სვანეთი

სვანეთში მოკლემეტრაჟიანი კინოს საერთაშორისო ფესტივალი ჩატარდება

47
(განახლებულია 22:30 08.07.2021)
თავმბრუდამხვევი მთები და კინო – მესტია კინომოყვარულებს, და არა მხოლოდ, საინტერესო მოვლენაზე ეპატიჟება.

თბილისი, 8 ივლისი – Sputnik. მესტიაში 15–19 სექტემბერს მოკლემეტრაჟიანი კინოს საერთაშორისო ფესტივალი ჩატარდება, იუწყებიან ორგანიზატორები.

ფესტივალი ორ საკონკურსო სექციას გააერთიანებს – მოკლემეტრაჟიანი ფილმები და ფილმები მთების თემაზე.

საკონკურსო სექციების გარდა, ფესტივალზე იქნება სპეციალური სექცია ევროპელი პარტნიორებისთვის, ასევე ცალკე იქნება წარმოდგენილი კინოსტუდია „ქართულ ფილმი", რომელიც ახლად აღდგენილ, უნიკალურ ანიმაციურ ფილმებს წარმოადგენს. ამ სექციის ფარგლებში ფილმების რესტავრატორი ელია ფარსადანიშვილი სტუმრებს რესტავრაციის დეტალების შესახებ უამბობს.

ფესტივალის ბოლოს გამოავლენენ საუკეთესო მოკლემეტრაჟიან კინოფილმსა და საუკეთესო სურათს მთების თემაზე, ასევე განსაკუთრებული პრიზები გადაეცემათ საუკეთესო კინომუსიკისა და საუკეთესო მხატვრობისთვის. იქნება ასევე ჟიურის სპეციალური პრიზი.

„ჩვენთვის, ფესტივალის ორგანიზატორებისთვის პირველ ადგილზე ჩვენი ქვეყნის პოპულარიზაცია დგას და ამ მიზნით გადავწყვიტეთ, მთის თემატიკის ფილმების პრიზისთვის მიხეილ ხერგიანის სახელი მიგვენიჭებინა და ამით კიდევ ერთხელ მიგვეგო პატივი ამ გენიალური ადამიანისა და საოცარი სპორტსმენისადმი", — განაცხადა კინოფესტივალის დამფუძნებელმა ხათუნა ხუნდაძემ.

ფილმებს ქართველი და უცხოელი პროფესიონალებისგან შემდგარი ჟიური შეაფასებს.

47
თემები:
საქართველო და კულტურა (1139)
წიგნები

პრემია „ლიტერადან“ გელა ჩარკვიანის და სხვა ავტორების წიგნები მოიხსნა

49
ბოლო დღეებში კონკურსი პროტესტის ნიშნად დატოვა ჟიურის ოთხმა წევრმა და მიმდინარე წლის პრემიის ნომინანტების ნაწილმაც. თავიდან კონკურსზე ექვს ნომინაციაში 110 წიგნი იყო წარდგენილი.

თბილისი, 31 ივლისი – Sputnik. ლიტერატურული პრემია „ლიტერას“ ირგვლივ სკანდალი გრძელდება – დღეს გელა ჩარკვიანმა თავისი წიგნი კონკურსიდან მოხსნა.

ბოლო დღეებში კონკურსი პროტესტის ნიშნად დატოვა ჟიურის ოთხმა წევრმა, შესაბამისად, დარჩა მხოლოდ კულტურის, სპორტისა და ახალგაზრდობის სამინისტროს მიერ დანიშნული ერთი წევრი. კონკურსი ასევე დატოვა მიმდინარე წლის პრემიის ნომინანტების ნაწილმაც, რომლებმაც თავიანთი ნამუშევრები უკან გაიწვიეს.

„გელა ჩარკვიანთან შეთანხმებით, გამომცემლობა „არტანუჯი” მის წიგნს – „English – როგორ ვისწავლე და როგორ ვასწავლიდი” პრემია „ლიტერადან” ხსნის“, - ნათქვამია გამომცემლობა „არტანუჯის“ განცხადებაში.

გარდა ამისა, კონკურსიდან გამომცემლობა „ინტელექტის“ ყველა წიგნი მოიხსნა.

