.

27
თემები:
საქართველოს სოფლის მეურნეობა
მეხანძრე–მაშველები

დიდუბეში აფეთქება მოხდა

0
(განახლებულია 11:29 14.08.2020)
აფეთქების შედეგად დაშავდა ორი ადამიანი. საშუალო სიმძიმის დამწვრობით ისინი საავადმყოფოში გადაიყვანეს.

თბილისი, 14 აგვისტო – Sputnik. დიდუბეში აფეთქება მოხდა, რასაც მსხვერპლი, ხანძარი და ნგრევა არ მოჰყოლია, განუცხადეს Sputnik–საქართველოს საგანგებო სიტუაციების მართვის სამსახურში.

უწყებაში აღნიშნეს, რომ აფეთქება საცხობში მოხდა. საშუალო სიმძიმის დამწვრობა მიიღო ორმა თანამშრომელმა და ისინი უკვე გადაიყვანეს საავადმყოფოში.

ამჟამად ირკვევა მომხდარის მიზეზები, აღძრულია სისხლის სამართლის საქმე.

0
თემები:
შემთხვევები საქართველოში