ანაკლია

„იაფფასიანი სპეკულაცია“ - პრემიერმა ანაკლიის პორტთან დაკავშირებით სკეპტიკოსებს უპასუხა

116
(განახლებულია 00:06 22.03.2019)
პრემიერმა ხაზგასმით აღნიშნა, რომ ხელისუფლება ყოველთვის მხარს უჭერდა ანაკლიის განვითარების კონსორციუმს, რათა ღრმაწყლოვანი პორტის მშენებლობა რაც შეიძლება მალე დაწყებულიყო

თბილისი, 21 მარტი - Sputnik. საქართველოს პრემიერ-მინისტრმა მამუკა ბახტაძემ კატეგორიულად უარყო ინფორმაცია იმის შესახებ, რომ ხელისუფლების რომელიმე წარმომადგენელი ქვეყნის პირველი ღრმაწყლოვანი პორტის მშენებლობის გრანდიოზული პროექტის შეჩერებას ცდილობს.

ანაკლიის განვითარების კონსორციუმი აქციების გამოშვებას გეგმავს >>

„ანაკლიის განვითარების კონსორციუმი" დააარსეს ქართულმა კომპანია TBC Holding-მა და ამერიკულმა დეველოპერულმა კომპანია Conti International LLC-მა. დღეისთვის კონსორციუმში ასევე შედიან პორტის ოპერატორი SSA Marine (აშშ), British Wondernet Express (ცენტრალური აზია), G-Star Ltd (ბულგარეთი).

„ანაკლიის პორტის იდეა დაიბადა ჩვენს პოლიტიკურ გუნდში და ამავე დროს ის არის ჩვენი ეკონომიკური სტრატეგიის ნაწილი, რომ საქართველო გადავაქციოთ რეგიონის სატრანსპორტო და ლოგისტიკურ ჰაბად. საქართველოს და რეგიონს სჭირდება ღრმაწყლოვანი პორტი და საქართველოს აუცილებლად ექნება ეს ღრმაწყლოვანი პორტი. ჩვენ ვიყავით ამ იდეის ინიციატორები და ჩვენ ამ დროის განმავლობაში გვერდით ვედექით კონსორციუმს, რომ პროექტი რაც შეიძლება მალე დაწყებულიყო. ჩვენ გვაქვს სრული მხარდაჭერა ამ პროექტის მიმართ“, - განაცხადა ბახტაძემ.

საუბარი იმის შესახებ, რომ ხელისუფლებას პროექტის შეჩერება ანდა „ანაკლიის განვითარების კონსორციუმის“ ჩამოშორება სურს, მას შემდეგ დაიწყო, რაც პროკურატურა 2008 წლის ერთ-ერთ საბანკო ოპერაციის შესწავლა დაიწყო. საქმე 17 მლნ დოლარის გათეთრებას ეხება. დანაშაულის ჩადენაში ეჭვმიტანილებმა, TBC Bank-ის სამეთვალყურეო საბჭოს ხელმძღვანელმა მამუკა ხაზარაძემ და მისმა მოადგილემ ბადრი ჯაფარიძემ ეროვნული ბანკის ზეწოლის შედეგად თანამდებობები დატოვეს.

რაც შეეხება პორტს, საქართველოს ხელისუფლება მოლაპარაკებებს მართავს ფინანსურ ინსტიტუტებთან, რომელიც დაინტერესებულია კონსორციუმისთვის კრედიტების გაცემით იმ მიზნით, რათა პროექტის რეალიზაცია რაც შეიძლება სწრაფად მოხდეს.

„შესაბამისად, საუბარი იმაზე, რომ ვიღაცას მთავრობაში არ სურს ანაკლიის პროექტის განხორციელება არის იაფფასიანი სპეკულაცია“, – განაცხადა მამუკა ბახტაძემ.

ვინ ააშენებს ანაკლიისკენ მიმავალ გზებს: ტენდერში ოთხი კომპანია მონაწილეობს >>

საქართველოში პირველი ღრმაწყლოვანი პორტის მშენებლობა 2017 წლის დეკემბერში დაიწყო, ამჟამად ფსკერის გაღრმავების სამუშაოები მიმდინარეობს.

