კობა გვენეტაძე

დამოკიდებულია თუ არა ლარის კურსი ტურისტების რაოდენობაზე კობა გვენეტაძე განმარტავს

101
(განახლებულია 13:41 03.07.2019)
ტურიზმიდან სავალუტო შემოსავლების შემცირება კომპენსირებული იქნება საგადასახადო ბალანსის მიმდინარე ანგარიშის დეფიციტის შემცირებით, მიიჩნევს საქართველოს ეროვნული ბანკის პრეზიდენტი.

თბილისი, 3 ივლისი — Sputnik. ტურისტულ სექტორში ვარდნამ ეროვნულ ვალუტაზე დიდი გავლენა არ უნდა მოახდინოს, განუცხადა საქართველოს ეროვნული ბანკის პრეზიდენტმა კობა გვენეტაძემ ჟურნალისტებს.

ლარის კურმა შემცირება მცირე შესვენებებით მაისის პირველი დღეებიდან დაიწყო, თუმცა მკვეთრი ვარდნა გასულ კვირაში მასობრივი საპროტესტო აქციების ფონზე მოხდა, რომელიც უკვე თითქმის ორი კვირაა თბილისში მიმდინარეობს.

ეროვნული ბანკი: რა გავლენა ექნება ტურისტების ნაკადის შემცირებას ქვეყნის ეკონომიკაზე>>

ერთდროულად გამწვავდა ქართულ-რუსული ურთიერთობები. საპროტესტო აქციებზე ანტირუსული ლოზუნგების გამო მოსკოვმა საქართველოსთან პირდაპირი ავიარეისები აკრძალა, რაც 8 ივლისიდან ამოქმედდება. ბოლო დრომდე რუსი ტურისტები, რაოდენობის მხრივ, საქართველოში ლიდერობდნენ.

„ინფორმაცია, რომ შესაძლებელია გარკვეული რაოდენობის ტურისტები აღარ ჩამოვიდნენ ქვეყანაში, რა თქმა უნდა, აისახა მოლოდინებზე და გაჩნდა მოლოდინი, რომ ის საექსპორტო სერვისების შემოსავლები, რომელიც ქვეყანაში უნდა ყოფილიყო, იქნება ნაკლები. ზუსტად ამ დროს ასრულებს მცურავი გაცვლითი კურსი, როგორც ავტომატური სტაბილიზატორი, იმ ფუნქციას, რაც ამ შემთხვევაში უნდა შეასრულოს", – განაცხადა გვენეტაძემ.

გვენეტაძემ დასძინა, რომ მისთვის რთულია პროგნოზის გაკეთება, თუ რა ცვლილებები შეიძლება შეეხოს ეროვნულ ვალუტას მომავალში. თუმცა მიიჩნევს, რომ დარტყმა დიდი არ იქნება.

„ტურისტული სანქციების გავლენა ეკონომიკაზე 200-300 მილიონი აშშ დოლარი იქნება, თუმცა, გასულ წელთან შედარებით, მიმდინარე ანგარიშის დეფიციტი მაინც გაუმჯობესდება", – განაცხადა ბანკის პრეზიდენტმა.

101
სავალუტო ჯიხური

ლარის კურსი 6 აგვისტოს

47
(განახლებულია 09:24 06.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა.

თბილისი, 6 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3, 0739 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა. 

ლარის კურსი 6 აგვისტოს



47
თემები:
ლარის კურსი დღეს
თბილისი

საქმიანი ვიზიტით საქართველოში: სურვილი 2,7 ათასმა უცხოელმა გამოთქვა

189
(განახლებულია 20:31 05.08.2020)
მთავრობა გამონაკლისის წესით დაუშვებს ყველა ქვეყნის იმ მოქალაქის მიერ საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

თბილისი, 5 აგვისტო - Sputnik. ერთთვიანი სატესტო რეჟიმის შემდეგ  ბიზნეს-ვიზიტორების პლატფორმა საქართველოში სრულფასოვნად და წარმატებით ამოქმედდა, განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის უწყებათაშორისი საკოორდინაციო საბჭოს შემდეგ გამართულ ბრიფინგზე. 

საქართველოში საქმიანი ვიზიტის განსახორციელებლად უცხოეთის ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითან ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში  კორონავირუსზე PCR–ტესტი უნდა გაიკეთონ ან საკუთარი ხარჯებით სავალედბულო 14–დღიანი კარანტინი გაიარონ. ეს არ ეხება ევროკავშირის წევრ ხუთი ქვეყნის მოქალაქეებს, რომლებთანაც საქართველომ უპირობოდ გახსნა საზღვრები.

„დღეს ჩვენ საკმაოდ შთამბეჭდავი სტატისტიკა გვაქვს – სხვადასხვა ქვეყნიდან 2,7 ათასამდე  განაცხადია შემოსული, როგორც რეგიონის, ისე ევროპის ბევრი ქვეყნიდან, საიდანაც ბიზნეს–ვიზიტორს მოკლევადიანი, საქმიანი ვიზიტით სურს საქართველოში ჩამოსვლა. და თქვენ იცით, რომ  მოცემულ შემთხვევაში მათ უფლება აქვთ, კარანტინის გარეშე, გარკვეული პერიოდულობით, საკუთარი ხარჯებით ჩაიტარონ PCR–ტესტი“, – განაცხადა თურნავამ.

