ლიბერთი ბანკი

რატომ უნდა გაამარტივონ ბანკებმა იპოთეკური სესხების გაცემა

97
(განახლებულია 13:41 10.07.2019)
ეროვნული ბანკი და საბანკო ასოციაცია ლარში იპოთეკური სესხების უფრო მარტივად გაცემის აუცილებლობაზე ალაპარაკდნენ.

ნატა პატარაია

იპოთეკური სესხები კომერციულმა ბანკებმა უფრო მარტივად უნდა გასცენ, მიაჩნია „ახალგაზრდა ფინანსისტთა და ბიზნესმენთა ასოციაციის“ (აფბა) ვიცე-პრეზიდენტს გიორგი კაპანაძეს.  

ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტი გიორგი კაპანაძე
"ახალგაზრდა ფინანსისტთა და ბიზნესმენთა ასოციაციის" ვიცე-პრეზიდენტი გიორგი კაპანაძე

2019 წლის 1 იანვრიდან ძალაში შევიდა საქართველოს ეროვნული ბანკის დებულება „ფიზიკური პირის დაკრედიტების შესახებ“, რომლის მიხედვითაც, სესხის გამცემ ყველა ორგანიზაციას მსესხებლის გადახდისუნარიანობის შეფასება დაევალა. შედეგად, სუბიექტი ფიზიკურ პირზე იმაზე მეტ სესხს ვეღარ გასცემს, რისი გადახდის რეალური შესაძლებლობაც მსესხებელს არ ექნება. ასევე დადგინდა ამა თუ იმ ტიპის სესხის ხანგრძლივობა. მაგალითად, იპოთეკური სესხის მაქსიმალურ ვადად 15 წელი განისაზღვრა.

საბანკო სექტორისთვის სესხის გაცემის გამკაცრებამ პირდაპირი გავლენა იქონია მშენებლობაზე, რადგან ძალიან ბევრმა ადამიანმა ახალი რეგულაციების შემდეგ ბინების შესაძენად სესხის აღება ვერ შეძლო.

„იპოთეკური სესხით საქართველოში, სამწუხაროდ, ძალიან ბევრი ადამიანი სარგებლობს, რადგან არ გვაქვს ძლიერი ეკონომიკა და ადამიანებს არ აქვთ იმხელა შემოსავლები, რომ პირდაპირ მოახერხონ ბინის ყიდვა“, – აღნიშნა გიორგი კაპანაძემ.

მისი თქმით, ხშირ შემთხვევაში ადამიანებს ურჩევნიათ ცოტა მეტი გადაიხადონ სესხში და დარჩეთ ბინა, ვიდრე წლების განმავლობაში ბინის ქირა იხადონ. ამიტომ, ქვეყანაში არსებული რეალობიდან გამომდინარე, ეროვნული ბანკის რეგულაციები  იპოთეკური სესხების ნაწილში აუცილებლად უნდა შერბილდეს.

„იპოთეკური სესხების შემთხვევაში, თუ კომერციულ ბანკებს ყველანაირი დადასტურებული შემოსავლის გათვალისწინების უფლება ექნებათ, ეს მისცემს მათ უფრო მეტი კრედიტის გაცემის შესაძლებლობას, რაც დადებითად აისახება უძრავი ქონების ბაზარზეც და გაზრდის მოსახლეობაში იპოთეკურ სესხებზე ხელმისაწვდომობას“, – მიაჩნია გიორგი კაპანაძეს.

დადასტურებული შემოსავალი შეიძლება იყოს, მაგალითად, ფულადი გზავნილები, ბინის გაქირავებიდან მიღებული შემოსავალი და ა.შ., რასაც, სხვათა შორის, საკრედიტო ოფიცრები რეგულაციების შემოღებამდეც აქცევდნენ დიდ ყურადღებას.

„კომერციული ბანკები იპოთეკურ სესხებს ადრეც მაღალშემოსავლიან ადამიანებზე გასცემდნენ, რადგან მათთვის სესხის გაპრობლემების შემთხვევაში დარჩენილი ქონება არაფერს განსაკუთრებულს არ წარმოადგენდა, უფრო მეტიც, პრობლემატური ხდებოდა მისი გაყიდვა“, – აღნიშნა გიორგი კაპანაძემ.