თებერვლის პირველ რიცხვებში გერმანიის განვითარების ბანკმა (DEG) და ნიდერლანდების განვითარების ბანკმა (FMO) პორტის მშენებლობის ინვესტირების გადაწყვეტილება მიიღეს. კონსორციუმის მონაცემებით, ევროპის ორი ბანკის მიერ ინვესტირების შესახებ გადაწყვეტილების შემდეგ მშენებლობის პირველი ფაზისთვის საჭირო თანხები მოძიებულია.

პორტის ამოქმედება 2021 წლიდან იგეგმება. პორტის განვითარება ცხრა ფაზის მიხედვით განხორციელდება. პირველი ფაზა ითვალისწინებს, რომ პორტი წელიწადში 900 ათასი კონტეინერის მიღებას შეძლებს. მოძიებულია მშენებლობის პირველი ფაზისთვის საჭირო სახსრები - 600 მილიონი დოლარი.

ეს არ ნიშნავს, რომ პორტში პირველივე წელს ტვირთების ეს რაოდენობა შევა, მაგრამ ეს იქნება დასაშვები მოცულობა, ამტკიცებენ პროექტის ავტორები. პირველ და მეორე ფაზას შორის წყვეტა 3–4 წელი იქნება, შემდგომი ნაბიჯების გეგმა კი პირველი ფაზის დროს შემუშავდება.

პირველი და მეორე ფაზის გასვლის შემდეგ ანაკლიის პორტი შეძლებს 14 მილიონ ტონამდე ტვირთის მიღებას. პროექტის ავტორების გათვლით, ეს, სავარაუდოდ, 2030 წლისთვის იქნება შესაძლებელი. თუმცა, ცხრავე ფაზის დასრულებას 50 წელზე მეტი დასჭირდება და ამ დროისთვის, კონსორციუმის პროგნოზით, იგი ყოველწლიურად 100 მილიონ ტონაზე მეტი ტვირთის მიღებას შეძლებს.

პროექტის საერთო ღირებულება 2,5 მილიარდ აშშ დოლარს შეადგენს.

116
თემები:
ანაკლია – მომავლის ქალაქი (42)
ასდოლარიანები და ასლარიანები

ეროვნულმა ბანკმა სავალუტო ბაზარზე მორიგი ინტერვენცია განახორციელა

58
(განახლებულია 21:44 02.07.2020)
სავალუტო ბაზრის სტაბილიზების მიზნით ეროვნულმა ბანკმა სამ თვეში უკვე რვა აუქციონი ჩაატარა და ჯამში დაახლოებით 230 მილიონი დოლარი გაყიდა.

თბილისი, 2 ივლისი — Sputnik. საქართველოს ეროვნულმა ბანკმა მორიგი სავალუტო აუქციონი გამართა, რომელზეც 20 მლნ დოლარი გაყიდა, საშუალო შეწონილმა გაცვლითმა კურსმა 3.0417 GEL/$1 შეადგინა.

სავალუტო ბაზრის სტაბილიზების მიზნით ეროვნულმა ბანკმა სამ თვეში უკვე რვა აუქციონი გამართა რომლებზეც 229,65 მილიონი დოლარი გაყიდა.

უფრო ადრე ეროვნულმა ბანკმა აღნიშნა, რომ ფასების სტაბილურობის უზრუნველსაყოფად გამოიყენებს მის ხელთ არსებულ ყველა ინსტრუმენტს, მათ შორის, სავალუტო ინტერვენციებს და პოლიტიკის განაკვეთს.

„ახლა, როდესაც სავალუტო ბაზარი არასტაბილურია, ეროვნული ბანკი უზრუნველყოფს ბაზრისთვის საჭირო ლიკვიდურობას როგორც უცხოურ, ისე ეროვნულ ვალუტაში", – განაცხადა რეგულატორმა.

სავალუტო აუქციონების გარდა ეროვნული ბანკი რყევების შესამცირებლად ყოველდღიურ ინტერვენციებს იყენებს. კერძოდ, როდესაც დღის განმავლობაში გაცვლითი კურსის რყევები აჭარბებს წინასწარ განსაზღვრულ ნიშნულს, ეროვნული ბანკი უცხოური ვალუტით ვაჭრობაში გარკვეული თანხით ერთვება.

გარდა ამისა, წელს ეროვნული ბანკი ინტერვენციებისთვის გამოიყენებს ვალუტას, რომელსაც ქვეყანა კრედიტების ან გრანტების სახით საერთაშორისო საფინანსო ინსტიტუტებისგან იღებს.

