გიორგი ქობულია

მცირე და საშუალო ბიზნესს ბანკში შესაძლოა თავდებად მთავრობა დაუდგეს

376
(განახლებულია 10:32 02.02.2019)
საქართველოს მთავრობამ  მცირე და საშუალო ბიზნესის განსავითარებლად  ახალი ინსტრუმენტი - საკრედიტო-საგარანტიო მექანიზმი შექმნა, რომლის ფარგლებშიც საქართველოს მთვარობა შეძლებს ბიზნესს ბანკში გარანტორად დაუდგეს.

საქართველოს ეკონომიკისა და მდგრადი განვითარების მინიტრ გიორგი ქობულიას განცხადებით, იმის გამო, რომ ბანკი არ გასცემს კრედიტს, ბევრი საინტერესო იდეა არ ფინანსდება ბანკების მიერ და რჩება ქაღალდზე.

„თუ კომპანიას აქვს კარგი ფინანსური მაჩვენებელი და აქვთ საღი ბიზნესგეგმა, აკმაყოფილებს რამდენიმე კრიტერიუმს, ჩვენ განვიხილავთ საკრედიტო-საგარანტიო მექანიზმის ფარგლებში ჩასართავად, რაც გულისხმობს, რომ კრედიტის 70%, რომელსაც ეს კომპანია მიიღებს, იქნება მთავრობის მიერ გარანტირებული“, – განაცხადა  გიორგი ქობულიამ.

2019 წლის ბიუჯეტიდან მცირე და საშუალო ბიზნესების საკრედიტო-საგარანტიო მექანიზმისთვის  20 მილიონი ლარია გათვალისწინებული. ახალი მექანიზმი მიმდინარე წლის პირველ კვარტალში უნდა ამოქმედდეს.

ახალგაზრდა ფინანსისტთა და ბიზნესმენთა ასოციაციის (აფბა) ვიცე-პრეზიდენტ გიორგი კაპანაძის აზრით, მთავრობის ეს ინიციატივა  ბიზნესს მეტ სტიმულს და შესაძლებლობას მისცემს.

„ბანკი რისკიანად თითქმის ყველა მცირე და საშუალო ბიზნესს მიიჩნევს, რადგან ჩვენთან ეს სექტორი განვითარებული არ არის და თან მათ კონკურენცია მსხვილ ბიზნესებთან უწევს.  შეიძლება უმეტეს შემთხვევაში ბიზნესს ის რისკი, რაზეც ბანკი  ფიქრობს, საერთოდ არ დაუდგეს, მაგრამ ბანკი მაინც  მაქსიმალურად იზღვევს თავს და მისგან  სესხის უზრუნველყოფას მოითხოვს, რომლის შესაძლებლობაც ამ ტიპის ბიზნესებს ხშირად არ აქვს“, - აღნიშნა გიორგი კაპანაძემ „Sputnik-საქართველოსთან“ საუბრისას.

როდესაც სხელმწიფო არის გარანტორი, მაშინ  ბიზნესიც უფრო მეტად მოტივირებულია და ბანკებსაც მეტი საშუალება აქვთ  ისეთი კრედიტები გასცენ, სადაც რისკები მინიმალური იქნება.

„მე იმედს ვიტოვებ, რომ ეს სესხები დაბალ რისკიან ბიზნესებზე გაიცემა, რადგან მაღალრისკიანად ბიზნესებზე ამ სესხის გაცემა კარგ შედეგებს არ მოგვიტანს“, - თქვა გიორგი კაპანაძეს.

აფბა-ს ვიცე-პრეზიდენტის განმარტებით, მცირე და საშუალო ბიზნესის განვითარება ქვეყნისთვის ძალიან მნიშვნელოვანია, მსოფლიო ეკონომიკაში ამ ტიპის ბიზნესებზე ძირითადი წილი მოდის.

„ჩვენ ვხედავთ, რომ სხვადასხვა მიმართულებით გვაქვს ბაზრები, სადაც ოლიგოპოლიური ან მონოპოლიური სიტუაციაა და მხოლოდ რამდენიმე მსხვილი კომპანიაა წარმოდგენილი. მე მახსოვს პრემიერის განცხადებაც, რომ სულ 300 კომპანია ავსებს ბიუჯეტის დიდ ნაწილს და ეს ძალიან ცოტაა“, - აღნიშნა გიორგი კაპანაძემ.

