HeidelbergCement-ის ახალი ქარხანა კასპში

კასპში განახლებული ცემენტის ქარხანა გაიხსნა

222
(განახლებულია 10:46 10.02.2019)
ახალი საწარმო სრულად შეესაბამება თანამედროვე ეკონომიკურ სტანდარტებს

თბილისი, 10 თებერვალი — Sputnik. კასპში კომპანია HeidelbergCement-ის განახლებული თანამედროვე ცემენტის ქარხანა გაიხსნა, ნათქვამია საქართველოს მთავრობის ვებგვერდზე გავრცელებულ განცხადებაში.

ქარხნის რემონტი 2016 წელს დაიწყო, რისთვისაც 100 მილიონი დოლარის ინვესტიცია განხორციელდა.

ცემენტი საქართველოში უფრო ხარისხიანი ხდება >>

1931 წელს აშენებული ქარხანა მთლიანად მოდერნიზებულია. დამონტაჟდა კლინკერის საწარმოო ხაზი, უმაღლესი სტანდარტის ფილტრაციის სისტემა და ჰაერის მუდმივი მონიტორინგის სპეციალური აპარატურა, რომლის საშუალებითაც საწარმოში მტვრისა და გამონაბოლქვის კონცენტრაციის გაკონტროლება ონლაინ რეჟიმში იქნება შესაძლებელი.

პროექტი განახორციელეს საქართველოს თანაინვესტირების ფონდმა და კერძო კომპანიამ „ჰანიველ პარტნერსი", რომლებიც HeidelbergCement-ის 50%-იანი წილის მფლობელები არიან.

პრემიერ-მინისტრ მამუკა ბახტაძემ გარემონტებული ქარხნის გახსნაზე აღნიშნა, რომ ის ქვეყნის ეკონომიკას დიდ სარგებელს მოუტანს.

„კასპში ცემენტის წარმოებას დიდი ტრადიცია აქვს და ჩემთვის სასიხარულოა, რომ აქ ახალ თანამედროვე ხაზს ვხსნით. საქართველოში ცემენტის წარმოება ყოველთვის ტრადიციული ინდუსტრია გახლდათ და ჩვენ გვჭირდებოდა ახალი ტექნოლოგიები, იმისათვის, რომ ეს სექტორი კიდევ უფრო კონკურენტუნარიანი ყოფილიყო", - განაცხადა მამუკა ბახტაძემ.

მან აღნიშნა, რომ ქარხნის განახლება ქალაქში ეკოლოგიურ პრობლემებს გადაჭრის, რადგან ის უფრო თანამედროვე გახდა და გარემოს სერიოზულ ზიანს აღარ მოუტანს.

კომპანია HeidelbergCement-მა საქართველოში მუშაობა 2006 წელს დაიწყო. დღეისათვის ის ფლობს კასპის ცემენტის ქარხანას, რუსთავის ორ ცემენტის ქარხანას, ასევე ფოთში ცემენტის წისქვილს და ცემენტის ტერმინალს სუფსაში. ის საქართველოში კლინკერის ერთადერთი მწარმოებელია.

222
თემები:
საქართველოს ეკონომიკა–2018 (540)
ქართული ღვინო

პოპულარული ღვინოები რუსეთში ლიდერთა შორისაა ქართული ღვინო

68
(განახლებულია 15:08 10.08.2020)
საქართველო ლიდერია იმ ქვეყნებს შორის, რომლებიც რუსეთს სუფრის ღვინოებს აწვდიან. ამ სახეობის ქართულ ღვინოებზე ბაზრის 24% მოდის.

თბილისი, 10 აგვისტო – Sputnik. საქართველო იმ ლიდერ ქვეყნებს შორისაა, რომლებიც რუსეთში ღვინის მიწოდების მხრივ ყველაზე პოპულარულია, აღნიშნულია „როსკაჩესტვოს“ (Роскачество, რუსეთის ხარისხის მონიტორინგის სისტემა) კვლევის შედეგებში.

