ზეთისხილის პლანტაცია კახეთში

რა პროდუქციას შესთავაზებს საქართველო ახლო მომავალში საერთაშორისო სასურსათო ბაზრებს

664
(განახლებულია 09:43 02.05.2017)
რომელ აგრარულ კულტურებს აქვს უახლოეს ხანებში მსოფლიო ბაზრებზე გასვლის პერსპექტივა და როგორი უნდა იყოს ამ საკითხებისადმი ფერმერის მიდგომა, ამ თემაზე Sputnik საქართველოს აგრარული საკონსულტაციო კომპანიის დირექტორი ირაკლი ჩიქავა ესაუბრა.

საქართველოს სოფლის მეურნეობის სფეროს ეტაპობრივ განვითარებასთან ერთად, სულ უფრო იზრდება უცხოელ და ადგილობრივ ინვესტორთა დაინტერესება. საქართველო მცირემიწიანი ქვეყანაა და შესაბამისად დაინტერესება მაღალშემოსავლიან კულტურებზეა, რომლებიც მოითხოვენ დიდ ინვესტიციას და დროს.

ბოლო დროს, ჩვენს ქვეყანაში, აქტიურად ვითარდება სოფლის მეურნეობის რამდენიმე მიმართულება. ძირითადი დაინტერესება საექსპორტო კულტურებზე მოდის.

ოფიციალური სტატისტიკური მონაცემებით, 2015 წელს საქართველოდან ევროკავშირში აგროსასურსათო პროდუქციის ექსპორტმა წინასწარი მონაცემებით, 208 მილიონი აშშ დოლარი შეადგინა, რაც ევროკავშირში საქართველოდან მთლიანი ექსპორტის დაახლოებით 30%-ია. ევროპის ბაზრებზე ქართული სასოფლო-სამეურნეო პროდუქტებიდან ყველაზე დიდი ოდენობით ისევ თხილი და ღვინო იყიდება, თუმცა 2014 წელს ასოცირების შეთანხმების სავაჭრო კომპონენტის (DCFTA) ამოქმედების შემდეგ, ევროკავშირის ბაზრის მიმართ ქართველი მეწარმეების ინტერესი სულ უფრო მეტად იზრდება.

დასავლეთ საქართველოში, იმერეთის, სამეგრელოს, აჭარისა და გურიის რეგიონში მაღალი ხარისხის ლურჯი მოცვი მოჰყავთ. აღნიშნულ რეგიონებში უკვე რამდენიმე ასეული ჰექტარი ლურჯი მოცვის პლანტაციაა გაშენებული. უმეტესობა უკვე მსხმოიარობს. წარმოებული მოცვის უდიდესი ნაწილი ექსპორტზე გადის, რაც კიდევ უფრო ზრდის დაინტერესებას აღნიშნული კულტურის მიმართ. მოცვის ექსპორტის მაჩვენებელი მზარდია (ოფიციალური სტატისტიკური მონაცემებით, 2014 წელი —150 ათასი აშშ დოლარი. 2015 წელი — 215 ათასი აშშ დოლარი). ზოგადად, ლურჯ მოცვზე საერთაშორისო მოთხოვნაც სწრაფად იზრდება.

კენკროვან კულტურებში, მოცვის გარდა დიდი მოთხოვნაა უკელო მაყვლისა და ჟოლოს წარმოებაზე. მოცვისგან განსხვავებით, უეკლო მაყვლისა და ჟოლოს ბაღები, ძალიან მცირე რაოდენობითაა და მათი ჯამური ფართობი 50 ჰექტარზე მცირეა. ქართველი თუ უცხოელი მეწარმეები ყოველწლიურად აქტიურად აშენებენ უკელო მაყვლისა და ჟოლოს ბაღებს. უნდა აღინიშნოს, რომ როგორც მოცვს, ასევე სხვა კენკროვან კულტურებსაც დიდი საექსპორტო პოტენციალი აქვთ.

