ვალუტის გაცვლის პუნქტი

რა ელოდება ლარს: პროგნოზები და მიზეზები

91
ეროვნული ბანკის განცხადებით, მიუხედავად ლარის მერყეობისა, პანიკის საფუძველი არ არის.

თბილისი, 24 ოქტომბერი — Sputnik. საბროკერო კომპანია Galt & Taggart ვარაუდობს, რომ აშშ დოლარის მიმართ საქართველოს ეროვნული ვალუტის კურსი 2018 წლის მეოთხე კვარტალში შემცირდება – იმპორტის ზრდისა და მოსახლეობის ნეგატიური მოლოდინების გამო.

აგვისტოს დასაწყისიდან ლარის ოფიციალური კურსი 2,5 ნიშნულს ქვევით არ ჩამოსულა. თუ 10 აგვისტოს მონაცემებს დღევანდელ კურსს შევადარებთ, ჩანს, რომ ქართული ვალუტა დაახლოებით 9,2%-ით გაუფასურდა.

„მეოთხე კვარტალში ველოდებით ლარის სეზონურ შესუსტებას საშუალო დონემდე 2.70-2.75 GEL/$1. სახელმწიფო ხარჯების მოსალოდნელ გაზრდას ადგილობრივ ვალუტაზე დამატებითი გავლენის მოხდენა შეუძლია", – აღნიშნულია კომპანიის მიმოხილვაში.

Galt & Taggart აღნიშნავს, რომ ლარის სეზონური სისუსტე დაკავშირებულია წინასაახალწლო დღესასწაულების წინ იმპორტის ზრდასთან, ენერგიის იმპორტის ზრდასთან, ტურისტების რაოდენობის შემცირებასთან, ასევე წლის ბოლოსთვის ლართან მიმართებით ნეგატიურ მოლოდინებთან, რაც 2014-2017 წლებში ჩამოყალიბდა.

საშუალოვადიან პერსპექტივაში კომპანია ლარის კურსს პროგნოზირებს 2.5 GEL/$1 ნიშნულზე.

ამის პარალელურად საქართველოს ეროვნული ბანკის პრეზიდენტმა კობა გვენეტაძემ აღნიშნა, რომ ლარის კურსთან მიმართებით პანიკის საფუძვლები არ არის.

„საქართველოში გვაქვს მცურავი გაცვლითი კურსის რეჟიმი, რომლისთვისაც მოკლევადიან პერიოდში დამახასიათებელი არის რყევები. შეუძლებელია იმის გარკვევა, თუ ნებისმიერ დღეს რამ გამოიწვია კურსის ან გაუფასურება, ან გამყარება... მცურავი გაცვლითი რეჟიმი არის ყველაზე კარგი საშუალება, რათა ნებისმიერი შოკი, რომელიც შეიძლება მოხდეს, ეკონომიკამ შეიწოვოს", – განაცხადა გვენეტაძემ.

მისი თქმით, ეროვნულ ბანკს გაცვლითი კურსის რაიმე ნიშნული მაჩვენებელი არა აქვს, რეგულატორის საზრუნავია ინფლაცია, რაც უფრო მნიშვნელოვანია.

კოჭლი ლარი
კოჭლი ლარი

„ინფლაცია საქართველოში დაბალია. დღესდღეობით რაც გვაქვს, ეს არის მიზნობრივ მაჩვენებელზე ქვემოთ. როგორც მოგეხსენებათ, წლიური ინფლაცია 2.7 პროცენტია. ჩვენ გვაქვს ყველა ბერკეტი იმისთვის, რათა ინფლაცია ვაკონტროლოთ და დაბალ დონეზე შევინარჩუნოთ", - განაცხადა ეროვნული ბანკის პრეზიდენტმა.

Galt & Taggart წლიურ ინფლაციას პროგნოზირებს 2018 წელს 2,9%-ის, ხოლო 2019 წელს – 3,9%-ის დონეზე ლარის გაუფასურების ეფექტის გამო, ასევე მსოფლიო ბაზარზე მოსალოდნელი უფრო მაღალი ფასების გამო ნედლეულზე.

91
თემები:
ლარის კურსის დაცემა (35)
იუსტიციის სახლი

საქართველოში ეკონომიკის ვარდნა მინიმალური ხდება

7
(განახლებულია 10:02 31.10.2020)
აღნიშნულ პერიოდში ზრდა დაფიქსრდა სამთო–მომპოვებელ მრეწველობაში, გადამამუშავებელ მრეწველობაში, ვაჭრობასა და ფინანსურ საქმიანობაში

საქართველოს ეკონომიკის ვარდნის ტემპები, რაც კორონავირუსის პანდემიამ გამოიწვია, მცირდება – სექტემბერში, გასული წლის ამავე თვესთან შედარებით, მშპ 0,7%–ით შემცირდა, იუწყება საქართველოს სტატისტიკის ეროვნული სამსახური „საქსტატი“.

