დევიდ გარეტი

დევიდ გარეტი თბილისს კიდევ ერთხელ ეწვევა

63
(განახლებულია 23:35 03.06.2021)
ცნობილი გერმანელი მევიოლინე თბილისში საქართველოს კულტურის პალატის ხელმძღვანელმა დავით ოქიტაშვილმა პირადად მოიწვია. ის საქართველოში კონცერტს მეორედ გამართავს.

თბილისი, 3 ივნისი – Sputnik. გერმანელი მუსიკოსი და ცნობილი მევიოლინე დევიდ გარეტი საქართველოს ტექნიკური უნივერსიტეტის 100 წლისთავისადმი მიძღვნილი ღონისძიების ფარგლებში კონცერტს გამართავს, ინფორმაცია „Sputnik–საქართველოს“ უნივერსიტეტის საზოგადოებასთან ურთიერთობის დეპარტამენტში დაუდასტურეს.

დევიდ გარეტი ქართველი მსმენელის წინაშე თბილისში 2022 წლის 22 მაისს წარდგება. გავრცელებული ინფორმაციით, მუსიკოსი საქართველოში ტექნიკური უნივერსიტეტის სოციალურ საკითხთა, სპორტისა და კულტურის დეპარტამენტის და საქართველოს კულტურის პალატის ხელმძღვანელმა დავით ოქიტაშვილმა მოიწვია.

როგორც ოქიტაშვილმა აღნიშნა, მას გარეტის პროდიუსერთან დიდი ხანია პირადი კონტაქტი აქვს, ერთ-ერთი საუბრისას კი მუსიკოსს თბილისში კონცერტის ჩატარება შესთავაზა.

„რამდენიმე დღის წინ დამიდასტურეს, რომ გარეტი საქართველოს ტექნიკური უნივერსიტეტის იუბილესადმი მიძღვნილ კონცერტს თბილისში მაისის თვეში გამართავს. სასიხარულოა, რომ ისეთი ვირტუოზი, როგორიც დევიდ გარეტია, გადატვირთული გრაფიკის მიუხედავად, საქართველოში ჩამოვა“, – განაცხადა ოქიტაშვილმა.

გერმანელი მუსიკოსი საქართველოში პირველად 2019 წელს ჩამოვიდა და თბილისის სპორტის სასახლეში კონცერტი გამართა.

დევიდ გარეტი 38 წლისაა. იგი ამერიკელი პრიმა-ბალერინა დავ გარეტისა და გერმანელი იურისტის ჯორჯ პიტერ ბონგარტცის ოჯახში დაიბადა. მუსიკოსმა ფსევდონიმად დედის გვარი აიღო.

დევიდმა ვიოლინოზე დაკვრა 4 წლიდან დაიწყო, უკვე 3 წლის შემდეგ კი ქალაქ ლიუბეკის კონსერვატორიაში ჩააბარა. ცხრა წლის მევიოლინის დებიუტი Kissinger Sommer-ის ფესტივალზე შედგა, 12 წლისამ კი ბრიტანელ მევიოლინესთან იდა გენდელთან დაიწყო მუშაობა.

11 წლის გარეტმა სტრადივარიუსის პირველი ვიოლინო მიიღო საჩუქრად გერმანიის პრეზიდენტ რიხარდ ფონ ვაიცზეკერისგან პატივისცემის ნიშნად.

13 წლის გარეტმა ექსკლუზიური კონტრაქტი გააფორმა Deutsche Grammophon Gesellschaft-თან და ყველაზე ახალგაზრდა შემსრულებელი აღმოჩნდა მათ შორის, ვისაც მსგავსი კონტრაქტები აქვს გაფორმებული.

2008 წელს გარეტი გინესების წიგნშიც მოხვდა – მან Полет шмеля (რიმსკი–კორსაკოვი, The Flight Of The Bumble Bee, „კელას გაფრენა") 1 წუთსა და 6,52 წამში შეასრულა.

გარეტს ეკუთვნის ისეთი ცნობილი ფილმების ქავერები, როგორიცაა Viva La Vida, Smooth Criminal, Whole Lotta Bond და ა.შ.

დევიდ გარეტმა ასევე მთავარი როლი ითამაშა ფილმში „პაგანინი: ეშმაკის მევიოლინე", რომელიც მსოფლიო კინოგაქირავებაში 2013 წელს გამოვიდა.

63
თემები:
საქართველო და კულტურა (1117)
გამოფენა „სიცოცხლე და სიკვდილი - დიდებული პომპე

დიდებული პომპეი: ძველი ქალაქის ექსპონატები საქართველოში პირველად გამოიფინება

50
(განახლებულია 19:34 14.06.2021)
გამოფენა მოუთხრობს დამთვალიერებლებს ძველი რომაული ქალაქის - პომპეის ისტორიას, რომელიც ვეზუვის ამოფრქვევის შედეგად ახ. წ. 79 წელს ვულკანური ფერფლით დაიფარა.