სასურსათო პროდუქციის საექსპორტო კალათაში ერთ-ერთი პირველი ადგილი თხილს უკავია. 2016 წელს 178 მილიონი აშშ დოლარის ღირებულების თხილის ექსპორტი მოხდა საქართველოდან. შესაბამისად ყოველწლიურად იზრდება თხილის ბაღების რაოდენობა და ფართობი. თხილის გარდა ძალიან აქტიურად ხდება სხვა კაკლოვანი კულტურების გაშენება, როგორიცაა კაკალი, ნუში და ფსტა.

ბოლო 4 წლის განმავლობაში რამდენიმე ასეული ჰექტარი, ინტენსიური ტიპის, კაკლის ბაღი გაშენდა საქართველოში და ბაღების რაოდენობა ყოველწლიურად იზრდება.

დიდი დაინტერესებაა ნუშის ბაღებზე. საქართველოში უკვე გაშენდა 400 ჰექტარზე მეტი ნუშის ბაღი და ინვესტორების დაინტერესება ამ მიმართულებით ძალიან მაღალია. ნუში ძალიან პერსპექტიული კულტურაა და დიდი საექსპორტო პოტენციალი აქვს.

ფსტას კულტურა ახლა იდგამს ჩვენთან ფეხს. თუ ნუში, კაკლი და თხილი საქართველოსთვის ნაცნობი და ტრადიციული კულტურებია, სულ რამდენიმე წელია რაც ფსტას პირველი ბაღები გაჩნდა საქართველოში. ფსტას ძირითადად უცხოელი ინვესტორები აშენებენ და მათ კონკრეტული სარეალიზაციო ბაზრებიც მოძიებული აქვთ.

კაკლოვანი კულუტურების ბაღები საქართველოში ყოველწლიურად მრავლდება და სულ მალე საექსპორტო კალათაში კაკალი, ნუში და ფსტა საპატიო ადგილს დაიკავებს.

გაშენებული ფართობების ხანდაზმულობისა და მოცულობის მიხედვით, კაკალი პირველი კულტურა იქნება, რომელიც ექსპორტზე შეიძლება გავიდეს. თუმცა ამისთვის მნიშვნელოვანია არა მხოლოდ ბაღების გაშენება, არამედ გადამამუშავებელი საწარმოს არსებობაც. პირველადი გადამუშავების გარეშე, ვერც ერთი კაკლოვანი კულტურა ვერ გავა ექსპორტზე.

სოფლის მეურნეობის პროექტების მართვის სააგენტოს პროექტები ადგილობრივ ფერმერებსა თუ ინვესტორებს აძლევს საშუალებას, რომ ერთის მხრივ გააშენონ ბაღები და მეორე მხრივ გადამამუშავებელი და სასაწყობე მეურნეობებისთვისაც მიიღონ დაფინანსება (გრანტის თუ შეღავათიანი კრედიტის სახით).

მაგალითისთვის 1 ჰა კაკლის ბაღის გაშენება დაახლოებით 12-15 ათასი ლარი ჯდება. მეტ-ნაკლებად სრულფასოვანი მოსავლის მიღება მეხუთე წლიდან იწყება და საჰექტრო მოსავლიანობა საშუალოდ 5 ტონას აღწევს. გაშენებულ ინტენსიური ტიპის კაკლის ბაღებს, დაახლოებით 25-30 წელი აქვთ საწარმოო პოტენციალი. აღსანიშნავია, რომ მოსავლის მიღებამდე კაკლის ბაღის მოვლის საჰექტრო ხარჯი დაახლოებით 2,000 ლარია. ამ რიცხვებიდანაც ჩანს, რომ კაკლის ბაღი საკმაოდ მომგებიანია, თუმცა იმისთვის, რომ მოგება მივიღოთ, პირველ რიგში საჭიროა ცოდნა, სწორი მოვლა-პატრონობა და აგროტექნიკური ღონისძიებების დროულად და თანმიმდევრულად შესრულება.

