XVIII საუკუნის ციხესიმაგრე ანაკლიაში

მომავალი იწყება დღეს: როგორი იქნება საქართველოს ულტრათანამედროვე ქალაქი

223
(განახლებულია 00:25 28.02.2018)
ანაკლიაში ულტრათანამედროვე ქალაქის კონცეფციის შექმნაზე იმუშავებს ავტორიტეტული საერთაშორისო კომპანია BuroHappold Engineering-ი, რომელიც ურბანისტული დაგეგმარების კუთხით მსოფლიოში ერთ-ერთი წამყვანია

ანაკლიის განვითარების კონსორციუმის წარმომადგენლების მონაცემებით, კონცეფციის შემუშავება ექვს თვეს გაგრძელდება, შემდეგ მისი კორექტირება მოხდება.

აქ იქნება პორტი, თავისუფალი ეკონომიკური ზონები, იპოდრომი, რკინიგზა, აეროპორტი და ყველაფერი, რაც ქალაქში ცხოვრებისთვის არის საჭირო — სასტუმროები, საცხოვრებელი კომპლექსები, კვების ობიექტები და სხვ. პროექტის შემქმნელები არ გამორიცხავენ, რომ ქალაქი ტურისტებისთვისაც მიმზიდველი იქნება. ანაკლია-სიტი ევროპასა და აზიას შორის ერთგვარი კარიბჭე იქნება.

შანხაი, ტოკიო, დუბაი… ანაკლია?

კონსორციუმში შემავალი კომპანია TBC Holding-ის დამფუძნებელი მამუკა ხაზარაძე ამტკიცებს, რომ ანაკლია 21-ე საუკუნის ქალაქი იქნება.

„ჩვენ ვგეგმავთ ისეთი ქალაქის აშენებას, რომლის მშენებლობის დასრულების მერე, რომ ერთი შეხედვით ვერავინ მიხვდეს, სად მდებარეობს ეს ქალაქი — საქართველოში, ჩინეთში, იაპონიაში თუ სხვა ნებისმიერ ქვეყანაში, სადაც ახალი, ულტრათანამედროვე ქალაქები შენდება. ეს იქნება ქართული სულისა და ხასიათის ქალაქი“, — განაცხადა ხაზარაძემ BuroHappold-თან ხელშეკრულების ხელმოწერისადმი მიძღვნილ ღონისძიებაზე.

მისი თქმით, საქართველოში დღეისათვის არ არსებობს ურბანული დაგეგმარების კვალიფიციური სპეციალისტები, ამიტომ დახმარება უცხოელ სპეციალისტებს სთხოვეს. ტენდერში 40 კომპანია მონაწილეობდა, მაგრამ პროექტის შემუშავებისთვის კონსორციუმმა, მისი აზრით, საუკეთესო კანდიდატი შეარჩია.

„თუმცა, პროექტში ქართველი სპეციალისტებიც ჩაერთვებიან — ურბანისტები, არქიტექტორები, ვისთვისაც აღნიშნულ სფეროში ეს სერიოზულ პროფესიონალად ჩამოყალიბებისთვის ახალი შესაძლებლობა იქნება. ქალაქი მაინც ერთ დღეში ვერ აშენდება, — ეს მუდმივი პროცესია, მუდმივი ძიებაა, და მე დარწმუნებული ვარ, რომ რამდენიმე წლის შემდეგ ჩვენ გვეყოლება ადგილობრივი პროფესიონალების საკმაოდ სერიოზული ჯგუფი, რომლებიც ქალაქის აშენებას თვითონ გააგრძელებენ“, — განაცხადა ხაზარაძემ.

ქალაქი არამარტო ბიზნესისათვის

კომპანია Anaklia City-ს აღმასრულებელი დირექტორის ქეტი ბოჭორიშვილის თქმით, ანაკლია უნდა იქცეს არამარტო ბიზნესის ქალაქად, არამედ საცხოვრებლად აბსოლუტურად კომფორტულ და სასიამოვნო ადგილად.

„ჩვენ გვინდა, რომ ანაკლიამ არამარტო ბიზნესმენები, არამედ რიგითი ადამიანები გააერთიანოს“, — აღნიშნავს ბოჭორიშვილი.