თბილისი, 14 ივნისი – Sputnik. 2021 წლის ივლისსა და აგვისტოში განახლებულ ვანის არქეოლოგიურ მუზეუმში პომპეის საგანძური გამოიფინება, ნათქვამია მუზეუმის განცხადებაში.

„სიცოცხლე და სიკვდილი - დიდებული პომპეი“ - ამ სახელწოდების გამოფენაზე საქართველოში პირველად იქნება წარმოდგენილი ძველი რომაული ქალაქის - პომპეის ისტორია. ნეაპოლის მახლობლად, კამპანიის რეგიონში მდებარე პომპეი ახ. წ. 79 წლის 24 აგვისტოს ვეზუვის ამოფრქვევის შედეგად ვულკანური ფერფლით დაიფარა. ახლა ეს არის მუზეუმი ღია ცის ქვეშ, რომელიც იუნესკოს მსოფლიო მემკვიდრეობის ნუსხაშია შეტანილი.

Выставка Жизнь и смерть - великие Помпеи
photo : courtesy of Georgian National Museum
გამოფენა „სიცოცხლე და სიკვდილი - დიდებული პომპე

პომპეი, როგორც კარგად შემორჩენილი ქალაქი, უძველესი კულტურის შესწავლის ერთ-ერთ ძირითად წყაროს წარმოადგენს. გამოფენასთან დაკავშირებით საქართველოში იტალიის ელჩი ენრიკო ვალვო ვანის არქეოლოგიურ მუზეუმს ესტუმრა.

ელჩს საქართველოს ეროვნული მუზეუმის გენერალურმა დირექტორმა დავით ლორთქიფანიძემ უმასპინძლა. პროექტის ორგანიზატორების თქმით, გამოფენა ორი ქვეყნის ინსტიტუციებს შორის მჭიდრო თანამშრომლობის შედეგია. ორგანიზატორები არიან საქართველოს ეროვნული მუზეუმი და საქართველოში იტალიის საელჩო.

 

50
ნატალია ქუთათელაძე

„ცოტა შოკირებული ვარ...“ ნატალია ქუთათელაძის საერთაშორისო წარმატება

132
(განახლებულია 22:49 14.06.2021)
ცნობილი ოჯახის შვილი – ნატალია ქუთათელაძე შვილს ელოდება, თუმცა შემოქმედებით საქმიანობასაც არ ივიწყებს.

თბილისი, 14 ივნისი — Sputnik. ქართველი მომღერალი ნატალია ქუთათელაძე, რომელიც BBC-ს მუსიკალურ კონკურსში მონაწილეობს, პირველი რაუნდის გამარჯვებული გახდა, ნატალია რამდენიმე დღეში ფინალურ ტურში იმღერებს.

13 ივნისს ეკა მამალაძის უმშვენიერესმა ქალიშვილმა, მეცო-სოპრანო ნატალია ქუთათელაძემ „დეივიდს ჰოლის“ საკონცეტრო დარბაზში Samson, recherchant me présence ... Amour! Viens aider ma faiblesse Samson et Dalila Saint-Saëns არია შეასრულა და პირველი რაუნდის გამარჯვებული გახდა.

„ცოტა შოკირებული ვარ, მაგრამ ამავდროულად ვარ მადლობელი. ვამაყობ აქ მყოფი თითოეული ადამიანით, რადგან მათ დიდი საქმე შეასრულეს. მადლობელი ვარ იმ გარემოსი, რომელსაც ეს კონკურსი ქმნის. ვგრძნობ უდიდეს მხარდაჭერას ამ აუდიტორიისგან და ამისთვისაც მადლობელი ვარ, ასევე მადლობა ჩემს საოცარ კოლეგებს“, – თქვა ნატალიამ გამარჯვების შემდეგ.

ნატალიას გამარჯვებას გამოეხმაურნენ სოციალურ ქსელშიც, კონკურსის მაყურებლებმა მეცო-სოპრანოს ნამღერი დადებითად შეაფასეს.

როგორც BBC წერს, კონკურსს რამდენიმე გამარჯვებული ეყოლება, მთავარი პრიზის მფლობელი 20 000 ფუნტ სტერლინგსა და თასს მიიღებს. მეორე გამარჯვებული სიმღერის მიხედვით შეირჩევა და საჩუქრად 10 000 ფუნტ სტერლინგსა და ასევე თასს მიიღებს. ხოლო მესამე გამარჯვებულს მაყურებლები შეარჩევენ, მას 2 500 ფუნტი სტერლინგი და კრისტალის თასი გადაეცემა. კონკურსს მთელ ბრიტანეთში გაუშვებენ, ქართველი მაყურებელი კი მას ინტერნეტში რამდენიმე დღეში იხილავს.