საქართველოს ეროვნულმა ბანკმა ლარის კურსი აშშ დოლარის მიმართ პარასკევისთვის 3,0463 GEL/$1 ნიშნულზე დაადგინა. წინა ნიშნულთან შედარებით ლარის კურსი აშშ დოლარის მიმართ 0,0104 ლარით გამყარდა.

დოლარის მიმართ ლარის ოფიციალური გაცვლითი კურსის დადგენა 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით ხორციელდება.

58
თემები:
ლარის კურსი დღეს
თბილისი

მსოფლიო ბანკისგან დამატებით 45 მლნ ევრო: რას მოხმარდება თანხა

76
(განახლებულია 19:44 02.07.2020)
მსოფლიო ბანკის მხარდაჭერა ქვეყნისთვის ძალზე მნიშვნელოვანია, რადგანაც იგი მიმართულია კონკრეტულად COVID-19-ით გამოწვეული პრობლემების მოგვარებისკენ, განაცხადა ფინანსთა მინისტრმა ივანე მაჭავარიანმა.

თბილისი, 2 ივლისი — Sputnik. ქვეყნის ეკონომიკაზე COVID-19-ის ზეგავლენის შესარბილებლად მსოფლიო ბანკი საქართველოს დამატებით დახმარებას აღმოუჩენს და 45 მლნ ევროს გამოუყოფს, ნათქვამია ფინანსთა სამინისტროს განცხადებაში.

უწყების ცნობით, შესაბამისი გადაწყვეტილება მსოფლიო ბანკის აღმასრულებელ დირექტორთა საბჭომ მიიღო. დახმარება განკუთვნილია იმ ღონისძიებების დასაფინანსებლად, რომლებიც მიმართულია ეკონომიკური მართვის პოლიტიკის გაუმჯობესებასა და საქართველოს კონკურენტუნარიანობის განვითარებისკენ. ამასთან, აღნიშნული თანხები ქვეყანას დაეხმარება COVID-19 პანდემიის ზემოქმედებით გამოწვეული მოულოდნელი ფინანსური დეფიციტის შევსებაში. 

„მაშინ, როდესაც საქართველოს მიერ დაწესებულმა შეზღუდვებმა ვირუსის გავრცელება წარმატებით შეაკავა, ქვეყანას, სხვა ბევრი სახელმწიფოს მსგავსად, ფისკალური და ეკონომიკური ხარჯების გაღება მოუწია. მსოფლიო ბანკის მიერ გამოყოფილი ეს დამატებითი ფინანსური სახსრები ქვეყნისთვის კრიტიკულად დროული და აუცილებელი დახმარებაა“, – განაცხადა მსოფლიო ბანკის რეგიონულმა დირექტორმა სამხრეთ კავკასიაში სებასტიან მოლინეუსმა.

მანამდე, მიმდინარე წლის მარტში მსოფლიო ბანკმა საქართველოსთვის ასევე 45 მლნ ევროს ოდენობის დაფინანსება დაამტკიცა, რომელიც მიმართული იყო იმ რეფორმების ხელშეწყობისკენ, რომლებიც სამუშაო ადგილების შექმნის, ეკონომიკური ინკლუზიურობის ზრდისა და სტაბილურობის შენარჩუნებისკენაა მიმართული. 

კერძოდ, ყურადღება გამახვილებულია სახელმწიფო რესურსების გამოყენების ეფექტურობის გაუმჯობესებაზე, უფრო კონკურენტული ბაზრების ხელშეწყობაზე, ფინანსური სექტორის დივერსიფიკაციაზე, მასწავლებლის სამუშაო პირობებისა და ანაზღაურების გაუმჯობესებაზე და ასევე ინვესტიციების ხელშეწყობის გაძლიერებაზე. 

„მსოფლიო ბანკის მხარდაჭერა ჩვენი ქვეყნისთვის ძალზე მნიშვნელოვანია, რადგანაც იგი მიმართული იქნება კონკრეტულად COVID-19-ით გამოწვეული პრობლემების მოგვარებისკენ“, – განაცხადა ფინანსთა მინისტრმა.

მსოფლიო ბანკის დახმარების პროგრამა

მსოფლიო ბანკის გამოყოფილი დაფინანსება „ეკონომიკური განვითარების პოლიტიკისა და კონკურენტუნარიანობის განვითარების“ პროგრამის ფარგლებში გათვალისწინებული სამეტაპიანი საკრედიტო ოპერაციების რიგით მეორე ტრანშია.