Проект города Анаклия
© Sputnik / Levan Avlabreli
ქალაქ ანაკლიის პროექტი

მამუკა ხაზარაძემ კი აღნიშნა, რომ კონსორციუმი ცენტრალური პარკისა და იპოდრომის აშენებას გეგმავს.

„ჩვენ გვინდა ცენტრალური პარკის აშენება, ჩვენ ასევე მზად ვართ ხელი მოვკიდოთ ჩვენი მოსახლეობისა ან სპეციალისტების ნებისმიერ იდეას ქალაქის მშენებლობაზე. არსებობს ასეთი ჩანაფიქრი — საერთაშორისო იპოდრომის მშენებლობის, რადგან აფხაზეთი და სამეგრელო საქართველოს ისეთი რეგიონებია, სადაც ცხენებისადმი განსაკუთრებული დამოკიდებულებაა. ეს მოგვცემს საშუალებას კიდევ უფრო დავაახლოვოთ ერთმანეთთან ადადმიანები და გავაკეთოთ არამარტო ფინანსური, ლოგისტიკური და საპორტო ქალაქი, არამედ ისეთი ადგილი, სადაც ადამიანები საცხოვრებლად და დროის გასატარებლად ჩამოვლენ“, — ხაზგასმით აღნიშნა ხაზარაძემ.

ანაკლიის ინდუსტრიული ზონა

მომავალი ინდუსტრიული ზონის კონცეფციის შემუშავებამდე, Anaklia City-ს გუნდმა მსოფლიოში არსებულებიდან ყველაზე წარმატებულების გამოცდილება შეისწავლა.

„ვიცით, რომ ასეთი ზონა ძალიან ბევრია, მაგრამ წარმატებული მხოლოდ რამდენიმეა, ალბათ, არაუმეტეს 30-ისა მთელს მსოფლიოში. შესაბამისად, ჩვენი მიზანია, რომ ანაკლია ამ ყველაზე წარმატებულების სიაში შევიდეს“, — განაცხადა ბოჭორიშვილმა.

ამ კუთხით ანაკლიას ადგილმდებარეობა უნიკალურია. ქალაქი შეასრულებს ევროპიდან აზიაში და პირიქით დერეფნის როლს. ეს „მომავლის ქალაქის“ წარმატების საწინდარი შეიძლება გახდეს.

„ეს ხელს შეუწყობს ჩინეთთან უმნიშვნელოვანესი პროექტების განხორციელებას პროგრამის „ერთი სარტყელი — ერთი გზა“ ფარგლებში. არანაკლებ მნიშვნელოვანია გზა ინდოეთიდან ევროპაში“, — ხაზგასმით აღნიშნა ბოჭორიშვილმა.


223
თემები:
საქართველოს ეკონომიკა–2018 (540)
ატმის მოსავალი კახეთში

ქართული ატამი და ვაშლატამა ექსპორტზე: სად და რამდენი გაიტანეს

25
(განახლებულია 21:08 03.08.2020)
ქართული ატამი და ვაშლატამა ძირითადად რუსეთში, სომხეთსა და აზერბაიჯანში გააქვთ. ატმისა და ვაშლატამას მოსავლის აღება აქტიურ ფაზაშია

თბილისი, 3 აგვისტო – Sputnik. საქართველოდან უკვე 16 273 ტონა ატამი და ვაშლატამაა ექსპორტირებული, რაც 6 521 ტონით მეტია წინა წლის ანალოგიური პერიოდის მაჩვენებელზე, იუწყება საქართველოს გარემოს დაცვისა და სოფლის მეურნეობის სამინისტრო.

ქართული ატმისა და ვაშლატამას ძირითადი საექსპორტო ქვეყნებია რუსეთი, სომხეთი და აზერბაიჯანია.

2 აგვისტოს მდგომარეობით, რუსეთში ექსპორტირებულია 10 108 ტონა ატამი და ვაშლატამა, რაც მთლიანი მაჩვენებლის 62% შეადგენს,  სომხეთში გატანილია 5 323 ტონა, (33%) ხოლო აზერბაიჯანში -543 ტონა (3%).

