ამწეები ბათუმის პორტში

ბათუმში ახალი ტერმინალის აშენება იგეგმება

133
ამერიკული კორპორაცია Trammo, რომელიც ბათუმის პორტში ახალი მულტიმოდალური ტერმინალის ინვესტორია, ბიზნესში უმაღლესი დონის ეკოლოგიურ სტანდარტებს იცავს.  

თბილისი, 14 იანვარი — Sputnik. ბათუმის პორტში მინერალური სასუქების ტერმინალის პროექტის პრეზენტაცია გაიმართა, იუწყება საქართველოს ეკონომიკისა და მდგრადი განვითარების სამინისტრო.

ღონისძიების  ფარგლებში ხელი მოეწერა ხელშეკრულებას,  რომლის თანახმადაც ამერიკული კომპანია Trammo გახდება Wondernet Express Investment Group-ის ერთ-ერთი დამფუძნებელი და პროექტის ინვესტორი.

ტერმინალის მშენებლობის პროექტს კომპანია  Wondernet Express-ი განახორციელებს, რომელიც წარმატებით საქმიანობს ევროკავშირის, დსთ-სა და ბალტიის ქვეყნებში, ასევე ჩინეთში, კორეასა და თურქეთში, სხვადასხვა სახის ტვირთების ლოჯისტიკისა და ტრანსპორტირების მომსახურების სფეროში.

კომპანია  ტერმინალის ასაშენებლად 20 მილიონი დოლარის ოდენობის ინვესტირებას გეგმავს.

პროექტი გულისხმობს ცენტრალური აზიის ქვეყნებიდან შავი ზღვის ნავსადგურებში, აზერბაიჯანისა და საქართველოს გავლით ლოჯისტიკური დერეფნის შექმნას.

კომპანია Wondernet Express Investment Group-მა, მინერალური სასუქების ახალი ლოჯისტიკური დერეფნის შექმნასთან დაკავშირებით უკვე გააფორმა შეთანხმებები ძირითად პარტნიორებთან - ესენია „საქართველოს რკინიგზა“, ბათუმის პორტი, აზერბაიჯანის რკინიგზა, ბაქოს ნავსადგური. ტერმინალი აღჭურვილი იქნება მინერალური სასუქების გადატვირთვისათვის საჭირო თანამედროვე დანადგარებით. სასაწყობე ობიექტები განკუთვნილია 60 000 ტონა ჯამური მოცულობის სასუქის შესანახად.  ტერმინალის დაგეგმილი საწარმოო სიმძლავრე წელიწადში 1 200 000 ტონამდე მინერალური სასუქის გადამუშავების საშუალებას იძლევა.

ბათუმის პორტში მულტიმოდალური ტერმინალის პროექტის პრეზენტაციას  საქართველოს ეკონომიკისა და მდგრადი განვითარების მინისტრი გიორგი ქობულია დაესწრო.

მისი თქმით, პროექტს ძალიან დიდი შედეგიანობა ექნება როგორც ბათუმის პორტისთვის და აჭარისთვის, ასევე „საქართველოს რკინიგზისთვისაც“, რომელიც ამ ტვირთებს გადაზიდავს:

„ეს არის ერთ-ერთი ინდუსტრიული პროექტი და, რა თქმა უნდა, აჭარის გარდა მთელი საქართველოს მასშტაბითაც ძალიან მნიშვნელოვანი პროექტია. მიგვაჩნია, რომ ასეთი ტიპის პროექტები უფრო მეტ საფუძველს შექმნის და მაგალითს მისცემს სხვა კომპანიებს სხვა ქვეყნებიდან, რომ ანალოგიური ინვესტიციები განახორციელონ“, - აღნიშნა მინისტრმა.

გიორგი ქობულიას თქმით,  პროექტი, რომლის განხორციელებასაც აღნიშნული ინვესტიცია ემსახურება, საქართველოში დამატებით სატრანზიტო ტვირთებს მოიზიდავს.  და ეს ასევე ხელს შეუწყობს რკინიგზის დატვირთვას და ახალ სამუშაო ადგილებს შექმნის არა მხოლოდ ბათუმსა და აჭარაში, არამედ საქართველოს სხვა რეგიონებშიც.

გიორგი ქობულიას განცხადებით, ამერიკული კორპორაცია Trammo, რომელიც ბათუმის პორტში ახალი მულტიმოდალური ტერმინალის ინვესტორია, ბიზნესში უმაღლესი დონის ეკოლოგიურ სტანდარტებს იცავს.