80 მლნ დოლარის პირველი კრედიტი საქართველოსთვის ჯანმრთელობისა და სოციალურ სფეროებზე COVID-19-ის ზემოქმედების შემცირების მიზნით, სწრაფი დახმარების მექანიზმის ფარგლებში გამოიყო.

მესამე ტრანში ფოკუსირებული იქნება პანდემიის შედეგად დაზარალებული მიკრო, მცირე და საშუალო საწარმოების დახმარებასა და სამუშაო ადგილების შენარჩუნებაზე.

76
თემები:
საქართველოს ეკონომიკა
პლანეტების აღლუმი

პლანეტების უნიკალური აღლუმი - ზოდიაქოს ნიშნები, ოთხი ფავორიტი და რჩევები

0
(განახლებულია 16:58 02.07.2020)
2020 წლის 4 ივლისს საკმაოდ იშვიათი და უნიკალური კოსმოსური მოვლენა გველოდება - პლანეტების დიდი აღლუმი. მზის სისტემის ცხრავე პლანეტა ერთ მწკრივში განლაგდება. ამ ტიპის აღლუმი ბოლოს 1982 წელს მოხდა, ხოლო შემდეგი 2161 და 2492 წლებშია მოსალოდნელი.

აღლუმის ასტროლოგიური აზრი ძალზე მნიშვნელოვანია. უძველესი დროიდან მოყოლებული დაკვირვებების შედეგად დასტურდება, რომ ასეთ პერიოდებში შესაძლებელია ბუნებრივი კატასტროფები, ამინდის ცვლილებები, ასევე, პრობლემები ადამიანებს შორის ურთიერთობებში.

პლანეტების აღლუმი ერთ–ერთი მნიშვნელოვანი მოვლენაა ასტრონომიასა და ასტროლოგიაში. ასტრონომიულად ეს ნიშნავს პლანეტების ერთ რიგში გამწკრივებას, ანუ, ციური სხეულები – რამდენიმე ან ყველა – მზიდან ერთმანეთთან შედარებით სიახლოვეში, ერთ მხარესა და ერთ მწკრივში დაეწყობიან. პლანეტების რაოდენობიდან გამომდინარე, არის მცირე და დიდი აღლუმები. 4 ივლისს დიდი აღლუმი გველოდება.

2020 წლის 4 ივლისს საკმაოდ იშვიათი და უნიკალური კოსმოსური მოვლენა მოხდება - პლანეტების დიდი აღლუმი. ეს ნიშნავს, რომ მზის სისტემის ცხრავე პლანეტა - მერკური, ვენერა, დედამიწა, მარსი, იუპიტერი, სატურნი, ურანი, ნეპტუნი და პლუს „ლილიპუტი" პლუტონი ერთ მწკრივში - მზიდან ერთ მხარეს, ერთ ხაზში აღმოჩნდებიან.

ამ ტიპის აღლუმი ბოლოს 1982 წელს მოხდა, ხოლო შემდეგი 2161 და 2492 წლებშია მოსალოდნელი.

ასტროლოგების აზრით ამ მოვლენას მძლავრი გავლენა ექნება დედამიწაზე და ადამიანებზე. თითოეულ პლანეტას თავისი გარკვეული ენერგეტიკა აქვს. როდესაც პლანეტები მზის გარშემო სხვადასხვა მხარეს არიან განლაგებული, მათი ენერგიები ერთმანეთთან საკმაოდ სუსტად ზემოქმედებენ, მაგრამ როდესაც ერთ მხარეს ჩამწკრივდებიან, მათი ენერგიები ერთმანეთს ეჯახება და შეიძლება დისონანსში შევიდეს. ამასთან, გასათვალისწინებელია, რომ ამჯერად ერთ ხაზზე არა სამი ან ოთხი, არამედ ყველა პლანეტა ჩამწკრივდება.

მოვლენის ზეგავლენა ყველაზე საგრძნობი 4-5 ივლისს იქნება, მაგრამ სუსტი ენერგეტიკული „გამოძახილი" მას რამდენიმე კვირის განმავლობაში ექნება.

