ქართული ჩაი

ჩინეთში ქართული ჩაი, ზეითუნის ზეთი და ვისკი გაიყიდება

168
(განახლებულია 15:17 06.12.2018)
საქართველოში დარწმუნებული არიან, რომ ჩინეთთან თავისუფალი ვაჭრობის რეჟიმი ხელს შეუწყობს ექსპორტის ზრდას და დააბალანსებს სავაჭრო დეფიციტს.

თბილისი, 6 დეკემბერი — Sputnik. ჩინეთში გაიყიდება ქართული წარმოების ჩაი, ზეითუნის ზეთი და ვისკი, ნათქვამია საქართველოს „საპარტნიორო ფონდის" განცხადებაში.

ჩინეთში ეკონომიკურ ფორუმზე ნოემბერში განაცხადეს, რომ საქართველო იმ ქვეყნების რიცხვში მოხვდა, რომლებთანაც ჩინეთი იმპორტის მნიშვნელოვნად გაზრდას აპირებს.

ოფიციალური ხელშეკრულებები პროდუქციის ჩინეთში მიწოდების თაობაზე ჩინეთის საერთაშორისო სავაჭრო პალატისა და ძიანგსის პროვინციის სავაჭრო-ეკონომიკური ურთიერთობების განვითარების ბიზნეს-ფორუმის ფარგლებში გაფორმდა. ქართული მხრიდან ხელშეკრულებებს ხელი მოაწერეს კომპანია Georgian Olive-ის დამფუძნებელმა გიორგი სვანიძემ, კომპანია Askaneli Brothers-ის დამფუძნებელმა ჯიმშერ ჩხაიძემ, კომპანია "ნიკორას" დამფუძნებელმა პარტნიორმა დავით დუმბაძემ, ჩინური მხრიდან კი – ძიანგსის პროვინციის „აბრეშუმის გზის“ საინვესტიციო კომპანიის“ წარმომადგენლებმა.

„ქართულ ნატურალურ პროდუქტებს ჩინეთის მილიარდნახევრიანი ბაზრის კარი ეხსნება. საქართველოში წარმოებული პროდუქტების მიმართ ჩინელი მომხმარებლის მხრიდან ინტერესი მზარდია, შესაბამისად, საქართველოს საექსპორტო პოტენციალი მაქსიმალურად უნდა იქნას გამოყენებული", – განაცხადა „საპარტნიორო ფონდის" აღმასრულებელმა დირექტორმა დავით საგანელიძემ, რომელიც ფორუმში მონაწილეობს.

„საპარტნიორო ფონდის" ინიციატივით, ფორუმის ფარგლებში 15-მდე ქართულმა კომპანიამ თავისი პროდუქციის გამოფენა მოაწყო. ნატურალური პროდუქტები ქართულ პავილიონში წარმოადგინეს.

„ჩვენ „საპარტნიორო ფონდთან" ერთობლივ პროექტებზე ვმუშაობთ. ფონდი ჩინეთში ქართულ ნატურალურ პროდუქტებსაც უწევს პოპულარიზაციას. ერთად ვზრუნავთ, რომ ჩინურ ბაზარზე გამოჩნდეს არა მარტო ქართული ღვინო, არამედ ის ქართული პროდუქტები, რომელთა მიმართაც ჩინეთში დიდი ინტერესია", – განაცხადა „ქართული კულტურისა და ღვინის სავანის" დამფუძნებელმა და „აბრეშუმის გზის" საინვესტიციო კომპანიის" გენერალურმა დირექტორმა ლიუ ძი მინმა.

საქართველო რეგიონში პირველი ქვეყანაა, რომელსაც თავისუფალი ვაჭრობის შესახებ ხელშეკრულება აქვს გაფორმებული ჩინეთთან და ევროკავშირთან. ეს ქართულ კომპანიებს, ასევე საქართველოში ინვესტირებით დაინტერესებულ ბიზნესმენებს შესაძლებლობას აძლევს, სხვადასხვა ბაზარზე მიუწვდებოდეთ ხელი.

საქართველოს საგარეო ბრუნვამ ჩინეთთან იანვარ-ოქტომბერში 903,4 მლნ აშშ დოლარზე მეტი შეადგინა, რაც მთლიანი სავაჭრო ბრუნვის 8,8%-ია. სავაჭრო ბრუნვა ორ ქვეყანას შორის, გასული წლის ამავე პერიოდთან შედარებით, 25%-ით გაიზარდა.

 

168
თემები:
საქართველოს ეკონომიკა–2018 (540)
ვალუტის გაცვლის პუნქტი

ლარის კურსი 19 სექტემბერს

98
(განახლებულია 09:13 19.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0254 ლარით გაუფასურდა.

თბილისი, 19 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2140 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0254 ლარით გაუფასურდა.

ლარის კურსი 19 სექტემბერს
ლარის კურსი 19 სექტემბერს
98
თემები:
ლარის კურსი დღეს
აშშ დოლარი და ქართული ლარი

ფულადი გადარიცხვები: რამდენი ფული შემოვიდა აგვისტოში საქართველოში

102
(განახლებულია 21:24 18.09.2020)
თურქეთს, რომელიც ბევრი წლის განმავლობაში უცვლელად შედიოდა საქართველოში ფულადი გადარიცხვების მხრივ ლიდერთა ექვსეულში, აგვისტოში უკრაინამ გადაუსწრო

თბილისი, 18 სექტემბერი ― Sputnik. საქართველოს კომერციულ ბანკებში ელექტრონული სისტემებით ფულადი გზავნილები 2020 წლის აგვისტოში 25,8%-ით გაიზარდა, ნათქვამია საქართველოს ეროვნული ბანკის საიტზე

საანგარიშო პერიოდში ქვეყანაში შემოსული ფულადი გზავნილების ნაკადების მოცულობამ 184.2 მლნ აშშ დოლარი (566.2 მლნ ლარი) შეადგინა, რაც 25.8%-ით (37.8 მლნ აშშ დოლარით) მეტია 2019 წლის აგვისტოს ანალოგიურ მაჩვენებელზე.

უცხოეთიდან საქართველოში ფულადი გზავნილების 95.1% იმ 19 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ აგვისტოში 1 მლნ აშშ დოლარს გადააჭარბა. იმავე 19 ქვეყანაზე გასული წლის აგვისტოში მთელი ფულადი გზავნილების 93.4% მოდიოდა.

ყველაზე მეტი თანხა ელექტრონული სისტემებით გადმოირიცხა რუსეთიდან ― 35 მლნ დოლარი, რაც ფულადი გადარიცხვების მთლიანი მოცულობის 19%-ს შეადგენს.

ლიდერი ქვეყნების ექვსეულში შედიან: იტალია, საბერძნეთი, აშშ, ისრაელი და უკრაინა.

თურქეთს, რომელიც ბევრი წლის განმავლობაში უცვლელად შედიოდა საქართველოში ფულადი გადარიცხვების მხრივ ლიდერთა ექვსეულში, აგვისტოში უკრაინამ გადაუსწრო, საიდანაც საანგარიშო პერიოდში საქართველოს კომერციულ ბანკებში ელექტრონული სისტემებით დაახლოებით 11 მლნ დოლარი ― საერთო მოცულობის 6% გადმოირიცხა.

 


102
თემები:
საქართველოს ეკონომიკა
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0