მისი თქმით, ბაზარზე რამდენიმე  მონოპოლისტი და მსხვილი კომპანია ვერ შექმნის შესაბამის ბიზნეს გარემოს და პირიქით, შესაძლოა დააზარალოს  კიდეც. მცირე და საშუალო კომპანიებს კი შეუძლიათ კონკურენტული გარემო შექმნან, თავადაც განვითარდნენ და მომხმარებელს მომსახურება და პროდუქცია  უფრო დაბალ ფასად შესთავაზონ.

„ერთის მხრივ, ეს ახალი ინიციატივა გარკვეულწილად წაახალისებს მცირე და საშუალო ბიზნესს,  მაგრამ მეორე მხრივ ხელისუფლებამ უფრო მეტი უნდა იზრუნოს იმისათვის რომ მეწარმეებმა არა თუ ბიზნესის წამოწყება, არამედ მისი შენარჩუნება და განვითარებაც შეძლონ“, - აღნიშნა გიორგი კაპანაძემ.

მისი თქმით,  კარგი იქნება, თუ მცირე და საშუალო ბიზნესს წვდომა საბანკო პროდუქტების გარდა სხვა ფინანსურ რესურსებზეც ექნება. მაგალითად იმავე საფონდო ბირჟის განვითარების შემთხვევაში ბიზნესი მხოლოდ ბანკებზე დამოკიდებული არ იქნებოდა.

რაც შეეხება 2019 წლის ბიუჯეტში ამ საქმისთვის გამოყოფილ 20 მილიონს, გიორგი კაპანაძის აზრით, პირველ ეტაპზე  ეს საკმარისი იქნება, თუმცა შესაძლოა ხელისუფლება დადგეს  ფაქტის წინაშე, როდესაც გაცილებით მეტი ბიზნესი იქნება ამ ინიციატივით დაინტერესებული და დამატებითი თანხების მოძიება გახდება აუცილებელი.

376
თემები:
საქართველოს ბიზნეს–გარემო (14)
ტურისტები

რატომ არ ხსნის საქართველო საზღვრებს მეზობელი ქვეყნებისთვის? მთავრობის არგუმენტები

199
(განახლებულია 19:02 08.07.2020)
ფინანსთა მინისტრის აზრით, საქართველომ ქვეყანაში არსებული ეპიდსიტუაცია მიზერული შემოსავლის დევნას არ უნდა შესწიროს.

თბილისი, 8 ივლისი — Sputnik. საზღვრები ტრადიციული ტურისტული ბაზრებისთვის მას შემდეგ გაიხსნება, რაც ისინი დაამარცხებენ ეპიდემიას და მეტ-ნაკლებად უსაფრთხო მაჩვენებლებს მიაღწევენ – რისკი უნდა იყოს დაბალანსებული პოტენციური მოგებით, წინააღმდეგ შემთხვევაში ჩვენ დაგვრჩება მხოლოდ რისკი, მიაჩნია საქართველოს ფინანსთა მინისტრს ივანე მაჭავარიანს.

ღიაა დამატებითი შეზღუდვების გარეშე – მონტენეგრომ საქართველოსთვის საზღვრები გახსნა>>>

მან განმარტა, თუ რატომ არ ჩქარობს მთავრობა საზღვრების გახსნას.

„ის ქვეყნები, საიდანაც ტურისტების დიდი ნაწილი ჩამოდიოდა, სამწუხაროდ, დღეს ან ეპიდემიის პიკზე იმყოფებიან, ან ჯერ ვერ დაამარცხეს ეპიდემია. მიუხედავად იმისა, რომ გავრცელება ევროკავშირში ნაკლებია ჩვენს მეზობელ ქვეყნებთან შედარებით, რისკი მაინც არსებობს. რეალური სურათი, შესაძლოა, იყოს ასეთი: ჩვენ მივიღებთ მიზერულ ეკონომიკურ შედეგს, მაგრამ ტურისტების რაოდენობა საკმარისი იქნება საქართველოში ვირუსის გასავრცელებლად“, – განაცხადა მაჭავარიანმა.

მისი თქმით, ბევრი მიიჩნევს, რომ რისკი ორი-სამი თვის შემდეგაც შენარჩუნდება, მაგრამ საზღვრების გახსნა მაინც მოგვიწევს.