„ჩვენი ავტორებისა და დიზაინერების გადაწყვეტილებით, გამომცემლობა „ინტელექტმა“ პრემია „ლიტერადან“ ყველა წიგნი მოხსნა!“ - ნათქვამია გამომცემლობის განცხადებაში, სადაც მოყვანილია ავტორების და წიგნების ჩამონათვალი - სულ 44 წიგნი.

ბოიკოტის ძირითადი მიზეზი ჟიურის შემადგენლობაში სამინისტროს მიერ დანიშნული იოსებ ჭუმბურიძის ყოფნა გახდა. კონკურსზე ექვს ნომინაციაში 110 წიგნი იყო წარდგენილი.

ლიტერატურული კონკურსი დატოვეს ჟიურის წევრებმა ბელა წიფურიამ, ოქტაი კაზუმოვმა, რეზო თაბუკაშვილმა და ლელა კოდალაშვილმა. ბელა წიფურიას თქმით, საქმე ჟიურის არა კონკრეტულ წევრში, არამედ კულტურის სამინისტროს მხრიდან გამოჩენილ უნდობლობაშია.

ამასთან, კულტურის, სპორტისა და ახალგაზრდობის სამინისტრო საკუთარ განცხადებაში აღნიშნავს, რომ იგი კონკურსში არ ერევა და კონკურსთან უწყებას მხოლოდ ის აკავშირებს, რომ ჟიურის შემადგენლობაში მეხუთე პირი სამინისტროს წარმომადგენელია.

ლიტერატურილი პრემია „ლიტერა“ 2015 წელს დაწესდა. მას შემდეგ პრემია ყოველწლიურად გაიცემა. პროექტის მიზანი თანამედროვე ქართული ლიტერატურის განვითარება და ახალგაზრდა ავტორების წახალისებაა. „საბასთან“ ერთად „ლიტერა“ საქართველოში მთავარი ლიტერატურული პრემიაა.

49
დიჯეის „პულტი“

თბილისში კლუბური კულტურის თემაზე გამოფენა გაიხსნა

38
გამოფენის პარალელურად, თბილისის კლუბური კულტურის სცენაზე ხუთი მუსიკოსი თავის შემოქმედებას წარადგენს.

თბილისი, 31 ივლისი – Sputnik. თბილისში, ფიქრის გორაზე, NINO GOGE GALLERY-ში გაიხსნა გამოფენა Unspoken: Words of Silence and Noise, რომელიც კლუბურ კულტურებს სოციალურ და პოლიტიკურ კონტექსტში წარმოადგენს. ნათქვამია ღონისძიების ანონსში.

გამოფენაზე ნაჩვენები იქნება მხატვრულ-ესთეტიკური შეხედულებები თბილისის ახალგაზრდულ, სუბ- და კლუბური კულტურების შესახებ.

გამოფენა დღეს, 31 ივლისს 19:00 საათზე გაიხსნა და 31 აგვისტომდე გაგრძელდება. გამოფენის ორგანიზატორია NINO GOGE GALLERY, კურატორი - ვახტანგ ჭეიშვილი.

გამოფენის პარალელურად, თბილისის კლუბური კულტურის სცენაზე ხუთი მუსიკოსი თავის შემოქმედებას წარადგენს.

მათ შორის არიან შემდეგი მუსიკოსები და თემები:

31 ივლისი - ნატალია ბერიძე (სიმამაცე)

6 აგვისტო - რეზო ღლონტი (ვნება)

12 აგვისტო - თამადა (გართობა)

24 აგვისტო - ზესკნელ (ბრაზი)

29 აგვისტო - საფილეუმი (ცნობისმოყვარეობა)

„რა აღქმადი, სოციალური და პოლიტიკური შესაძლებლობები გააჩნია ახალგაზრდულ, სუბ- და კლუბურ კულტურებს და როგორ შეიძლება მათი მხატვრული განხილვა საგამოფენო კონტექსტში? გამოფენის ძირითადი კონცეფცია და იდეები სწორედ ამ კითხვების გარშემო ერთიანდება“, - ნათქვამია განცხადებაში.

