ფორუმი „ერთი სარტყელი, ერთი გზა“: საქართველომ ჩინეთთან ხელშეკრულება გააფორმა

© photo: Ministry of Regional Development and Infrastructure of Georgia / FBსაქართველოს რეგიონული განვითარებისა და ინფრასტრუქტურის მინისტრი მაია ცქიტიშვილი და ჩინეთის ტრანსპორტის მინისტრი ლი სიაოპენი
საქართველოს რეგიონული განვითარებისა და ინფრასტრუქტურის მინისტრი მაია ცქიტიშვილი და ჩინეთის ტრანსპორტის მინისტრი ლი სიაოპენი - Sputnik საქართველო
გამოწერა
საქართველოსა და ჩინეთს შორის გაფორმებული ხელშეკრულება ტვირთების და მგზავრების გადაზიდვას ეხება

თბილისი, 27 აპრილი – Sputnik. საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა და ჩინეთის ტრანსპორტის მინისტრმა ლი სიაოპენმა ხელი მოაწერეს პარაფირებულ შეთანხმებას „საქართველოსა და ჩინეთის მთავრობებს შორის საერთაშორისო სახმელეთო ტვირთების გადაზიდვისა და მგზავრთა ტრანსპორტირების შესახებ“, ნათქვამია სამინისტროს ვებგვერდზე გავრცელებულ განცხადებაში.

„ერთი სარტყელი, ერთი გზა" – საქართველო პეკინში გამართულ ფორუმში მონაწილეობს >>

შეთანხმების ხელმოწერის ცერემონია პეკინში მინისტრების შეხვედრის შემდეგ გაიმართა.

„ეს დოკუმენტი ითვალისწინებს ორ ქვეყანას შორის მგზავრების და ტვირთების ტრანსპორტირების საკითხებში თანამშრომლობას, რაც წინგადადგმული დიდი ნაბიჯია "ერთი სარტყელი, ერთი გზის" ინიციატივის განხორციელების თვალსაზრისით. ე. წ. შუა დერეფნის განვითარებისთვის უმნიშვნელოვანესია თანამშრომლობის ყველა ფორმატი ჩინეთთან და ევროკავშირის ქვეყნებთან, ასეთი ტიპის ხელშეკრულებები კი ხელს უწყობს ფასების კონკურენტუნარიანობას და დამატებითი შეღავათების დაწესებას გადამზიდავებისთვის“, - აღნიშნა მაია ცქიტიშვილმა.

საქართველოს ჩინეთსა და ევროკავშირთან თავისუფალი ვაჭრობის შესახებ შეთანხმებები აქვს გაფორმებული.

პეკინი - Sputnik საქართველო
ხიდი ევროპასა და აზიას შორის: რა სარგებელს მიიღებს საქართველო

შეხვედრაზე მინისტრებმა აღნიშნეს სარკინიგზო ტვირთგადაზიდვების გაზრდა, რაც, როგორც სამინისტრო აღნიშნავს, ამ მიმართულების განვითარების აუცილებლობას ადასტურებს.

მინისტრებმა აღნიშნეს საქართველოსა და ჩინეთს შორის რეგულარული ავიამიმოსვლის განვითარებისა და ორივე ქვეყნის ტურისტული და ბიზნეს პოტენციალის გააქტიურების აუცილებლობა.

ცქიტიშვილმა ჩინეთის ტრანსპორტის მინისტრი თბილისის აბრეშუმის ფორუმზე დაპატიჟა.

რიგით მეორე ფორუმი „ერთი სარტყელი, ერთი გზა“ პეკინში 25-27 აპრილს გაიმართა და მასში მონაწილეობა სახელმწიფოებისა და მთავრობების 37-მა ლიდერმა მიიღო.

ტრეილერების რიგი „სარფის საკონტროლო–გამშვებ პუნქტზე - Sputnik საქართველო
საგარეო ბრუნვა: ექსპორტი გაიზარდა, იმპორტი შემცირდა

ფორუმზე გამოსვლისას ცქიტიშვილმა ხაზი გაუსვა საქართველოს, როგორც ევროპასა და აზიას შორის დამაკავშირებელი რგოლის როლი და განაცხადა, რომ ქვეყანა ცდილობს ჩინეთიდან ევროპაში ტვირთების ტრანსპორტირებისთვის უმოკლეს გზად იქცეს.

ტოკიო - Sputnik საქართველო
საქართველოს სურს იაპონიასთან თავისუფალი ვაჭრობა

„წლევანდელი ფორუმი „ერთი სარტყელი - ერთი გზა“ გახდა გაცილებით მასშტაბური და შინაარსიანი პირველთან შედარებით, მან მეტი ქვეყანა მიიზიდა და მეტი შედეგი გამოიღო“, - განაცხადა ჩინეთის სახალხო რესპუბლიკის თავმჯდომარემ სი ძინპინმა ფორუმის დასრულების შემდეგ გამართულ შემაჯამებელ პრესკონფერენციაზე.

კონცეფცია „ერთი სარტყელი, ერთი გზა" ეს არის ჩინეთის საერთაშორისო ინიციატივა ახალი სავაჭრო-სატრანსპორტო დერეფნების შექმნისა და არსებულის გაუმჯობესების თაობაზე, რომელიც ცენტრალური აზიის, ევროპისა და აფრიკის 60-ზე მეტ ქვეყანას აერთიანებს და რომლის მიზანიც ჩინეთსა და ამ ქვეყნებს შორის სავაჭრო ურთიერთობების განვითარების ხელშეწყობაა.

„აბრეშუმის გზის ეკონომიკური სარტყელის“ ფორმირების იდეა ჩინეთის სახალხო რესპუბლიკის ლიდერმა, სი ძინპინმა წამოაყენა.

ყველა ახალი ამბავი
0