ერთ-ერთი ბენზინგასამართი სადგური საქართველოში

გაიაფდება თუ არა ბენზინი საქართველოში

127
(განახლებულია 09:25 22.12.2017)
მსოფლიო ფასების სტაბილურობა ნავთობპროდუქტებზე და ეროვნული ვალუტის გამყარება ძრავის საწვავზე ფასების შემცირებას გამოიწვევს

თბილისი, 22 დეკემბერი — Sputnik. საქართველოში საწვავი შეიძლება გაიაფდეს — ზოგიერთმა მცირე კომპანიამ, რომლებიც ქართულ ბაზარზე ოპერირებენ, უახლოეს დღეებში, შესაძლოა, ფასები საშუალოდ 5-6 თეთრით შეამციროს, განუცხადა „Sputnik-საქართველოს" საქართველოს ნავთობპროდუქტების იმპორტიორთა კავშირის თავმჯდომარემ, ვანო მთვრალაშვილმა.

ქართული ეროვნული ვალუტის ვარდნამ ოქტომბრის დასაწყისიდან საავტომობილო საწვავზე ფასების ზრდა გამოიწვია — ბოლო თვენახევარში ფასები ერთ ლიტრ ბენზინსა და დიზელის საწვავზე საშუალოდ 10-15 თეთრით გაიზარდა.

საწვავის ფასი საცალო ქსელში ორ მთავარ ფაქტორზეა დამოკიდებული — ესაა ნავთობპროდუქტებზე საერთაშორისო ფასი Platt's-ის მიხედვით და ლარის გაცვლითი კურსი დოლართან მიმართებით, აღნიშნა მთვრალაშვილმა.

„ბოლო დღეებში ლარი დოლართან მიმართებით გამყარდა და ეს ძალზე პოზიტიური ტენდენციაა. რაც შეეხება ნავთობპროდუქტებზე საერთაშორისო ფასებს Platt's-ის მიხედვით, ამ პერიოდში ისინი სტაბილურობას ინარჩუნებს. და იმასთან დაკავშირებით, რომ ლარი მყარდება, ზოგიერთ იმპორტიორს საბითუმო ფასების შემცირება მოუწია", — განაცხადა მთვრალაშვილმა.

ფასები რომ შემცირდეს საცალო ქსელში, პირველ რიგში, საჭიროა, რომ სავალუტო ბაზარზე სტაბილური სიტუაცია რაღაც დროით შენარჩუნდეს, აღნიშნა მთვრალაშვილმა.

„პრინციპში, ტენდენცია ძალზე პოზიტიურია, საწვავის კორექტირება და შემდგომი გაძვირება ახალ წლამდე აბსოლუტურად გამორიცხულია", — განაცხადა მან.

საწვავის ფასების შემცირება შესაძლებელი იქნება, თუ სტაბილური ვითარება სავალუტო ბაზარზე შენარჩუნდება, ასევე სტაბილური იქნება საერთაშორისო ფასები, მაგრამ ამაზე საუბარი ჯერ ნაადრევია, განაცხადა მთვრალაშვილმა.

„ახალ წლამდე ზოგიერთ პატარა კომპანიას, რომლებიც საწვავის მარაგის გარეშე ოპერირებენ და ფასების კორექტირება ადვილად შეუძლიათ მსხვილი კომპანიებისგან განსხვავებით, შესაძლებლობა ექნებათ, ფასები საშუალოდ 5-6 თეთრიშ შეამცირონ. რაც შეეხება მსხვილ კომპანიებს, მათ ფასების შემცირება გაუჭირდებათ", — განაცხადა მან.

დღესდღეობით ბრენდირებულ ბენზინგასამართ სადგურებში 1 ლიტრი საწვავის საშუალო ფასებია: ბენზინი სუპერი — 2,43-2,56 ლარი, პრემიუმი — 2,33-2,46 ლარი, რეგულარი — 2,23-2,34 ლარი, ევრო დიზელი — 2,33-2,42 ლარი, დიზელი — 2,27-2,32 ლარი. მიმდინარე კურსია — 1 აშშ დოლარი — 2,5 ლარი.