აფბას ვიცე-პრეზიდენტის თქმით, ეროვნულმა ბანკმა უნდა იპოვოს გამოსავალი, რათა არ დაზარალდეს არც სამშენებლო ბიზნესი და არც ის ადამიანები, რომლებსაც სურთ ბინის ყიდვა და შეუძლიათ კიდეც გადაიხადონ, მაგრამ ვერ ახერხებენ შემოღებული სტანდარტების დაკმაყოფილებას.

საქართველოს საბანკო ასოციაციაში მიაჩნიათ, რომ საბანკო სისტემას შესაძლებლობა აქვს, ახალ ეტაპზე გადავიდეს და უფრო ეფექტიანად უზრუნველყოს მსესხებლის შემოსავლებისა და გადახდისუნარიანობის შეფასება.

ორგანიზაციის განმარტებით, საქართველოს ეროვნული ბანკის ფიზიკური პირების დაკრედიტების დებულების მე-6 მუხლის შესაბამისად, ნებადართულია ფიზიკური პირის შემოსავლის შესწავლა ბანკის შიდა პოლიტიკა–პროცედურების მიხედვით.

საქართველოს ეროვნული ბანკის პრეზიდენტის კობა გვენეტაძის განცხადებით, აღნიშნული დებულება იძლევა საშუალებას, ბანკებმა გაითვალისწინონ იპოთეკური სესხის გაცემისას, 20%-იანი თანამონაწილეობის დროს, მსესხებლის გადახდების ისტორია, როგორც შუალედური მაჩვენებელი შემოსავლების დადასტურების მხრივ.

„მოგეხსენებათ, გადამხდელები ახორციელებენ გადახდებს და ეს არის მათ ისტორიაში. თუ ისინი აჩვენებენ, რომ კარგად იხდიან, ეს შეიძლება გამოყენებული იყოს, როგორც შუალედური მაჩვენებელი შემოსავლების დადასტურებაში. ეს უფრო რელევანტურია იმ შემთხვევაში, როდესაც ახალმშენებარე ბინებზე ვსაუბრობთ. იმ შემთხვევაში, თუ თანხის 20 პროცენტის წინასწარი დადება იქნება, მათ აქვთ კარგი ისტორია და მსესხებლები გადაიხდიან ვალდებულებებს, ბანკებს საშუალება აქვთ, ეს გაითვალისწინონ შეფასებაში“, – აღნიშნა გვენეტაძემ.

კობა გვენეტაძის თქმით, საბანკო სექტორისგან დაინახეს არგუმენტები, რომლის შესაბამისად ეროვნული ბანკი ფიქრობს, რომ მათ შეუძლიათ ააგონ ისეთი მოდელი, რომლითაც კარგად შეაფასებენ მსესხებლის გადახდისუნარიანობას, გადახდის უნარის მქონე მსესხებლებს კი, თავის მხრივ, არ შეეზღუდებათ წვდომა ფინანსებზე.

გამარტივებული რეჟიმი მხოლოდ ლარში გაცემულ იპოთეკურ სესხებს უნდა შეეხოს. 

 