კერძოდ, საქართველო იტალიისა და ესპანეთის შემდეგ მესამე ადგილზეა რუსეთის მოქალაქეებისთვის ყველაზე პოპულარულ ღვინის მიმწოდებელ ქვეყნებს შორის. მან გაუსწრო საფრანგეთს, ჩილესა და გერმანიას.

საქართველო ლიდერია სუფრის ღვინოების მიმწოდებელ ქვეყნებს შორის – მასზე ამ სახეობის ღვინოების ბაზრის 24% მოდის.

რუსეთში შეტანილი ღვინის ღირებულების კუთხით ლიდერობს საფრანგეთი (4 დოლარზე მეტი 1 ლიტრ ღვინოში), მეორე ადგილზეა საქართველო (3,19). ყველაზე იაფად ღვინო რუსეთში მოლდოვას შეაქვს (1,7).

რაც შეეხება გეოგრაფიული ინდიკატორებით დაცულ ღვინოებს, ხუთეულში პირველ ადგილზეა ესპანეთი, მეორე და მესამე ადგილებზე – საქართველო („ქინძმარაულის“ მარკის ღვინოები), მეოთხეზე – იტალია და მეხუთეზე – კვლავ ესპანეთი.

„ქართული ღვინის მაღალი რეპუტაციისთვის": ღვინის ხარისხს ახალი პარამეტრებით შეამოწმებენ>>

საქართველოს ღვინის ეროვნული სააგენტოს მონაცემებით, საქართველოდან 2019 წელს მსოფლიოს 53 ქვეყანაში 94 მილიონამდე ბოთლი (0,75 ლიტრი) ღვინო გაიტანეს, რაც 20918 წელთან შედარებით 9%-ით მეტია. ყველაზე მეტი ღვინო – 58,4 მლნ ბოთლი გაიტანეს რუსეთში.

68
თემები:
ღვინის კულტურა და მეღვინეობა
ვალუტის გაცვლის პუნქტი

ლარის კურსი 10 აგვისტოს

364
(განახლებულია 09:30 10.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

თბილისი, 10 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3, 0758 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

ლარის კურსი 10 აგვისტოს
ლარის კურსი 10 აგვისტოს
364
თემები:
ლარის კურსი დღეს
ზურაბ ჯაფარიძე

ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში

0
(განახლებულია 13:35 10.08.2020)
„ახალი პოლიტიკური ცენტრი - გირჩის“ ლიდერი ზურაბ ჯაფარიძე საუბრობს დიდუბე-ჩუღურეთის მაჟორიტარულ ოლქში „გირჩის“ სახელით მაჟორიტარ კანდიდატად კენჭის ყრასთან დაკავშირებით
ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში
„მიუხედავად იმისა, რომ ძალიან მნიშვნელოვანი მგონია ჩემი აქტიური ჩართულობა „გირჩის“ წინასაარჩევნო კამპანიაში ქვეყნის მასშტაბით, რთულად წარმომიდგენია „გირჩის“ მონაწილეობა მაჟორიტარულ არჩევნებში ისე, რომ მე არ ვიყო კანდიდატი რომელიმე მაჟორიტარულ ოლქში. გადავწყვიტე „გირჩის“ სახელით კენჭი ვიყარო თბილისში, დიდუბე-ჩუღურეთის მაჟორიტარულ ოლქში. წინასწარი კონსულტაცია მქონდა რამდენიმე ოპოზიციური პარტიის ლიდერთან, რომლებმაც დამიდასტურეს საკუთარი კეთილგანწყობა ჩემს ამ გადაწყვეტილებასთან მიმართებაში. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ელენე ხოშტარიას და ვრჩები ამ გადაწყვეტილების ერთგული.“ - აცხადებს ზურაბ ჯაფარიძე.

ზურაბ ჯაფარიძის განმარტებით, ამ ოლქში მისი კონკურენტი „ქართული ოცნების“ მაჟორიტარობის კანდიდატი გია ვოლსკი იქნება.

0