2020 წელს პანდემიის გამო კონკურსი ჩაიშალა და წელს ერთწლიანი პაუზის შემდეგ ბრიტანეთმა გრანდიოზულ ცერემონიას კვლავ უმასპინძლა.

აღსანიშნავია, რომ ეკა მამალაძის უმშვენიერესი ქალიშვილი ორსულად არის, ნატალია მალე დედა გახდება. პანდემიის მიუხედავად მომღერალი არაფერს უშინდება და წარმატებით მიიწევს წინ.

BBC CARDIFT SINGER OF THE WORLD 2021 მსოფლიოში ერთ-ერთი ყველაზე პრესტიჟული ოპერის მომღერალთა კონკურსია, რომელიც ყოველ წელს ბრიტანეთში იმართება და სხვადასხვა ქვეყნის ოპერის მომღერლები დიდი ბრიტანეთს თავიანთი ნიჭის დემონსტრაციის მიზნით სტუმრობენ. BBC CARDIFT SINGER OF THE WORLD 2021 ხუთი ტურისგან შედგება და თითოში 3-4 ოპერის მომღერალი გამოდის. წელს კონკურსს 15 ქვეყნიდან 16 მონაწილე ჰყავს. პირველი ტური 13 ივნისს უკვე გაიმართა 19-ში კი ფინალური ტური გაიმართება.

132
თემები:
ქართველი სელებრითები
ვაშლიჯვარი

როდის აღდგება ვაშლიჯვრის გზაზე მოძრაობა - თბილისის მერის მოადგილის განმარტება

0
(განახლებულია 13:14 17.06.2021)
თბილისის მერია ელოდება ექსპერტულ პროექტს, რომლის მიხედვით დაიწყება მეორე ეტაპის სამუშაოები. ორმხრივი მოძრაობა მეწყრული პროცესების სრული სტაბილიზაციის შემდეგ აღდგება.

თბილისი, 17 ივნისი — Sputnik. ვაშლიჯვარი-ნუცუბიძის დამაკავშირებელ მუხრან მაჭავარიანის ქუჩაზე ავტოტრანსპორტის მოძრაობა, სავარაუდოდ 2,5 თვეში აღდგება, განაცხადა თბილისის მერის მოადგილეირაკლი ბენდელიანმა ტელეკომპანია Imedi-ის ეთერში.

15 მარტს თბილისის მერიამ გაავრცელა განცხადება, რომ ვაშლიჯვარი-ნუცუბიძის დამაკავშირებელ მუხრან მაჭავარიანის ქუჩასა და მიმდებარე ფერდებზე განხორციელებული გარკვეული მოქმედებების გამო მეწყრული პროცესები გააქტიურდა. ფერდობზე 18 მეტრზე მეტი სიღრმის ნაპრალები გაჩნდა, რომელთა სიგანე ყოველდღე დაახლოებით 5 სანტიმეტრით იზრდებოდა. გეოლოგების პროგნოზით, გაჩნდა ფერდობის ჩამოშლის სერიოზული საფრთხე. მოსახლეობის უსაფრთხოების მიზნით 16 მარტიდან აღნიშნულ ტერიტორიაზე საავტომობილო მოძრაობა ორმხრივად შეიზღუდა. მოგვიანებით დაიწყო ფერდობის გამაგრების სამუშაოები.

ბენდელიანის განმარტებით, ქალაქის ხელისუფლებამ უცხოელი სპეციალისტების ჩართულობით წარმატებით შეასრულა მაჭავარიანის ქუჩაზე და მიმდებარე ტერიტორიაზე გამაგრებითი სამუშაოების პირველი ეტაპი და მოსახლეობას არანაირი საფრთხე აღარ ემუქრება. აღნიშნულ ტერიტორიაზე მეწყრული პროცესის შეჩერების მიზნით, სამუშაოების მეორე ეტაპი ექსპერტული პროექტის შესაბამისად განხორციელდება, დაძინა მან.

„რამდენიმე დღეში ველოდებით დეტალურ პროექტს, რომლის მიხედვითაც დაიწყება მეორე ეტაპის სამუშაოები... ბუნებრივია, ჩვენც გვეჩქარება საავტომობილო მოძრაობის აღდგენა, თუმცა, პირველ რიგში, აუცილებელია დავრწმუნდეთ, რომ იგი გადაადგილებისთვის უსაფრთხო იქნება", - განაცხადა ბენდელიანმა.

მეწყრული პროცესების გააქტიურების შემდეგ თბილისის მერიამ მეწყერსაშიშ ტერიტორიაზე დაამონტაჟა მონიტორინგის თანამედროვე სისტემა, რომელიც 24-საათიან რეჟიმში უზრუნველყოფს მეწყრულ პროცესებზე ზუსტი ინფორმაციის მიღებას.

ამჟამად მეწყრის რისკები მერიის მიერ ჩატარებული სამუშაოების შედეგად შემცირებულია.

0
თემები:
თბილისის მერია