მერაბ ნინიძე

რუსული ფილმი მერაბ ნინიძის მონაწილეობით კანის ფესტივალზეა წარდგენილი

57
(განახლებულია 17:04 04.06.2021)
კანის ფესტივალზე მერაბ ნინიძე 2017 წელსაც მოხვდა უნგრელი რეჟისორის კორნი მუნდრუცოს ფილმით „იუპიტერის მთვარე“.

თბილისი, 4 ივნისი – Sputnik. კანის ფესტივალზე წარდგენილია რუსი რეჟისორის ალექსეი გერმანის ფილმი „საქმე“, რომელშიც მთავარ როლს მერაბ ნინიძე ასრულებს.

სოციალურ ქსელში გამოჩნდა ფილმ „კურიერის“ ტრეილერი მერაბ ნინიძის მონაწილეობით>>

კანის 74-ე კინოფესტივალის ორგანიზატორებმა ნომინანტების სია ცოტა ხნის წინ გამოაქვეყნეს. ფესტივალი 6–17 ივნისს გაიმართება.

ცნობილი რეჟისორის ალექსეი გერმანი–უმცროსის სრულმეტრაჟიანი ფილმი წარდგენილია სპეციალურ სექციაში „განსაკუთრებული ხედვა“ (Un Certain Regard). ამ სექციაში მსოფლიოდან სულ 18 ფილმია წარდგენილი.

ფილმში ნინიძე მთავარ როლს – რუსეთში მცხოვრებ ქართველ მასწავლებელს თამაშობს, რომელიც ადგილობრივ ხელისუფლებას კორუფციაში ამხელს. მას სასამართლო შინაპატიმრობას მიუსჯის.

მერაბ ნინიძე კანის ფესტივალზე ადრეც მოხვდა. 2017 წელს ფესტივალზე წარდგენილი იყო უნგრელი რეჟისორის კორნი მუნდრუცოს ფილმი „იუპიტერის მთვარე“, რომელშიც ქართველი მსახიობი ასევე მთავარ როლს ასრულებს. ფილმი კანის 70-ე ფესტივალის ოფიციალურ პროგრამაში იყო ჩართული.

ძალზე შთამბეჭდავია მერაბ ნინიძის უცხოური ფილმოგრაფია. ქართველი მსახიობი 2020 წელს გადაიღეს გერმანულ–ავსტრალიურ დეტექტიურ სერიალში „ფროიდი“ (კინოსტუდია Netflix). 2018 წელს მან რუსი ჯაშუშის როლი ითამაშა ამერიკულ სერიალში „სამშობლო“ (Homeland), ხოლო 2017 წელს BBC-ს სერიალში „მაკმაფია“ რუსული მაფიის ბოსის როლი შეასრულა.

ნინიძეს მონაწილეობა აქვს მიღებული ამერიკულ ტელესერიალში „ბერლინის რეზიდენტურა“, ბრიტანელი ტელერეჟისორის დომინიკ კუკის ფილმში „კურიერი“. 2021 წელს გამოვიდა გერმანული სერიალი „ექიმი ბალუზი“ (Doktor Ballouz), სადაც მერაბ ნინიძემ ასევე მთავარი როლი შეასრულა.

57
თემები:
საქართველო და კულტურა (1118)
რუსთაველის თეატრი

რუსთაველის თეატრი მოსკოვში ჩეხოვის თეატრალურ ფესტივალზე მიემგზავრება

58
ქართველი არტისტები წარადგენენ გამოჩენილი ქართველი კომპოზიტორის, მაესტრო გია ყანჩელის ხსოვნისადმი მიძღვნილ სპექტაკლს „თამაშის დასასრული“.

თბილისი, 20 ივნისი – Sputnik. თბილისის შოთა რუსთაველის სახელობის თეატრის დასი რეჟისორ რობერტ სტურუას ხელმძღვანელობით მოსკოვში, ჩეხოვის თეატრალურ ფესტივალზე მიემგზავრება.

ქართველი არტისტები 30 ივნისს, 1 და 2 ივლისს „მოსსოვეტის“ თეატრის სცენაზე წარადგენენ სპექტაკლს „თამაშის დასასრული“ (Endgame). Endgame ფრანგი და ირლანდიელი მწერლის, დრამატურგ-ექსპერიმენტატორის, ნობელის პრემიის ლაურეატის სემუელ ბეკეტის ტრაგიკომედიაა.

ფესტივალში დსთ-ის და ბალტიისპირეთის ქვეყნების თეატრები მონაწილეობენ.

„ჩვენთვის ძალიან სასიამოვნოა, რომ შევძლებთ მოსკოველ მაყურებელს ვაჩვენოთ ჩვენი სპექტაკლი - ერთ-ერთი ბოლო სპექტაკლი. უჩვეულო პიესაა, უჩვეულო ავტორი და, ჩემი აზრით, მსახიობებიც არ თამაშობენ ცუდად", - განაცხადა რუსთაველის თეატრის სამხატვრო ხელმძღვანელმა რუსეთის „პირველ არხთან“ ინტერვიუში.