97

როგორ კლავს კორონავირუსი სარესტორნო ბიზნესს საქართველოს დედაქალაქში ფოტო

54
(განახლებულია 16:57 28.09.2020)
  • ერთი წლის წინ აქ გავლა შეუძლებელი იყო - ყველგან იდგა მაგიდები, სადაც სტუმრები ისხდნენ
  • იქაც კი, სადაც მაგიდები ღია ცის ქვეშ დგას, კლიენტების რაოდენობა ძალიან ცოტაა
  • კრიზისი შეეხო ტურისტულ ცენტრში განთავსებულ ყველა დაწესებულებას, მიუხედავად ფასებისა და საკვებისა და მომსახურების ხარისხისა
  • აქ ადრე თავისუფალი მაგიდის პოვნა ძალიან რთული იყო, ახლა კი საერთოდ შეუძლებელია. დაწესებულება დაკეტილია
  • ისინი, ვისაც უკეთესობის იმედი აქვს, რთული არჩევანის წინაშე აღმოჩნდნენ
  • ზოგმა ნაწილობრივ დაკეტვა არჩია, რათა რთული დრო გადააგორონ
  • კატასტროფული მდგომარეობის მასშტაბები ადვილი შესამჩნევია - ამაზე ტურისტების არყოფნა და ცარიელი ქუჩები მეტყველებს
  • დღეს ყველა სირთულეების წინაშე აღმოჩნდა. ტურიზმი სარესტორნო სფეროს აცოცხლებდა და აძლევდა განვითარების საშუალებას
  • ახლა თითქოს ყველაფერი უკან მიედინება
  • რთული სათქმელია, როდის დაუბრუნდება ცხოვრება კალაპოტს
  • კაფეები და რესტორნები ახლა გამუდმებით კლიენტების მოლოდინში არიან, თუმცა მათი მოზიდვა ძალიან რთულია
  • ზოგმა დაწესებულებამ სახლში მიტანის სერვისი დანერგა, თუმცა ეს ყველასთვის არ არის გამოსავალი
  • ეს არ ეხება დაწესებულებებს, რომლებსაც განსაკუთრებული გარემო აქვს და კლიენტები შეგრძნებებისა და ემოციების საძიებლად სტუმრობდნენ მათ
  • ქალაქის ყველაზე პოპულარულ ადგილებზე ხშირად შეხვდებით წარწერებს - „ქირავდება“ და „დაკეტილია“
  • ზოგი უკეთესობის იმედი განაგრძობს მუშაობას, თუმცა კრიზისული სიტუაციის გაძლება ყველასთვის შესაძლებელი არ აღმოჩნდა
კორონავირუსის პანდემიის გამო დაწესებული აკრძალვებისა და შეზღუდვების გამო საქართველოში ტურისტული და სარესტორნო ბიზნესი მძიმე კრიზისში აღმოჩნდა. იხილეთ „Sputnik-საქართველოს“ ფოტოკადრები, თუ რა მდგომარეობაშია ასეთი დაწესებულებები თბილისის ცენტრში.

ტურისტების გარეშე ძველი თბილისის კაფეები და რესტორნები, ფაქტობრივად, ცარიელია. დაწესებულებები, რომლებსაც ადგილობრივები სტუმრობდნენ, ასევე კრიზისულ სიტუაციაში არიან, კლიენტების რაოდენობა საგრძნობლად შემცირდა, მაგრამ სულ მაინც არ გაჩერებულან. ხოლო ის კაფეები და რესტორნები, რომლებიც მხოლოდ ტურიზმზე იყო გათვლილი, ახლა ან სამუშაო ფორმატს ცვლიან, ან ფასებს ამცირებენ, ან საერთოდ იკეტებიან.

54
  • ერთი წლის წინ აქ გავლა შეუძლებელი იყო - ყველგან იდგა მაგიდები, სადაც სტუმრები ისხდნენ
    © Sputnik / Alexander Imedashvili

    ერთი წლის წინ აქ გავლა შეუძლებელი იყო - ყველგან იდგა მაგიდები, სადაც სტუმრები ისხდნენ

  • იქაც კი, სადაც მაგიდები ღია ცის ქვეშ დგას, კლიენტების რაოდენობა ძალიან ცოტაა
    © Sputnik / Alexander Imedashvili

    იქაც კი, სადაც მაგიდები ღია ცის ქვეშ დგას, კლიენტების რაოდენობა ძალიან ცოტაა

  • კრიზისი შეეხო ტურისტულ ცენტრში განთავსებულ ყველა დაწესებულებას, მიუხედავად ფასებისა და საკვებისა და მომსახურების ხარისხისა
    © Sputnik / Alexander Imedashvili

    კრიზისი შეეხო ტურისტულ ცენტრში განთავსებულ ყველა დაწესებულებას, მიუხედავად ფასებისა და საკვებისა და მომსახურების ხარისხისა

  • აქ ადრე თავისუფალი მაგიდის პოვნა ძალიან რთული იყო, ახლა კი საერთოდ შეუძლებელია. დაწესებულება დაკეტილია
    © Sputnik / Alexander Imedashvili

    აქ ადრე თავისუფალი მაგიდის პოვნა ძალიან რთული იყო, ახლა კი საერთოდ შეუძლებელია. დაწესებულება დაკეტილია