ასტროლოგების ზოგადი რჩევები ამ მოვლენის ნეგატიური გავლენისგან თავდასაცავად

პლანეტების აღლუმის პერიოდში მოსალოდნელია განწყობის ხშირი და მკვეთრი ცვლა. მხიარულება უცბად შეიძლება შეიცვალოს სევდით, აღფრთოვანება - აპათიით. ამის გამო არ ინერვიულოთ, მოიმარაგეთ საყვარელი ნუგბარი, საინტერესო წიგნები, გაამზადეთ აბაზანა საყვარელი სურნელით... ეცადეთ, დაისვენოთ.

მეტეოდამოკიდებულ ადამიანებს შეიძლება ჰქონდეთ თავის ტკივილები, არტერიული მაღალი ან დაბალი წნევა, თავბრუსხვევა. აქედან გამომდინარე, მოიმარაგეთ შესაბამისი სამკურნალო პრეპარატები, მოერიდეთ ხანგრძლივ მგზავრობას.

ასეთ პერიოდებში მწვავდება ადამიანების პირადი თვისებები. სწორედ ამ დღეებში შეიძლება იმის გაგება, თუ ვინ რას წარმოადგენს. ეს კიდევ ყველაფერი არაა - ასტროლოგები იმასაც ამბობენ, რომ პლანეტების აღლუმი ამ პერიოდში დაბადებულ ბავშვებზეც მოქმედებს - ივლისში დაბადებულებს თავიანთი ნიშნის მკაფიო თვისებები ექნებათ.

ამ დღეებში გამძაფრდება ემოციები და გრძნობები. საუბარია როგორც პოზიტიურ, ისე ნეგატიურ ემოციებზე. ასტროლოგების რჩევაა, არ გამოვამჟღავნოთ აგრესია, წყენა, არ ჩავებათ კონფლიქტებში, თავი ხელში ავიყვანოთ და ვიყოთ მომთმენი გარშემომყოფების მიმართ. დროთა განმავლობაში პლანეტების გავლენა შესუსტდება და ემოციურობაც ნორმას დაუბრუნდება, ხოლო ჩხუბი და კონფლიქტი და მათი შედეგები, სამწუხაროდ, დიდხანს გაგყვებათ.

არის კარგი სიახლეც: პლანეტების შერეულმა ენერგეტიკამ კრეატიული იდეებისა და შემოქმედებითი უნარების გამოვლენას შეიძლება შეუწყოს ხელი.

კარიერისა და ბიზნესის სფეროში ყველაფერი თანაბარი, მდორე დინებით წავა. ძლიერი ცვლილებები, მკვეთრი აღმასვლები და ვარდნები ამ დღეებში მოსალოდნელი არ არის. და მაინც, ფინანსებთან დაკავშირებით ასტროლოგები გირჩევენ, არ ჩაებათ სარისკო საქმეებში და არ დადოთ მსხვილი გარიგებები. თუ ფინანსური ოპერაციები არ გაშინებთ, უმცირესი დეტალების მიმართაც კი დიდი ყურადღება გამოიჩინეთ.

პლანეტების აღლუმი ზოდიაქოს ნიშნებისთვის

ზოდიაქოს ოთხი ნიშნისთვის პლანეტების აღლუმი გარდამტეხი მომენტი იქნება - მათ ცხოვრებაში ახალი, ბედნიერი დრო დადგება.

  • ფავორიტი ნიშნებია ვერძი, ტყუპი, სასწორი და თევზები.

ვერძი

ვერძისთვის 4 ივლისს იღბლიანობის პერიოდი დაიწყება. ესაა უნიკალური მომენტი, როდესაც სამყარო თქვენ წინაშე შესაძლებლობების კარს გახსნის და ცხოვრების ნებისმიერ სფეროში წინსვლის საშუალებას მოგცემთ. შესაძლოა, დაიკავოთ ახალი თანამდებობა, დაიწყოთ საკუთარი საქმე, შეხვდეთ თქვენს მეორე ნახევარს. გაითვალისწინეთ - ეს დღე შესაძლებლობებს გახსნის და დანარჩენი თქვენს მიზანსწრაფულობაზე, სიჯიუტესა და სიმტკიცეზეა დამოკიდებული.

ტყუპი

არ ინაღვლოთ, თუ ზაფხულის პირველი თვე თქვენთვის დაძაბული იყო, უიღბლობის დრო 4 ივლისს დასრულდება და კეთილდღეობის პერიოდი დაიწყება. შეგიძლიათ, შესაძლებლობებისა და შანსების იმედი გქონდეთ, მაგრამ, იღბლიანობას „გააქტიურება" სჭირდება. ამისთვის კი საჭიროა, რომ აღლუმის დღეს განმარტოვდეთ, ყურადღება გადაიტანოთ იმ იდეების რეალიზაციაზე, რომლებიც დილიდან გაჩნდება. მარტოობა აუცილებელია, რადგან ადამიანები ყურადღებას გაგაფანტინებენ და ჩხუბზე პროვოცირებას მოაწყობენ.

