კახი კავსაძე და ბელა მირიანაშვილი

კახი კავსაძეს საბურთალოს სასაფლაოზე დაკრძალავენ

137
გამოჩენილი ქართველი მსახიობის, კახი კავსაძის გარდაცვალების გამო რუსთაველის თეატრმა 28 აპრილს დანიშნული სპექტაკლი მოხსნა.

თბილისი, 27 აპრილი - Sputnik. ყველასათვის საყვარელ მსახიობ კახი კავსაძეს, ოჯახის გადაწყვეტილებით, საბურთალოს სასაფლაოზე მეუღლის, ბელა მირიანაშვილის გვერდით დაკრძალავენ, იუწყება ტელეკომპანია „რუსთავი2“.

მსახიობს რუსთაველის თეატრში დაასვენებენ, სადაც სამოქალაქო პანაშვიდი გაიმართება.

კახი კავსაძეს ქაშუეთის ეკლესიიდან გაასვენებენ. დედაქალაქის მერიის ინფორმაციით, დაკრძალვასთან დაკავშირებულ ხარჯებს სახელმწიფო გაიღებს.

კახი კავსაძე 85 წლის ასაკში დღეს გარდაიცვალა. მსახიობი კორონავირუსის დიაგნოზით კლინიკაში გასული წლის 28 ნოემბერს მოათავსეს. მას სუნთქვის უკმარისობა აღენიშნებოდა. დეკემბერში გავრცელდა ინფორმაცია, რომ მსახიობმა დაამარცხა დაავადება და კლინიკიდან გაეწერა. თუმცა, მოგვიანებით მსახიობის ჯანმრთელობის მდგომარეობა მკვეთრად გაუარესდა და იგი თბილისის საუნივერსიტეტო კლინიკის რეანიმაციულ განყოფილებაში მოათავსეს, სადაც ამ დრომდე მკურნალობის კურსს გადიოდა.

ათწლეულების განმავლობაში კახი კავსაძე შოთა რუსთაველის სახელობის თბილისის აკადემიური თეატრის წამყვანი მსახიობი იყო. მას 80-ზე მეტ ფილმში აქვს მონაწილეობა მიღებული.

აღსანიშნავია მისი როლები ფილმებში „ვერის უბნის მელოდიები“, „ნატვრის ხე“, „მონანიება“, „უდაბნოს თეთრი მზე“, „ცხოვრება დონ კიხოტისა და სანჩოსი“, „სიყვარული ყველას უნდა“ და სხვ. 2011 წელს რეჟისორმა ნანა ჯანელიძემ მსახიობზე გადაიღო დოკუმენტური ფილმი „კახი კავსაძე - ნეტავი იქ თეატრი არის?“

137
ეთნოგრაფიული მუზეუმი

საქართველოში მუზეუმების ფესტივალი გაიმართება

34
(განახლებულია 19:28 17.05.2021)
საქართველოს ეროვნული მუზეუმის მმართველობაში არსებულ ყველა მუზეუმში 18 მაისს, 10:00-დან 17:30 საათამდე შესვლა ყველასთვის უფასო იქნება.

თბილისი, 17 მაისი – Sputnik. მუზეუმების კვირეული, ანუ საქართველოს ეროვნული მუზეუმის ფესტივალი, რომელიც მუზეუმების საერთაშორისო დღეს ეძღვნება, 18–26 მაისს მთელი ქვეყნის მასშტაბით გაიმართება, ნათქვამია ეროვნული მუზეუმის ვებ-გვერდზე.

ამ დღეებში საქართველოს ეროვნული მუზეუმის მმართველობაში არსებულ ყველა მუზეუმში მოეწყობა ექსკურსიები კურატორებთან ერთად, საგანმანათლებლო პროგრამები, წიგნების პრეზენტაციები, საჯარო ლექციები, დროებითი გამოფენების გახსნა. ღონისძიებებზე დასწრება თავისუფალია.

საქართველოს ეროვნული მუზეუმის მმართველობაში არსებული მუზეუმები:

მუზეუმები თბილისში

  • სიმონ ჯანაშიას სახელობის საქართველოს მუზეუმი | რუსთაველის გამზ. 3
  • დიმიტრი შევარდნაძის სახელობის ეროვნული გალერეა | რუსთაველის გამზ. 11
  • იოსებ გრიშაშვილის სახელობის თბილისის ისტორიის მუზეუმი - ქარვასლა | სიონის ქ. 8
  • გიორგი ჩიტაიას სახელობის ეთნოგრაფიული მუზეუმი (კუს ტბის გზატკეცილი)

მუზეუმები რეგიონებში

  • სვანეთის მუზეუმი | მესტია, ა. იოსელიანის ქ. 7
  • სიღნაღის მუზეუმი | სიღნაღი, რუსთაველის ჩიხი 8
  • ბოლნისის მუზეუმი | ბოლნისი, აღმაშენებლის ქ. 48ა
  • ვანის არქეოლოგიური მუზეუმი | ვანი, ოთარ ლორთქიფანიძის ქ. 32
  • ძალისას მუზეუმ-ნაკრძალი | მცხეთის რაიონი, სოფელი ძალისა
  • ივანე ჯავახიშვილის სახელობის სამცხე-ჯავახეთის მუზეუმი | ახალციხე, რაბათის ციხე, პეტრე ხარისჭირაშვილის ქ. 1
  • ფოთის კოლხური კულტურის მუზეუმი | ფოთი, 26 მაისის ქ. 9
  • დმანისის მუზეუმ-ნაკრძალი | დმანისის რაიონი, სოფელი პატარა დმანისი
34
თემები:
საქართველო და კულტურა
მუსიკალური პროექტი The Voice of Georgia ბრუნდება

ქართული „ვოისის“ გამარჯვებული მაგდა ივანიშვილი გახდა

102
ფინალისთვის მაგდამ შეარჩია ლეგენდარული Queen-ის ჰიტი Bohemian Rhapsody, მას ხმა მისცა მაყურებელთა 25%-მა.