„თამაშის დასასრული“ სამყაროს არსებობის ბოლო წუთებზეა. რაღაც გლობალურმა კატასტროფამ ცივილიზაცია გაანადგურა, გადარჩა მხოლოდ ოთხი ადამიანი, და მათი აღსასრულიც ახლოვდება.

სპექტაკლი ეძღვნება გამოჩენილი ქართველი კომპოზიტორის, მაესტრო გია ყანჩელის ხსოვნას, რომელიც რობერტ სტურუას თანაავტორი და დიდი ხნის მეგობარი იყო.

საქართველოში სპექტაკლის პრემიერა 2020 წლის 20 თებერვალს შედგა.

ჩეხოვის საერთაშორისო თეატრალური ფესტივალი 1992 წელს დაარსდა. მას შემდეგ ფესტივალმა 51 ქვეყნის 500-ზე მეტი სპექტაკლი აჩვენა.

58
ბაკურიანი

ბაკურიანში ქართული ფილმების კინოფორუმი გაიმართება

32
(განახლებულია 13:53 20.06.2021)
წელს ბაკურიანი ქართულ კინოფორუმს მესამედ უმასპინძლებს. ღონისძიება კორონავირუსის გავრცელების პრევენციის მიზნით შემუშავებული რეგულაციების დაცვით ჩატარდება.

თბილისი, 20 ივნისი - Sputnik. ბაკურიანში 25-30 ივნისს გაიმართება კინოფორუმი „ნახე პირველად ბაკურიანში“, სადაც საზოგადოება იხილავს იმ ახალ ქართულ ფილმებს, რომლებიც ფართო აუდიტორიას ჯერ არ უნახავს, იუწყება ეროვნული კინოცენტრი.

კინოცენტრის ინფორმაციით, ღონისძიება რეგულაციების დაცვით ჩატარება. მისი მონაწილეები ნახავენ უახლეს ქართულ მხატვრულ, დოკუმენტურ და მოკლემეტრაჟიან ფილმებს (სულ 20-მდე ფილმს).

ფილმებს შორისაა ქართველი რეჟისორის – ზაზა ურუშაძის ბოლო ნამუშევარი „ანტონი“, კანის საერთაშორისო კინოფესტივალის ოფიციალურ სელექციაში შერჩეული და უკვე არაერთი პრესტიჟული ჯილდოს მფლობელი ფილმი „დასაწყისი“ (რეჟისორი დეა კულუმბეგაშვილი), ასევე საერთაშორისო ასპარეზზე აღიარებული დოკუმენტური ფილმი „მოთვინიერება“ (რეჟისორი სალომე ჯაში) და ალექსანდრე კობერიძის ფილმი „რას ვხედავთ, როდესაც ცას ვუყურებთ“, რომლის მსოფლიო პრემიერაც წელს გაიმართა ბერლინის საერთაშორისო კინოფესტივალზე.

ბაკურიანის კინოფორუმს დაესწრებიან კინოკრიტიკოსები, ჟურნალისტები, რეჟისორები, პროდიუსერები და მსახიობები.

როგორც განცხადებაშია აღნიშნული, კინოჩვენებების გარდა, ფორუმის სტუმრებს „შემოქმედებითი ევროპა” შესთავაზებს პროგრამის პრეზენტაციასა და საინტერესო დისკუსიებს ქართულ კინემატოგრაფში მიმდინარე პროცესებზე.

ღონისძიების მხარდამჭერები არიან შპს „ემ თი ეი “ , „შემოქმედებითი ევროპა“ , სასტუმრო „კრისტალი“ და ბორჯომის მუნიციპალიტეტი.

 

32
სასამართლო

ჯარისკაცების მიმართ არაადამიანური მოპყრობა: ნაფიც მსაჯულთა შერჩევა დაიწყო

0
(განახლებულია 14:47 21.06.2021)
არაადამიანური და ღირსების შემლახავი მოპყრობისთვის დაკავებულებს ხუთიდან რვა წლამდე თავისუფლების აღკვეთა ემუქრებათ.

 

თბილისი, 21 ივნისი – Sputnik. იაღლუჯას საწვრთნელ სამხედრო ბაზაზე ჯარისკაცების მიმართ დამამცირებელი და არაადამიანური მოპყრობის საქმეზე დაკავებული შინაგან საქმეთა სამინისტროს ობიექტების დაცვის დეპარტამენტის თანამშრომლის, დიმიტრი დევდარიანის საქმეზე თბილისის საქალაქო სასამართლოში ნაფიც მსაჯულთა შერჩევის პროცესი დაიწყო. 