 

133
თემები:
საქართველოს ეკონომიკა–2018 (540)
თბილისი

ეროვნული ბანკი: საქართველოს ეკონომიკის ვარდნა მოსალოდნელზე მეტი იქნება

285
(განახლებულია 13:40 08.08.2020)
მსოფლიოში ეკონომიკური ვითარება იმაზე რთული აღმოჩნდა, ვიდრე მოსალოდნელი იყო, რამაც საქართველოში მშპ-ის ზრდის პროგნოზის შემცირება გამოიწვია, განაცხადა ეროვნული ბანკის ხელმძღვანელმა

 

თბილისი, 8 აგვისტო - Sputnik. საქართველოს ეროვნული ბანკის განახლებული პროგნოზის თანახმად, 2020 წელს ქვეყნის ეკონომიკა 5%-ით შემცირდება, განაცხადა მარეგულირებლის პრეზიდენტმა კობა გვენეტაძემ.

ადრინდელი პროგნოზის თანახმად, საქართველოს მშპ-ის 4%-ით შემცირება იყო მოსალოდნელი. ამ მონაცემებიდან გამომდინარე, ივნისში შემუშავდა ქვეყნის სახელმწიფო ბიუჯეტი. 

საქართველოს ეროვნული ბანკის პრეზიდენტის თქმით, მსოფლიოში ზოგადად რთული ვითარებაა, ვინაიდან პანდემიამ ეკონომიკაზე ძლიერი ზეგავლენა იქონია, ნეგატიური შედეგების გადალახვა კი ბევრ პრობლემას უკავშირდება.

 „პანდემიის დასაწყისში სსფ პროგნოზირებდა 3%-იან გლობალურ ეკონომიკურ ზრდას, მაგრამ ამას წინათ გამოაქვეყნა უკვე განახლებული პროგნოზი, რომელიც უფრო პესიმისტურია და რომლის თანახმადაც მსოფლიო ეკონომიკა 4,9%-ით შემცირდება. სწორედ ესაა მიზეზი და ეს გახდა ერთ-ერთი ფაქტორი, რომელმაც საქართველოში ეკონომიკური ზრდის პროგნოზის გადახედვა გამოიწვია“, - განუცხადა კობა გვენეტაძემ ჟურნალისტებს.

საქართველოს ეკონომიკა წლის პირველ ნახევარში

სტატისტიკის ეროვნული სამსახურის მონაცემების თანახმად, ივნისში, გასული წლის იმავე პერიოდთან შედარებით, მშპ 7,7%-ით შემცირდა. შესადარებლად: მაისში ვარდნის მაჩვენებელი იყო 13,5%, აპრილში - 16,6%.

„წინასწარი მონაცემებით, ეკონომიკური აქტივობა ივნისში წლიურად 7,7%–ით შემცირდა. თუმცა, აპრილ-მაისთან შედარებით, სახეზეა ადგილობრივი მოთხოვნის გაჯანსაღების ნიშნები, რაც ფისკალურ სტიმულს და საკრედიტო აქტივობისა და გზავნილების მოსალოდნელზე კარგ დინამიკას უკავშირდება“, - ნათქვამია ეროვნული ბანკის განცხადებაში. 

დოკუმენტში აღნიშნულია, რომ წინასწარი მონაცემებით, ივნისში საერთაშორისო მოგზაურებიდან მიღებული შემოსავალი წლიურად 97%–ით შემცირდა. ექსპორტზე მოთხოვნაც სუსტი რჩება და ივნისში, წინა წლის ანალოგიურ პერიოდთან შედარებით, 14%–იანი კლება დაფიქსირდა. საექსპორტო შემოსავლების კლებასთან ერთად, იმპორტიც წლიურად 22%–ით შემცირდა.

მეორე მხრივ, ივნისში, 2019 წლის ანალოგიურ პერიოდთან შედარებით, 17,8%-ით გაიზარდა საქართველოში ფულადი გზავნილები და 169,2 მლნ დოლარს მიაღწია. თუმცა, პირველ ექვს თვეში საზღვარგარეთიდან ფულადი შემოსულობების მოცულობა კვლავ ნაკლებია, ვიდრე გასული წლის ანალოგიურ პერიოდში - ვარდნა 4,6%-ს შეადგენს.  

