კომპანია Ajara Textile-ის საკერავი საამქრო

მაისურები, სუნამოები, ცოცხები: უცნაური და ორიგინალური ექსპორტი საქართველოდან

180
(განახლებულია 13:05 24.01.2019)
ტრადიციული საქონლის გარდა საქართველოს მსოფლიო ბაზრებზე სხვა პროდუქციაც გააქვს.

თბილისი, 24 იანვარი — Sputnik. საქართველომ 2018 წელს ექსპორტის მხრივ რეკორდი დაამყარა – საგარეო ბაზრებზე 3,4 მილიარდი აშშ დოლარის ღირებულების პროდუქცია გაიტანა.

სტატისტიკის ეროვნული სამსახურის „საქსტატის" მონაცემებით, ექსპორტის ყველაზე გავრცელებული პროდუქტებია სპილენძის მადნები, ფეროშენადნობები, მსუბუქი ავტომობილები, ღვინო. გარდა ამისა, საქართველოს ექსპორტზე გააქვს სხვა, ექსპორტისთვის არატრადიციული მრავალი პროდუქციაც.

Sputnik-საქართველო" წარმოგიდგენთ ქართული ექსპორტის ყველაზე საინტერესო პროდუქციას.

ტანსაცმელი

მამაკაცებისა და ბიჭებისთვის განკუთვნილი კოსტიუმებისა და კომპლექსების ექსპორტი 2018 წელს გაიზარდა და 11 მლნ დოლარზე მეტი შეადგინა. 2017 წელს ეს მაჩვენებელი 9,7 მლნ დოლარი იყო.

გაიზარდა მოთხოვნა კოლგოტებსა და წინდებზე. ეს პროდუქცია 2018 წელს გაიტანეს 1 მილიონ დოლარზე მეტი ღირებულებისა, მაშინ, როცა 2017 წელს ამ საქონლის ექსპორტი 747 ათას ლარს შეადგენდა.

მაგრამ ყველაზე დიდი მოთხოვნა მაისურებსა და პერანგებზეა. გასულ წელს ქვეყნიდან ექსპორტზე გავიდა 41 მილიონზე მეტი დოლარის ღირებულების ეს საქონელი. 2018 წელს ძალზე პოპულარული გახდა საქართველოში წარმოებული საფეხბურთო ფორმა.

დასუფთავებისთვის განკუთვნილი საქონელი

საქართველოდან იზრდება ასევე დასუფთავებისთვის განკუთვნილი საქონლის ექსპორტი. მაგალითად, 2018 წელს გაიზარდა ცოცხებისა და ჯაგრისების ექსპორტი. 2017 წელს ეს საქონელი ექსპორტირებული იყო 1 მილიონზე მეტი დოლარის ღირებულებისა, ხოლო 2018 წელს – დაახლოებით 2 მლნ დოლარის.

გაიზარდა ქვეყნიდან მტვერსასრუტების ექსპორტიც. 2018 წელს ექსპორტირებული იყო 832,6 ათასი დოლარის ღირებულების მტვერსასრუტები, ხოლო 2017 წელს – 402,2 ათასი დოლარის.

თავის მოვლის საშუალებები

ექსპორტის ზრდა შეინიშნება თავის მოვლის საშუალებების მხრივაც.

საქართველოდან 2018 წელს ექსპორტირებული იყო დაახლოებით 6,9 მლნ დოლარის ღირებულების კოსმეტიკური საშუალებები, 2017 წელს ეს მაჩვენებელი 4,3 მილიონ დოლარს შეადგენდა.

გარდა ამისა, 2018 წელს ექსპორტზე გავიდა 6 მლნ დოლარზე მეტი ღირებულების სუნამოები და ტუალეტის წყალი, ხოლო 2017 წელს ეს მაჩვენებელი იყო 5,1 მლნ დოლარი.

გაიზარდა საპარსი საშუალებებისა და დეზოდორანტების ექსპორტი. 2017 წელს ამ საქონლის ექსპორტის მაჩვენებელი იყო 1,2 მლნ დოლარი, ხოლო 2018 წელს – დაახლოებით 2 მლნ დოლარი.

180
თემები:
საქართველოს ეკონომიკა–2018 (540)
პირველი არხის შენობა

აუქციონი არ შედგა: პირველი არხის შენობის გაყიდვა არჩევნების დასრულებამდე გადაიფიქრეს

19
საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა – პროექტის საორიენტაციო ღირებულევა 46,8 მლნ ლარია

თბილისი, 15 აგვისტო  — Sputnik. აუქციონის მესამედ ჩავარდნის შემდეგ საზოგადოებრივმა მაუწყებელმა შენობის საპარლამენტო არჩევნებამდე გაყიდვა გადადო, ნათქვამია პირველი არხის განცხადებაში.

