თბილისის ქუჩებში

გაბრაზებული ხალხი და პოლიტიკის მძევალი ეკონომიკა...

1123
(განახლებულია 14:46 23.06.2019)
20-21 ივნისის პოლიტიკური დრამა, მეზობლის პასუხი და მომავლის გათვლები... როგორ აისახება ბოლო დღეებში განვითარებული მოვლენები ქვეყნის ეკონომიკაზე?

სამსონ ხონელი

დამეთანხმება მკითხველი, სინოპტიკოსების პროგნოზი იშვიათად მართლდება... არადა ახლა სწორედ ის გამონაკლისი შემთხვევაა, როცა მათი ვარაუდი აგვიხდა... აკი გვაფრთხილებდნენ,  რომ წლევანდელი ზაფხული გამორჩეულად ცხელი იქნებოდა...

ამთავითვე შეგვიძლია ვთქვათ, რომ უკვე ასეც არის. ივნისის შუა რიცხვებიდან მოყოლებული ნამეტანი დაცხა, ერთი პერიოდი კი დღის განმავლობაში სუნთქვაც გაჭირდა... ჩვენში ხვატი და ბუღი არავის აკვირვებს, უარესის მოლოდინიც იყო, მაგრამ პოლიტიკური ტემპერატურის მატებას სავარაუდოდ არავინ ელოდა. თქვენი არ ვიცი, მე კი მქონდა განცდა, რომ პატივცემული ხალხის რჩეულები საგაზაფხულო სესიას დაასრულებდნენ და უმაღლეს საკანონმდებლო ორგანოში არდადეგები დაიწყებოდა... მეგონა, რომ ორიოდე თვის შემდეგ მომავალი წლის მთავარი პოლიტიკური ასპარეზობისთვის დიდი სამზადისის მომსწრენი გავხდებოდით... ვინ მაცალა?! უკვე მერამდენედ დავრწმუნდი, რომ აქ, ამ ქვეყანაში „ყველაფერი მოსულა“... ჰოდა, სამართლიანად ბრაზობს ხალხი და მთავარი გამზირიც ისევ „დუღს“... სხვა საკითხია, რომ ამ საერთო „დუღილში“ ყველა თავისას ხარშავს!

გაბრაზების მიზეზი მკითხველმა იცის, დეტალებზე აღარ შევჩერდები და არც პოლიტიკური პროცესების სიღრმისეულ ანალიზს შევუდგები, მხოლოდ ერთს ვიტყვი, პარლამენტის შენობის შტურმით აღების მცდელობა და პოლიციელებზე ძალადობა დაუშვებელია. ამგვარი ქმედება სცდება გამოხატვის თავისუფლების კონსტიტუციურ უფლებას და ძალიან სახიფათოა თავისი გამოუსწორებელი შედეგებით. არავინ კამათობს, რომ მოქალაქეების უფლებაა გააპროტესტონ ის უმძიმესი სურათი, რომელიც 20-21 ივნისს ვიხილეთ. დრო გვიჩვენებს, როგორ აისახება ეს ყველაფერი პოლიტიკურ ველზე, რა სახის კონფიგურაცია ჩამოყალიბდება უახლოეს პერიოდში და რითი დასრულდება კრიზისი, რომელიც აშკარად გადაჭარბებული „ოცნების“ შედეგია.

საინტერესოა განვითარებული მოვლენების შესაძლო გავლენა ქვეყნის ეკონომიკურ-ფინანსურ  სექტორზე. ექსპერტ-ანალიტიკოსთა შეფასებით, პოლიტიკური პროცესების ქუჩაში გადატანა, საპროტესტო აქციები და ოპოზიციის ულტიმატუმის ენით საუბარი ბაზარზე გაურკვევლობის მოლოდინს შექმნის. ამან კი ეკონომიკის სერიოზული შენელება შეიძლება გამოიწვიოს.

