ფოთის პორტი

ფოთში ახალი საზღვაო ტერმინალი აშენდება

172
ფოთის პორტი მეტი ტვირთის მიღებას შეძლებს

თბილისი, 4 თებერვალი - Sputnik. ფოთში ახალი საზღვაო ტერმინალი აშენდება, იუწყება საქართველოს მთვარობის ადმინისტრაცია.

ტერმინალის მშენებლობას ამერიკის შეერთებული შტატების კერძო უცხოური ინვესტიციების კორპორაციასა (OPIC) და „პეის ჯგუფს“ შორის გაფორმებული ხელშეკრულება ითვალისწინებს.

ფოთის პორტის აკვატორია გაღრმავდება 12 მეტრით, რათა 50 ათასი ტონის ტვირთამწეობის გემების მიღება შეძლოს. პროექტის საერთო ღირებულება 120 მილიონი დოლარია, ხოლო 50 მილიონი დოლარის ინვესტიციას OPIC-ი განახორციელებს.

„ახალი, მძლავრი საზღვაო ინფრასტრუქტურის მშენებლობა კიდევ ერთი წინგადადგმული ნაბიჯია ჩვენი ქვეყნის ევროპისა და აზიის დამაკავშირებელ სატრანსპორტო დერეფნად ჩამოყალიბების საქმეში, მით უფრო, რომ ჩვენ გვაქვს მიზანი, საქართველო გახდეს რეგიონული ეკონომიკური ცენტრი და რეგიონული ჰაბი ლოგისტიკასა და ტრანსპორტში“, - განაცხადა  საქართველოს პრემიერ-მინისტრმა მამუკა ბახტაძემ ხელშეკრულების გაფორმებისადმი მიძღვნილი ღონისძიებაზე. 

მთავრობის მეთაურის განცხადებით, ეს იქნება თანამედროვე სატერმინალო კომპლექსი, რომელიც მასშტაბურ ცვლილებებს მოუტანს ქვეყნის და რეგიონულ ეკონომიკას.

„დარწმუნებული ვარ, ეს პროექტი გახდება ერთ-ერთი სამაგალითო არა მხოლოდ ჩვენს ქვეყანაში, არამედ მთლიანად რეგიონში“, - განაცხადა მამუკა ბახტაძემ.

ღონისძიებას საქართველოს პრეზიდენტი სალომე ზურაბიშვილი, აღმასრულებელი და საკანონმდებლო ხელისუფლების წევრები, აშშ-ის ელჩის მოვალეობის შემსრულებელი როს უილსონი და დიპლომატიური კორპუსის წარმომადგენლები დაესწრნენ.

172
თემები:
საქართველოს ეკონომიკა–2018 (540)

ვისთან და რით ვაჭრობს საქართველო პანდემიის პირობებში

19
(განახლებულია 10:16 15.07.2020)
პანდემიამ სერიოზული დარტყმა მიაყენა ქართულ ეკონომიკას - საგარეო სავაჭრო ბრუნვა 2020 წლის დასაწყისიდან 16,8%-ით შემცირდა 2019 წლის იანვარ-მაისთან შედარებით და 4,2 მლრდ დოლარზე მეტი შეადგინა.
ვისთან და რით ვაჭრობს საქართველო პანდემიის პირობებში
© Sputnik / Konstantin Ivanov.

 

საქართველოს სტატისტიკის ეროვნული სამსახურის („საქსტატის") მონაცემებით, იანვარ-მაისში საქართველოდან 1,2 მილიარდი დოლარის ღირებულების პროდუქცია გავიდა, რაც 2019 წლის იმავე პერიოდის მაჩვენებელზე 16,2%-ით ნაკლებია.

იმპორტმა 2020 წლის პირველ ხუთ თვეში დაახლოებით 3 მლრდ დოლარი შეადგინა, რაც გასული წლის ამავე პერიოდთან შედარებით 17%-ით ნაკლებია.

საქართველოს უარყოფითმა სავაჭრო ბალანსმა მითითებულ პერიოდში 1,7 მლრდ დოლარზე მეტი შეადგინა, რაც მთელი საგარეო სავაჭრო ბრუნვის 41,2%-ს შეადგენს.

2020 წლის დასაწყისიდან საქართველოს მსხვილი სავაჭრო პარტნიორები არიან თურქეთი, რუსეთი და ჩინეთი – ამ ქვეყნებთან სავაჭრო ბრუნვამ იანვარ–მაისში 1,5 მლრდ დოლარს გადააჭარბა, რაც მთლიანი სავაჭრო ბრუნვის 35,6%-ია.

საქართველოს სავაჭრო პარტნიორების ათეულში ასევე შედიან: აზერბაიჯანი - 409,1 მლნ დოლარზე მეტი, აშშ - დაახლოებით 187,7 მლნ დოლარი, უკრაინა - 205,7 მლნ დოლარზე მეტი, სომხეთი - 216,5 მლნ დოლარზე მეტი, გერმანია - 168, 1 მლნ დოლარზე დოლარი, ბულგარეთი - დაახლოებით 175 მლნ დოლარი, იტალია - დაახლოებით 77,3 მლნ დოლარი.

