იუსტიციის სახლი თბილისში

სამაგალითო მოდელი: საქართველოს ეროვნული ბანკის მუშაობამ მსოფლიო აღიარება მოიპოვა

50
(განახლებულია 09:14 26.12.2017)
ეროვნული ბანკის სტრეს-ტესტირების ჩატარების მოდელის შესწავლა სხვა ქვეყნებს ურჩიეს

თბილისი, 26 დეკემბერი — Sputnik. ბაზელის საბანკო ზედამხედველობის კომიტეტმა საქართველოს ეროვნული ბანკის მიღწევა რისკების ზედამხედველობის სფეროში სამაგალითოდ აღიარა, აღნიშნულია ეროვნული ბანკის ვებ-გვერდზე განთავსებულ განცხადებაში.

ბაზელის საბანკო ზედამხედველობის კომიტეტი საერთაშორისო ანგარიშსწორების ბანკთან არსებული ცენტრალური ბანკების წარმომადგენელთა გაერთიანებაა, რომელიც საბანკო საქმიანობის სტანდარტების გამომუშავების მიზნით წელიწადში ოთხჯერ იკრიბება.

ბაზელის საბანკო ზედამხედველობის კომიტეტმა გამოაქვეყნა დოკუმენტი Supervisory and bank stress testing: range of practices, რომელშიც შეჯამებულია საერთაშორისო პრაქტიკა ბანკების სტრეს-ტესტირების პროცესთან დაკავშირებით და საქართველოს ეროვნული ბანკის პრაქტიკა სამაგალითო მოდელად არის მოყვანილი.

დოკუმენტის თანახმად, საქართველოს ეროვნულმა ბანკმა დაენერგა GRAPE (General Risk Assessment Process) საზედამხედველო მიდგომა, რომელიც ითვალისწინებს შოკების სექტორულ განაწილებას, რაც ბანკს საშუალებას აძლევს შეაფასოს ცალკეული მსესხებლის გადახდისუნარიანობა ფინანსური პრობლემების შემთხვევაში.

ეს მიდგომა ეფუძნება მაღალ გამჭვირვალობას და ის სწორ მოტივაციასა და გასაგებ მითითებას აძლევს საბანკო სექტორს.

დოკუმენტში ასევე აღნიშნულია, რომ საქართველოს ეროვნული ბანკის მიდგომა შეიძლება საინტერესო იყოს სხვა ქვეყნებისთვის, სადაც ეკონომიკის სტრუქტურული ცვლილების გამო ფინანსური სექტორის გრძელვადიანი სანდო მონაცემები არაა ხელმისაწვდომი და სტატისტიკური მოდელირება მაღალი რისკით ხასიათდება.

ბაზელის საბანკო ზედამხედველობის კომიტეტში საქართველოს ეროვნული ბანკი 2014 წელს მიიწვიეს.

 

50
თეგი:
საქართველოს ეროვნული ბანკი
თემები:
საქართველოს ეკონომიკა–2018 (540)
სვანეთის მთები

EBRD საქართველოს ელექტროგადამცემი ქსელის გაძლიერებისთვის 90 მილიონ ევროს გამოუყოფს

61
(განახლებულია 14:30 31.05.2020)
საფინანსო ინსტიტუტსა და საქართველოს მთავრობას შორის ხელშეკრულების გაფორმება მიმდინარე წლის ივნისშია დაგეგმილი

თბილისი, 31 მაისი — Sputnik. ევროპის რეკონსტრუქციის და განვითარების ბანკი (EBRD) მაღალმთიან სვანეთში ელექტროგადამცემი ქსელის გაძლიერების მასშტაბურ პროექტს დააფინანსებს და  საქართველოს მთავრობასთან როგორც კრიზისულ, ისე პოსტკრიზისულ პერიოდშიც აქტიურ თანამშრომლობას გააგრძელებს, იუწყება მთავრობის პრესსამსახური.