კოსტავას ქუჩაზე მდებარე საზოგადოებრივი მაუწყებლის ახლანდელი შენობა ავარიულ მდგომარეობაშია. სამეურვეო საბჭომ ჯერ კიდევ 2017 წელს მიმართა ეკონომიკის სამინისტროს, რომელმაც მშენებლობისთვის მიწის ნაკვეთის გამოყოფისა და შენობის გაყიდვის გადაწყვეტილება მიიღო.  

თავიდან შენობის 40 მლნ დოლარად გაყიდვა იგეგმებოდა, თუმცა, 16 ივნისს გამართულ აუქციონზე შენობის შეძენის მსურველი არ გამოჩნდა.

ამის შემდეგ შენობა აუქციონზე კიდევ ორჯერ გაიტანეს – 36 და 32,4 მლნ დოლარად, თუმცა, მცდელობა კვლავ წარუმატებელი აღმოჩნდა.

საზოგადოებრივ მაუწყებელში აუქციონის ჩავარდნა კორონავირუსის პანდემიის გამო შექმნილი ეკონომიკური კრიზისით ახსნეს და  საპარლამენტო არჩევნების დამთავრებამდე შენობის გაყიდვა გადაავადეს.

საქართველოში არჩევნები 31 ოქტომბერს არის დაგეგმილი, რომლის შედეგებიც სამ–ოთხ კვირაი იქნება ცნობილი.

ამასთან, საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა. სამშენებლო ნებართვა თბილისის მერიის არქიტექტურულმა სამსახურმა უკვე გასცა. საზოგადოებრივი მაუწყებლის ახალი შენობა ვაკე-საბურთალოს რაიონში, პოლიტკოვსკაიას ქუჩაზე აშენდება, პროექტის სავარაუდო ღირებულება 46,8 მილიონ ლარს შეადგენს. მშენებლობისთვის გამოყოფილია ორი ჰექტარი ფართობის მიწის ნაკვეთი.

19
თემები:
საქართველოს ეკონომიკა
ვალუტის გადამცვლელი პუნქტი

ლარის კურსი 15 აგვისტოს

63
(განახლებულია 09:10 15.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა.

თბილისი, 15 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0738 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა. 

ლარის კურსი 15 აგვისტოს
63
თემები:
ლარის კურსი დღეს
სასწრაფო დახმარება

კარანტინში მყოფი მამაკაცი მეოთხე სართულიდან გადმოხტა: პაციენტი თბილისში გადაიყვანეს

0
მამაკაცი საქართველოში სარფის სასაზღვრო-გამტარი პუნქტიდან შემოვიდა, რის შემდეგაც ბათუმში ერთ-ერთ სასტუმროში მოწყობილ საკარანტინო სივრცეში გადაიყვანეს

 

თბილისი, 15 აგვისტო - Sputnik.  ახალგაზრდა მამაკაცის ჯანმრთელობის მდგომარეობა, რომელიც  სასტუმროს მეოთხე სართულიდან გადმოხტა, მძიმეა. 

შემთხვევა  ბათუმის  ერთ-ერთ სასტუმროში მოწყობილ საკარანტინო სივრცეში გუშინ, 14 აგვისტოს მოხდა.  გავრცელებული ინფორმაციით,  27 წლის მამაკაცი არაადეკვატურად და აგრესიულად იქცეოდა და   მოულოდნელად სასტუმროს მეოთხე  სართულიდან სასტუმროს შიდა ტერიტორიაზე გადახტა.

მამაკაცი ბათუმის საერთაშორისო საუნივერსიტეტო ჰოსპიტლიდან თბილისის სამედიცინო უნივერსიტეტის პირველ საუნივერსიტეტო კლინიკაში გუშინ გადაიყვანეს. ის მართვით სუნთქვაზე იმყოფება.

„დაშავებული ახალგაზრდა მამაკაცი თბილისში რეანომობილით  გუშინვე გადაიყვანეს. იგი უგონო მდგომარეობაში იყო და  მრავლობითი მოტეხილობები აღენიშნება“, - განაცხადეს კლინიკაში.

შსს-ს ინფორმაციით, მამაკაცი საქართველოში 13 აგვისტოს სარფის სასაზღვრო-გამტარი პუნქტიდან შემოვიდა, რის შემდეგაც ის, სავალდებულო კარანტინის გავლის მიზნით, თანმხლებ პირთან ერთად, ბათუმში ერთ-ერთ სასტუმროში მოწყობილ საკარანტინო სივრცეში გადაიყვანეს.

მომხდარ ინციდენტზე გამოძიება საქართველოს სსკ-ის  115-ე მუხლით დაიწყო, რაც თვითმკვლელობამდე მიყვანას გულისხმობს.

0
თემები:
COVID-19 საქართველოში