ანალიტიკოსი გიორგი ცუცქირიძე: „არახალია, რპოლიტიკური დაძაბულობების შემთხვევაში, ბაზრაზე წარმოიქმნება გაურკველობა. ასეთ დროს კომპანიები თავს იკავებენ გაფართოებისგან და ახალი კადრების აყვანისაგან, რაც ბიზნესის ბრუნვის ზრდას ზღუდავს. ეს მგრძნობელობა კიდევ უფრო იზრდება პოლიტიკური ველის რადიკალიზაციისას. კიდევ ერთი მნიშნელოვანი მომენტია მომხმარებლების მიერ ხარჯების შემცირება. თუ გაურკვევლობა დიდია, ადამიანები ხვალინდელი დღის შიშით ისედაც იწყებენ თანხების დაზოგვას, რაც დაძაბულობის ზრდასთან ერთად, ხარჯების კიდევ უფრო მკვეთრ შემცირებაში აისახება, რაც ისევ ეკონომიკის ზრდაზე მოახდენს ნეგატიურ ზეგავლენას. პოლიტიკური არასტაბილურობა აისახება ინვესტიციების მოცულობაზეც. არსებულ  ვითარებაში იზრდება არასტაბილურობის ინდექსი და ლოგიკურია, რომ ინვესტორები თავს იკავებენ კაპიტალის დაბანდებისგან. შექმნილი ვითარება ნეგატიურად იმოქმედებს სავალუტო კურსის დინამიკაზეც, რომელიც ჩვენში სწორედ სეზონურ ფაქტორსა და მოლოდინებზეა დამოკიდებული...“

ექსპერტთა წრეებში ვარაუდობენ, რომ ოპოზიციას, მთავრობის გადადგომის და რიგგარეშე არჩევნების დანიშვნის მოთხოვნით, საპროტესტო აქციების აგორების ფონზე, პოლიტიკური კრიზისის დაფიქსირება სურს, რაც უარყოფითი მოლოდინების ნიშნებსაც ატარებს. ქვეყანაში  პოლიტიკური კრიზისის ფასი ეკონომიკურ კრიზისზე მეტი იქნება, პოლიტიკური რისკების ზრდა, უპირობოდ უარყოფითად აისახება ეკონომიკაზეც.

ექსპერტი აკაკი ცომაია: „ჩვენ უკვე ვხედავთ პირველ სიმპტომებს, ვგულისხმობ ჩრდილოელი მეზობლის მყისიერ რეაქციას და გადაწყვეტილებას, რომლითაც რუსეთის ავიაკომპანიებს უკვე 8 ივლისიდან აეკრძალებათ ავიაგადაზიდვები საქართველოსთან... შემცირდება ტურისტული ნაკადები, რაც გავლენას მოახდენს ჯავშანზე, სასტუმროებზე, საოჯახო მეურნეობებზე, ასევე, სოფლის მეურნეობის პროდუქციაზე, რომელიც ამ პერიოდში იყიდება. რუსეთთან მზარდი ტემპით ხასიათდებოდა სავაჭრო ურთიერთობები, ბუნებრივია ეს იმოქმედებს შემოსავალზე და ქვეყნის ეკონომიკაზე. ამას უნდა შევეგუოთ. საერთოდ, საზოგადოებამ და სახელმწიფომ უნდა გაიაზროს, რომ რუსეთის ეკონომიკაზე დამოკიდებულება არ შეიძლება. თუ ჩვენ გვსურს პროგრესი და ეკონომიკის განვითარება, უნდა ვეცადოთ დივერსიფიცირებას, ანუ არ უნდა ვიყოთ დამოკიდებულები არც რუსეთის მოქალაქეების ტურისტულ ნაკადებზე, არც რუსეთის ბაზარზე. რაც შეეხება დანაკარგს, ვფიქრობ, ის მილიარდ აშშ დოლარამდეც ავა და საგრძნობი იქნება...“

ანალიტიკოსები ვარაუდობენ, რომ სახელმწიფო ამ დანაკარგის შესამცირებლად ზომებს ვერ მიიღებს, დროის მცირე მონაკვეთში საუბარი ბაზრების დივერსიფიკაციაზე, არასერიოზული და არარელევანტურია.