EBRD აპირებს 90 მლნ ევროს გამოყოფას. ეს თანხა სვანეთში 500/220/35 კვ ნენსკრას ქვესადგურის, ნენსკრა-მესტიის ელექტროგადამცემი ხაზის, 500 კვ ლაჯანური-წყალტუბოს, 220 კვ წყალტუბო-ნამახვანისა და ნამახვანი - ტვიში - ლაჯანურის ელექტროგადამცემი ხაზების მშენებლობას მოხმარდება.

მხარეები შეთანხმდნენ, რომ შესაბამის ხელშეკრულებას ივნისში გააფორმებენ. კომპანია, რომელიც სამშენებლო სამუშაოებს განახორციელებს, ტენდერის შედეგად გამოვლინდება.

აღნიშნული გადაწყვეტილება მიღებული ვიდეოკონფერენციაზე, რომელშიც მონაწილეობდნენ საქართველოს მთავრობის წარმომადგენლები ფინანსთა მინისტრის, ივანე მაჭავარიანის ხელმძღვანელობით, ასევე EBRD-ის რეგიონული დირექტორი კავკასიაში კატარინა ბიორლინ ჰანსენი, ბანკის მმართველი დირექტორი აღმოსავლეთ ევროპასა და კავკასიაში მატეო პატრონე.

აღინიშნა EBRD-ის, როგორც საქართველოს ძლიერი პარტნიორის როლი, საჯარო და კერძო სექტორთან თანამშრომლობის კუთხით. შეხვედრისას ითქვა, რომ მნიშვნელოვანი პროექტები, რომლებიც მომდევნო პერიოდში ბანკის აქტიური მხარდაჭერით განხორციელდება, სახელმწიფო საკუთრებაში არსებული კომპანიების რეფორმას და საქართველოს ელექტროსისტემის კორპორატიზაციის საკითხებს შეეხება.

EBRD თბილისის მეტროს რეაბილიტაციას 75 მილიონი ევროთი დააფინანსებს >>

აგრეთვე, საუბარი შეეხო ენგურის რეაბილიტაციის, ბაკურიანის მუნიციპალიტეტისა და სხვა მუნიციპალური მხარდაჭერის პროექტებს.

შეხვედრისას, მხარეებმა განსაკუთრებული ყურადღება დაუთმეს EBRD-ის მიერ ქართული ბანკებისა და სხვა ბიზნესსტრუქტურებისთვის გამოყოფილ დაფინანსებას, რომელთა ხელშეწყობაც, ფინანსებზე ხელმისაწვდომობის კუთხით, მთავრობისთვის პრიორიტეტულია.

EBRD-ი საქართველოს მთავრობასთან პოსტკრიზისულ პერიოდშიც აქტიურ თანამშრომლობას გააგრძელებს, დაეხმარება ქვეყანას ეკონომიკური განვითარების მაღალი ტემპის დასაბრუნებლად, ხოლო ქვეყნის განვითარებისკენ მიმართული მიმდინარე ერთობლივი პროექტები კი შეუფერხებლად განხორციელდება.

EBRD წამყვანი ინსტიტუციური ინვესტორია საქართველოში. ქვეყანაში ოპერირების დაწყების მომენტიდან ბანკმა 249 ფინანსურ, კორპორაციულ და ენერგეტიკულ პროექტში 3,7 მილიარდი ევროს ინვესტიცია განახორციელა. ინვესტიციების 87% კერძო სექტორზე მოდის.

 

61
თემები:
საქართველოს ენერგეტიკა
ბეტონის ნაკეთობათა ქარხანა

„უარესი იქნება“ - ნათია თურნავა მშპ-ს კატასტროფული ვარდნის შესახებ საუბრობს

94
მოსალოდნელი 5%-იანი ეკონომიკური ზრდის ნაცვლად საქართველოში საშუალოდ 5%-იანი ვარდნა დაფიქსირდა - კორონავირუსის პანდემიის ფონზე თითქმის ყველა დარგი დაზარალდა

თბილისი, 30 მაისი – Sputnik. საქართველოს ეკონომიკის მინისტრმა ნათია თურნავამ განაცხადა, რომ ქვეყანას ეკონომიკური განვითარების კუთხით მძიმე პერიოდი ელის.