სასწორი

იღბალი გეწვევათ 4 ივლისს - ჩაიძირებით სამყაროს სიყვარულის „მორევში". პირველ რიგში, დაიბრუნებთ შინაგან წონასწორობას. როგორც წესი, გიჭირთ ნაჩქარევი გადაწყვეტილებისა და არჩევნის გაკეთება. ახლა უფრო ყურადღებიანი და გონებამოკრებილი გახდებით, რაც შეცდომების რისკს გამორიცხავს. გელოდებათ საბედისწერო შეხვედრა შესანიშნავ ადამიანთან - ეს შეიძლება იყოს როგორც საქმიანი პარტნიორული, ისე სასიყვარულო ურთიერთობების დასაწყისი თქვენ ცხოვრებაში.

ვენერამ უკუსვლა შეწყვიტა - ზოდიაქოს ხუთი იღბლიანი ნიშანი და რჩევები დანარჩენ ნიშნებს>>

თევზები

პლანეტების აღლუმი ბედნიერებას მოგიტანთ თევზებსაც. ამ დღეს თქვენი იღბლიანობა გაიზრდება და ცხოვრების ყველა სფეროს შეეხება. ამისთვის, რომ იტყვიან, არაფრის გაკეთება არ მოგიწევთ, უბრალოდ, თქვენი სურვილი უნდა გათქვათ და შემდეგ ბედის საჩუქრები მიიღოთ - თქვენი მხრიდან არანაირი ძალისხმევა არ იქნება საჭირო. მაგრამ არ დაივიწყოთ, რომ ბედს მადლობა უთხრათ, რადგან პლანეტების აღლუმი მოგიტანთ სიმდიდრეს, დაგიბრუნებთ თავდაჯერებულობას და დაგეხმარებათ ურთიერთობების მოგვარებაში ახლობელ ადამიანებთან.

პლანეტების აღლუმის ზემოქმედება დანარჩენ ნიშნებზე

  • კურო: უნდა მოერიდოთ ალიაქოთსა და აჩქარებას. შესაძლოა, კარგად აეწყოს ახალი რომანტიკული ურთიერთობები
  • კირჩხიბი: ეს დღე თქვენგან მკაცრ დისციპლინას, სიზუსტესა და ყურადღებას მოითხოვს. თავი შეიკავეთ ახალი შეთანხმებების დადებისგან.
  • ლომი: ეცადეთ, მოქმედებები წინასწარ განსაზღვროთ, კარგი შთაბეჭდილება მოახდინოთ ადამიანებზე. ახლობლების მიმართ ყურადღება გამოამჟღავნეთ.
  • ქალწული: შესაძლოა, მიიღოთ წინადადება, რომელიც თქვენს ნიჭს გამოავლენს. საქმეს გაუმკლავდებით, თუნდაც თავიდან ეს წარმოუდგენლად მოგეჩვენოთ. მეტი დრო დაუთმეთ საყვარელ ადამიანებს.
  • მორიელი: სასიყვარულო ურთიერთობებთან დაკავშირებით პრობლემებია მოსალოდნელია. ეცადეთ, ეს პრობლემები გულთან ახლოს არ მიიტანოთ.
  • მშვილდოსანი: ნუ ეცდებით, ურთიერთობები გამოარკვიოთ გარშემომყოფებთან და რამე დაამტკიცოთ. კარგი შედეგების მისაღწევად იმოქმედეთ დამოუკიდებლად - ეს მღელვარებისა და იმედგაცრუებისგან გიხსნით.
  • თხის რქა: საქმისადმი შემოქმედებითი დამოკიდებულება თუ სრულ წარმატებას არა, ღირსეულ შედეგს მაინც მოგიტანთ. ეცადეთ, ადამიანებზე კარგი შთაბეჭდილება მოახდინოთ.
  • მერწყული: დადებითი შედეგების მისაღწევად მეტი აქტიურობა მოგიწევთ. ეცადეთ, მეტოქეებთან შეთანხმებას მიაღწიოთ.
0