ზოგდად, აგრობიზნესი გრძელვადიან ჭრილში უნდა განვიხილოთ, ამიტომ მნიშვნელოვანია, რომ ბაზარზე არსებული შესაძლებლობები დროულად იქნას გამოყენებული. მნიშვნელოვანია მიმართულების სწორად შერჩევა, ბაზრის ანალიზი და ცოდნა.

664
ვალუტის კურსი

ლარის კურსი 15 აპრილს

51
(განახლებულია 08:29 15.04.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა.

თბილისი, 15 აპრილი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4432 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა. 

ლარის კურის 15 აპრილს
51
თემები:
ლარის კურსი დღეს
საერთაშორისო საავტომობილო მიმოსვლის შესახებ შეთანხმებას  ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოსა და ტაჯიკეთს შორის საავტომობილო მიმოსვლის შესახებ შეთანხმება გაფორმდა

33
დოკუმენტს თბილისში ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა

თბილისი, 14 აპრილი - Sputnik. საქართველომ და ტაჯიკეთმა სავაჭრო-ეკონომიკური თანამშრომლობის გაღრმავების მიზნით საერთაშორისო საავტომობილო მიმოსვლის შესახებ შეთანხმებას მოაწერეს ხელი.

როგორც საქართველოს ეკონომიკისა და მდგრადი განვითარების სამინისტროს განცხადებაშია აღნიშნული, დოკუმენტს ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოს ეკონომიკის სამინისტროს ინფორმაციით, შეთანხმების გაფორმება ხელს შეუწყობს მხარეთა შორის საავტომობილო მიმოსვლისა და ურთიერთსასარგებლო ეკონომიკური თანამშრომლობის შემდგომ განვითარებას.

დოკუმენტით განსაზღვრულია სატვირთო გადაზიდვების განხორციელება ორმხრივ, სატრანზიტო ან მესამე ქვეყნებში/ქვეყნებიდან მიმოსვლაში კვოტირებული ნებართვების საფუძველზე, რომელთა რაოდენობასაც მხარეები ყოველწლიურად განსაზღვრავენ შეთანხმების საფუძველზე.

შეთანხმება ასევე ითვალისწინებს მხარეებს შორის საავტომობილო გადაყვანა/გადაზიდვასთან დაკავშირებული სამართლებრივი საკითხების დარეგულირებას, რაც ხელს შეუწყობს ორივე ქვეყნის გადამზიდველებს მათი საქმიანობის პროცესში.

ტაჯიკეთის რესპუბლიკასთან ამ დრომდე არ იყო გაფორმებული საავტომობილო მიმოსვლის შესახებ მთავრობათაშორისი შეთანხმება, თუმცა საავტომობილო მიმოსვლაში შეფერხებების თავიდან არიდების მიზნით საქართველოსა და ტაჯიკეთის რესპუბლიკის შესაბამის უწყებებს შორის იცვლებოდა საერთაშორისო საავტომობილო სატვირთო გადაზიდვის ნებართვის ბლანკები და ქვეყნებს შორის საავტომობილო მიმოსვლის სფეროში თანამშრომლობის მრავალწლიანი გამოცდილება დაგროვდა.

დღეიდან ეს თანამშრომლობა უკვე ოფიციალური შეთანხმებით გამყარდება, რაც ხელს შეუწყობს ორ ქვეყანას შორის სავაჭრო-ეკონომიკური თანამშრომლობის განვითარებას.

საქართველოსა და ტაჯიკეთს შორის დიპლომატიური ურთიერთობები 1994 წლის 4 აგვისტოდან არსებობს.

ქვეყნები თანამშრომლობენ TRACECA-ს („ახალი აბრეშუმის გზა“) პროგრამის ფარგლებში, რომელიც ევროპა-კავკასია-აზიის სატრანსპორტო დერეფნის განვითარებას ისახავს მიზნად. საქართველოს ტაჯიკეთში გააქვს კვების პროდუქტები, წამლები, ხე-ტყე, ელექტრომოწყობილობა და ავეჯი.