თურნავა: საქართველოში საუკეთესო ბიზნეს გარემოა შექმნილი >>

კორონავირუსის პანდემიის ფონზე 2020 წლის აპრილში მშპ-ის მოცულობამ, გასული წლის ანალოგიურ პერიოდთან შედარებით, 16,6%-ით დაიკლო. სერიოზული კლება აპრილში დაფიქსირდა ქვეყნის ეკონომიკის პრაქტიკულად ყველა სფეროში, ზრდა კი – მხოლოდ სამთომოპოვებით მრეწველობაში.

„აპრილის თვეში 16 პროცენტიანი, უფრო მეტი – 16.6 პროცენტიანი ვარდნა მოსალოდნელი იყო. ამ დროს იყო ზუსტად საგანგებო ვითარება, როდესაც ეკონომიკური საქმიანობა შეზღუდული იყო და ეს გაკეთდა შეგნებულად, რათა დაგვეცვა ჩვენი მოსახლეობა ეპიდემიის გავრცელებისგან. თუმცა არ დაგიმალავთ, მაისიც ძალიან მძიმე იქნება და ივნისიც მძიმე იქნება“, - განაცხადა თურნავამ.

მისი თქმით, ეკონომიკური ზრდის ვარდნა წლის ბოლომდე გაგრძელდება, მაგრამ საქართველო ყველაფერს გააკეთებს იმისათვის, რომ 2021 წლისთვის სიტუაცია გამოსწორდეს. ამასთან ეკონომიკის მინისტრმა გამოთქვა ვარაუდი, რომ მშპ -5%-მდე დაეცემა.

„მთლიანად წელიწადი არ იქნება სახარბიელო, რადგან მოსალოდნელი 5 პროცენტიანი ზრდის ნაცვლად, მივიღებთ საშუალოდ 5 პროცენტიან ვარდნას“, - განაცხადა თურნავამ.

კორონავირუსი ეკონომიკის წინააღმდეგ

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. საქართველოში 21 მარტს გამოცხადებული საგანგებო მდგომარეობა 23 მაისამდე გაგრძელდა. ამჟამად შეზღუდვები ეტაპობრივად იხსნება.

საქართველოს ეკონომიკა პანდემიისა და გლობალური კრიზისის ფონზე მძიმე მდგომარეობაში აღმოჩნდა. საერთაშორისო ორგანიზაციები წელს უარყოფითი ეკონომიკური ბალანსის პროგნოზს აკეთებენ, თუმცა აქვე აღნიშნავენ, რომ 2021 წელს საქართველო ცხოვრების ჩვეულ რიტმს დაუბრუნდება. ამასთან, საერთაშორისო ორგანიზაციების მონაცემებით, საქართველოს ეკონომიკა საშუალოდ –4%-მდე შემცირდება.

ყველაზე პესიმისტური, როგორც საქართველოში მიაჩნიათ, არის ევროპის რეკონსტრუქციისა და განვითარების ბანკის პროგნოზი, რომლის თანახმად, საქართველოში 2020 წელს მშპ 5,5%-ით შემცირდება, 2021 წელს კი ეკონომიკა 5,5%-ით გაიზრდება.

საერთაშორისო სავალუტო ფონდი (სსფ) ვარაუდობს, რომ საქართველოს ეკონომიკის ვარდნა 2020 წელს 4%-ს მიაღწევს, ინფლაცია კი 4,6% იქნება.

თუმცა, ამასთან, სსფ-ის პროგნოზი 2021 წლისთვის საკმაოდ ოპტიმისტურია. ფონდის შეფასებით, უკვე 2021 წელს საქართველოს ეკონომიკა 3%-ით მოიმატებს, ინფლაცია კი 3,7%-მდე შემცირდება.

