ქურთუკები

ტყიბულში ცნობილი ბრენდების ქურთუკებს შეკერავენ

163
საწარმოში დამზადებული პროდუქცია ადგილობრივთან ერთად, საერთაშორისო ბაზარზე ექსპორტისთვის იქნება გათვლილი.

თბილისი, 5 ნოემბერი — Sputnik. საქართველოში მსოფლიოში ცნობილი ბრენდების ქურთუკების საწარმო გაიხსნება, იუწყება საქართველოს მთვარობის ვებგვერდი.

პროექტი, რომლის საინვესტიციო ღირებულება 5 მილიონი აშშ დოლარია, ტყიბულში თანამედროვე ტექნოლოგიებით აღჭურვილი საწარმოს მშენებლობას ითვალისწინებს, სადაც პირველ ეტაპზე 300-მდე ადამიანი დასაქმდება. გამოშვებული პროდუქცია კი ადგილობრივთან ერთად, საერთაშორისო ბაზარზე ექსპორტისთვის იქნება გათვლილი.

შეთანხმება, რომელიც საქართველოში ქურთუკების მწარმოებელ საწარმოს შექმნას ითვალისწინებს, „ძიანგსის ჰუაჟაო მენეჯმენტის კომპანიასთან” საქართველოს პრემიერ-მინისტრ მამუკა ბახტაძის შანხაიში ვიზიტის ფარგლებში გაფორმდა.

დოკუმენტს ხელი მოაწერეს საქართველოს „საპარტნიორო ფონდის" აღმასრულებელმა დირექტორმა დავით საგანელიძემ და „ძიანგსის ჰუაჟაო მენეჯმენტის კომპანიის" გენერალურმა დირექტორმა სია ტუძიემ. ხელმოწერის ცერემონიას საქართველოს პრემიერ-მინისტრი მამუკა ბახტაძე, ეკონომიკისა და მდგრადი განვითარების მინისტრი გიორგი ქობულია და გარემოს დაცვისა და სოფლის მეურნეობის მინისტრი ლევან დავითაშვილი დაესწრნენ.

მამუკა ბახტაძე ჩინელ ბიზნესმენებს ერთობლივ პროექტებში იწვევს >>

ხამასთან ერთად, მამუკა ბახტაძემ და  კომპანიის მენეჯმენტმა ისაუბრეს საქართველოში არსებულ მიმზიდველ საინვესტიციო გარემოზე და იმ შესაძლებლობებზე, რომლებიც როგორც ქართულ, ისევე ჩინურ კომპანიებს ჩინეთთან თავისუფალი ვაჭრობის შეთანხმებამ  მისცა. 

შეხვედრაზე ასევე ყურადღება დაეთმო საქართველოს საექსპორტო პოტენციალს და ჩინეთის საერთაშორისო იმპორტის ფორუმს, რომელში მონაწილეობაც ქვეყნის ცნობადობის გაზრდასა და მეტი ინვესტიციის მოზიდვას შეუწყობს ხელს.

საქართველოს პრემიერ–მინისტრი ჩინეთში სამუშაო ვიზიტით იმყოფება.

საქართველო ჩინეთთან ბოლო წლების განმავლობაში აქტიურად ვაჭრობს. ჩინეთი საქართველოს ძირითადი სავაჭრო პარტნიორი ქვეყნების სამეულში შედის. 2017 წლის ცხრა თვეში სავაჭრო ბრუნვამ 640,6 მილიონ აშშ დოლარზე მეტი შეადგინა. ჩინეთში გააქვთ სპილენძის მადნები და კონცენტრატები, სპირტიანი სასმელები და, რა თქმა უნდა, ღვინო.

საქართველო არის რეგიონში პირველი ქვეყანა, რომელსაც თავისუფალი ვაჭრობის შესახებ შეთანხმებები ერთდროულად გაფორმებული აქვს ჩინეთთან და ევროკავშირთან, რაც ქართულ კომპანიებს, ისევე, როგორც საქართველოში ინვესტირებით დაინტერესებულ ბიზნესმენებს, მრავალრიცხოვან ბაზრებზე წვდომის შესაძლებლობას აძლევს.

163
თემები:
საქართველოს ეკონომიკა–2018 (540)
ვალუტის გაცვლის პუნქტი

ლარის კურსი 27 მაისს

83
(განახლებულია 08:28 27.05.2020)
წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ არ შეცვლილა.

თბილისი, 27 მაისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1916 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ არ შეცვლილა.

ლარის კურსი 27 მაისს
ლარის კურსი 27 მაისს
83
თემები:
ლარის კურსი დღეს
უფასო WiFI-ს ნიშანი

ქართულ სოფლებში მაღალსიჩქარიანი ინტერნეტის გაყვანა დაიწყება

82
(განახლებულია 00:25 27.05.2020)
პირველი, საპილოტე ეტაპი უახლოეს დღეებში დაიწყება, დანარჩენი ეტაპები, სავარაუდოდ, უახლოეს თვეებში ამოქმედდება, განაცხადა მინისტრმა

თბილისი, 26 მაისი – Sputnik. უახლოეს მომავალში საყოველთაო ინტერნეტიზაციის სახელმწიფო პროგრამა „ოუფენ ნეტის“ (OpenNet) საპილოტე ნაწილი დაიწყება, განუცხადა ჟურნალისტებს საქართველოს ეკონომიკისა და მდგრადი განვითარების მინისტრმა ნათია თურნავამ.

აღნიშნული პროექტის მთავარ ამოცანას წარმოადგენს სოფლების და დაბების ინტერნეტით უზრუნველყოფა, რადგან დიდი ქალაქებისთვის მაღალსიჩქარიანი ინტერნეტი მეტნაკლებად ხელმისაწვდომია. საუბარია 800 დასახლებულ პუნქტზე.