„ჩვენ უნდა გავრისკოთ იმ მიმართულებებით, საიდანაც კორონავირუსის გავრცელების ალბათობა დაბალია, მაგრამ ტრადიციულად მაღალია ტურისტების ნაკადი და, შესაბამისად, შემოსავალიც. ეს დაბალანსებული და სწორი რისკია. რისკი არ არის გამართლებული, თუ საზღვრებს გავხსნით იმ ქვეყნებისთვის, საიდანაც ბევრი ტურისტი ჩამოდის, მაგრამ მაღალია ვირუსის გავრცელების რისკი“, – აღნიშნა ფინანსთა მინისტრმა.

მაჭავარიანის განცხადებით, ევროკავშირის წევრი სახელმწიფოების მიმართ საქართველოს ასეთი მიდგომა აქვს: იმ ქვეყნებთან, საიდანაც ჩამოსულთა რაოდენობა მეტ-ნაკლებად მატერიალურად საინტერესოა, მაგალითად, აღმოსავლეთ ევროპის ან ბალტიისპირეთის ქვეყნები, და ამავდროულად რისკი დაბალია, ეს უკვე იმის ნიშანია, რომ მოლაპარაკებები შეიძლება დაიწყოს და საზღვრები გაიხსნას.

„მაგალითად, იტალიას ჯერ არ გაუხსნია საზღვარი საქართველოსთვის. რატომ – საქართველო ხომ უსაფრთხოა? ამის მიუხედავად, მათ შეხედეს, რომ მატერიალური თვალსაზრისით ეს მიმართულება არ არის საინტერესო და არ აიღეს მინიმალური, ნულთან მიახლოებული რისკიც კი, თუმცა გახსნეს საზღვარი დიდ ბრიტანეთთან, საიდანაც გავრცელების რისკი უფრო მაღალია. მაგრამ იტალიას ამ რისკზე წასვლა უღირს, ვინაიდან ჩამოვა ბევრი ტურისტი, ეს კი ქვეყნისთვის შემოსავალია. ჩვენც ამ ლოგიკით უნდა ვიხელმძღვანელოთ“, – აღნიშნა მაჭავარიანმა.

ურიზმის ჩანაცვლება მარტივი არ არის

ფინანსთა მინისტრის თქმით, საქართველოს ეკონომიკაში ტურიზმის წილი 10-12%-ს შეადგენს და არა 20%-ს, როგორც ბოლო დროს აღნიშნავენ ხოლმე.

„ესეც ძალიან მაღალი მაჩვენებელია, ამიტომ დარტყმაც დიდია. მოკლე დროში სექტორს საგადასახადო წნეხი შეუმცირეს, თუმცა დარგისთვის ესეც მიზერია. ტურიზმის ჩანაცვლება იოლი არ იქნება“, – განაცხადა მან.

მაჭავარიანის თქმით, წელს იქნება საკმაოდ დიდი ხარჯი, რათა ნაწილობრივ მაინც მოხერხდეს ამ 12%-ის კომპენსირება და, რაც მთავარია, „სისულელეების თავიდან აცილება“.

„ჩვენ წინასწარ არ უნდა გავწიროთ ეპიდემიოლოგიური ვითარება საქართველოში და არ უნდა ვდიოთ დღეს ტურიზმს, რომელიც ვერ აანაზღაურებს ამ ნეგატიურ მოვლენას“, – აღნიშნა მინისტრმა და დასძინა, რომ ამით შეიძლება „დავაფრთხოთ“ ადგილობრივი ტურიზმი.

მისი სიტყვებით, ციფრები თავად მეტყველებენ, და ყოველი მეწარმე ან ადამიანი, დაკავებული ტურიზმის სფეროში, რომელიც ამ ციფრებს შეხედავს, მივა ლოგიკურ დასკვნამდე – როდის და ვის უნდა გაუხსნას საზღვარი საქართველომ.

ვის უნდა გაუხსნას საზღვარი საქართველომ პირველ რიგში

მას შემდეგ, რაც ევროკავშირმა საქართველო 15 არაწევრი უსაფრთხო ქვეყნის სიაში შეიყვანა და მათთვის 1 ივლისიდან საზღვრები გახსნა, საქართველოს ხელისუფლება აქტიურ ორმხრივ მოლაპარაკებებს აწარმოებს.

