მამუკა ბახტაძე

ამომრჩევლის მოსყიდვა არ ყოფილა პრემიერი მოსახლეობის საბანკო დავალიანების ჩამოწერაზე

117
(განახლებულია 18:28 10.04.2019)
საქართველოს მთავრობის მეთაურმა ევროსაბჭოს საპარლამენტო ასამბლეის წევრებს განუმარტა, თუ რატომ ჩამოეწერა ათასობით მოქალაქეს საბანკო დავალიანება.

თბილისი, 10 აპრილი — Sputnik. საქართველოს პრემიერ-მინისტრმა მამუკა ბახტაძემ ევროპის საბჭოს საპარლამენტო ასამბლეის წევრებს იმ სოციალური პროექტის დეტალები გააცნო, რომლის ფარგლებშიც 600 ათას მოქალაქეს საბანკო დავალიანება ჩამოეჭრა.

მამუკა ბახტაძე: ვალების ჩამოწერის პროექტი წარმატებით დასრულდა>>>

ხელისუფლებამ აღნიშნული ინიციატივის შესახებ 19 ნოემბერს, მას შემდეგ განაცხადა, რაც მათ მიერ მხარდაჭერილმა საპრეზიდენტო კანდიდატმა სალომე ზურაბიშვილმა არჩევნების პირველ ტურში ვერ გაიმარჯვა. ოპოზიციამ, თავის მხრივ, მაშინვე განაცხადა, რომ მმართველი პარტია „ქართული ოცნება - დემოკრატიული საქართველო" ამ ფორმით ცდილობს ამომრჩევლის მოსყიდვას. არჩევნების მეორე ტური 28 ნოემბერს გაიმართა.

„არანაირი კავშირი ამომრჩევლის მოსყიდვასთან ამას არ აქვს. არჩევნებამდე ერთი წლით ადრე მე, როგორც ფინანსთა მინისტრმა, მოვახდინე ამ საკითხის ინიცირება. როგორც პრემიერ-მინისტრმა აგვისტოში განვაცხადე, რომ ეკონომიკურ ცხოვრებაში ვერ მონაწილეობდა 600 ათასზე მეტი ადამიანი, რადგან ისინი „შავ სიაში" იყვნენ. ეს პროგრამა იყო ძალიან წარმატებული", – განაცხადა ბახტაძემ ევროსაბჭოს საპარლამენტო ასამბლეის სხდომაზე გამართული დებატების დროს.

10 დეკემბრიდან 15 იანვრის პერიოდში სესხები გაუნულდათ იმ მოქალაქეებს, რომლებსაც სესხი აქციის დაწყებამდე მინიმუმ ერთი წლით ადრე ჰქონდათ აღებული, ერთხელაც არ გადაუხდიათ საპროცენტო დავალიანება და რომელთა სესხის ძირითადი თანხა ჯარიმებისა და პროცენტების გარეშე 2 ათას ლარს აღემატებოდა.

საქართველოს ეროვნული ბანკის პრეზიდენტის კობა გვენეტაძის განცხადებით, აქცია იმ ადამიანებს შეეხოთ, რომლებიც თავად ვერასდროს შეძლებდნენ სესხის დაფარვას.

სესხების დაფარვა საკუთარ თავზე „ქართუ ბანკმა" აიღო, რომლის დამფუძნებელიც მმართველი პარტიის თავმჯდომარე ბიძინა ივანიშვილია.

 

117
თემები:
საქართველოს პრემიერ–მინისტრი (82)
ვალუტის კურსი

ლარის კურსი 3 აგვისტოს

196
(განახლებულია 21:56 02.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 3 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0719 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

ლარის კურსი 3 აგვისტოს
196
თემები:
ლარის კურსი დღეს
ალუნიმისა და მეტალო–პლასტმასის პროდუქციის საწარმო

ალუმინისა და მეტალო–პლასტმასის პროდუქცია საქართველოდან: ქუთაისში საწარმო გაიხსნა

104
(განახლებულია 15:47 02.08.2020)
საწარმოში თავიდან 15 ადამიანის დასაქმება იგეგმება, თუმცა, გაფართოების შემდეგ დასაქმებულთა რაოდენობა 100-მდე გაიზრდება.

თბილისი, 2 აგვისტო  — Sputnik.  ქუთაისში ახალი საწარმო გაიხსნა, რომელიც ალუმინისა და მეტალო–პლასტმასის პროდუქციას გამოუშვებს,  იუწყება საქართველოს ეკონომიკისა და მდგრადი განვითრების სამინისტრო.

იგი  მეწარმეობის სტიმულირების სამთავრობო პროგრამის „აწარმოე საქართველოში“ მხარდაჭერით აშენდა.  საწყის ეტაპზე პროდუქციის ადგილობრივ ბაზარზე რეალიზაცია იგეგმება. 