მინისტრის თქმით, მსოფლიო ბანკმა დაადასტურა მზადყოფნა, რომ დააფინანსებს აღნიშნულ პროექტს ქვეყნის მთავრობასთან ერთად.

თურნავას თქმით, აღნიშნული პროექტის შემდგომი დაჩქარების გეგმა მსოფლიო ბანკთან ერთად კორონავირუსის პანდემიის დაწყებამდე მომზადდა.

„პროექტი დაყოფილია ორ ეტაპად. პირველი, საპილოტე ეტაპი დაიწყება უახლოეს დღეებში და შემდგომი დანარჩენი ეტაპი უკვე მსოფლიო ბანკთან შეთანხმების კვალობაზე, სავარაუდოდ უახლოეს თვეებში“, - განაცხადა თურნავამ.

თურნავას თქმით, კორონავირუსის პანდემიის ეპოქაში უფრო მეტი აქტუალობა შეიძინა პირადმა თუ სამსახურთან ან განათლებასთან დაკავშირებულმა ონლაინ ურთიერთობებმა. სწორედ ამიტომ გადაწყდა პროექტის განხორციელების პროცესის დაჩქარება.

„საპილოტე ნაწილი დაიწყება, უკვე დასრულდა ტენდერი და გვყავს გამარჯვებული კომპანია, მშენებლობა დაიწყება და მერე, შემდგომი პროექტიც მიყვება, ძალიან მალე დასრულდება“, - განაცხადა მინისტრმა.

მინისტრის თქმით, მნიშვნელოვანია დამონტაჟდეს ოპტიკურ-ბოჭკოვანი ინფრასტრუქტურა, ოპტიკურ-ბოჭკოვანი კაბელი და შესაბამისი აპარატურა იმისთვის, რომ მოხდეს იმ სოფლების ინტერნეტიზაცია, რომლებიც დღესდღეობით ვერ სარგებლობს ინტერნეტით ან სადაც დაბალი ხარისხის ინტერნეტია.

ხევსურეთი online! – სოფელ როშკაში ინტერნეტი ჩაირთო >>

კომუნიკაციების ეროვნული კომისიის მონაცემებით, საქართველოში ინტერნეტის ქსელში სულ 901,8 ათასი აბონენტია რეგისტრირებული, მათ შორის არის როგორც ფიზიკური, ისე იურიდიული პირები. აბონენტების უმრავლესობა დაფიქსირებულია თბილისში, ბათუმსა და რუსთავში, ამასთან, მთიან რეგიონებში არის სოფლები, რომლებშიც დღემდე არ არის ინტერნეტი. ყველაზე მძიმე სიტუაცია მთიან აჭარაში - შუახევში, ქედასა და ხულოში, ასევე თიანეთის და სვანეთის მუნიციპალიტეტებში.

82
თემები:
თანამედროვე ტექნოლოგიები
ტურისტები ორბელიანის მოედანზე

საზღვრები არ გაიხსნება: რას ნიშნავს ტურისტული სეზონის გახსნა საქართველოში

0
(განახლებულია 23:36 27.05.2020)
უცხოელებმა, რომლებიც ამ ზაფხულს შვებულების გატარებას საქართველოში გადაწყვეტენ, კორონავირუსზე ტესტი ჩამოსვლამდე 72 საათით ადრე უნდა გაიარონ

თბილისი, 28 მაისი - Sputnik. საერთაშორისო ტურისტების მიღების დაწყება არ ნიშნავს საზღვრების გახსნას, განაცხადა პრემიერ-მინისტრმა გიორგი გახარიამ.

გახარია: საქართველო მზად არის მიიღოს დამკვირვებლების უპრეცედენტო რაოდენობა არჩევნებზე >>

საქართველო შიდა ტურიზმის გახსნას 15 ივნისს გეგმავს, ხოლო საერთაშორისო მოგზაურების მიღება ქვეყანაში 1 ივლისიდან დაიწყება.

„როდესაც ვსაუბრობთ, რომ საქართველო უნდა იყოს ერთ-ერთი პირველი ქვეყანა, რომელიც ტურიზმის გახსნის, აქ ვსაუბრობთ არა იმაზე, რომ საზღვრები გავხსენით და ეს ხალხი ასე უკონტროლოდ შემოვიდა, არამედ ჩვენ ვსაუბრობთ კონკრეტულ სუფთა დერეფნებზე“, – აღნიშნა გიორგი გახარიამ.

ამასთან, მისი თქმით, საუბარია მხოლოდ ორგანიზებულ ტურისტულ ჯგუფებზე, რომლებიც დაისვენებენ კონკრეტულ სასტუმროებში, ისარგებლებენ გარკვეული ტრანსპორტით და მომსახურებით. ასევე დამსვენებლებმა კორონავირუსზე ტესტი ქვეყანაში ჩამოსვლამდე 72 საათით ადრე უნდა გაიარონ.

„სხვა შემთხვევაში ჩვენ უბრალოდ რეპუტაციულად, ჩვენი ტურიზმის ბრენდს და სექტორს ვაყენებთ რისკის ქვეშ“, - განაცხადა გახარიამ.

მან ხაზგასმით აღნიშნა, რომ საქართველოს უსაფრთხო ქვეყნის პოზიციონირების პრეტენზია გააჩნია და ამიტომ ხელისუფლებამ უნდა უზრუნველყოს, რომ საქართველოში ვიზიტის დროს უცხოელები COVID-19-ით არ დაინფიცირდებიან.

0
თემები:
ტურიზმი საქართველოში