თბილისი, 16 მაისი – Sputnik. „პირველ არხზე“ გრანდიოზული მუსიკალური შოუს The Voice of Georgia გამარჯვებული სტეფანე მღებრიშვილის გუნდის წევრი მაგდა ივანიშვილი გახდა.

The Voice of Georgia - არის სატელევიზიო ვოკალური შოუ. 2012 წლიდან კონკურსი „იმედის“ არხზე გადიოდა, ამჟამად კი „პირველი არხით“ გადაიცემა.

ადრე მას ეწოდებოდა „ახალი ხმა“. პირველი ორი სეზონის გამარჯვებულები გახდნენ სალომე ქათამაძე და მარიამ ჩაჩხიანი. პროექტი არის ორიგინალური ფორმატის The Voice ქართული ანალოგი. პროექტი 2010 წელს ჰოლანდიურ ტელევიზიაში RTL4 გამოჩნდა, როგორც The Voice of Holland.

კონკურსის ფინალში რვა მონაწილე გავიდა. გამარჯვებული მაყურებელთა კენჭისყრის საფუძველზე გამოვლინდა. სულ შევიდა 1.039.760 ზარი. აქედან მაგდა ივანიშვილს მხარი დაუჭირა 25,39%-მა. ფინალისთვის მაგდამ შეარჩია ლეგენდარული Queen-ის ჰიტი Bohemian Rhapsody.

გამარჯვებულს ერგო „ვოისის“ პრიზი და 20 ათასი ლარი.

საგარეჯოელი მაგდა ივანიშვილი 22 წლისაა. ტელევიზიაში პირველად გამოჩნდა 2016 წელს მუსიკალურ პროექტში X Factor Georgia, მაგრამ მაშინ ფინალამდე ვერ მივიდა.

The Voice of Georgia 2021-ში კონკურსანტების მწვრთნელები იყვნენ ქართული ფოლკ-როკის ლეგენდა ნიაზ დიასამიძე, ახალგაზრდა ნიჭიერი მომღერალი და მუსიკოსი სალიო (სალომე კორკოტაშვილი), მომღერალი და კომპოზიტორი სტეფანე (მღებრიშვილი), ვირტუოზი მუსიკოსი, კომპოზიტორი, პიანისტი და დირიჟორი ნიკოლოზ რაჭველი.

102
ილონ მასკი

მილიარდერთა სიაში ცვლილებებია: ილონ მასკმა მესამე ადგილზე გადაინაცვლა

0
(განახლებულია 13:14 18.05.2021)
ორშაბათს Tesla-ს აქციების ღირებულება  2,2%–ით – 576,83 დოლარამდე დაეცა. მაისის დასაწყისიდან აქციების ღირებულება დაახლოებით 18,7%–ით შემცირდა.

თბილისი, 18 მაისი ― Sputnik. კომპანია SpaceX-ისა და Tesla-ს დამფუძნებელმა ილონ მასკმა მსოფლიოს უმდიდრესი ადამიანების სიაში პოზიციები  Louis Vuitton Moët Hennessy –ს პრეზიდენტ ბერნარდ არნოს დაუთმო და მესამე ადგილზე გადაინაცვლა, Bloomberg Billionaires Index–ის (BBI) მონაცემებს სააგენტო „ბლუმბერგი“ ავრცელებს.

BBI–ის მონაცემებით, ამერიკელმა ბიზნესმენმა ბოლო დღეებში 3,16 მლრდ დოლარი დაკარგა და ამ დროისთვის მისი ქონება 160,6 მლრდ დოლარად არის შეფასებული.  არნოს ქონება 285 მილიონით გაიზარდა და 161,2 მლრდ დოლარი შეადგინა.

 

მსოფლიოს უმდიდრეს ადამიანთა ჩამონათვალში პირველ პოზიციას კვლავ Amazon–ის დამფუძნებელი ჯეფ ბეზოსი ინარჩუნებს. მისი ქონება 2,41 მლრდ დოლარით გაიზარდა და 190 მლრდ–ს მიაღწია.

ამასთან აღსანიშნავია, რომ Forbes Real-Time–ის რეიტინგშიც მასკი 146,5 მლრდ დოლარით (ქონება შემცირდა 2,6 მილიარდით) მესამე ადგილზეა, არნოს კაპიტალი 182,6 მლრდ დოლარს (შემცირდა 1,2 მილიარდით) შეადგენს, ბეზოსის სიმდიდრე კი 189,5 მლრდ დოლარით (გაიზარდა 2,4 მილიარდით) ფასდება.

 

0
თემები:
მსოფლიო დღეს