ზოგიერთ ქვეყანასთან უკვე მიღწეულია შეთანხმება საზღვრების ორმხრივ გახსნაზე დამატებითი პირობების გარეშე. მათ შორის არიან გერმანია, საფრანგეთი, ესტონეთი, ლატვია და ლიეტუვა.

მთავრობის პრეს-სამსახურში აღნიშნეს, რომ საქართველოს მთავრობა აკვირდება გლობალურ სურათს და ფრთხილ ნაბიჯებს დგამს მოქალაქეთა ჯანმრთელობის დაცვის უზრუნველსაყოფად.

საქართველოს მთავრობა განაგრძობს აქტიურ თანამშრომლობას ევროკავშირის წევრ ქვეყნებთან. ორ კვირაში ერთხელ გადაიხედება უცხო ქვეყნების მოქალაქეთა საქართველოში შემოსვლის, ასევე საქართველოს მოქალაქეთა ევროკავშირის ქვეყნებში გამგზავრების პირობები.

ევროკავშირმა საქართველო შეიყვანა იმ არაწევრი ქვეყნების სიაში, რომელთა მოქალაქეებისთვისაც 1 ივლისიდან საზღვრები გახსნა. საქართველოს საზღვრები გაუხსნეს შვეიცარიამ, უნგრეთმა, გერმანიამ, ლატვიამ, საფრანგეთმა, ესპანეთმა, ნიდერლანდებმა, იტალიამ.

ამასთან, ავსტრია ევროკავშირის არაწევრი სახელმწიფოების, მათ შორის, საქართველოს მოქალაქეებისთვის საზღვარს მხოლოდ 30 სექტემბრიდან გახსნის. ამის შესახებ განაცხადეს ვენაში საქართველოს საელჩოში.

თავის მხრივ, საქართველომ 1 ივლისიდან საჰაერო სივრცე კონკრეტული ავიაკომპანიებისთვის გახსნა, მიუხედავად იმისა, რომ თავად რეგულარული ავიარეისების განახლება 1 აგვისტომდე გადადო. მთავრობაში განაცხადეს, რომ ქვეყნის მთავარი საზრუნავია მოქალაქეების ჯანმრთელობა და სწორედ ამით იყო განპირობებული გადაწყვეტილება რეგულარული ავიამიმოსვლის აღდგენის გადავადების შესახებ.

საქართველოში კორონავირუსის პირველი შემთხვევა 26 თებერვალს დაფიქსირდა.

ამ დროისათვის საქართველოში კორონავირუსით ინფიცირებულთა რაოდენობამ 963-ს მიაღწია. გამოჯანმრთელდა 841 (87,3%), ეპიდემიის დაწყებიდან დღემდე გარდაიცვალა 15 ადამიანი.

კარანტინის რეჟიმში იმყოფება 3310, ხოლო სტაციონარებში დაკვირვების ქვეშ 203 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

199
თემები:
საქართველოს ეკონომიკა
გაზქურა

მოსახლეობისთვის გაზის ტარიფი არ შეიცვლება რა ვადაზეა გათვლილი გადაწყვეტილება

78
(განახლებულია 14:53 08.07.2020)
სახელმწიფოს დახმარება გამოიხატება იმაში, რომ ის აზერბაიჯანიდან თურქეთში გაზის ტრანზიტისგან მისაღებ თავის წილს თმობს, რაც საშუალებას იძლევა, რომ გაზის ტარიფი არ გაიზარდოს.

თბილისი, 8 ივლისი – Sputnik. საქართველოში ბუნებრივი აირის ტარიფი სამი წლის განმავლობაში არ შეიცვლება, განაცხადა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ-ის) თავმჯდომარემ დავით ნარმანიამ კომისიის მიერ 2019 წელს გაწეული მუშაობის ანგარიშის წარდგენისას.

2020 წლის დასაწყისიდან თბილისელები ერთ კუბომეტრ გაზზე 0,002 თეთრით ნაკლებს იხდიან. ტარიფი ერთ კუბომეტრზე 46,137 თეთრს შეადგენს. ეს ტარიფი 2020 წლის 1 იანვარს ამოქმედდა და 2022 წლის 31 დეკემბრის ჩათვლით იმოქმედებს.

