თბილისის ოპერისა და ბალეტის სახელმწიფო თეატრის სცენა დიდ დარბაზში

ოპერისა და ბალეტის თეატრი მაყურებლებისთვის სპექტაკლს ამზადებს

35
(განახლებულია 09:02 05.06.2021)
სპექტაკლები გაიმართება თბილისის ოპერის თეატრის საბალეტო დასის სოლისტებისა და კორდებალეტის მონაწილეობით.

თბილისი, 5 ივნისი — Sputnik. საბალეტო გალა-კონცერტს ამზადებს ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრი, რომელიც 19 და 20 ივნისს გაიმართება, იუწყება თეატრის პრეს-სამსახური.

გალა-კონცერტზე წარმოდგენილი იქნება მეორე მოქმედება პეტრე ჩაიკოვსკის ბალეტიდან „გედების ტბა“ და დივერტისმენტი (სხვადასხვა ჟანრების ნომრებით წარმოდგენილი თეატრალური სანახაობა) საბალეტო სპექტაკლებიდან: „დონ კიხოტი“, „ნატალი“, „ყვავილების ფესტივალი ჯენცანოში“, „თილისმა”, „საგალობელი“.

სპექტაკლები გაიმართება თბილისის ოპერისა და ბალეტის სახელმწიფო თეატრის საბალეტო დასის სოლისტებისა და კორდებალეტის მონაწილეობით. სპექტაკლი გაიმართება აუდიოჩანაწერზე.

როგორც განცხადებაშია აღნიშნული, თეატრში მაყურებელი დაიშვება მხოლოდ პირბადით. თეატრში შესვლის წინ მაყურებელი ვალდებულია გაიაროს თერმოსკრინინგი და დეზობარიერი და სადეზინფექციო ხსნარით დაიმუშაოს ხელი.

ეპიდვითარების გამო თეატრი დაგეგმილ ღონისძიებამდე 1 საათით ადრე გაიხსნება, ხოლო წარმოდგენები შესვენების გარეშე გაიმართება.

35
ხელოვნების მუზეუმი

„30 წელი აბსტრაქცია და დეკადები“: თბილისში უჩვეულო გამოფენა იხსნება

52
(განახლებულია 14:22 18.06.2021)
გამოფენის ორგანიზატორების განცხადებით, ფოტოებისა და ფერწერული ნამუშევრების კომბინაცია უახლესი საქართველოს რეალობას წარმოადგენს.

თბილისი, 18 ივნისი – Sputnik. გამოფენა სახელწოდებით „30 წელი – აბსტრაქცია და დეკადები“, რომელიც ქართველი მხატვრებისა და ფოტოგრაფების ნამუშევრებს გააერთიანებს, ქართული სახვითი ხელოვნების მუზეუმში 18 ივნისს გაიხსნება, იუწყებიან ორგანიზატორები. 

ექსპოზიციაზე  თითოეული მხატვრისა და ფოტოხელოვანის ნამუშევრები წარმოდგენილი იქნება როგორც დამოუკიდებელი საქართველოს განზოგადებული ქვეთავი.

გამოფენაზე დამთვალიერებელი იხილავს ფერწერულ ტილოებს ქართული სახვითი ხელოვნების მუზეუმის კოლექციიდან და ქართული საინფორმაციო სააგენტო „საქინფორმის“ დოკუმენტურ ფოტოებს.

„ისტორიულ–ვიზუალური თხრობა მხოლოდ ემოციური და ასოციაციურია, არანაირი კონკრეტული აქცენტი ან პათოსური მუხტი – დამთვალიერებელი სუბიექტურად დანახულ საქართველოს უახლეს ისტორიას აღიქვამს. დოკუმენტური მასალა უკიდურესად განზოგადებულია და პოეტური, თუმცა ფოტოები რეალურ ფაქტებს ასახავს“, – ნათქვამია განცხადებაში.

გამოფენაზე წარმოდგენილი იქნება მხატვრებისა და ფოტოგრაფების – ჯიბსონ ხუნდაძის, თემო ჯაფარიძის, ალექსანდრე ბანძელაძის, ოთარ ჩხარტიშვილის, ირაკლი ფარჯიანის, იური ბერიშვილის, გივი კიკვაძის, შახვალად აივაზოვის, ფელიქს კრიმსკის, ლეილა შელიას და ბონდო დადვაძის ნამუშევრები.

გამოფენა (მის: რუსთაველის გამზირი, №7) 18 ივნისს, 16:00 საათზე გაიხსნება და 18 ივლისამდე გასტანს. შესვლა თავისუფალია.

 

52
თემები:
საქართველო და კულტურა
გამოფენა „სიცოცხლე და სიკვდილი - დიდებული პომპე

დიდებული პომპეი: ძველი ქალაქის ექსპონატები საქართველოში პირველად გამოიფინება

51
(განახლებულია 19:34 14.06.2021)
გამოფენა მოუთხრობს დამთვალიერებლებს ძველი რომაული ქალაქის - პომპეის ისტორიას, რომელიც ვეზუვის ამოფრქვევის შედეგად ახ. წ. 79 წელს ვულკანური ფერფლით დაიფარა.

თბილისი, 14 ივნისი – Sputnik. 2021 წლის ივლისსა და აგვისტოში განახლებულ ვანის არქეოლოგიურ მუზეუმში პომპეის საგანძური გამოიფინება, ნათქვამია მუზეუმის განცხადებაში.

„სიცოცხლე და სიკვდილი - დიდებული პომპეი“ - ამ სახელწოდების გამოფენაზე საქართველოში პირველად იქნება წარმოდგენილი ძველი რომაული ქალაქის - პომპეის ისტორია. ნეაპოლის მახლობლად, კამპანიის რეგიონში მდებარე პომპეი ახ. წ. 79 წლის 24 აგვისტოს ვეზუვის ამოფრქვევის შედეგად ვულკანური ფერფლით დაიფარა. ახლა ეს არის მუზეუმი ღია ცის ქვეშ, რომელიც იუნესკოს მსოფლიო მემკვიდრეობის ნუსხაშია შეტანილი.