  • ისინი, ვისაც უკეთესობის იმედი აქვს, რთული არჩევანის წინაშე აღმოჩნდნენ
    © Sputnik / Alexander Imedashvili

    ისინი, ვისაც უკეთესობის იმედი აქვს, რთული არჩევანის წინაშე აღმოჩნდნენ

  • ზოგმა ნაწილობრივ დაკეტვა არჩია, რათა რთული დრო გადააგორონ
    © Sputnik / Alexander Imedashvili

    ზოგმა ნაწილობრივ დაკეტვა არჩია, რათა რთული დრო გადააგორონ

  • კატასტროფული მდგომარეობის მასშტაბები ადვილი შესამჩნევია - ამაზე ტურისტების არყოფნა და ცარიელი ქუჩები მეტყველებს
    © Sputnik / Alexander Imedashvili

    კატასტროფული მდგომარეობის მასშტაბები ადვილი შესამჩნევია - ამაზე ტურისტების არყოფნა და ცარიელი ქუჩები მეტყველებს

  • დღეს ყველა სირთულეების წინაშე აღმოჩნდა. ტურიზმი სარესტორნო სფეროს აცოცხლებდა და აძლევდა განვითარების საშუალებას
    © Sputnik / Alexander Imedashvili

    დღეს ყველა სირთულეების წინაშე აღმოჩნდა. ტურიზმი სარესტორნო სფეროს აცოცხლებდა და აძლევდა განვითარების საშუალებას

  • ახლა თითქოს ყველაფერი უკან მიედინება
    © Sputnik / Alexander Imedashvili

    ახლა თითქოს ყველაფერი უკან მიედინება

  • რთული სათქმელია, როდის დაუბრუნდება ცხოვრება კალაპოტს
    © Sputnik / Alexander Imedashvili

    რთული სათქმელია, როდის დაუბრუნდება ცხოვრება კალაპოტს

  • კაფეები და რესტორნები ახლა გამუდმებით კლიენტების მოლოდინში არიან, თუმცა მათი მოზიდვა ძალიან რთულია
    © Sputnik / Alexander Imedashvili

    კაფეები და რესტორნები ახლა გამუდმებით კლიენტების მოლოდინში არიან, თუმცა მათი მოზიდვა ძალიან რთულია

  • ზოგმა დაწესებულებამ სახლში მიტანის სერვისი დანერგა, თუმცა ეს ყველასთვის არ არის გამოსავალი
    © Sputnik / Alexander Imedashvili

    ზოგმა დაწესებულებამ სახლში მიტანის სერვისი დანერგა, თუმცა ეს ყველასთვის არ არის გამოსავალი

  • ეს არ ეხება დაწესებულებებს, რომლებსაც განსაკუთრებული გარემო აქვს და კლიენტები შეგრძნებებისა და ემოციების საძიებლად სტუმრობდნენ მათ
    © Sputnik / Alexander Imedashvili

    ეს არ ეხება დაწესებულებებს, რომლებსაც განსაკუთრებული გარემო აქვს და კლიენტები შეგრძნებებისა და ემოციების საძიებლად სტუმრობდნენ მათ

  • ქალაქის ყველაზე პოპულარულ ადგილებზე ხშირად შეხვდებით წარწერებს - „ქირავდება“ და „დაკეტილია“
    © Sputnik / Alexander Imedashvili

    ქალაქის ყველაზე პოპულარულ ადგილებზე ხშირად შეხვდებით წარწერებს - „ქირავდება“ და „დაკეტილია“

  • ზოგი უკეთესობის იმედი განაგრძობს მუშაობას, თუმცა კრიზისული სიტუაციის გაძლება ყველასთვის შესაძლებელი არ აღმოჩნდა
    © Sputnik / Alexander Imedashvili

    ზოგი უკეთესობის იმედი განაგრძობს მუშაობას, თუმცა კრიზისული სიტუაციის გაძლება ყველასთვის შესაძლებელი არ აღმოჩნდა

ელიავას ბაზრობა

როგორ შეიცვალა ფასები სამრეწველო პროდუქციაზე

41
(განახლებულია 15:12 28.09.2020)
ერთ წელიწადში ფასები ძირითადად გადამამუშავებელი და სამთო მრეწველობის, ასევე კვების პროდუქტებზე გაიზარდა.