ანალიტიკოსი დემურ გიორხელიძე: „ბაზრების დივერსიფიკაცია აუცილებელი მოცემულობაა, მაგრამ ეს სამომავლო სტრატეგიის ნაწილია, მათ შორის არის ამერიკის შეერთებულ შტატებთან თავისუფალი სავაჭრო ხელშეკრულების გაფორმება. ბაზრების, მით უმეტეს ტრადიციული გასაღების ბაზრების ჩანაცვლება ერთ და ორ თვეში ვერ მოხდება. თუ გავითვალისწინებთ, რომ თურქეთი და რუსეთი ჩვენი წამყვანი სავაჭრო პარტნიორი ქვეყნები არიან, როგორც ექსპორტ-იმპორტის, ასევე ფულადი გზავნილების კუთხითაც ეკონომიკის რეცესიის შედეგები ჩვენ ეკონომიკაზე თურქეთის ეკონომიკაზე არანაკლებ მძიმე იქნება. ურიგო არ იქნება, გავიხსენოთ თურქეთის მაგალითი, სადაც პოლიტიკურმა ფაქტორმა სერიოზულად შეანელა ეკონომიკის ზრდა. თურქეთს 2017 წელს რეგიონში ეკონომიკური ზრდის ყველაზე მაღალი მაჩვენებელი − 7.4 პროცენტი ჰქონდა. 2018 კი წელს ზრდის ტემპმა 2.6 პროცენტამდე დაიკლო. მიმდინარე წლის პროგნოზი კი  უარყოფითია. ბოლო ორ წელიწადში ეკონომიკის ვარდნამ 10 პროცენტი შეადგინა! სწორედ პოლიტიკური მდგენელის ზეგავლენის გამო შევიდა თურქეთის ეკონომიკა ღრმა რეცესიაში...“

საკამათო არ არის, რომ ივნისის მესამე დეკადის მიჯნაზე განვითარებული მოვლენები ქვეყნის ეკონომიკაზე ნეგატიურად აისახება. როგორი იქნება მესამე კვარტალი ციფრებში, ამას  სამიოდე თვის შემდეგ ერთად ვნახავთ. დღეს კი შეიძლება ითქვას, რომ ყველაფერი ხელისუფლების ქმედებებზე იქნება დამოკიდებული. შეძლებს თუ არა ის იყოს მოქნილიც და ამავდროულად პრინციპულიც და რაც მთავარია თანამიმდევრული თავის გადაწყვეტილებებში...

 

1123

საპროტესტო აქცია პანდემიის გამო დაწესებული შეზღუდვების წინააღმდეგ თბილისში

50
(განახლებულია 21:15 26.01.2021)
სახელმწიფო კანცელარიის შენობასთან კორონავირუსის პანდემიის გამო დაწესებული შეზღუდვების წინააღმდეგ ახალი საპროტესტო აქცია გაიმართა, რომელშიც ასობით ადამიანი მონაწილეობდა.

კვირის შემდეგ თბილისსა და სხვა ქალაქებში სამოქალაქო აქტივისტები და ოპოზიციის მომხრეები აკრძალვებსა და შეზღუდვებს აპროტესტებენ, რომლებიც ხელისუფლებამ კორონავირუსის პანდემიის გამო დააწესა.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

50
არაგვი

ევროკავშირი საქართველოს აკვაკულტურის ეროვნული სტრატეგიის შემუშავებაში დაეხმარება

141
(განახლებულია 21:10 26.01.2021)
გარემოს დაცვისა და სოფლის მეურნეობის სამინისტრომ და საქართველოში ევროკავშირის წარმომადგენლობამ ოფიციალურად გამოაცხადეს მტკნარი წყლის აკვაკულტურის ღირებულებათა ჯაჭვის ანალიზის დაწყების შესახებ.

თბილისი, 26 იანვარი – Sputnik. მტკნარი წყლის აკვაკულტურის ეროვნული სტრატეგიის განვითარების შემუშავებაში საქართველოს ევროკავშირის ექსპერტები დაეხმარებიან, რომლებიც თბილისში 2021 წლის გაზაფხულზე ჩამოვლენ, იუწყება საქართველოში ევროკავშირის წარმომადგენლობა.