 „ჩვენთვის ძალიან მნიშვნელოვანია ახალი საწარმოების გახსნა და ახალი სამუშაო ადგილების შექმნა. ეს არის ჩვენი მთავარი პრიორიტეტი. განახლებული პროგრამით „აწარმოე საქართველოში“ შესაძლებელი გახდება უფრო მეტი საწარმოს მხარდაჭერა. რაც შეეხება სამშენებლო მასალათა ბაზარს, ის ძალიან პერსპექტიულია - ჩვენ გაგვაჩნია საკუთარი რესურსი, ასევე მოთხოვნა ჩვენს ბაზარზე და ექსპორტის დიდი პოტენციალი“ - განაცხადა ეკონომიკის მინისტრმა ნათია თურნავამ ჟურნალისტებთან.  

საწარმოში 700 ათასი ლარის მოცულობის ინვესტიცია განხორციელდა. თავდაპირველად ადგილზე 15 ადამიანის დასაქმება იგეგმება, თუმცა, გაფართოების შემდეგ დასაქმებულთა რაოდენობა 100-მდე გაიზრდება.

კორონავირუსის პანდემიამ გამოწვევის წინაშე დააყენა არა მხოლოდ ქართული ბიზნესი, არამედ ასევე სახელმწიფო სააგენტოც, რომლის ერთ-ერთი მიზანი ქვეყანაში სამეწარმეო გარემოს გაუმჯობესებაა. ადგილობრივი მეწარმეობის მხარდასაჭერად საქართველოს მთავრობამ გააფართოვა პროექტი „აწარმოე საქართველოში“ და ის ახლა 300-ზე მეტი სახის ბიზნეს-საქმიანობას მოიცავს.

სამთავრობო პროგრამა „აწარმოე საქართველოში“ 2014 წლის ზაფხულში შეიქმნა. მისი მიზანია ქვეყანაში ადგილობრივი წარმოების წახალისება. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ქვეყნის ბიზნეს-სექტორისა და ეკონომიკური განვითარების ხელშეწყობისკენ მიმართული ყველა სახელმწიფო პროგრამა.

2014 წლიდან სააგენტომ მხარი დაუჭირა 359 სამეწარმეო პროექტს, რომლის შედეგადაც ქვეყანაში 13 ათასზე მეტი სამუშაო ადგილი გაჩნდა. გასუ წელს დაფინანსდა 85 პროექტი, რაც 31%–ით მეტია 2018 წელთან შედარებით.

19%–ით გაიზარდა კერძო სექტორის მხრიდან ინვესტიციები. სააგენტოს ხელშეწყობით 2019 წელს ქვეყანაში ხუთი ახალი საინვესტიციო პროექტი გაჩნდა, რომლებმაც ქვეყანას 83 მლნ დოლარის პირდაპირი უცხოური ინვესტიციები მოუტანა და 850 ახალი სამუშაო ადგილი შექმნა.

104
თემები:
საქართველოს ეკონომიკა
ტედროს ადანომ გებრეისუსი

„შესაძლოა არც არასდროს შეიქმნას“: ჯანმო COVID-19-ის იდეალური საშუალების შესახებ

0
(განახლებულია 16:15 03.08.2020)
ჯანმოს გენერალური დირექტორი იმედს არ კარგავს, რომ მსოფლიოში მიმდინარე კლინიკური გამოცდები რამდენიმე ეფექტურ ვაქცინას გამოავლენს

 თბილისი, 3 აგვისტო ― Sputnik. ამ დროისათვის კორონავირუსის წინააღმდეგ იდეალური პრეპარატი არ არსებობს და შესაძლოა არც არასდროს შეიქმნას, განაცხადა ჯანდაცვის მსოფლიო ორგანიზაციის გენერალურმა დირექტორმა ტედროს ადანომ გებრეიესუსმა.

მისი თქმით, ახლა არაერთი ვაქცინა გადის კლინიკური გამოცდების მესამე ფაზას და არსებობს იმედი, რომ მსოფლიო „რაღაც რაოდენობის ეფექტურ ვაქცინას მიიღებს“.

„მაგრამ ამ მომენტისთვის არ არსებობს იდეალური საშუალება და გამორიცხული არ არის, რომ მან არც არასდროს იარსებოს“, ― განაცხადა ჯანმოს გენერალურმა დირექტორმა ორშბათს გამართულ ბრიფინგზე.

ჯანდაცვის მსოფლიო ორგანიზაციის ბოლო მონაცემებით, ვირუსის აფეთქების მომენტიდან დღემდე მსოფლიოში კორონავირუსით ინფიცირების 17 889 134 შემთხვევაა გამოვლენილი, საიდანაც 686 145 კაცი გარდაიცვალა.

 

0
თემები:
COVID-19-ის პანდემია მსოფლიოში