მაია ცქიტიშვილი

„არ არის კითხვები, არის პრობლემები" ეკონომიკის მინისტრი ანაკლიის პორტის შესახებ

134
(განახლებულია 10:45 08.05.2019)
მინისტრის განცხადებით, მთავრობა აქტიურად თანამშრომლობს როგორც კონსორციუმთან, რომელიც პორტს აშენებს, ისე საერთაშორისო საფინანსო ინსტიტუტებთან.

თბილისი, 8 მაისი — Sputnik. ანაკლიის ღრმაწყლოვანი პორტის პროექტი უაღრესად მნიშვნელოვანია საქართველოს ეკონომიკისთვის, ასევე მთელი რეგიონის განვითარებისთვის, განაცხადა ვიცე-პრემიერმა, საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა.

პრემიერი: ანაკლიის პორტი საქართველოსთვის სასიცოცხლოდ მნიშვნელოვანია>>>

პროექტს ახორციელებს „ანაკლიის განვითარების კონსორციუმი“, რომელიც ქართულმა კომპანია TBC Holding-მა და ამერიკულმა კომპანია Conti International LLC-მ დააფუძნეს. ამჟამად კონსორციუმში გაერთიანებული არიან ასევე პორტის ოპერატორი SSA Marine (აშშ), British Wondernet Express (ცენტრალური აზია) და G-Star Ltd (ბულგარეთი).

ვიცე-პრემიერმა, საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა დაათვალიერა ტერიტორია, რომელზეც ანაკლიის ღრმაწყლოვანი პორტის მშენებლობა უნდა დაიწყოს, აღნიშნულია უწყების პრეს-სამსახურის განცხადებაში.

„ძალიან აქტიურად ვთანამშრომლობთ „ანაკლიის განვითარების კონსორციუმთან“, საერთაშორისო საფინანსო ინსტიტუტებთან. პროექტი უაღრესად მნიშვნელოვანია ქვეყნისთვის როგორც უსაფრთხოების, ისე ეკონომიკური თვალსაზრისით, ასევე რეგიონის განვითარებისა და იმისთვის, რომ ჩვენი ლოგისტიკური პოტენციალი მთლიანად ავითვისოთ“, – განაცხადა მაია ცქიტიშვილმა.

მინისტრის სიტყვებით, ღრმაწყლოვანი პორტი ტრანსევროპული სატრანსპორტო ინფრასტრუქტურის ნაწილია.

„ამ პროექტის საჭიროების მიმართ არანაირი კითხვა არ დგას. ერთადერთი პრობლემაა ის, რომ დღეს აქ სამუშაო არ მიმდინარეობს და დარწმუნებული ვარ, ჩვენი და კონსორციუმის სურვილი სწორედ ესაა – აქ იყოს გაჩაღებული სამშენებლო პროცესი“, – აღნიშნა ცქიტიშვილმა.

მას შემდეგ, რაც პროკურატურა დაინტერესდა TBC Bank-ის მიერ 2008 წელს განხორციელებული ერთ-ერთი ტრანზაქციით 17 მილიონი დოლარის გათეთრების საქმეზე, ოპოზიციამ და ბანკის ხელმძღვანელობამ საუბარი დაიწყო იმაზე, რომ ხელისუფლებას პროექტის შეჩერება ან „ანაკლიის განვითარების კონსორციუმის“ თავიდან მოშორება სურს. მთავრობამ აღნიშნული ინფორმაცია არაერთხელ უარყო.

საქართველოს ხელისუფლება მონაწილეობს მოლაპარაკებებში საფინანსო ინსტიტუტებთან, რომლებიც დაინტერესებული არიან კონსორციუმისთვის კრედიტის გაცემით, რათა პროექტი რაც შეიძლება მალე განხორციელდეს.

საქართველოში ღრმაწყლოვანი პორტის მშენებლობა 2017 წელს დაიწყო.