ორგანიზატორების თქმით, გამოფენა ასახავს ისტორიულ, სოციალურ და პოლიტიკურ თემებს, რომლებიც 1918 წლიდან დღემდე თან ახლავს საქართველოს ახალგაზრდულ, სუბ- და საკლუბო კულტურას. მხატვრულ-ესთეტიკური თვალსაზრისით, გამოფენა სწორედ იმ ისტორიულ, სოციალურ და პოლიტიკურ საკითხებსაც ეხება, რომლებიც, ზემოთ აღნიშნული კულტურებისთვისაა დამახასიათებელი. ამავე დროს, ის ცდილობს გამაერთიანებელი, გლობალური ნიშან-თვისებების პოვნას, აღნიშნულია განცხადებაში.

გამოფენაზე იქნება წარდგენილი გურამ წიბახაშვილის და ომარ გოგიჩაიშვილის (Hitori Ni) ფოტონამუშევრები. დამთვალიერებელი ასევე ნახავს ვიდეონამუშევარს, რომელშიც გამოყენებულია საქართველოს ეროვნული არქივის, საქართველოს „პირველი არხის“ არქივისა და პირადი წყაროების მასალები. როგორც განცხადებაშია აღნიშნული, ეს ვიდეონამუშევარი წარმოადგენს მხატვრულ და დოკუმენტურ რეტროსპექტულ განმარტებას საქართველოს ახალგაზრდულ, სუბ- და კლუბურ კულტურებზე.

38
იაკობ ქაჯაია კუბელ აკოსტა ფერნანდესთან ორთაბრძოლაში

ვინ იასპარეზებს საქართველოდან 2 აგვისტოს ტოკიოს ოლიმპიადაზე

0
(განახლებულია 20:25 01.08.2021)
ტოკიოს ოლიმპიადაზე მეათე დღეს საქართველოს ორი სპორტსმენი წარადგენს – ბერძნულ–რომაულის ტილით მოჭიდავეები იაკობ ქაჯაია და გიორგი მელია

იაკობ ქაჯაია, ბერძნულ–რომაული ჭიდაობა (–130 კგ)

Борец Якоб Каджая
© AP Photo / Anvar Ilyasov
იაკობ ქაჯაია

ქაჯაიამ წარმატებით გამართა ორთაბრძოლები და თავის წონით კატეგორიაში ფინალში გავიდა. ტურნირის რეგლამენტით, მედლები სპორტსმენების გამოსვლის დაწყებიდან მეორე დღეს თამაშდება.

ქართველი მოჭიდავე ოქროსთვის მოქმედ ოლიმპიურ ჩემპიონს, კუბელ მიხაინ ლოპეს ნუნიესს შეეჭიდება.

27 წლის იაკობ ქაჯაიასთვის ტოკიოს თამაშები კარიერაში მეორეა. რიო–დე–ჟანეიროს ოლიმპიადაზე მან მეშვიდე ადგილი დაიკავა. მას შემდეგ ხუთი წელი გავიდა და მას თავისუფლად შეუძლია, ოლიმპიური ჩემპიონის წოდებაზე ჰქონდეს პრეტენზია.

გიორგი მელია, ბერძნულ–რომაული ჭიდაობა (–97 კგ)

ტოკიოს ოლიმპიადა 24 წლის გიორგი მელიასთვის სადებიუტოა. იუნიორთა და ახალგაზრდებს შორის ქართველი მოჭიდავე სერიოზულ შედეგებს აჩვენებდა. 2016 წელს ის მსოფლიო ჩემპიონი გახდა იუნიორთა შორის, ხოლო 23 წლამდელთა კატეგორიაში მსოფლიო ჩემპიონატებზე კვარცხლბეკზე ორჯერ ავიდა – 2018 წელს ბრინჯაო მიიღო და 2019 წელს – ვერცხლი.

Георгий Мелия – греко-римская борьба
გიორგი მელია

მოზრდილთა კატეგორიაში მას ჯერჯერობით სატრაბახო შედეგები არა აქვს. ევროპის ჩემპიონატებზე მე–10 და მე–17 ადგილები დაიკავა, ხოლო 2019 წლის მსოფლიო ჩემპიონატზე – მეხუთე.

ამ დროისთვის საქართველოს ნაკრებს ერთი ოქროს, სამი ვერცხლისა და ერთი ბრინჯაოს მედალი აქვს.

0
თემები:
საქართველო ტოკიოს ოლიმპიადაზე