 

127
თეგი:
ვანო მთვრალაშვილი
თემები:
საქართველოს ეკონომიკა–2018 (540)
თბილისი

კომპენსაციის მიღების მსურველებო დარეგისტრირდით: მთავრობამ ვადა გაახანგრძლივა

40
(განახლებულია 14:35 09.07.2020)
ამ დროისთვის სახელმწიფოსგან 300 ლარის ფარგლებში დახმარება 100 ათასზე მეტმა თვითდასაქმებულმა და თითქმის 130 ათასმა დასაქმებულმა მიიღო

თბილისი, 9 ივლისი — Sputnik. საქართველოს მთავრობამ პანდემიის გამო შემოსავლის გარეშე დარჩენილი მოქალაქეებისა და თვითდასაქმებული პირებისთვის დახმარების მისაღებად რეგისტრაციის ვადა 1 აგვისტომდე გაახანგრძლივა, განაცხადა საქართველოს პრემიერ-მინისტრმა გიორგი გახარიამ მთავრობის სხდომის წინ.

სახელმწიფოს მხრიდან კომპენსაციის მისაღებად იმ პირთა რეგისტრაცია, რომლებმაც COVID-19-ის გამო სამსახური დაკარგეს, 15 მაისს დაიწყო და 1 ივლისს დასრულდა.

გახარიას თქმით, აუცილებლობის შემთხვევაში ვადა მომავალშიც გახანგრძლივდება.

„მოგეხსენებათ, რომ რეგისტრაციების ვადა ამოწურულია, მაგრამ მთავრობამ მიიღო გადაწყვეტილება მისი1 აგვისტომდე გაგრძელების შესახებ. ვინც დააგვიანა ან ვერ შეძლო ელემენტარულად საჭირო საბუთების შეგროვება, ამ ადამიანებისთვს ეს ვადა გაგრძელდა და თუ საჭირო იქნება რეგისტრაციის ვადა შემდგომაც გაგრძელდება. დღეს ჩვენი პირველი და ყველაზე მნიშვნელოვანი ამოცანა, ეპიდემიასთან ბრძოლასთან ერთად, იმ ჩვენი მოქალაქეებისთვის დახმარებაა, რომლებსაც კრიზისის გამო შემოსავალი შეუმცირდათ და საერთოდ დაკარგეს შემოსავალი", - განაცხადა გახარიამ.

გახარიას თქმით, სახელმწიფოსგან 300 ლარის ფარგლებში დახმარება 121 719-მა თვითდასაქმებულმა და 129 ათასზე მეტმა დასაქმებულმა მიიღო, რომელმაც შემოსავალი ან სამსახური დაკარგა.

რეგისტრაციის გავლა ასევე შეუძლიათ იმ პირებს, რომლებიც უცხოეთში სეზონურ სამუშაოზე იყვნენ დასაქმებული.

40
თემები:
COVID-19 საქართველოში
რთველი

„რქაწითელი" და „კახური მწვანე": მთავრობა რთვლის სუბსიდირებას გეგმავს

71
(განახლებულია 16:57 09.07.2020)
გიორგი გახარიას თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

თბილისი, 9 ივლისი — Sputnik. საქართველოს მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს, განაცხადა საქართველოს პრემიერ-მინისტრმა გიორგი გახარიამ მთავრობის სხდომაზე.

ღვინის ეროვნული სააგენტოს თავმჯდომარემ ლევან მეხუზლამ განაცხადა, რომ მთავრობის გადაწყვეტილებით, წელს რთველის სუბსიდირებაზე 60 მილიონი ლარი დაიხარჯება.

მეხუზლას თქმით, სუბსიდია, სავარაუდოდ, მხოლოდ „რქაწითელის" ჯიშის ყურძენს შეეხება. თუმცა, როგორც აღმოჩნდა, სიაში „კახური მწვანეც" აღმოჩნდა.

„მთავრობა რთველის სუბსიდირებას განახორციელებს, განსაკუთრებით ყურძნის ისეთი ჯიშების, როგორიცაა „რქაწითელი" და „კახური მწვანე", რომელთა ფასიც 80 თეთრზე დაბალი არ იქნება", - განაცხადა გახარიამ.

გახარიას თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

„ყველამ კარგად იცის, რომ მთავრობის ანტიკრიზისული გეგმის ერთ-ერთი მთავარი სამიზნე გახლავთ სოფელი, ფერმერი, ქართველი გლეხი. ჩვენ ყველაფერი გავაკეთეთ იმისთვის, რომ სხვადასხვა ინსტრუმენტით ამ ადამიანებს დავხმარებოდით, ქართველი ფერმერი გაგვეძლიერებინა კრიზისის პირობებში", - განაცხადა გახარიამ.

როგორც მან აღნიშნა, თუ აუცილებლობა იქნება, სახელმწიფო ყურძნის შესყიდვაშიც ჩაერთვება.

ამასთან, პრემიერმა მოკლე ექსკურსი გააკეთა და აღნიშნა, თუ რამდენად წარმატებული იყო გასული წლები ქართული მევენახეობისა და მეღვინეობისთვის.