თებერვლის დასაწყისში გერმანულმა განვითარების ბანკმა DEG-მ და ნიდერლანდების განვითარების ბანკმა FMO-მ პორტის მშენებლობაში ინვესტირების გადაწყვეტილება მიიღეს. კონსორციუმის მონაცემებით, ორი ევროპული ბანკის მიერ 600 მილიონი დოლარის ინვესტირების გადაწყვეტილების შემდეგ მშენებლობის პირველი ფაზისთვის აუცილებელი თანხა შეკრებილია.

ანაკლიის პორტი, როგორც თურქეთის პორტების კონკურენტი>>>

პორტის ამოქმედება მშენებლობის პირველი ეტაპის დასრულების შემდეგ – 2021 წლიდან იგეგმება. პორტის განვითარება ცხრა ფაზად განხორციელდება.

პირველი ფაზა გულისხმობს პორტის ამუშავების შემდეგ წელიწადში 900 ათასი კონტეინერის მიღებას. ეს არ ნიშნავს, რომ პორტში ამ ოდენობის ტვირთი პირველივე წელიწადს შემოვა, მაგრამ ეს იქნება მაქსიმალური დასაშვები მოცულობა, აცხადებენ პროექტის ავტორები. პირველ და მეორე ფაზებს შორის სამ-ოთხწლიანი შუალედი იქნება. მომდევნო ნაბიჯების გეგმა კი პირველი ფაზის მსვლელობისას შემუშავდება.

პირველი ორი ფაზის დასასრულისთვის ანაკლიის პორტი დაახლოებით 14 მილიონი ტონა ტვირთის მიღებას შეძლებს. პროექტის ავტორების გათვლით, ამ მაჩვენებელს პორტი 2030 წლისთვის მიაღწევს. ყველა ცხრა ფაზის განხორციელებას 50 წელზე მეტი დასჭირდება. იმ დროისთვის პორტი, კონსორციუმის პროგნოზით, შეძლებს ყოველწლიურად 100 მილიონ ტონაზე მეტი ტვირთის მიღებას.

პროექტის საერთო ღირებულება 2,5 მილიარდი აშშ დოლარია.

 

134
თემები:
ანაკლია – მომავლის ქალაქი (44)
აღმოსავლეთ და დასავლეთ საქართელოს დამაკავშირებელი ცენტრალური ტრასა

როდის გაიხსნება ხაშურის შემოვლითი გზა

66
(განახლებულია 20:08 12.08.2020)
გზის მშენებლობა 31 ივლისს უნდა დასრულებულიყო, თუმცა კორონავირუსის პანდემიის გამო კონტრაქტორს დასრულების ვადად მიმდინარე წლის ოქტომბერი განესაზღვრა.

თბილისი, 12 აგვისტო — Sputnik. ხაშურის შემოვლითი გზის მშენებლობა დასრულების ეტაპზეა, ნათქვამია საქართველოს რეგიონული განვითარებისა და ინფრასტრუქტურის სამინისტროს მიერ გავრცელებულ განცხადებაში.

აგვისტოს მეორე ნახევარში ხაშურს ოთხზოლიანი ასფალტ-ბეტონის მაგისტრალური შემოვლითი გზა ექნება.

„ხაშურის შემოვლითი გზის მშენებლობა, ხელშეკრულების შესაბამისად, 31 ივლისს უნდა დასრულებულიყო, თუმცა კორონავირუსის პანდემიის გამო შექმნილი გარემოების გათვალისწინებით კონტრაქტორს დასრულების ვადად მიმდინარე წლის ოქტომბერი განესაზღვრა“, – ნათქვამია განცხადებაში.