საქართველო პირველი ქვეყანა გახდა, რომელიც სსფ-სგან კრიზისის პერიოდში დახმარებას მიიღებს. სსფ დათანხმდა პროგრამა „გაფართოებული დაფინანსების მექანიზმის“ გაგრძელებას, რაც ნიშნავს საქართველოსთვის 447 მლნ დოლარის გამოყოფას წლის ბოლომდე.

გარდა ამისა, ზოგიერთი საერთაშორისო დონორი საქართველოს 2020 წლის ბოლომდე ჯამში 1,5 მილიარდ აშშ დოლარს გამოუყოფს.

94
თემები:
საქართველოს ეკონომიკა
პეპელა

კვირის ასტროპროგნოზი: რას გვიმზადებენ ვარსკვლავები 1–7 ივნისის პერიოდში

0
(განახლებულია 22:16 31.05.2020)
ვარსკვლავებისა და პლანეტების ენერგეტიკა ამ კვირაში საკმაოდ ხელსაყრელია, ამიტომ თავისუფლად შეგიძლიათ შეუდგეთ მნიშვნელოვანი საქმეების გაკეთებას

ეცადეთ, მიჰყვეთ ასტროლოგების რჩევებს, რათა ზაფხულ პოზიტიური განწყობით დაიწყოთ. მთავარია, არ იზარმაცოთ და აპათიას  არ აჰყვეთ

ვერძი

იღბალი მუდამ თქვენ გვერდით იქნება, უბრალოდ, ხელი უნდა გაიწოდოთ, საკუთარ თავსა და საქმეებს სწორი იმპულსი მისცეთ. ენდეთ ინტუიციას და მიჰყევით მის ნაკარნახევ გზას. კარგი იქნება, თუ რამე ახალ საქმეს წამოიწყებთ ან სასიყვარულო სფეროში გააქტიურდებით.

ეცადეთ, არ აჰყვეთ ნეგატიურ განწყობას, მან პრობლემების ზრდის პროვოცირება შეიძლება გამოიწვიოს. არ „ჩაიციკლოთ უარყოფით მოგონებებზე ნაკლებად მოუსმინეთ ადამიანებ, რომლებიც ძაბავენ ვითარებას, სკეპტიციზმს ამჟღავნებენ და მუდამ „ცხვირჩამოშვებული“ არიან.

კურო

კვირის პირველ ნახევარში, შესაძლოა თქვენი განწყობა ძალიან შეირყეს. თავს შეგახსენებთ ნოსტალგია და სენტიმენტალიზმი. ეცადეთ, განდევნოთ ცუდი აზრები, აიმაღლოთ პროდუქტიულობა და წინსვლის სურვილი დაიბრუნოთ.

კვირის მეორე ნახევარი, 4–7 ივნისი პლანეტების ჰარმონიული ურთიერთმოქმედების ეგიდით ჩაივლის. ეს იქნება იდეალური დრო რომანტიკისთვის, საყვარელ ადამიანთან ურთიერთობებისთვის. მარტოხელებმა შეგიძლიათ, თამამად განაცხადოთ თქვენი გრძნობების შესახებ, თუმცა, სიფრთხილეც არ დაივიწყოთ, რათა ადამიანი, რომელიც მოგეწონათ, არ დააფრთხოთ.

ტყუპი

ტყუპებისთვის ხელსაყრელი პერიოდი იწყება, მაგრამ თუ შინაგან დემონებსა და ნეატოვს არ შეებრძოლებით, ყველაფერი კარგად ვერ წარიმართება. გაერკვიეთ თქვენს წყენებში, შურში, ბრაზში. რაც უფრო კარგ განწყობაზე იქნებით, მით უფრო მეტ წარმატებას მიაღწევთ სხვადასხვა სფეროში.

იქნება სტაბილური კვირა, თვითონ შეგიძლიათ შეარჩიოთ, დრო რას დაუთმოთ – მეტ მუშაობას თუ მეტ დასვენებას, თავად დაგეგმოთ თქვენი ცხოვრება სურვილის მიხედვით. ვარსკვლავები ქარიზმას შეგმატებენ, ამიტომ სიყვარულში უფრო გაგიმართლებთ, ვიდრე საქმეებში.