ახალწვეულთა მიმართ არაადამიანური მოპყრობის საქმეზე  დაკავებულია შსს–ს ორი თანამშრომელი დიმიტრი დევდარიანი და გიორგი ბიჩელაშვილი.  8 ივნისს გამართულ  სასამართლო პროცესზე დევდარიანმა მისი საქმის ნაფიცი მსაჯულების მხრიდან განხილვაზე თანხმობა განაცხადა, ბიჩიაშვილი კი წინააღმდეგი წავიდა. მისი საქმე ცალკე წარმოებად გამოეყო.

საქართველოს სისხლის სამართლის პროცესის თანახმად, ნაფიც მსაჯულთა სასამართლო 12 ადამიანისგან შედგება.

საბრალდებო ვერდიქტის გამოსატანად ხმათა სამი მეოთხედია აუცილებელი, წინააღმდეგ შემთხვევაში ბრალდებული უდანაშაულოდ უნდა იყოს ცნობილი. განსაკუთრებით მძიმე საქმეში კი განაჩენის გამოტანისას სასამართლო უნდა შედგებოდეს 12 კაცისგან და ვერდიქტი აუცილებლად უნდა იყოს ერთსულოვანი.

დევდარიანის ადვოკატის დავით ჭიკაიძის განცხადებით, მისი დაცვის ქვეშ მყოფი დუმილის უფლებას იყენებს და თავს დამნაშავედ არ ცნობს.

„დღევანდელ სხდომაზე დაიწყება ნაფიც მსაჯულთა შესარჩევად პროცედურული საკითხების მათ შორის  კითხვარების განსაზღვრა.  დავით დევდარიანი დუმილის უფლებას იყენებს.  იგი აღნიშნულ ფაქტთან დაკავშირებით სასამართლოში ჩვენებას აუცილებლად მისცემს. ჩვენ მისი უდანაშაულობის დამტკიცებას შევეცდებით“, – განაცხადა ჭიკაიძემ ჟურნალისტებთან. 

გამოძიებით დადგინდა, რომ შინაგან საქმეთა სამინისტროს ობიექტების დაცვის დეპარტამენტის საბრძოლო მომზადებისა და გადამზადების სამმართველოს ცვლის უფროსებმა გადაამეტეს სამსახურებრივ უფლებამოსილებას, სხვა ჯარისკაცების თანდასწრებით ვადიანი სამხედრო მოსამსახურეების მიმართ გამოიყენეს კანონით აკრძალული დასჯის მეთოდები, რომლითაც შელახეს მათი პირადი ღირსება, არსებითად დაარღვიეს მათი უფლებები, მიაყენეს მორალური და ფიზიკური ტკივილი და დააზიანეს სახელმწიფოს კანონიერი ინტერესები.

კერძოდ, 2020 წლის მარტში დევდარიანი სამხედროებს სპეციალური ეკიპირებით, რომელიც 10 კილოგრამს იწონის, ორი საათის განმავლობაში მუხლზე დამდგარს აიძულებდა, კბილის ჯაგრისით გაეხეხათ ყაზარმის საპირფარეშოს იატაკი.

ორი თვის შემდეგ, 2020 წლის მაისში მან გაიმეორა მსგავსი ქმედება სხვა სამხედროების მიმართ და მათ საპირფარეშოს ხეხვა 11 საათის განმავლობაში აიძულა.

დევდარიანი ასევე გადის სამხედრო მოსამსახურის ცემის ეპიზოდში 2020 წლის ივლისში.

მეორე დაკავებულს ასევე ბრალად ედება სამსახურებრივი უფლებამოსილების გადაჭარბებით სამხედროების მიმართ არაადამიანური და ღირსების შემლახავი მოპყრობა. ის სამ ეპიზოდში ფიგურირებს.

შსს-ს გენერალური ინსპექციის ინფორმაციით, დაკავებულების მიერ ჩადენილი დანაშაულები დასტურდება ათეულობით მოწმის პირდაპირი ჩვენებებით, ბრალდებულთა მობილურ ტელეფონებზე ჩატარებული კომპიუტერული ექსპერტიზის დასკვნებით, გამოძიების მიერ მოპოვებული ფოტო-მტკიცებულებებით, შინაგან საქმეთა სამინისტროდან გამოთხოვილი დოკუმენტებით და სხვა მტკიცებულებებით.

აპრილში სასამართლო მოსმენაზე ცნობილი გახდა, რომ საქმეში ობიექტების დაცვის დეპარტამენტის კიდევ თანამშრომელი, ბიჩელაშვილისა და დევდარიანის უშუალო უფროსი ფიგურირებდა. მარტის ბოლოს მან თავი მოიკლა. თვითმკვლელობამდე რვა თვით ადრე ის დაიკითხა.

0