აღმოსავლეთიდან დასავლეთისკენ მიმავალი ავტოტრანსპორტის კომფორტული და უსაფრთხო გადაადგილებისთვის ხაშურის შემოვლითი გზის მნიშვნელობის გათვალისწინებით, აგვისტოს ბოლოს ამ გზის 13 კმ-იანი მონაკვეთიდან 11.5 კმ-ზე გაიხსნება ოთხზოლიანი გზა, ხოლო დარჩენილი 1.5 კმ დროებით იქნება ორზოლიანი. დარჩენილ 1.5 კმ გზაზე დამატებითი ორ ზოლის მშენებლობა ოქტომბერში დასრულდება და ხაშურის შემოვლითი გზის 13-ვე კილომეტრი ოთხზოლიანი იქნება.

ხაშურის შემოვლითი გზა აგარა-ზემო ოსიაურის ბოლო მონაკვეთზე იწყება და სურამში მოწყობილ ახალ კვანძთან შეუერთდება არსებულ გზას. ამ მონაკვეთზე აშენდა 420-მეტრიანი ხიდი, რომელსაც საქართველოში ყველაზე მაღალი ბურჯები აქვს.

ხაშურის შემოვლითი გზა ზემო ოსიაური–ჩუმათელეთის გზის ნაწილია და ორივე მონაკვეთის დასრულების შემდეგ გზა რიკოთის საუღელტეხილო გვირაბამდე მივა. ამ გზით გვერდს ავუვლით ხაშურს, სურამს და ჩუმათელეთს. პროექტის ფარგლებში საერთო ჯამში აშენდება ოთხზოლიანი ასფალტ-ბეტონის გზა, 21 ხიდი, 5 გვირაბი, რკინა-ბეტონის მიწისქვეშა გასასვლელები, წყალგამტარი მილები და სადრენაჟე სისტემები. 

რაც შეეხება ზემო ოსიაური–ჩუმათელეთის გზის მეორე მონაკვეთის – 6.4 კმ-იანი გზის მშენებლობას, ამჟამად მიმდინარეობს სატენდერო წინადადებების შერჩევა-შეფასების პროცესი.

ზემო ოსიაური–ჩუმათელეთის მონაკვეთი ქვეყნის მთავარი სატრანზიტო ავტომაგისტრალის შემადგენელი ნაწილია და ამ მონაკვეთის ექსპლუატაციაში შესვლით გაიზრდება ჩქაროსნული გზის გამტარუნარიანობა, ავტოტრანსპორტის მოძრაობის უსაფრთხოების დონე და შემცირდება მგზავრობის დრო, აცხადებენ სამინისტროში.

66
თემები:
ტრანსპორტი საქართველოში
პრემიერი გიორგი გახარია

გიორგი გახარია: საქმიანი ვიზიტები ქვეყანაში უკიდურესად მნიშვნელოვანია

85
(განახლებულია 16:12 12.08.2020)
საქართველოში საქმიანი ვიზიტის განსახორციელებლად უცხო ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითაც ისინი ქვეყანაში ჩამოსვლას გეგმავენ.

თბილისი, 12 აგვისტო – Sputnik. ბიზნეს–ვიზიტორების მიმართულება უკიდურესად მნიშვნელოვანია იმისთვის, რათა ქვეყანაში ეკონომიკა არ „გაცივდეს“ და ეკონომიკური აქტივობები ნელ-ნელა გაძლიერდეს, განაცხადა საქართველოს პრემიერ-მინისტრმა გიორგი გახარიამ უწყებათშორის საკოორდინაციო საბჭოზე.

საქმიანი ვიზიტით საქართველოში: სურვილი 2,7 ათასმა უცხოელმა გამოთქვა>>

პრემიერის განცხადებით, ამ პერიოდის განმავლობაში ბიზნეს–ვიზიტორების რაოდენობა 4000 ადამიანს ასცდა. ეს არ ნიშნავს, რომ ყველა ეს ადამიანი ამჟამად საქართველოში იმყოფება, მაგრამ მათი ვიზიტები ძალზე მნიშვნელოვანია ქვეყნის ეკონომიკისთვის. 