Выставка Жизнь и смерть - великие Помпеи
photo : courtesy of Georgian National Museum
გამოფენა „სიცოცხლე და სიკვდილი - დიდებული პომპე

პომპეი, როგორც კარგად შემორჩენილი ქალაქი, უძველესი კულტურის შესწავლის ერთ-ერთ ძირითად წყაროს წარმოადგენს. გამოფენასთან დაკავშირებით საქართველოში იტალიის ელჩი ენრიკო ვალვო ვანის არქეოლოგიურ მუზეუმს ესტუმრა.

ელჩს საქართველოს ეროვნული მუზეუმის გენერალურმა დირექტორმა დავით ლორთქიფანიძემ უმასპინძლა. პროექტის ორგანიზატორების თქმით, გამოფენა ორი ქვეყნის ინსტიტუციებს შორის მჭიდრო თანამშრომლობის შედეგია. ორგანიზატორები არიან საქართველოს ეროვნული მუზეუმი და საქართველოში იტალიის საელჩო.

 

51
მომავლის გზა - მამა და შვილი

საქართველოში მამის დღე აღინიშნება

0
(განახლებულია 14:41 19.06.2021)
მამის დღე ახსენებს საზოგადოებას, თუ რამდენად დიდია შვილების აღზრდის პროცესში მამების ჩართულობა და აქტივობა.

თბილისი, 19 ივნისი — Sputnik. საქართველოში 20 ივნისს მამის საერთაშორისო დღეს აღნიშნავენ.

მამის დღე საქართველოში, გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია Care Together-ის ინიციატივით, კამპანიის „კაცები ზრუნავენ“ ფარგლებში წელს მეექვსედ აღინიშნება.

ამ დღის აღსანიშნავად ზუგდიდსა და ოზურგეთში რამდენიმე ღონისძიება იგეგმება.

კერძოდ, 19 ივნისს, 12:00 საათიდან 17:00 საათამდე, ზუგდიდის სპორტულ დარბაზში მამებისა და შვილებისთვის გაიმართება ტექნოლოგიური ვორქშოპი.

ვორქშოპის მიმდინარეობისას მამები და შვილები ერთად იმუშავებენ ტექნოლოგიურ პროექტებზე, რაც, ერთი მხრივ, დააახლოებს მათ და, მეორე მხრივ, ბავშვების ტექნოლოგიებით დაინტერესებას შეუწყობს ხელს.

შეხვედრა ილიას სახელმწიფო უნივერსიტეტთან და საქართველოს ინოვაციებისა და ტექნოლოგიების სააგენტოსთან თანამშრომლობით გაიმართება.

ასევე, 19 ივნისს, 18:00 საათზე, ზუგდიდის ბოტანიკურ ბაღში გაიმართება წიგნის „მამები და შვილები“ პრეზენტაცია, რომელიც 2020 წელს გამომცემლობა „არტანუჯის“ მიერ გამოიცა.

წიგნში თავმოყრილია 13 წლის მუხრან მაჭავარიანის წერილი მამისადმი, ოთარ და თაკო ჭილაძეები, გელა ჩარკვიანი და მისი შვილები – ირაკლი და თეონა, ფრიდონ და ზაზა ხალვაშები, ვახტანგ და ირინა ჯავახაძეები, ბაჩანა ბრეგვაძე და მისი ქალიშვილები ქეთევანი და ანა. ასევე ამ წიგნში შეგხვდებათ, თუ რას წერდნენ ერთმანეთს და ერთმანეთის შესახებ მიხეილ და ქეთევან ჯავახიშვილები, პაოლო და მედეა იაშვილები, კონსტანტინე და ზვიად გამსახურდიები.

ღონისძიებას ზვიად კვარაცხელია და დავით გორგილაძე გაუძღვებიან.

ხვალ, 20 ივნისს, ოზურგეთში, კაფეში „8+1“, საბავშვო წიგნის „ლუნა და ციცინათელების პლანეტა“ პრეზენტაცია გაიმართება.

წიგნის ავტორი დავით გორგილაძეა. წიგნი ერთი ჩვეულებრივი ოჯახის თავგადასავლებზე მოგვითხრობს, რომლის გარშემოც ჯადოსნური ამბები ხდება, დედა და მამა თანაბრად ინაწილებენ შვილების აღზრდის პასუხისმგებლობასა და საოჯახო საქმეებს. უახლოეს ადამიანებზე ყოველდღიური ზრუნვა და საერთო გამოწვევების გააზრება ამ ოჯახის ბედნიერებისა და ჰარმონიის საფუძველია.

ღონისძიებას წიგნის ავტორები, მწერალი დათო გორგილაძე და ილუსტრატორი თათია ნადარეიშვილი გაუძღვებიან.

მამის დღე არის დღესასწაული, რომელიც ბევრ ქვეყანაში მამობის აღსანიშნავად და მამების პატივსაცემად ყოველწლიურად აღინიშნება. ის, როგორც წესი, ივნისის მესამე კვირა დღეს იმართება. დღესასწაული პირველად აშშ-ში 1910 წლის 19 ივნისს აღინიშნა.

გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია We Care-ის ინიციატივით საქართველოში 2016 წელს დაიწყო კამპანია „კაცები ზრუნავენ“ გაეროს ერთობლივი პროგრამის „გენდერული თანასწორობისთვის" ფარგლებში და შვედეთის მთავრობის ფინანსური მხარდაჭერით.

0