კირჩხიბი

კვირის პირველ ნახევარში ვარსკვლავები ძლიერ დისჰარმონიაში იქნებიან, რამაც თქვენში, შესაძლოა, მავნე ჩვევები გაააქტიუროს. 1 და 2 ივნისი ნეგატიური დღეებია, მაგრამ თუ ცუდზე არ იფიქრებთ, მიზნების მიღწევაში ვერაფერი შეგიშლით ხელს. არ იჩქაროთ დასკვნების გამოტანა და მნიშვნელოვანი გადაწყვეტილებების მიღება.

ოთხშაბათიდან ვარსკვლავების ენერგეტიკა მკვეთრად გაუმჯობესდება და შესაბამისად, თქვენი განწყობაც გამოკეთდება. შესაძლებელი გახდება, გაარკვიოთ საკუთარი დანიშნულება ცხოვრებაში, დაისახოთ მნიშვნელოვანი მიზნები შემდეგი რამდენიმე თვისთვის, გვერდი აუაროთ საშიშროებებს და დაივიწყოთ უსიამოვნო მოვლენები.

ლომი

ამ კვირაში თქვენთვის მხოლოდ ერთი დღე – 3 ივნისი შეიძლება იყოს საშიში და არაპროგნოზირებადი. ამ დღეს ვარსკვლავები დესტრუქციულ ენერგიას გამოასხივებენ, მაგრამ თუ რთულ სიტუაციებში ოპტიმიზმს შეინარჩუნებთ, თავდაჯერებულობა და იღბალი არ მიგატოვებთ.

კვირის მეორე ნახევარი იდეალურია სულიერი ძიებების, დასვენებისა და ღრმა თვითანალიზისთვის. უქმეები დინამიკური და არასტანდარტული გელოდებათ. შეიძლება ისე დასვენება, როგორზეც დიდი ხანია, ოცნებობდით, მაგრამ ვერ ახერხებდით. ირგვლივ მყოფები თქვენს განწყობაზე მნიშვნელოვან როლს შეასრულებენ.

ქალწული

ასტროლოგები ქალწულებს გირჩევენ, ყურადღებიანი იყოთ საყვარელი ადამიანების გრძნობებისა და აზრების მიმართ. არ ღირს ამ ადამიანების პროვოცირება ნეგატივზე, სჯობს, იზრუნოთ მათზე. ეს ყველაზე კარგად შეგიძლიათ, ასე რომ, ამ კვირაში იყავით ის, ვინც ხართ.

უქმეებზე გაგიჭირდებათ სულიერი ქაოსის, გაუგებრობებისა და მერყეობის თავიდან აცილება. შესაძლოა, დასვენება ან სახლში ფუსფუსი გჭირდებათ. წაგადგებათ საყვარელი ფილმის ყურება, წიგნის წაკითხვა, განმარტოება, ან, თუნდაც, საყვარელ მეგობრებთან დროსი გატარება.

სასწორი

ზაფხულის დასაწყისი თქვენთვის ხელსაყრელი დროა სასიყვარულო თავგადასავლებისთვის. იდეალური დროა მეორე ნახევრის მოსაძებნად, ფლირტისა და ხანმოკლე რომანებისთვის.

ვისაც ჰყავს პარტნიორი, სასურველია, მას მეტი დრო დაუთმოს, მაგრამ სამუშაოც არ დაივიწყოთ. ამ კვირაში მნიშვნელოვანი გადაწყვეტილებების მიღება მოგიწევთ, საჭიროა მხოლოდცოტაოდენი თავდაჯერებულობა და სითამამე.

მორიელი

მორიელებს ამ კვირაში საქმეებსა და ბიზნესში ძალიან გაგიმართლებთ. იდეალური დროა გარიგებების დადების, შეთანხმებებზე ხელმოწერის, სამუშაოს შეცვლისთვის... წარმატება ელოდება ასევე შემოქმედებით ადამიანებს. სიფრთხილე მართებს მათ, ვისაც ხშირად უწევს მივლინებებში წასვლა.