„იმისთვის, რომ ეკონომიკა არ გაცივდეს და ეკონომიკური აქტივობები ნელ-ნელა გავაძლიეროთ, ამისთვის ბიზნეს–ვიზიტორების მიმართულება არის უკიდურესად მნიშვნელოვანი“, – განაცხადა გიორგი გახარიამ.

მისი თქმით, ამ ადამიანების ჯანმრთელობაზე ზრუნვაც საქართველოს მთავრობის პირდაპირი ვალდებულებაა და შტაბმა, შესაბამისად, ამ მიმართულებას ყურადღება უნდა მიაქციოს.

ტესტირება, კარანტინი, მოგზაურობის ისტორია - რა უნდა ვიცოდეთ საქართველოს საზღვრის კვეთისას>>

„ჩვენ გვაქვს რისკის შემცველი კიდევ რამდენიმე მიმართულება. მოგეხსენებათ, რომ ნაცვალგების პრინციპიდან გამომდინარე, რამდენიმე ქვეყანას ჩვენ საზღვრები გავუხსენით. დღევანდელი მონაცემებით, ამ მიმართულებით ქვეყანაში უკვე შემოსულია 1520 განაცხადი და ამ მომენტისთვის ქვეყანაში 751 ტურისტი იმყოფება“, – აღნიშნა გახარიამ.

საქართველოში ერთთვიანი სატესტო რეჟიმის შემდეგ ბიზნეს–ვიზიტორების პლატფორმა სრულფასოვნად ამოქმედდა.

საქართველოში საქმიანი ვიზიტის განსახორციელებლად უცხო ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითაც ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში კორონავირუსზე PCR–ტესტი უნდა გაიკეთონ ან სავალდებულო 14-დღიანი კარანტინი გაიარონ საკუთარი ხარჯებით. ეს პირობა არ ეხება ევროკავშირის წევრ ხუთი ქვეყნის მოქალაქეებს, რომლებთანაც საქართველომ უპირობოდ გახსნა საზღვრები.

მალე საქართველოში ხანგრძლივი ვადით ჩამოსვლას შეძლებენ ის უცხოელი ვიზიტორებიც, რომლებსაც საქართველოდან დისტანციური მუშაობის სურვილი ექნებათ.

საქართველოში გრძელვადიანი პერიოდით ყოფნის მსურველებისთვის უკვე შემუშავდა განაცხადების მიღების ელექტრონული პლატფორმა.

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო 14-დღიანი კარანტინის გავლის თაობაზე და ა.შ.

85
თემები:
საქართველოს ეკონომიკა
სასწრაფო დახმარება

გარდაბანში ქალს ერთდროულად ციმბირული წყლული და კორონავირუსი დაუდასტურდა

0
ამჯერად სოფელ ყარაჯალარის მკვიდრი ქალბატონი იზოლირებულია და საავადმყოფოში მკურნალობას ერთბაშად ორ დაავადებაზე გადის

თბილისი, 12 აგვისტო — Sputnik. გარდაბნის მუნიციპალიტეტის სოფელ ყარაჯალარის მკვიდრ, 43 წლის ქალს ერთდროულად ციმბირული წყლული და კორონავირუსი დაუდასტურდა, იუწყება ტელეარხი Imedi.

ტელეარხის მონაცემებით, ქალმა ნათესავის რჩევით ექიმს ხელზე ჭრილობის გამო მიმართა. ანალიზების შედეგებით მას ციმბირული წყლული დაუდგინდა.

„ის ჩვენთან შემოიყვანეს ეჭვით ციმბირულ წყლულზე, რადგან ნეკა თითზე ჰქონდა შავი გარსით დაფარული ჭრილობა. დილით მას კორონავირუსიც დაუდასტურდა და ციმბირული წყლულიც“, - განაცხადა რუსთავის კლინიკის დირექტორმა პაპუნა ბახტაძემ.

მისი თქმით, ამჯერად ქალი იზოლირებულია და საავადმყოფოში ერთბაშად ორ დაავადებაზე მკურნალობს.

0
თემები:
COVID-19 საქართველოში