ოთხი საერთაშორისო და ქართველი სპეციალისტებისგან დაკომპლექტებული ჯგუფი საქართველოს აკვაკულტურის კვლევას ჩაატარებს და ჩატარებული სამუშაოების შესახებ ანგარიშს ზაფხულისთვის წარმოადგენს. 

ევროპელ ექსპერტებთან პირველი ონლაინ–შეხვედრა პროექტის „ღირებულებათა ჯაჭვის ანალიზი განვითარებისთვის“ (VCA4D) ფარგლებში უკვე ჩატარდა. მასში მონაწილეობა მიიღეს გარემოს დაცვისა და სოფლის მეურნეობის მინისტრის მოადგილემ ნინო თანდილაშვილმა, საქართველოში ევროკავშირის წარმომადგენელმა ჯორჯ დეუმ და ევროკომისიის წარმომადგენელმა მეთიუ ბრუკმა.

შეხვედრის დროს მონაწილეებმა ერთმანეთს გაუზიარეს ცოდნა ღირებულებათა ჯაჭვის შესახებ, იმსჯელეს კვლევის ფარგლებში მოსალოდნელ გამოწვევებზე და მხარეთა თანამშრომლობისთვის საჭირო პლატფორმა შექმნეს.

აღინიშნა, რომ საქართველოსთვის, რომელიც თევზის იმპორტიორი ქვეყანაა, აკვაკულტურის განვითარებას დადებითი შედეგი ექნება. მეტიც, საქართველოსა და ევროკავშირს შორის ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) აკვაკულტურის პროდუქტების ექსპორტის ახალ შესაძლებლობებს უზრუნველყოფს.

პროექტი VCA4D დაფინანსებულია ევროკავშირის მიერ და მას ახორციელებს Agrinatura – ევროპის უნივერსიტეტებისა და სამეცნიერო ცენტრების ჯგუფი, რომელიც სპეციალიზებულია სასოფლო-სამეურნეო კვლევებში და ევროპის მასშტაბით 35-ზე მეტი წევრი ჰყავს.

141
თემები:
საქართველოს სოფლის მეურნეობა
ყვავილი ზამთარში

დღის ასტროპროგნოზი ზოდიაქოს ნიშნებისთვის: 27 იანვარი

0
(განახლებულია 12:08 26.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 27 იანვარია, ოთხშაბათი. მზარდი მთვარე კირჩხიბის ნიშანშია. ამ დღეს პლანეტა მერკური მფარველობს.

დღეს მგზნებარე ვნებებისა და განცდების დღეა. ემოციურ ფონზე მოსალოდნელია ცვალებადი განწყობა, სპონტანური მოქმედებები და გრძნობები, ექსცენტრულობა. ადამიანებს მწვავე რეაგირება ექნებათ ირგვლივ განვითარებულ მოვლენებზე. ყოველივე ამის გათვალისწინებით ექსპერტები გირჩევენ, არ შეეხოთ სხვების გრძნობებსა და ინტერესებს – ეს, შესაძლოა, სავალალოდ დასრულდეს. ამ დღეს პლუსიც აქვს – მომატებული ამბიციურობა და პატივმოყვარეობა სამუშაოზე, კარიერასა და სიყვარულში წარმატებების მიღწევას შეუწყობს ხელს.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

ვერძი: ექსპერტები გირჩევენ, რაც შეიძლება შორს დაიჭიროთ თავი ჭორებისა და ინტრიგებისგან, რომ ამაში ჩათრეული არ აღმოჩნდეთ. რაც არ უნდა ბობოქარი მოვლენები განვითარდეს ირგვლივ, განზე უნდა დარჩეთ, შეინარჩუნოთ ნეიტრალიტეტი და მხოლოდ საკუთარი საქმე გააკეთოთ. გარშემომყოფები თქვენ გარეშეც მოაგვარებენ სიტუაციას, მაგრამ თუ თავს ვერ შეიკავებთ და ვინმეს მხარეს დაიჭერთ, საბოლოოდ ეს სანანებელი გაგიხდებათ – ამან თქვენს რეპუტაციაზე დამღუპველად შეიძლება იმოქმედოს.

