რუსი ბიზნესმენები და ჟურნალისტები ქართველ მეღვინეებს შეხვდებიან

© Sputnik / Alexander Imedashviliქართული ღვინო
ქართული ღვინო - Sputnik საქართველო
გამოწერა
რუსი ბიზნესმენები და ჟურნალისტები შეხვედრებს თბილისში, კახეთსა და ქართლში გამართავენ.

თბილისი, 27 აპრილი — Sputnik. თბილისში ქართველი მეღვინეებისა და რუსი ჟურნალისტებისა და დარგის ექსპერტების შეხვედრა 27-30 აპრილს გაიმართება, ნათქვამია ევგენი პრიმაკოვის სახელობის ქართულ-რუსული საზოგადოებრივი ცენტრის განცხადებაში.

ღონისძიება მეღვინეობის შავი ზღვის ფორუმის ფარგლებში პრიმაკოვის ცენტრისა და გორჩაკოვის სახელობის საჯარო დიპლომატიის ფონდის მხარდაჭერით გაიმართება. ღონისძიების საინფორმაციო პარტნიორია საინფორმაციო სააგენტო და რადიო „Sputnik-საქართველო“.

შეხვედრის ფარგლებში სასტუმრო Tbilisi Marriott-ში შედგება მრგვალი მაგიდა თემაზე „საქართველო-რუსეთის ეკონომიკური ურთიერთობები: მეღვინეობა როგორც ქართული ექსპორტის მამოძრავებელი ძალა“.

გარდა ამისა, ორი დღის განმავლობაში რუსეთიდან ჩამოსული სტუმრები კახეთსა და ქართლში ღვინის კომპანიებს დაათვალიერებენ, სადაც მათი მუშაობის სპეციფიკასა და სამომავლო გეგმებს გაეცნობიან.


ყველა ახალი ამბავი
0