თბილისი, 28 სექტემბერი — Sputnik. 2020 წლის აგვისტოში სამრეწველო პროდუქციის მწარმოებელთა ფასების ინდექსი, 2019 წლის ანალოგიურ პერიოდთან შედარებით, 4,9%-ით გაიზარდა, ნათქვამია საქართველოს სტატისტიკის ეროვნული სამსახურის „საქსტატის“ მასალებში. 

ინდექსის ფორმირებაზე ძირითადად გავლენა იქონია ფასების ზრდამ გადამამუშავებელ მრეწველობაში – 4,7%-ით, მათ შორის, კვების პროდუქტებზე – 6,7%-ით და სამთო-მომპოვებელ მრეწველობაში – 19,6%-ით.

ივლისთან შედარებით, აგვისტოში სამრეწველო პროდუქციაზე ფასები 0,5%-ით გაიზარდა.

ადგილობრივი წარმოება

აგვისტოში, 2019 წლის ანალოგიურ პერიოდთან შედარებით, საქართველოში წარმოებულ პროდუქციაზე ფასები 3,5%-ით გაიზარდა.

ყველაზე მეტად ფასები გაიზარდა გადამამუშავებელ მრეწველობაში – 4,9%-ით, მათ შორის კვების პროდუქტებზე – 4,5%-ით.

ექსპორტი და იმპორტი

ექსპორტზე გატანილი სამრეწველო პროდუქციის ფასების ინდექსი აგვისტოში, გასული წლის ანალოგიურ პერიოდთან შედარებით, 7,2%-ით გაიზარდა. 

სამთო-მომპოვებელი მრეწველობის პროდუქციაზე ფასები 35,3%-ით გაიზარდა. გადამამუშავებელი მრეწველობის ექსპორტირებულ პროდუქციაზე ფასები გაიზარდა 4,7%-ით, მათ შორის კვების პროდუქტებზე – 10,2%-ით, ლითონის ნაკეთობაზე – 2,3%-ით.

საქართველოში იმპორტირებულ სამრეწველო პროდუქციაზე ფასები საანგარიშო პერიოდში 2,3%-ით გაიზარდა. ამასთან გადამამუშავებელი მრეწველობის იმპორტირებული პროდუქცია 2,3%-ით გაძვირდა.

სამომხმარებლო ფასები
აგვისტოში ინფლაციის წლიურმა დონემ 4,8% შეადგინა (მიზნობრივი მაჩვენებელი 3%-ს შეადგენს). სურსათზე ფასები 9,2%-ით გაიზარდა. ექსპერტები ფასების ზრდას კორონავირუსის პანდემიით გამოწვეულ კრიზისს უკავშირებენ.

სექტემბრიდან ეროვნულმა ბანკმა მონეტარული პოლიტიკა გაამკაცრა გაცვლითი კურსის დაცემის შემდეგ ინფლაციაზე ზეწოლის განეიტრალების მიზნით. რეფინანსირების განაკვეთი ამ პერიოდში 6,5%-დან 9%-მდე გაიზარდა. თუმცა, კორონავირუსის პანდემიისგან გამოწვეული კრიზისის დაწყების შემდეგ მონეტარული პოლიტიკის განაკვეთი ეტაპობრივად 8%-მდე შემცირდა.

41
თემები:
საქართველოს ეკონომიკა
გოგონა ჩამავალი მზის ფონზე პეპლებით ხელში

ვის ელოდება ყველაზე დიდი წარმატებები ოქტომბერში ზოდიაქოს ნიშნის მიხედვით

0
(განახლებულია 15:51 28.09.2020)
ოქტომბერში ზოდიაქოს რამდენიმე ნიშნის წარმომადგენლებს ცხოვრებაში დიდი წარმატებები და გამარჯვებები ელოდება

ზოდიაქოს ამ ნიშნებს იღბალი გაუღიმებს და დიდ შანსს მისცემს, რათა გაიუმჯობესონ როგორც ფინანსური, სამუშაო სფერო, ისე პირადი ცხოვრება.