კურო: სასურველი შედეგის მისაღწევად დღეს მხოლოდ „შემოვლითი“ გზებით უნდა ისარგებლოთ. გარშემომყოფებთან პირდაპირი საუბრის მცდელობა არაფერს მოიტანს, ხოლო „პარტიზანული“ მეთოდები კი, როგორიცაა, მაგალითად, მინიშნებები, საკმაოდ ეფექტური აღმოჩნდება. ასე რომ, თუ საკუთარი იდეის წამოწევა გინდათ, ამისთვის საუკეთესო საშუალება იქნება მოხერხებულობა, საჭირო ადამიანის დარწმუნება ამ იდეაში ისე, რომ მან იფიქროს, თითქოს თვითონ მოუვიდა ეს აზრი თავში.

ტყუპი: მოემზადეთ იმისთვის, რომ დღეს მოულოდნელად საკმაოდ მაცდური წინადადება შეიძლება მიიღოთ. ეს, შესაძლოა, თქვენს შემოსავლებს, მუშაობას ან პირად ცხოვრებას ეხებოდეს. თუმცა, სანამ დათანხმდებით, ყველაფერი კარგად უნდა აწონ–დაწონოთ. როდესაც დეტალებს ჩაუღრმავდებით და კარგად გათვლით, მომგებიანია თუ არა ეს წინადადება თქვენთვის, მხოლოდ მაშინ შეძლებთ სწორი გადაწყვეტილების მიღებას.

კირჩხიბი: დღეს ნამდვილ სუპერმენად იგრძნობთ თავს. ვარსკვლავები მოგანიჭებენ უსაზღვრო ენერგიას, აივსებით აზარტით, ვერ იგრძნობთ დაღლილობას და ამ ყველაფრის წყალობით მთების გადადგმა შეგიძლიათ. განსაკუთრებით კარგი იქნება, თუ რაღაც გადაუჭრელი საკითხები გაქვთ „მარაგში“ – დღეს შესანიშნავი შანსია ყველაზე უიმედო ჩანაფიქრის განხორციელებისთვისაც კი. და მაინც, როდესაც „მთების გადადგმას“ დაიწყებთ, ზედმეტიც არ მოგივიდეთ – ზომიერება მაინც კარგი რამაა.

ლომი: გარშემომყოფები რამე საკითხისადმი მოულოდნელი მიდგომით შეიძლება გააკვირვოთ. არაა გამორიცხული, რომ პრობლემის, რომელზეც ბევრი ადამიანი ამაოდ იმტვრევდა თავს, გადაჭრის ძალზე დახვეწილი მეთოდი წარმოადგინოთ. დღეს არასტანდარტული აზროვნება გახასიათებთ და ამის წყალობით ბევრ ამოცანას სხვა კუთხით შეხედავთ. ეს განსაკუთრებით შესამჩნევი იქნება შემოქმედების სფეროებში მოღვაწე ლომებისთვის – შთაგონების მოზღვავებას იგრძნობთ.

ქალწული: დღეს განსაკუთრებულად დამოუკიდებლად იგრძნობთ თავს. ნებისმიერი მცდელობა ირგვლივ მყოფთა მხრიდან, რომ რჩევა მოგცენ ან გმართონ, პირად შეურცხყოფად იქნება თქვენი მხრიდან აღქმული. ასეთი პოზიცია, ერთი მხრივ, შესაძლოა, თქვენთვის გარშემომყოფებთან კონფლიქტებით შემობრუნდეს. მეორე მხრივ კი, დამოუკიდებლები ვერ მიიღებთ ვერანაირ ჩარჩოს, საზღვარს და ეს საქმეებზე შეიძლება პოზიტიურად აისახოს. იქ, სადაც სხვა ჩიხში მოექცევა, თქვენ არაორდინარულ გადაწყვეტილებას შესთავაზებთ.