შედარებისთვის: ვარდნის მაჩვენებელი აგვისტოში იყო 5,3%, ივლისში – 5,5, ივნისში – 7,7%, მაისში – 13,5%, ხოლო აპრილში – 16,6%.

ამავე დროს შემცირების ტენდენცია სექტემბერში ეკონომიკის ბევრ სფეროში დაფიქსირდა. ზრდა აღნიშნულ პერიოდში იყო სამთო–სამრეწველო, გადამამუშავებელ მრეწველობაში, ვაჭრობასა და ფინანსურ საქმიანობაში.

ეკონომიკის ვარდნამ ცხრა თვეში, გასული წლის ანალოგიურ პერიოდთან შედარებით, 5% შეადგინა.

გასულ წელს საქართველოს ეკონომიკა 5,2%–ით გაიზარდა, რაც პროგნოზირებულ 4,5%–ზე მაღალია იყო.

ეკონომიკის აღდგენის პროცესი ფაქტია

საქართველოს პრემიერი გიორგი გახარია მიიჩნევს, რომ მშპ–ის შემცირება 0,7%–ით სექტემბერში პირდაპირ მიუთითებს ქვეყნის ეკონომიკის სწრაფი აღდგენის სერიოზულ პოტენციალზე, რაც უკვე ფაქტია.

„სისტემური „ლოკდაუნი“ ქვეყნის მასშტაბით არ იქნება, იქნება წერტილოვანი, დროებითი კონკრეტული მიზნების მისაღწევად. თუმცა, ეს ყველაფერი დამოკიდებულია, თუ რამდენად ეფექტურად დავიცავთ ჩვენ კონკრეტულ წესებს, პირბადეებს, დისტანციას და ა.შ. ასე რომ, ესეც მეორე ტალღაზე ჩვენი საერთო გამარჯვება უნდა იყოს“, – განაცხადა გახარიამ.

პრემიერის თქმით, ის, რომ სექტემბერში უარყოფითი ეკონომიკური ზრდა ქვეყანაში მინიმუმამდე დავიდა, პირველი ტალღის დროს ერთობლივი მუშაობის შედეგია.

„ამ მოცემულობაზე დაყრდნობით, საერთაშორისო საფინანსო ორგანიზაციები, ჩვენი პარტნიორები, საერთაშორისო სავალუტო ფონდი, ერთმნიშვნელოვნად აფიქსირებენ, რომ საქართველო არის ქვეყანა, რომელსაც აქვს ყველაზე რეალური შანსი, ეკონომიკური აღდგენის ეტაპზე რეგიონში და ფართოდ რეგიონში იყოს ლიდერი. ჩვენ ყველაფერი უნდა გავაკეთოთ იმისთვის, რომ ეს წარმატება შევინარჩუნოთ“, – განაცხადა გახარიამ.

რამდენით დაეცემა ეკონომიკა წლის ბოლომდე?

EBRD–ის პროგნოზით, მშპ საქართველოში 2020 წელს 5%–ით დაეცემა, ხოლო 2021 წელს ეკონომიკა 3,5%–ით გაიზრდება.

საერთაშორისო სარეიტინგო სააგენტო Fitch Ratings საქართველოს ეკონომიკის შემცირებას 2020 წელს 4,8%–ით პროგნოზირებს, ხოლო 2021 წელს მშპ–ის ზრდა ქვეყანაში 4,5%–ის დონეზეა მოსალოდნელი.

საერთაშორისო სარეიტინგო სააგენტო სააგენტო S&P Global Ratings–ის ექსპერტები მიიჩნევენ, რომ საქართველოს ეკონომიკა 2020 წელს 6%–ით შემცირდება. ამასთან, რეალური მშპ 2019 წლის დონეს მხოლოდ 2022 წლისთვის დაუბრუნდება, მიიჩნევენ სააგენტოში.

საერთაშორისო სავალუტო ფონდი (სსფ) მიიჩნევს, რომ საქართველოს ეკონომიკა 2020 წელს 5%–ით შემცირდება, ხოლო 2021 წელს ფონდი ხუთპროცენტიან ეკონომიკურ ზრდას პროგნოზირებს.

მთავრობაში მიიჩნევენ, რომ სსფ–ის პროგნოზი საქართველოს მთავრობის მოსაზრებას ემთხვევა – 2021 წლის სახელმწიფო ბიუჯეტის პროექტი მომავალ წელს 5–პროცენტიან ეკონომიკურ ზრდაზეა გათვლილი.

საერთაშორისო სავალუტო ფონდის პროგნოზით, საქართველოს ეკონომიკა მომავალ ხუთ წელიწადში, საშუალოდ 5,5%–ით გაიზრდება წელიწადში, რაც ყველაზე მაღალი მაჩვენებელია როგორც რეფგიონში, ისე ევროპაში.