მისი თქმით, ეს არის უსაფრთხო საქართველოს მოსახლეობისთვის და გარდა ამისა, ქვეყანას ბიზნეს–პროცესების გაცოცხლებისა და ინვესტორთან ურთიერთობის შენარჩუნების შესაძლებლობას მისცემს.

თურნავამ გნაცხადა, რომ რამდენიმე დღის შემდეგ ახალი პლატფორმის კიდევ ერთი პრეზენტაცია ჩატარდება, რომლის წყალობითაც საქართველოში ხანგრძლივი ვადით ჩამოსვლას შეძლებენ  უცხოელი ვიზიტორები, რომლებსაც საქართველოდან დისტანციური მუშაობის სურვილი ექნება.  

„ამ მიმართულებით ძალიან მაღალი ინტერესი არსებობს, მათ შორის სხვადასხვა საერთაშორისო საფინანსო ინსტიტუტიდან და მათგან, ვინც მუშაობის დისტანციურ რეჟიმში გადავიდა. ასე რომ სწორედ საქართველო გახდება ის ადგილი, საიდანაც ისინი შეძლებენ თავიანთ კორპორაციებში მუშაობას, მაგრამ იცხოვრებენ საქართველოში“, – აღნიშნა ნათია თურნავამ.

პროექტის თაახმად, მთავრობა პროექტის თანახმად, მთავრობა გამონაკლისის წესით დაუშვებს ყველა ქვეყნის მოქალაქის საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

საქართველოში გრძელვადიანი პერიოდით ყოფნის მსურველებისთვის შემუშავდა განაცხადების მიღების ელექტრონული პლატფორმა.

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა სამივე კატეგორიის მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო 14-დღიანი კარანტინის გავლის თაობაზე და ა.შ.

ე.წ. გრძელვადიანი ვიზიტორები 14-დღიან კარანტინს კომერციული ტარიფით, საკუთარი ხარჯით გაივლიან, ასევე განიხილება ექვსთვიანი სამოგზაურო დაზღვევის არსებობა.

189
თემები:
საქართველოს ეკონომიკა
დონალდ ტრამპი

დონალდ ტრამპის მამულში კალაშნიკოვის ავტომატით შეიარაღებული მოზარდები დააკავეს

0
(განახლებულია 10:23 06.08.2020)
სამართალდამცველებმა გაქცეული მოზარდები, რომლებსაც იარაღის გადაგდება მოესწროთ, მალევე იპოვეს ვერტმფრენისა და პოლიციის ძაღლის დახმარებით

თბილისი, 6 აგვისტო ― Sputnik. აშშ-ს პოლიციამ პრეზიდენტ დონალდ ტრამპის მარ-ა-ლაგოში (ფლორიდა) მდებარე მამულის ტერიტორიაზე სამი მოზარდი დააკავეს, რომლებსაც ზურგჩანთაში იარაღი და 14 ვაზნა აღმოაჩნდათ, იუწყება სააგენტო AP News-ი.

​გავრცელებული ინფორმაციით, მოზარდები პრეზიდენტის მამულში მაშინ მოხვდნენ, როდესაც პოლიციისგან გაქცევას ცდილობდნენ.

ირკვევა, რომ გასული კვირის ბოლოს პოლიციელებმა მარ-ა-ლაგოდან სამ კილომეტრში გაჩერებულ ავტომობილში სამი 15 წლის ბიჭი შენიშნეს, რომლებიც მათი დანახვისთანავე გაქცევას შეეცადნენ. მაგრამ მათ პოლიციის სხვა ავტომობილმა გადაუღობა გზა, რის შემდეგაც ბიჭები მანქანიდან გადახტნენ, მარ–ა–ლაგოს ღობეზე გადაძვრნენ და მიმალვა სცადეს.

სამართალდამცველებმა ვერტმფრენისა და პოლიციის ძაღლის მეშვეობით მალევე იპოვეს მოზარდები, თუმცა მათ უკვე მოესწროთ ზურგჩანტის გადაგდება, რომელშიც კალაშნიკოვის ავტომატი АК-47 და 14 ვაზნა ელაგა.

„ბიჭებს წარმოდგენა არ ჰქონდათ, სად ამოყვეს თავი... გაუმართლათ, რომ მამულში იმ  მომენტში პრეზიდენტი და მისი ოჯახის წევრები არ იმყოფებოდნენ, თორემ მოზარდებს საიდუმლო სამსახურის შეიარაღებულ აგენტებთან მოუწევდათ შეხვედრა“, — აღნიშნა პალმ–ბიჩის პოლიციის წარმომადგენელმა მაიკლ ოგროდნიკმა.

ამ დროისათვის მოზარდები დაკავებულები არიან და სასამართლოს გადაწყვეტილებას ელოდებიან.

 

0
თემები:
მსოფლიო დღეს