როგორ შთაბეჭდილებას ტოვებს ზოდიაქოს თითოეული ნიშანი გაცნობისას>>

კურო

კუროები ცნობილი არიან იმით, რომ თითქმის ყოველთვის აღწევენ იმას, რაც ჩაიფიქრეს. ამისთვის ისინი ძალისხმევას არ იშურებენ და წარმატებისთვის მთლიანად იხარჯებიან. სწორედ ამის წყალობით კუროები თქვენი შრომის ნაყოფს მოიმკით. განსაკუთრებით იღბლიანი თქვენთვის 5–11 ოქტომბრის პერიოდი იქნება. მაგრამ სიფრთხილე გმართებთ – იღბალს მამაცი ადამიანები უყვარს, მაგრამ არა სულელი. სანამ რამე სახის წინ ადადებას მიიღებთ, კარგად და დიდი გულისყურით შეისწავლეთ ის. თვქე მთლიანობაში ძალზე ხელსაყრელი იქნება თქვენთვის.

თხის რქა

ოქტომბერი ძალიან ხელსაყრელი თვეა თხის რქებისთვის. შესაძლებლობა გექნებათ, რომ სექტემბრის ხარვეზები გამოასწოროთ. ზოგადად, თხის რქები შემოდგომასა და გაზაფხულს მჭიდროდ უკავშირდებით – გაზაფხულზე მოსავალი ითესება, ხოლო შემოდგომაზე ნაყოფს იღებენ, თქვენ კი, როგორც ცნობილია, მიწათმოქმედების ერთ–ერთი მფარველი ნიშნის წარმომადგენლები ხართ. შეიძლება ითქვას, რომ თხის რქები დამსახურებულ შვებულებას მიიღებთ და ფუფუნებაში დაისვენებთ. თქვენთვის ყველაზე საუკეთესო პერიოდი თვის ბოლო კვირა – 26–31 ოქტომბერი იქნება.

ლომი

ლომები ზოდიაქოს ერთ–ერთ ყველაზე იღბლიან ნიშნად ხართ მიჩნეული და ამაში გასაოცარი არაფერია. ლომების თავდაჯერებულობა და ძალა არა მხოლოდ ადამიანებს, არამედ უზენაეს ძალებსაც იზიდავს. ბუნებით საკმაოდ ქმედითი ხალხი ხართ და სწორედ ამიტომ ოქტომბერში საქმიანობაში წარმატებები გელოდებათ. საკვირველ გამარჯვებებს შეიძლება მიაღწიოთ 5–დან 11 ოქტომბრის ჩათვლით პერიოდში. ამასთან, იღბალი გაგიღიმებთ არა მხოლოდ საქმიანობაში, არამედ პირად ცხოვრებაშიც – სიყვარულის სფეროში სწორედ ამ დროს შეიძლება შეხვდეთ თქვენს რჩეულს.

მშვილდოსანი

მშვილდოსნებს წარმატებები უფრო ოქტომბრის მეორე ნახევარში გელოდებათ. ყველანაირი საქმიანობისთვის და განსაკუთრებით შემოქმედებითი და სასიყვარულო, ძალზე იღბლიანია 21 და 23 ოქტომბერი. თვის დასაწყისი, შესაძლოა, რთული აღმოჩნდეს, მაგრამ თანდათანობით ყველაფერი შეიცვლება. საუკეთესო პროექტების რეალიზება 20 ოქტომბრისთვის და უახლოეს დღეებში უნდა მოახდინოთ. ამასთან, არ უნდა დაივიწყოთ სიფრთხილე და საშიშ და საეჭვო საქმეებს მოერიდოთ – ამ შემთხვევაში ოქტომბერი თქვენთვის საკმაოდ უსიამოვნო თვედ გადაიქცევა. მაგრამ ერთიცაა – მიუხედავად ამისა, გამართლება და იღბალი მაინც გელოდებათ, ოღონდ – სიყვარულში.

მორიელი

მორიელებს იღბალი ხელში იშვიათად გივარდებათ. თითქოს მთელ სამყაროს უნდა, რომ თქვენი გზა ცხოვრებაში ოფლითა და სისხლით გაიკვალოთ. თუმცა ხანდახან ბედი თქვენც გიღიმით – ასე იქნება ოქტომბერში. იღბალი „თავს დაგატყდებათ“ თვის პირველ პარასკევს. მთლიანობაში, სექტემბრის ბოლო დღეები და 4 ოქტომბრის ჩათვლით პერიოდი – თქვენია.

0