სასწორი: დღეს რაღაც მოვლენამ შეიძლება გაგანაწყოთ და კალაპოტიდანაც კი ამოგაგდოთ. მაგრამ სასოწარკვეთილებაში ჩავარდნა არ ღირს. ეს ნორმალურია – საქმეებში ხან ყველაფერი კარგად გამოდის და ხან – არა. ირგვლივ მყოფების იმედზე ყოფნაც ყოველთვის არ ღირს. დღეს უნდა გახსოვდეთ, რომ ერთადერთი ადამიანი, რომელსაც ანგარიში უნდა ჩააბაროთ და ვისი იმედიც უნდა გქონდეთ, ეს თვითონ თქვენ ხართ. ასეთ შემთხვევაში იმედგაცრუებაც ნაკლები გექნებათ.

მორიელი: დღეს დილიდან ლიდერის პოზიციაზე იგრძნობთ თავს. და საქმე ის კი არაა, რომ სხვებზე მბრძანებლობა მოგინდებათ, არამედ მთავარია ის, რომ გარშემომყოფები თქვენ სიტყვას დაუგდებენ ყურს. თქვენი ნათქვამი ძალზე დამაჯერებელი იქნება და ამის წყალობით დიდი ძალისხმევის გარეშე მიიპყრობთ ყურადღებას, დააინტერესებთ ადამიანებს და დაარწმუნებთ საკუთარ სიმართლეში. სწორედ ეს უნდა გააკეთოთ დღეს – წარმოადგინოთ თქვენი იდეები, პროექტები ხოლო ყოფით საკითხებზე დროის დახარჯვა მართლაც გაუმართლებელი იქნება.

მშვილდოსანი: დღეს გარშემომყოფები, თითქოს შეთანხმებულად, თქვენი მოთმინების გამოცდას მოაწყობენ, რომელიც ისედაც უკვე სავსეა. გასაკვირი არცაა, რომ რაღაც მომენტში მოთმინების ფიალა გაივსოს და „აფეთქდეს“ ეს რომ არ მოხდეს, ვარსკვლავები გირჩევენ, „ორთქლი ნელ–ნელა გამოუშვათ“ და არ დაელოდოთ მის ავსებას. სჯობს, მაგალითად, მთელი დღე იბუზღუნოთ, ვიდრე მრისხანება მთელი დღე აგროვოთ და მერე ერთიანად ამოხეთქოთ – მოაწყოთ გრანდიოზული სკანდალი.

თხის რქა: დღეს არაერთი სიურპრიზი შეიძლება გელოდებოდეთ. არა გამორიცხული, რომ ამის წყალობით რაღაც–რაღაცებს სრულიად სხვა კუთხით შეხედოთ. საქმეებში, შესაძლოა, ახალი ფაქტები გამოჩნდეს, არ გარშემომყოფებიდან ერთ–ერთმა აბსოლუტურად სხვა მხრიდან აჩვენოს თავი. ეს, რა თქმა უნდა, საქმეებისგან მოგწყვეტთ, მაგრამ ახალ შთაბეჭდილებებს მიიღებთ.

მერწყული: დღეს რისკავთ, რომ რომელიღაც საინტერესო იდეა საფუძველშივე ამოძირკვოთ. ამაში დამნაშავე თქვენი მოუთმენლობა იქნება გადაწყვეტილების მიღებისა და სურვილის არქონა, რომ დეტალებს ჩაუღრმავდეთ. მერე რომ სანანებელი არ გაგიხდეთ, გახსნილი უნდა იყოთ ნებისმიერი ახალი აზრის, პროექტისა და იდეისთვის. ბოლოს და ბოლოს, მათზე უარის თქმას ყოველთვის მოასწრებთ.

თევზები: დღეს საშუალება მოგეცემათ, რომ თქვენი ორგანიზატორული უნარები წარმოაჩინოთ, თუნდაც ეს ნიჭი „ღრმა ძილის მდგომარეობაში“ იყოს. გარშემომყოფებისთვის დავალების მიცემა, მოვალეობების გადანაწილება, ენთუზიაზმით დამუხტვა – ეს ყველაფერი დღეს თქვენთვის ძალზე იოლია. თუნდაც სხვების ხელმძღვანელობის საშუალება არ გქონდეთ, სულ მცირე, საკუთარი თავის შესანიშნავად ორგანიზებას მაინც მოახერხებთ.

0