ექსპორტი ასევე ხორციელდება ყაზახეთში, მოლდოვაში, სლოვენიაში, უკრაინასა და სინგაპურში.

უწყების ცნობით, ატმისა და ვაშლატამას მოსავლის აღება აქტიურ ფაზაშია.

მოსავლის შეუფერხებლად დაბინავებისა და რეალიზებისთვის  კი სრული დატვირთვით 22 სამაცივრო მეურნეობა მუშაობს.

ატმის ექსპორტის ხელშეწყობის მიზნით, საჭირო დოკუმენტაციის მომზადება და გაცემა „ერთი ფანჯრის“ პრინციპით ხორციელდება. პროცესში ჩართული არიან ფიტოსანიტარიული და საბაჟო სამსახურების წარმომადგენლები. 

კორონავირუსის პანდემიის გამო შექმნილი სირთულეების მიუხედავად, საქართველო შეუფერხებლად ახორციელებს ატმისა და ვაშლატამას ექსპორტს. სოფლის მეურნეობის სამინისტრომ გახსნა „მწვანე დერეფანი“, რომლის წყალობითაც ექსპორტიორები ახერხებენ ხილის სწრაფად გატანას საზღვარგარეთ COVID-19-ის გამო დაწესებული შეზღუდვების პირობებშიც კი.

ქართული ატმის იმპორტი რუსეთში შეუფერხებლად მიმდინარეობს>>

უწყებაში აღნიშნავენ, რომ გარემოს დაცვისა და სოფლის მეურნეობის სამინისტროში შექმნილია სამუშაო ჯგუფი, რომელიც აქტიურად მუშაობს ინფორმაციის მოპოვების, სისტემატიზაციის, ფერმერებისა და ატმის რეალიზატორების  დაკავშირების მიმართულებებით.

25
თემები:
საქართველოს სოფლის მეურნეობა
ვალუტის კურსი

ლარის კურსი 3 აგვისტოს

362
(განახლებულია 21:56 02.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 3 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0719 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

ლარის კურსი 3 აგვისტოს
362
თემები:
ლარის კურსი დღეს
გიორგი შაქარაშვილის სახელობის სტადიონი

თბილისში ერთ–ერთი სტადიონი შაქარაშვილის სახელობის გახდა

0
(განახლებულია 21:28 03.08.2020)
მაისური ნომრით 21 კლუბ „საბურთალოში“ მუდამ გიორგი შაქარაშვილისა დარჩება და ის გუნდის მუზეუმში შეინახება

თბილისი, 3 აგვისტო – Sputnik. საფეხბურთო კლუბმა „საბურთალომ“ დაღუპული 19 წლის ფეხბურთელის გიორგი შაქარაშვილის სახელობის სტადიონი გახსნა.

გიორგი შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა.

შაქარაშვილის გარდაცვალების საქმეს, რომელმაც დიდი საზოგადოებრივი რეზონანსი მიიღო, ორი – თავისუფლების უკანონო აღკვეთისა და ძალადობის მუხლით იძიებენ.

დაღუპული ფეხბურთელის სახელი საფეხბურთო აკადემია „საბურთალოს“ ერთ–ერთ სტადიონს მიენიჭა, რომელიც იოსებიძის ქუჩაზე მდებარეობს. გახსნას ესწრებოდნენ კლუბის ხელმძღვანელები, შაქარაშვილის ოჯახის წევრები, მეგობრები და პარტნიორები.

კლუბის პრეზიდენტმა ტარიელ ხეჩიკაშვილმა აღნიშნა, რომ მაისური №21 წარწერით „შაქარა" კლუბ „საბურთალოში“ მუდამ გიორგის კუთვნილება იქნება და ის კლუბის მუზეუში შეინახება.

გიორგი შაქარაშვილი დუბლშემადგენლობის მოთამაშე იყო. ხელმძღვანელობა და მწვრთნელთა შტაბი მასზე დიდ იმედებს ამყარებდნენ.

0
თემები:
19 წლის გიორგი შაქარაშვილის მკვლელობის საქმე