 

33
ქართველო სამხედროები

საქართველო ავღანეთიდან მშვიდობისმყოფელებს გამოიყვანს

0
(განახლებულია 10:15 15.04.2021)
ავღანეთიდან ნატოს სამშვიდობო მისიაში მონაწილე სამხედრო ძალების გამოყვანის პროცესი 1 მაისიდან გრაფიკის მიხედვით დაიწყება

 

თბილისი, 15 აპრილი – Sputnik. საქართველოს ავღანეთიდან სამშვიდობო კონტინგენტი, რომელიც ნატოს მისია „მტკიცე მხარდაჭერაში“ მონაწილეობს, გამოჰყავს.

როგორც საქართველოს თავდაცვის მინისტრის განცხადებაშია ნათქვამი, ამასთან დაკავშირებით ქართული მხარე ორმხრივ ფორმატში კონსულტაციებს აწარმოებს როგორც ნატოსთან, ისე თავის ძირითად სტრატეგიულ პარტნიორ აშშ–სთან. ქართული ქვედანაყოფის ავღანეთიდან გამოყვანა მათთან კოორდინაციით მოხდება. 

 „საქართველო ავღანეთში სამშვიდობო მისიაში  2004 წლიდანაა ჩართული და ალიანსის არაწევრ–ქვეყნებს შორის და ერთ სულ მოსახლეზე მისიაში გაგზავნილი სამხედრო მოსამსახურეების რაოდენობის მიხედვით უმსხვილესი კონტრიბუტორია. ეს ფაქტი მკაფიოდ ცხადყოფს თუ რა მნიშვნელობას ანიჭებს საქართველო ნატოს წევრი და პარტნიორი ქვეყნების მხარდამხარ გლობალური უსაფრთხოების განმტკიცებას. მთელი ამ წლების განმავლობაში, მშვიდობისა და სტაბილურობის დაცვას ათასობით თავდაცვის ძალების სამხედრო მოსამსახურე ემსახურებოდა, რომელთაგან 32 დაიღუპა და არაერთი დაიჭრა“, – ნათქვამია თავდაცვის უწყების განცხადებაში.

განცხადებაში ასევე აღნიშნულია, რომ 1999 წლიდან დაწყებული ქართველმა მშვიდობისმყოფელებმა  ნატოს, აშშ-ის და ევროკავშირის ეგიდით მიმდინარე მისიებში არაერთხელ დაამტკიცეს მაღალი პროფესიონალიზმი, თავდადება და საერთო ღირებულებების დაცვისადმი ერთგულება.

თავდაცვის სამინისტრო უდიდეს მადლიერებას გამოხატავს თითოეული სამხედრო მოსამსახურის მიმართ ავღანეთის მისიებში გაწეული სამსახურისთვის და განსაკუთრებულ პატივს მიაგებს დაღუპულთა ხსოვნას.

ავღანეთიდან სამხედრო ძალების გამოყვანის პროცესი, პარტნიორებთან კოორდინაციით, 1 მაისიდან დაიწყება.

ნატოს არასაომარი სამშვიდობო მისია „მტკიცე მხარდაჭერა" (Resolute Support) ავღანეთში 2015 წლის 1 იანვრიდან ამოქმედდა. ნატოსა და ავღანეთს შორის არსებული ორმხრივი შეთანხმების თანახმად, ქვეყანაში იმყოფება 13 ათასი სამხედრო მოსამსახურე, რომელთა ფუნქციებსაც ავღანეთის ძალოვანი სტრუქტურების სწავლება და მათთვის კონსულტაციების გაწევა წარმოადგენს.

საქართველოს მხრიდან მისიაში მონაწილეობს 870-ზე მეტი ჯარისკაცი. ისინი ბაგრამის საავიაციო ბაზაზე, ქაბულსა და მაზარ-ი-შარიფში არიან დისლოცირებული.


0
თემები:
საქართველოს თავდაცვა