როგორც კომისიაში აცხადებენ, ტარიფის შენარჩუნება შესაძლებელი გახდა ე.წ. სოციალური გაზის შესყიდვაზე ტარიფის შემცირების გამო. SOCAR Georgia Gas LLC-ს სამომხმარებლო ტარიფი დღგ-ის გათვალისწინებით 56,928 თეთრს შეადგენს ერთ კუბომეტრზე. Sakorgas Ltd-ს ტარიფი ახალი კლიენტებისთვის, დღგ-ის ჩათვლით, 56,990 თეთრია ერთ კუბომეტრზე.

„არის სპეციალური ფორმულა, რომლის მეშვეობითაც მარეგულირებელი კომისია ითვლის გაზის ტარიფს. ამ ეტაპზე, როცა ჩვენ რეგიონებისთვის დავადგინეთ „სოკარის“, „საქორგაზისა“ და რამდენიმე მცირე ლიცენზიანტის ტარიფები, ვიხელმძღვანელეთ იმით, რომ, ერთი მხრივ, მოსაწოდებელი გაზის ფასი შემცირდა, მეორე მხრივ, სახელმწიფომ გარკვეული შეხიდება გააკეთა თავის მხრივ მოსაწოდებელი გაზის ფასთან დაკავშირებით. შესაბამისად, ჩვენ სოციალური გაზის ტარიფი შევინარჩუნეთ იგივე და მომდევნო სამი წლის განმავლობაში გაზის ტარიფი იქნება უცვლელი“, – განაცხადა ნარმანიამ.

მისი თქმით, სახელმწიფოს დახმარება – ეს არის აზერბაიჯანიდან თურქეთში გაზის ტრანზიტისთვის თავისი წილის დათმობა, რაც საშუალებას იძლევა, რომ გაზის ტარიფი არ გაიზარდოს.

მისი აზრით, ვითარებაზე გავლენა მოახდინა ლარის გაცვლითი კურსის ვარდნამ, მაგრამ კურსის განსხვავების დაბალანსება სწორედ სახელმწიფოს მონაწილეობით გახდა შესაძლებელი.

„გაზის გამანაწილებელი კომპანიებისთვის მისაწოდებელი გაზის ფასში სახელმწიფომ, ამ შემთხვევაში, ნავთობისა და გაზის კორპორაციამ, მისი კუთვნილი გაზით ფასის სუბსიდირება მოახდინა. ანუ კორპორაცია არ აიღებს კუთვნილ გაზს და მოგებას, რომელიც რამდენიმე მილიონ ლარს შეადგენს, მომდევნო სამი წლის განმავლობაში გაზის ტარიფს დაასუბსიდირებს“, – განაცხადა დავით ნარმანიამ.

მან ასევე აღნიშნა, რომ არ იგეგმება ელექტროენერგიის ტარიფის არაგეგმური გადახედვა.

78
თემები:
საქართველოს ენერგეტიკა
სავსე მთვარე

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე

0
(განახლებულია 15:31 07.07.2020)
მთვარის ფაზები ადამიანებზე მათი დაბადების თარიღის მიხედვით ახდენს გავლენას. რაში გამოიხატება ეს გავლენა და როგორ უნდა მოიქცეს ზოდიაქოს თითოეული ნიშანი თვის ყველაზე მისტიკურ პერიოდში, რათა ცხოვრებაში წარმატება მოიზიდოს

მთვარე სხვა პლანეტებთან შედარებით ყველაზე ძლიერ გავლენას ახდენს ადამიანებზე.

არსებობს მთვარის ოთხი ძირითადი ფაზა - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ სავსემთვარეობის გავლენას ზოდიაქოს ნიშნებზე.

ვერძი

ვერძებისთვის ძალზე მნიშვნელოვანია, რომ მისი დამსახურებები აღიარონ. სავსემთვარეობა იდეალური დროა დიდი პროექტების დასასრულებლად, გარშემომყოფები ამას დააფასებენ.

კურო

სავსემთვარეობა კუროებისთვის კარგი დროა იმისთვის, რომ თვე შეაჯამოთ. დაფიქრდით, რომელ საქმეებში გაამართლა თქვენმა ძალისხმევამ და შემდეგ გაინებივრეთ და დააჯილდოეთ თავი რამე სასიამოვნოთი.

ტყუპი

სცადეთ და რამე ახალი აითვისეთ, იქნება ეს სამუშაო უნარები თუ ჰობი. სავსე მთვარე დაგეხმარებათ იმ საქმის მოძებნაში, რომელიც გულწრფელად მოგიტანთ სიამოვნებას, კმაყოფილებას და, შესაძლოა, მოგებასაც.