პარასკევსა და შაბათს, ვარსვლავებისა და პლანეტების „ხელშეწყობით“, შესაძლოა, თქვენი ნიშნისთვის ტიპური შეცდომები დაუშვათ. ამ დღეებში აჯობებს, თუ ნაკლებად იაქტიურებთ სამსახურში და მეტ დროს დაუთმობთ ოჯახს, მეგობრებს, სახლის საქმეებსა და დასვენებას.

მშვილდოსანი

ძალზე პოზიტიური პერიოდი გელოდებათ. ვარსკვლავები და პლანეტები ძალიან მშვიდი არიან, მათი ენერგია კი აღმშენებლობითია. შეგიძლიათ, ამბიციური გეგმები დაისახოთ. ვერავინ შეაჩერებს მოტივირებულ და პოზიტივით დამუხტულ მშვილდოსნებს.

ამ კვირაში შეგიძლიათ დაიმკვიდროთ თავი, აიმაღლოთ ავტორიტეტი გარემომყოფების თვალში. ასტროლოგები გირჩევენ, იყოთ მეტად მოქნილი და მზადმყოფნი იდეოლოგიის შეცვლისთვის. უნდა შეებრძოლოთ სიხარბესა და ეჭვიანობას – ეს უკან დაგხევთ და იღბალს დააფრთხობს.

თხის რქა

კვირის დასაწყისი ხელსაყრელი იქნება. პირველი ორი დღე სამუშაოსა და სახლის საქმეებს მიუძღვენით. გადადეთ გასართობი ღონისძიებები. ოთხშაბათიდან მოსალოდნელი მკვეთრი ცვლილებები და მოულოდნელი მოვლენები.

თუ საქმეებში არ გაგიმართლებთ, სიყვარულის სფეროზე გადაიტანეთ ყურადღება და პირიქით, ვისაც სიყვარულში გაუცრუვდება იმედები, მუშაობაზე გადაერთეთ. მთავარია, არ დაკარგოთ საკუთარი თავის რწმენა და ხელები არ ჩამოუშვათ, თუ რამე ისე არ წავა, როგორც დაგეგმილი გქონდათ. ასევე გაითვალისწინეთ, რომ არ ღირს საკუთარი გეგმების სხვებისთვის განდობა.

მერწყული

ძალზე ხელსაყრელი და პროდუქტიული პერიოდი გელოდებათ. ვარსკვლავები დაგეხმარებიან ოცნებების ახდენაში, მნიშვნელოვანი მიზნების მიღწევაში სიყვარულშიცა და სამუშაოზეც. ბევრი იფიქრეთ კარგზე და უკუაგდეთ ნეგატიური ფიქრები.

საქმეებშიცა და სასიყვარულო ფრონტზეც ეცადეთ, არ ითავხედოთ და არ იეშმაკოთ. ტყუილი კარგ არაფერს მოგიტანთ, ხოლო გულწრფელობა და პოზიტიური განწყობა დაგეხმარებათ მოტივაციის ამაღლებაში. იდეალური კვირაა ახალი ცოდნის მიღებისთვის.

თევზები

ეცადეთ, დაძლიოთ სტერეოტიპული აზროვნებისადმი სწრაფვა. ასტროლოგები გირჩევენ, ხშირად იფიქროთ საკუთარი თავით და დასკვნები არ გამოიტანოთ სხვისი სუბიექტური მოსაზრების საფუძველზე. ეცადეთ, ჭეშმარიტებას ჩაწვდეთ.

სიყვარულში იუმორის გრძნობა და ინტუიცია დაგეხმარებათ – მეექვსე გრძნობა ამ კვირაში საკმაოდ გამძაფრებული გექნებათ და დაგეხმარებათ სხვადასხვა პრობლემის გადაჭრაში. ასევე მოუსმინეთ უფროსი თაობის რჩევებს.

0