რა გახდება ეკონომიკის ზრდის მიზეზი 2021 წელს

ეკონომიკის ზრდის ძირითადი ფაქტორი 2021 წელს ადგილობრივი მოთხოვნა იქნება, აცხადებს საქართველოს ეროვნული ბანკი.

რა იქნება საქართველოს ეკონომიკის ზრდის მიზეზი 2021 წელს>>

„წინასწარი ინდიკატორებით, ერთობლივი მოთხოვნა კვლავ სუსტია. არსებული შეფასებით, ეკონომიკური აქტივობა აგვისტოში წლიურად 5.3 პროცენტით შემცირდა“, – ნათქვამია ეროვნული ბანკის განცხადებაში.

დოკუმენტში აღნიშნულია, რომ ამ მაჩვენებლის გაუმჯობესებას ძირითადად, წინა თვეებთან შედარებით, ადგილობრივი მოთხოვნის გაჯანსაღება განაპირობებს, რაც ფისკალურ სტიმულს და საკრედიტო აქტივობისა და გზავნილების მოსალოდნელზე კარგ დინამიკას უკავშირდება.

7
თემები:
საქართველოს ეკონომიკა
ვალუტის გაცვლის პუნქტი

ლარის კურსი 31 ოქტომბერს

20
(განახლებულია 18:23 30.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0011 ლარით გამყარდა.

თბილისი, 31 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2327 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0011 ლარით გამყარდა.

ლარის კურსი 31 ოქტომბერს
ლარის კურსი 31 ოქტომბერს
20
თემები:
ლარის კურსი დღეს
არჩილ თალაკვაძე

თალაკვაძის არჩევანი: წლების განმავლობაში „ქართული ოცნება“ იდგა ადამიანების გვერდით

0
(განახლებულია 10:31 31.10.2020)
თალაკვაძის განცხადებით, მან ხმა მისცა იმ პოლიტიკურ გუნდს, რომელსაც დემოკრატიული მართვა და ქვეყნის შემდგომი განვითარების უზრუნველყოფა შეუძლია.

თბილისი, 31 ოქტომბერი – Sputnik. საქართველოს პარლამენტის თავმჯდომარე  არჩილ თალაკვაძემ საკუთარი არჩევანი თბილისის 151-ე საჯარო სკოლის შენობაში განთავსებულ საარჩევნო უბანზე დააფიქსირა.

„დღეს ძალიან მნიშვნელოვანი დღეა საქართველოს დემოკრატიული განვითარებისთვის. მე ხმა მივეცი იმ პოლიტიკურ გუნდს, რომელსაც დემოკრატიული მმართველობა და ქვეყნის შემდგომი განვითარების უზრუნველყოფა შეუძლია. დარწმუნებული ვარ, რომ დემოკრატიული რეფორმები, რომელიც ჩვენ გავატარეთ ამ წლების განმავლობაში, პოზიტიურად უზრუნველყოფს ჩვენი ქვეყნის მომავლის და შემდგომი განვითარების პროცესს“, — განაცხადა თალაკვაძემ.

ამასთან, პარლამენტის თავმჯდომარემ მადლობა გადაუხადა საზოგადოებას მხარდაჭერისთვის.

„როგორც იცით ყველა ავტორიტეტული კვლევებით „ქართული ოცნების“ მხარდაჭერა სხვადასხვა რეგიონში 35%-დან 60%-მდე იყო. შესაბამისად,  ჩვენ მოველით,, რომ ჩვენი საზოგადოება ძალიან დამაჯერებელ მხარდაჭერას უზრუნველყოფს ჩვენთვის. წლების განმავლობაში „ქართული ოცნება“ იდგა ადამიანების გვერდით და რა თქმა უნდა ჩვენ მადლიერნი ვართ, რომ დღეს ჩვენი თანამოქალაქეები დგანან ჩვენს გვერდით“, — ამბობს თალაკვაძე.

მისივე განცხადებით, ხელისუფლება უზრუნველყოფს, რომ არჩევნები სამართლიან და მშვიდ გარემოში ჩატარდეს და „არავის მისცემს საშუალებას, თავს დაესხას დემოკრატიას და იმ მონაპოვარს, რასაც თავისუფალი არჩევნები ჰქვია“.

პრეზიდენტმა ზურაბიშვილმა თავისი არჩევანი ერთ–ერთმა პირველმა გააკეთა>>

2020 წლის საპარლამენტო არჩევნები საქართველოში შერეული სისტემით ტარდება. ქვეყნის მოსახლეობამ 150 დეპუტატი უნდა აირჩიოს საკანონმდებლო ორგანოში — 120 პროპორციული და 30 მაჟორიტარული წესით.

მეათე მოწვევის პარლამენტის არჩევნებში 48 პარტია და ორი საარჩევნო ბლოკი მონაწილეობს.

0
თემები:
საქართველოს საპარლამენტო არჩევნები 2020