კირჩხიბი

სავსემთვარეობის ენერგია კირჩხიბებს გაძლევთ საშუალებას, რომ თავი უფრო მეტად ალტრუისტად და გულუხვად იგრძნოთ. ეს იდეალური დროა მეგობრების, ახლობლებისა და უცნობების დასახმარებლადაც კი. უკან გაასმაგებული სიკეთე დაგიბრუნდებათ.

ლომი

სავსემთვარეობისას ლომების ენერგია პიკს აღწევს. მაგრამ სიფრთხილეა საჭირო: ხდებით ძალზე ემოციური და შეიძლება სპონტანური (ხანდახან გიჟურიც კი) გადაწყვეტილებები მიიღოთ. ეცადეთ, ყველაფერს ფხიზლად შეხედოთ, სხვაგვარად შემდეგი რამდენიმე დღე, შესაძლოა, იმედგაცრუებული იყოთ.

ქალწული

სავსემთვარეობის პერიოდში ქალწულების სურვილი, რომ ცხოვრება მოაწესრიგოთ, პიკს აღწევს. ეს მშვენიერი დროა, რომ განალაგოთ პრიორიტეტები, განსაზღვროთ უახლოესი პერიოდის ცხოვრებისეული ამოცანები.

სასწორი

ზოდიაქოს ბევრი ნიშნისთვის სავსე მთვარე - ეს ფანტაზიისა და შემოქმედებითი უნარების გახსნის დროა. ამ მხრივ გამონაკლისს არც სასწორები წარმოადგენენ. და თქვენთვის შემოქმედებითი ენერგიის გამოყენების საუკეთესო ხერხი არა ლექსების წერა და ხატვაა (თუმცა, არც ესაა გამორიცხული), არამედ არსებული პრობლემების გადაჭრის ახალი და არასტანდარტული გადაწყვეტილებების მოძებნაა.

მორიელი

მორიელები არ ხართ სენტიმენტალური ადამიანები, რომანტიკისადმი მიდრეკილი და ყველას მოსიყვარულე, მაგრამ სავსემთვარეობის დროს ეს გრძნობები წინა პლანზე გამოდის. თუ ელოდებით იდეალურ დროს, რომ საყვარელ ადამიანს რამე მნიშვნელოვანი უთხრათ, სწორედ რომ შესაფერისი დრო სავსე მთვარის პერიოდია.

მშვილდოსანი

მშვილდოსნების ცხოვრებით ტკბობის უნარი სავსე მთვარის პირობებში სრულიად ახალ დონეზე ადის. იწყებთ მძლავრი პოზიტიური ენერგიის გამოსხივებას, რომელიც მრავალ ადამიანს იზიდავს თქვენ გარშემო. ისღა დაგრჩენიათ, რომ ეს ყოველივე გამოიყენოთ.

თხის რქა

როგორც ცნობილია, თხის რქები იმდენად ხართ საკუთარ მიზანზე „ჩაციკლული", რომ მთლიანად ჩაეფლათ რუტინაში. სავსემთვარეობის დროს გაქვთ მოვლენების მსვლელობის შეცვლის შანსი. კარგი იქნება, თუ დროებით გვერდზე გადგებით და მიღწეულ შედეგებს გადახედავთ, შემდეგ მიულოცავთ საკუთარ თავს გამარჯვებებს და დამსახურებული უქმეებით ისიამოვნებთ.

მერწყული

სავსემთვარეობის დღეებში მერწყულებს საკუთარი მიღწევების აღიარების დიდი სურვილი გეძალებათ. ეს მშვენიერი დროა იმისთვის, რომ გარშემომყოფებს აჩვენოთ ყველაფერი, რასაც მიაღწიეთ და იამაყოთ საკუთარი თავით.

თევზები

სავსემთვარეობის პერიოდში თევზებში სხვა ადამიანებთან ემოციური კავშირის გრძნობა მატულობს. ხდებით უფრო კეთილი გარშემომყოფების მიმართ. მთავარია, გრძნობებთან დაკავშირებით არ "გადაამლაშოთ", რადგან, როგორც წესი, ნებისმიერი წვრილმანი ადვილად გწყინთ.

0