საქართველო ასევე ვაჭრობს ევროკავშირის და დსთ-ის ქვეყნებთან.

კორონავირუსის აფეთქებამ ქვეყნის ეკონომიკას სერიოზული დარტყმა უკვე მიაყენა – მიმდინარე წლის მაისში ქვეყნის საგარეო სავაჭრო ბრუნვა 33,2%-ით დაეცა, მათ შორის, ექსპორტი 30,6%-ით, იმპორტი კი 34,3%-ით.

ქართული საინვესტიციო კომპანია Galt&Taggart-ის მონაცემებით, კორონავირუსის პანდემიასთან დაკავშირებით დაწესებული შეზღუდვების გამო ექსპორტის შემცირებამ ეკონომიკას შეიძლება 200 მილიონიდან 1 მილიარდ დოლარამდე ზარალი მიაყენოს, იმის მიხედვით, თუ როგორ განვითარდება მოვლენები.

19
თემები:
საქართველოს ეკონომიკა
მშენებლობა

ამოქმედდა იპოთეკური სესხების სუბსიდირების პროგრამა

31
(განახლებულია 10:09 15.07.2020)
უძრავი ქონების გაყიდვის შემცირების პრობლემის გადასაჭრელად ხელისუფლებამ გადაწყვიტა, მოქალაქეებს ბინების შეძენის პროცესი გაუმარტივოს

თბილისი, 15 ივლისი – Sputnik. საქართველოში ამოქმედდა იპოთეკური კრედიტების სუბსიდირების პროგრამა იმ მოქალაქეებისთვის, რომლებსაც ბინის ყიდვა წლის ბოლომდე სურთ, განაცხადა სააგენტოს „აწარმოე საქართველოში“ ხელმძღვანელმა მიხეილ ხიდურელმა.

მისი თქმით, პროგრამის მიმართ კერძო სექტორის მხრიდან დიდი აქტიურობაა.

„ძალიან მალე ჩვენ უკვე საშუალება გვექნება, რომ ბანკებთან ერთად სტატისტიკა ვაწარმოოთ. აპლიკაციების მიღება დაწყებულია, უკვე მუშავდება და  პირველი ნაკადის სტატისტიკას აუცილებლად მალე მოგაწვდით“, – განაცხადა ხიდურელმა.

იპოთეკური სესხების სუბსიდირება ხორციელდება მთავრობის პროგრამის ფარგლებში, რომელიც სამშენებლო სექტორის დახმარებისკენაა მიმართული.

უძრავი ქონების გაყიდვის შემცირების პრობლემის გადაჭრის მიზნით ხელისუფლებამ გადაწყვიტა, რომ მოქალაქეებს ბინების შეძენის პროცესი გაუმარტივოს. ვისაც სურს ბინის შეძენა 2020 წლის ბოლომდე, მთავრობა მათი იპოთეკური სესხის საპროცენტო განაკვეთის სუბსიდირებას მოახდენს. იპოთეკური სესხის 4%-ის სუბსიდირება ხუთი წლის განმავლობაში გავრცელდება ყველა საკრედიტო შეთანხმებაზე 200 ათას ლარამდე თანხის შემთხვევაში.

საქართველოს ეროვნული ბანკის მიერ დადგენილი წესების თანახმად, იპოთეკური სესხები 20 წლამდე ვადით გაიცემა და ბინის შეძენის შემთხვევაში უზრუნველყოფის კოეფიციენტი 70%-ს შეადგენს; ანუ, სესხს ბანკი გასცემს. რადგან უზრუნველყოფის კოეფიციენტი 70%-ია, სახელმწიფოს მხრიდან თანადაფინანსების მიღების მსურველმა, რომელიც იპოთეკურ სესხს აიღებს, გადასახდელი 30%-დან მინიმუმ 10% უნდა დაფაროს, დანარჩენ 20%-ზე კი სახელმწიფო იძლევა გარანტიებს, რომლის თანახმად მყიდველს ამ თანხის გადახდა გადაუვადდება.

უფრო იაფად, ვიდრე გუშინ, ანუ შეიძინე ბინა და გადმოდი დღესვე!>>

გეგმის მიხედვით, მთავრობა იპოთეკური სესხის საპროცენტო განაკვეთის სუბსიდირებაზე 70 მლნ ლარს გამოყოფს, იპოთეკური კრედიტების პორტფელზე სახელმწიფო გარანტიებისთვის  - 14 მილიონ ლარს.

პროგრამა წლის ბოლომდე დადებულ კონტრაქტებზე იმოქმედებს. საქართველოში ლიცენზირებული 15 ბანკიდან პროგრამაში ხუთი დაწესებულება მონაწილეობს. ახალ პირობებში ბინებს მოსახლეობას დაახლოებით 70 სამშენებლო კომპანია სთავაზობს.

საკრედიტო გარანტიების სქემა

ხიდურელის განცხადებით, ასევე დიდი აქტიურობაა საკრედიტო–საგარანტიო სქემის ნაწილშიც.