„2019 წელი იყო რეკორდული - საქართველოდან 94 მილიონი ბოთლი ღვინის ექსპორტი განხორციელდა. რა თქმა უნდა, შიდა მოხმარებაც იზრდებოდა. 2012 წელს ქართულ ექსპორტში მეღვინეობის წილი მთლიანობაში დაახლოებით 2.5% იყო, დღეს კი 6%-ია", - განაცხადა გახარიამ..

საქართველოში რთველის სეზონი სექტემბრის მეორე ნახევრიდან იწყება. იმისთვის, რომ პანდემიის გამო გამოწვეული ეკონომიკური კრიზისი რთველზე არ აისახოს, საქართველოს ხელისუფლებამ მეღვინეობის დარგზე ანტიკრიზისული გეგმის ფარგლებში ზრუნვა გადაწყვიტა - აღნიშნული გადაწყვეტილება ივნისის დასაწყისში პრემიერის სოფლის მეურნეობის სამინისტროსა და შესაბამისი უწყებების წარმომადგენლებთან გამართულ სამუშაო შეხვედრაზე იქნა მიღებული..

71
თემები:
საქართველოს მთავრობა
შორენა ბეგაშვილი

შორენა ბეგაშვილს პირდაპირ ეთერში სიურპრიზი მოიწყვეს - ვიდეო

0
(განახლებულია 13:00 09.07.2020)
შორენა ბეგაშვილი 38 წლის გახდა. მოდელსა და ტელეწამყვანს კოლეგებმა სიურპრიზი მოუწყვეს, რამაც ბეგაშვილი ძალიან ააღელვა

შორენა ბეგაშვილს 38 წელი შეუსრულდა და თაყვანისმცემლებს დაბადების დღის ულამაზესი ფოტოები დაუღალავად გაუზიარა. მის ოფიციალურ გვერდზე არ წყდება კეთილი სურვილები და მისალოცი ბარათები. შორენამ Instagram-ზე ვიდეო გამოაქვეყნა, სადაც ჩანს უზარმაზარი ბრილიანტისთვლიანი ბეჭედი ვარდების ფონზე.

View this post on Instagram

❤️

A post shared by Shorena Begashvili (@shorenabegashviliofficial) on

მეორე ფოტოზე შორენა უამრავი ვარდის და ბუშტის ფონზე დგას. სავარაუდოდ, საჩუქრების ავტორი მისი ახალი პარტნიორი - კრიმინალური ავტორიტეტი ლაშა ბარათელია, რომელმაც რამდენიმე დღის წინ გრანდიოზული სიურპრიზი შორენას იუბილარ შვილს ევას გაუკეთა და ძვირადღირებული ავტომობილი აჩუქა.

View this post on Instagram

❤️

A post shared by Shorena Begashvili (@shorenabegashviliofficial) on

ბეგაშვილი, რომელიც „რადიო იმედზე“ გადაცემა „17:17 შორენა ბეგაშვილთან ერთად“ წამყვანია, კოლეგებმა სიუპრიზი მოუწყვეს და გადაცემის მიმდინარეობისას ანთებული ტორტით შევიდნენ ეთერში. რადიოწამყვანისთვის სიურპრიზი მოულოდნელი აღმოჩნდა და ემოციები ვერ დამალა.

View this post on Instagram

@radioimedi ❤️❤️❤️❤️❤️❤️

A post shared by Shorena Begashvili (@shorenabegashviliofficial) on

სააგენტო „ნიუპოსტის“ ინფორმაციით, მოდელი ე.წ. კანონიერ ქურდზე, თურქეთში მცხოვრებ ლაშა ბარათელზეა შეყვარებული და სწორედ მის გამო დაანგრია ბიზნესმენ ირაკლი ნანაძესთან ფარულად შექმნილი ოჯახი. სააგენტოს ინფორმაციით, ბარათელი მოდელს ძვირადღირებული საჩუქრებით ნანაძესთან ქორწინების დროსაც ხშირად ანებივრებდა.

View this post on Instagram

A post shared by Shorena Begashvili (@shorenabegashviliofficial) on

მოდელსა და ტელეწამყვან შორენა ბეგაშვილს პირად ცხოვრებაზე საჯაროდ საუბარი არ უყვარს. ის რომ მეორე ქორწინებაში იმყოფებოდა, საზოგადოებამ მხოლოდ მაშინ გაიგო, როდესაც ბეგაშვილმა იუსტიციის სახლიდან განქორწინების მოწმობა გამოაქვეყნა.

0
თემები:
სელებრითების ცხოვრება