კრიზისის მიზეზები და შედეგები

ეკონომიკურ საკითხთა ექსპერტი, პროფესორი სოსო არჩვაძე მიიჩნევს, რომ საქართველოში აშკარაა შემცირება, შიდა მოთხოვნილებისა და წინადადებების შემცირება, მოსახლეობის მსყიდველობის უნარის ვარდნა და მთლიანად ბიზნესის საქმიანი აქტივობის ხელშესახები შემცირება. 

 „მთელი ამ პროცესის სტიმულირებისთვის, ნეგატიური ტენდენციების გადასალახავად აუცილებელია რაიმე იმპულსი, ბიძგი გვერდიდან. და აქ დახმარება შეუძლია მხოლოდ ინსტიტუტს, რომელიც მართლზომიერად განახორციელებს ასეთ გლობალურ პროცესებს. ეს, ერთი მხრივ, შეიძლება იყოს მთავრობა, აღმასრულებელი ხელისუფლება, მეორე მხრივ - საბანკო სექტორი, მხედველობაში მაქვს ეროვნული ბანკი“, - განუცხადა არჩვაძემ „Sputnik-საქართველოს“.

მისი სიტყვებით, ჰიპერინფლაციის ან სხვა ნეგატიური ტენდენციების საფრთხე ინფლაციის თვალსაზრისით არ არის მოსალოდნელი, რადგან მოსახლეობას არა აქვს იმდენი ფული, რომ ეს მოხდეს.

„ეროვნულმა ბანკმა გადაწყვიტა ფეხი აუბას ცვლილებებს და შეამცირა რეფინანსირების განაკვეთი. ეს ნიშნავს კრედიტების, რესურსების გაიაფებას, ერთი მხრივ, ბიზნესისთვის და, მეორე მხრივ, მოსახლეობისთვის, მათ შორის, სამომხმარებლო კრედიტის გაიაფების მიმართულებით. და საბოლოო მიზანი საქმიანი აქტივობისა და მოსახლეობის მსყიდველუნარიანობის გაზრდაა“, - აღნიშნა არჩვაძემ.

საქართველოს ეროვნული ბანკის მონეტარული პოლიტიკის კომიტეტმა 5 აგვისტოს რეფინანსირების განაკვეთის 8,25%-დან 8%-მდე შემცირების გადაწყვეტილება მიიღო. 

მისი აზრით, ეს ყველაფერი უნდა გადაიზარდოს ეკონომიკისა და მოსახლეობის კეთილდღეობის ზრდაში და ჩვენ აუცილებლად დავინახავთ წლის მეორე ნახევარში უფრო დადებით ტენდენციას ეკონომიკაში, ვიდრე ეს მარტიდან ივნისამდე იყო.

 „ეს ეკონომიკის გასაჯანსაღებლად ერთადერთი სტიმული არ არის, თუმცა, ამ ნაბიჯის გარეშე ჩვენ ვერ შევძლებდით იმ რესურსების სრულად ამოქმედებას, რომლებიც საზოგადოებაში ამჟამად არსებობს. საკრედიტო რესურსების გაიაფება ეკონომიკის გაუმჯობესებისა და მისი ზრდის ერთ-ერთი ფუძემდებელი ფაქტორია“, - აღნიშნა ექსპერტმა.

პესიმისტური და ოპტიმისტური პროგნოზები

საერთაშორისო ორგანიზაციები წელს უარყოფით ეკონომიკურ ზრდას პროგნოზირებენ, თუმცა, ამავე დროს აცხადებენ, რომ 2021 წელს საქართველო ცხოვრების ჩვეულ რიტმს დაუბრუნდება. ამასთან, საერთაშორისო ორგანიზაციების მონაცემებით, საქართველოს ეკონომიკა საშუალოდ 4%-მდე დაეცემა.

ყველაზე პესიმისტური, როგორც საქართველოში ფიქრობენ, არის ევროპის რეკონსტრუქციისა და განვითარების ბანკის პროგნოზი. 14 მაისს გამოქვეყნებული პროგნოზის თანახმად, მშპ საქართველოში 2020 წელს 5,5%-ით დაეცემა, 2021 წელს კი 5,5%-ით მოიმატებს.  