„რა თქმა უნდა, უფრო მეტი წილი რესტრუქტურირებულ სესხებზე მოდის, თუმცა ჩვენ ძალიან დიდი მოლოდინი გვაქვს, რომ ერთ კვირაში უკვე პირველი რამდენიმე შემთხვევა გვექნება ახალი ბიზნესების, სადაც სახელმწიფო გარანტიაში შედის“, – აღნიშნა ხიდურელმა.

პროგრამის ფარგლებში კომერციული ბანკის მიერ გაცემულ თითოეულ კრედიტზე გარანტიის მოცულობა ნაცვლად სესხის არაუმეტეს 70%-ისა, იქნება 90%.

კორონავირუსი უძრავი ქონების ბაზარს ურტყამს: რა ელის სფეროს?>>

საკრედიტო–საგარანტიო უზრუნველყოფის სქემის მიხედვით, მეწარმე შეძლებს არანაკლებ 50 ათასი ლარის და არაუმეტეს 5 მლნ ლარის კრედიტის აღებას.

ასევე სახელმწიფო, კრედიტის რესტრუქტურიზაციის შემთხვევაში, 30%–ის უზრუნველყოფას მოახდენს.

31
თემები:
საქართველოს ეკონომიკა
რეჯეფ თაიიფ ერდოღანი

თურქეთმა ისტორიული შეცდომა გამოასწორა: ერდოღანი აია-სოფიას მეჩეთად გადაკეთებას განმარტავს

0
(განახლებულია 12:16 15.07.2020)
რეჯეფ ერდოღანის თქმით, თურქეთში იმაზე 4-5-ჯერ მეტი არამუსლიმური საკულტო ნაგებობაა, ვიდრე ევროპაში მუსლიმური სალოცავები

თბილისი, 15 ივლისი — Sputnik. თურქეთის ხელისუფლებამ, წმიდა სოფიას ტაძრისთვის სტატუსის შეცვლით, 1934 წელს დაშვებული ისტორიული შეცდომა გამოასწორა, განაცხადა პრეზიდენტმა რეჯეფ თაიიფ ერდოღანმა.

შეგახსენებთ: მიმდინარე წლის 10 ივლისს თურქეთის უმაღლესმა ადმინისტრაციულმა სასამართლომ გააუქმა 1934 წლის გადაწყვეტილება, რომლის ძალითაც აია სოფიას ტაძარს მუზეუმის სტატუსი ენიჭებოდა. ამის შემდეგ პრეზიდენტმა ერდოღანმა მალევე მოაწერა ხელი ტაძრის მეჩეთად გადაკეთების ბრძანებულებაც. მუსლიმური ღვთისმსახურება აია სოფიაში 24 ივლისს დაიწყება.

„ჩვენ აღვასრულეთ თურქეთის 83 მილიონი მოქალაქის ნება. 1934 წელს ვინ გადააქცია ის მუზეუმად? ახლა კი ჩვენ ამ შეცდომას ვასწორებთ. ეს ჩვენი სუვერენული უფლებაა“, — განუცხადა ერდოღანმა ჟურნალისტებს.

მისი თქმით, აია–სოფია მეჩეთად ეკლესიიდსან კი არ გადაკეთდა, არამედ მუზეუმიდან.

  • „ფათიჰის დროს (მეჰმედ II დამპყრობელი. — რედ.) ის დანგრეული ჩავიბარეთ და საგანძურად ვაქციეთ. საუკუნეების განმავლობაში ვუვლიდით, ვაფართოვებდით, კიდევ უფრო ვალამაზებდით. დაე, ნურავინ იღელვებს, ჩვენ კვლავაც საგანძურად შევინარჩუნებთ აია–სოფიას, მის კულტურულ ფასეულობას“, — აღნიშნა თურქეთის პრეზიდენტმა.

რეჯეფ ერდოღანის თქმით, თურქეთში არ არსებობს მტრობა სხვა რელიგიების მიმართ, რომ  პირიქით, ქვეყანაში იმაზე 4–5–ჯერ მეტი არამუსლიმური საკულტო ნაგებობაა, ვიდრე ევროპაში მუსლიმური სალოცავები.

სტამბოლში აია-სოფიას ისტორიული ტაძარი მეჩეთად გადაკეთდა - ფოტო>>

წმიდა სოფიას ტაძარი ქრისტიანმა იმპერატორმა იუსტინიანემ დაარსა. ის 537 წლის 27 დეკემბერს გაიხსნა. აია–სოფია დაახლოებით ათასი წლის განმავლობაში რჩებოდა ყველაზე დიდ ქრისტიანულ ტაძრად მსოფლიოში. ოსმანთა მიერ კონსტანტინოპოლის დაპყრობისა და ბიზანტიის იმპერიის დაცემის შემდეგ, 1453 წელს ტაძარი მეჩეთად გადაკეთდა. 1934 წელს კი, თანამედროვე თურქული სახელმწიფოს დამაარსებლის, ქემალ ათათურქის დეკრეტის თანახმად, ტაძარს მუზეუმის სტატუსი მიენიჭა. აია–სოფია შედის იუნესკოს მსოფლიო კულტურული მემკვიდრეობის ნუსხაში.

 

0
თემები:
მსოფლიო დღეს