ქართული წარმოებიბს თაფლი

ბათუმში თაფლის ფესტივალი გაიხსნა

70
(განახლებულია 23:11 11.08.2018)
ფესტივალი ორდღიანია და ხვალ ის ბათუმის ბოტანიკურ ბაღში გადაინაცვლებს.

თბილისი, 11 აგვისტო — Sputnik. ბათუმში აჭარის მეფუტკრეობის ბიზნესასოციაციის ორგანიზებით თაფლის ფესტივალი გაიხსნა, ნათქვამია ასოციაციის მიერ გავრცელებულ განცხადებაში.

ბულვარის ტერიტორიაზე პროდუქცია საქართველოს მასშტაბით თითქმის ყველა რეგიონიდან 40-ზე მეტმა ცნობილმა მეფუტკრემ გამოფინა. ვიზიტორებს ფესტივალზე წარმოდგენილი რამდენიმე სახეობის თაფლის დაგემოვნების და შეძენის საშუალებაც ჰქონდათ.

ფესტივალზე წარმოდგენილი იყო ჯარას ტრადიციული მეფუტკრეობა და ჯარას თაფლი, მეფუტკრეობის აღჭურვილობა, სოფლად ტურიზმისა და გოდერძის ალპური ბაღის საინფორმაციო კუთხეები, საგანმანათლებლო დაწესებულებები, რომლებიც მეფუტკრეობის შესწავლასა და განვითარებას უწყობენ ხელს.

„უკვე მეოთხედ იმართება თაფლის ფესტივალი ბათუმში და პირველისგან განსხვავებით, მეფუტკრეობასა და თაფლის წარმოების განვითარებაში მნიშვნელოვანი ნახტომი შეინიშნება. ქართულ თაფლს უდიდესი პერსპექტივები აქვს“, – განაცხადა აჭარის სოფლის მეურნეობის მინისტრმა ტიტე აროშიძემ.

ფესტივალი ორდღიანია და ხვალ ის ბათუმის ბოტანიკურ ბაღში გადაინაცვლებს.


70
თემები:
საქართველოს სოფლის მეურნეობა (79)