სსფ ვარაუდობს, რომ საქართველოს ეკონომიკის ვარდნა 2020 წელს 4% იქნება, ხოლო ინფლაცია - 4,6%. სსფ-ს 2021 წლის პროგნოზი კი საკმაოდ ოპტიმისტურია. ფონდის შეფასებით, 2021 წელს საქართველოს ეკონომიკა 3%-ით მოიმატებს, ინფლაცია კი 3,7%-მდე შემცირდება.

 „ერთმნიშვნელოვნად შემიძლია განვაცხადო, რომ 2021 წლიდან საქართველოში ეკონომიკა ზრდას დაიწყებს და, ვიმედოვნებ, რომ მსოფლიო ეკონომიკაში იმ დროისთვის რეცესიის გადალახვის პირველი ნიშნები გამოჩნდება, მაგრამ ეს არ ნიშნავს, რომ 2021 წელს ყველა პრობლემა დასრულდება“, - მიაჩნია ეკონომიკისა და მდგრადი განვითარების მინისტრ ნათია თურნავას.

მისი თქმით, კიდევ რამდენიმე წელი იქნება საჭირო ბიზნესის დასახმარებლად და ახალი ინვესტიციების მოსაზიდად.

285
თემები:
საქართველოს ეკონომიკა
ბენზინგასამართი სადგური

საქართველოში რომელი მარკის ბენზინია ხარისხიანი? ექსპერტების დასკვნა ცნობილია

198
(განახლებულია 13:25 08.08.2020)
საწვავის მხოლოდ ერთი ნიმუში არ შეესაბამებოდა საქართველოს მთავრობის დადგენილებით განსაზღვრულ ნორმას. 

თბილისი, 8 აგვისტო  — Sputnik.  2020 წლის მაისში გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა საქართველოს მასშტაბით 252 ერთეული regular–ის მარკის ბენზინის საწვავის სინჯი აიღეს,  საიდანაც მხოლოდ ერთმა ვერ გაიარა შემოწმება, ნათქვამია უწყები მიერ გავრცელებულ განცხადებაში. 

ყველა ნიმუში 251 აგვოგასამართი სადგურიდან აიღეს. სინჯები შემდგომი კვლევისათვის ლევან სამხარაულის სახელობის სასამართლო ექსპერტიზის ეროვნულ ბიუროში გაიგზავნა და მხოლოდ ერთი ნიმუში არ შეესაბამებოდა საქართველოს მთავრობის დადგენილებით განსაზღვრულ ნორმას. კერძოდ, ნიმუშში ოქტანური რიცხვის მნიშვნელობამ შეადგინა 90, იმ დროს, როდესაც იგი უნდა იყოს არანაკლებ 91.

გარემოსდაცვითი ზედამხედველობის დეპარტამენტმა აღნიშნულ სამართალდარღვევაზე შესაბამისი რეაგირება მოახდინა.

მიმდინარე წლის ივლისში საქართველოს ხელისუფლებამ საწვავის ხარისხზე კონტოლის გამკაცრების გადაწყვეტილება მიიღო. საქართველოს პარლამენტის გარემოს დაცვის კომიტეტის ინიციატივით სანქციები მკაცრდება უხარისხო ბენზინის ან დიზელის საწვავის საქართველოში იმპორტზე, წარმოებასა და რეალიზაციაზე.

ცვლილებების პაკეტი ითვალისწინებს არა მხოლოდ ჯარიმების გაზრდას, არამედ სისხლის სამართლის პასუხისმგებლობის დაწესებასაც.

საქართველოს სისხლის სამართლის კოდექსს ემატება ახალი მუხლი: „საქართველოს ტერიტორიაზე ისეთი საავტომობილო ბენზინის ან/და დიზელის საწვავის იმპორტი, წარმოება ან/და მიწოდება, რომლის ხარისხიც ვერ აკმაყოფილებს საქართველოს მთავრობის დადგენილებით განსაზღვრულ საავტომობილო ბენზინის ხარისხობრივ ნორმებს ან/და დიზელის საწვავის შემადგენლობის ნორმებს“.

198
თემები:
საქართველოს ეკონომიკა
დიანა ღურწკაია

პოპულარული მომღერლის უცნობი ფოტოები დიანა ღურწკაია სათვალის გარეშე

0
(განახლებულია 14:35 31.07.2020)
რუსულ მედიაში ცნობილი ქართველი მომღერლის დიანა ღურწკაიას ბავშვობის დროინდელი უცნობი ფოტოები ვრცელდება. ნახეთ, როგორ გამოიყურებოდა მომღერალი სათვალის გარეშე.

