თბილისი, 27 აპრილი — Sputnik. თბილისის ვისკის ფესტივალზე (Tbilisi Whisky Festival), რომელიც 6-7- მაისს გაიმართება, ვისკის მსოფლიო წამყვანი ბრენდების წარმომადგენლები შეიკრიბებიან.
ფესტივალი Expo Georgia-ს საგამოფენო დარბაზში ჩატარდება.
„ფესტივალზე მოგეცემათ საშუალება დააგემოვნოთ და შეიგრძნოთ სხვადასხვა სახის, ქვეყნის და დასახელების თავბრუდამხვევი არომატები, დაესწროთ ბრენდების ამბასადორების მასტერკლასებს, მიიღოთ მონაწილეობა ვისკის წამახალისებელ აუქციონში და გახდეთ ახალი ტრადიციის ნაწილი“, — ნათქვამია ღონისძიების ორგანიზატორების ვებ-გვერდზე.
ფესტივალზე სტუმრებს 10 მონეტა დაურიგდებათ, რომლებსაც გამოიყენებენ სხვადასხვა ვისკისა და კოქტეილის დეგუსტაციისთვის.
ფესტივალზე დასასწრები ბილეთების შეძენა შესაძლებელი იქნება Alcorium-ის ან ვისკის სახლის მაღაზიებში ან ვებ-გვერდზე tkt.ge.
ფესტივალზე 18 წლამდე პირები არ დაიშვებიან.