რუსეთში მოღვაწე ქართველი მომღერლის უცნობ ფოტოებს რუსული გამოცემა ავრცელებს. ცნობილია, რომ დიანა ღურწკაია დაბადებით უსინათლოა, რომელმაც, ამის მიუხედავად, ბევრს მიაღწია სცენაზე.

View this post on Instagram

«Семья - это и есть то, ради чего стоит просыпаться каждый день, дышать каждую секунду, и молить Бога каждое мгновенье, чтоб Он оберегал и защищал» ⠀ 1 июня – день, традиционно посвященный детям, а счастливый ребёнок растёт в гармоничной семье! ⠀ Ежегодно Фонд Андрея Первозванного проводит фестиваль «День детей и родительского счастья», который помогает сплотить как можно больше семей в этот прекрасный день. ⠀ В этом году к 1 июня мы с Фондом запускаем большой семейный флешмоб, цель которого будет показать, что в семьях, где родители и дети заняты совместным творчеством, царят лад и семейное благополучие. ⠀ Как принять участие в семейном флешмобе? ⠀ 1. С 25 мая по 1 июня выложите на своей странице в Instagram, Facebook, Одноклассники или в ВК видео не более 1 минуты, где вы всей семьёй исполняете любимую песню ⠀ 2. Поставьте хэштег #деньдетейиродительскогосчастья и отмечайте меня @diana.gurtskaya.official ⠀ 3. Ставьте лайк и добавьте в сохранённые эту запись, чтобы не пропустить результаты конкурса ⠀ 4. Я изучу все ваши работы, и самая музыкальная семья получит в подарок от меня сборник песен с автографом и сертификат на покупку бытовой техники на сумму 20.000 руб. от Фонда Андрея Первозванного ⠀ 5. Ждите итогов 5 июня на моей странице @diana.gurtskaya.official или в группе ВК https://vk.com/fap_fund или fb Фонда www.facebook.com/standrewthefirstcalledfoundation ⠀ 6. Если вы не считаете себя очень музыкальными и стесняетесь публиковать видео, вы сможете поддержать наш флешмоб и выкладывать с 25 мая до 1 июня креативные фото вашей семьи под хештегом #деньдетейиродительскогосчастья. ⠀ Лучшее фото получит подарок от меня сборник песен с автографом и сертификат на покупку бытовой техники на сумму 10.000 руб. от Фонда Андрея Первозванного. Давайте вместе покажем как много в России счастливых семей! ⠀ С нетерпением жду ваших работ! Сейчас, как никогда, нам необходима любовь и тепло наших близких! #ДианаГурцкая #фонд #конкурс #флешмоб #приз #любовь #радость #счастье #семья #гив

A post shared by Диана Гурцкая (@diana.gurtskaya.official) on

მან დაარწმუნა მუსიკის პედაგოგები, რომ ფორტეპიანოზე დაკვრას შეძლებდა, ხოლო 10 წლის ასაკში მისი დებიუტი შედგა ფილარმონიის სცენაზე, სადაც ირმა სოხაძესთან ერთად იმღერა.

მომღერალი ცდილობს, ფართო დიზაინის სათვალე ატაროს, რომელიც კარგად ფარავს მის სახეს. ვარსკვლავმა მოახერხა ღირსეულად გადაეტანა თავისი ავადმყოფობა. მიუხედავად იმისა, რომ თავდაპირველად იგი შეიძლება ნაზი და სუსტი მოგეჩვენოთ, სინამდვილეში დიანა ძლიერი ბუნების ნატურაა.

სხვათა შორის, დიანა ყოველთვის არ მალავს საკუთარ თვალებს. ინტერნეტში ძალიან ბევრია ვარსკვლავის ბავშვობის ფოტო. ცოტა ხნის წინ კომპოზიტორ ვიქტორ დრობიშის სიმღერაზე კლიპიც გადაიღო, რომელშიც, პირველად მთელი შემოქმედების მანძილზე, სათვალის გარეშე მონაწილეობს.

დიანა ღურწკაიას ორი ვაჟი ჰყავს და მეუღლესთან – პიოტრ კუჩერენკოსთან თავს ბედნიერად გრძნობს.

0
თემები:
სელებრითების ცხოვრება