რუპი კაური

საქართველოში კანადელი პოეტი რუპი კაური ჩამოვა

36
(განახლებულია 16:10 09.04.2021)
იუნესკოს გადაწყვეტილებით, 2021 წლის 23 აპრილს თბილისი კუალა-ლუმპურისგან წიგნის მსოფლიო დედაქალაქის სტატუსს მიიღებს. ღონისძიებაზე დედაქალაქში არაერთი სახელოვანი ლიტერატორი ჩამოვა.

თბილისი, 8 აპრილი - Sputnik. კანადელი პოეტი ქალი და ილუსტრატორი რუპი კაური (Rupi Kaur) საქართველოში ჩამოვა ღონისძიების „თბილისი – წიგნის მსოფლიო დედაქალაქი 2021“ ფარგლებში.

რუპი კაური 28 წლისაა. მან სახელი სოციალურ ქსელებში გაითქვა, სადაც თავის ვიზუალურ პოეზიას აქვეყნებს. ესაა პოეტური ტექსტის მრავალსახეობა, სადაც მნიშვნელოვანი როლი ტექსტის გრაფიკულ გამოსახულებას ენიჭება.

View this post on Instagram

A post shared by rupi kaur (@rupikaur_)

ფართო აღიარება კაურმა მოიპოვა წიგნის „რძე და თაფლი“ გამოშვების შემდეგ, რომელიც ბესტსელერად იქცა. 2017 წელს მეორე წიგნიც გამოსცა – „მზე და მისი ყვავილები“, რომლის წყალობითაც BBC-ს 100 ქალის სიაში შევიდა (2017 წელს). 2020 წელს მან ლექსების მესამე კრებული home body გამოსცა.

პოეტის საქართველოში ჩამოსვლის ზუსტი თარიღი ჯერ უცნობია. პროექტის „თბილისი – წიგნის მსოფლიო დედაქალაქი 2021“ დირექტორის ნინია მაჭარაშვილის თქმით, პროგრამის ფარგლებში კიდევ ორი ცნობილი მწერლის ჩამოსვლა იგეგმება, რომელთა ვინაობას ჯერ არ ამხელენ.

იუნესკოს გადაწყვეტილებით, თბილისი წიგნის მსოფლიო დედაქალაქის სტატუსს 2021 წლის 23 აპრილს კუალა–ლუმპურისგან გადმოიბარებს. პროექტის ფარგლებში ერთი წლის განმავლობაში დაგეგმილია 100-ზე მეტი საგანმანათლებლო, შემეცნებითი, ინფრასტრუქტურული და საბავშვო პროექტის განხორციელება.

UNESCO World Book Capital (წიგნის მსოფლიო დედაქალაქი) – ფართომასშტაბიანი პროექტია, რომელიც 2002 წელს UNESCO-ს გენერალური კონფერენციის გადაწყვეტილებით დაარსდა.

36
თემები:
საქართველო და კულტურა (1079)
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

7
(განახლებულია 14:46 14.04.2021)
კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება - მსმენელის წინაშე პიანისტი ალექსანდრე ვასაძე წარდგება

თბილისი, 14 აპრილი - Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ–მუსიკალურ ცენტრში 18 აპრილს გაიმართება. 

სცენაზე გაიჟღერებს ორკესტრის თანხლებით ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ასევე ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში.  ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

7
თემები:
საქართველო და კულტურა (1079)
 Mercedes-Benz Fashion Week Tbilisi

Mercedes Benz Fashion Week Tbilisi მაისში ონლაინ–ფორმატში გაიმართება

27
(განახლებულია 21:27 13.04.2021)
კორონავირუსის პანდემიის გამო თბილისის მოდის კვირეული ვირტუალურ ფორმატში ჩატარდება – ქართველი დიზაინერების ნამუშევრების ნახვა პლატფორმაზე MBFWTBILISI.ONLINE იქნება შესაძლებელი 

თბილისი, 14 აპრილი – Sputnik.  დედაქალაქის ერთ-ერთი ყველაზე დიდი მოვლენა მოდის სამყაროში Mercedes-Benz Fashion Week Tbilisi 6–9 მაისს გაიმართება – ქართველი დიზაინერები 2021–22 წლების შემოდგომა–ზამთრის სეზონის კოლექციას ონლაინ–ფორმატში წარმოადგენენ. 

„მოდის კვირეულის ციფრულ ფორმატში გადასვლა მთელ მსოფლიოში შექმნილმა სიტუაციამ გამოიწვია. ჩვენთვის რთული აღმოჩნდა, რადგან ქართველი დიზაინერებისთვის ჩვენებაზე საერთაშორისო პრესის და ბაიერების ფიზიკური დასწრება აუცილებელია. ამ სეზონზე ფორმატი უცვლელი, ანუ ციფრული იქნება, თუმცა, შედარებით განსხვავებული. ლაივ–ჩვენებების გადაღებები ჩვენს ახალ სივრცეში,  „კოკა-კოლას“ ძველ ქარხანაში მიმდინარეობს“, – განაცხადა პორტალ at.ge–თან ინტერვიუში MBFWTBILISI–ის დამფუძნებელმა სოფო ჭყონიამ.

Mercedes Benz Fashion Week Tbilisi–ის ჩვენებები პლატფორმაზე  MBFWTBILISI.ONLINE ჩატარდება და  მაყურებელს პირდაპირ ეთერში თვალის დევნება შეეძლება.

მოდის კვირეულის მონაწილეთა სია და ჩვენებების განრიგი ოფიციალურ ვებგვერდზე მოგვიანებით გამოქვეყნდება.

Mercedes-Benz Fashion Week – ესაა მოდის საერთაშორისო კვირეულების სერია, რომელიც Mercedes-Benz-მა დააარსა. ის ყოველწლიურად ტარდება მსოფლიოს სხვადასხვა ქვეყანაში, მათ შორის – რუსეთში, გერმანიაში, აშშ-ში, თურქეთში, ავსტრალიაში და ა.შ.

27
დისტანციური სწავლება

ფოთში სასწავლო პროცესი შეწყდა: სკოლები დისტანციურ რეჟიმზე გადავიდნენ

0
(განახლებულია 14:14 14.04.2021)
საქართველოში ბოლო 24 საათში გამოვლენილი კორონავირუსის 1.085 ახალი დადასტურებული შემთხვევიდან 120 სამეგრელო–ზემო სვანეთში  დაფიქსირდა

თბილისი, 14 აპრილი - Sputnik. ფოთის მუნიციპალიტეტში  გაზრდილი ინფიცირების შემთხვევის გამო, საჯარო და კერძო სკოლები სწავლების დისტანციურ რეჟიმზე გადავიდნენ, იუწყება პირველი არხი.

ფოთის რესურს–ცენტრის უფროსის გოჩა ქორქიას განცხადებით, ფოთის მასშტაბით 11 საჯარო და ოთხი კერძო სკოლა ონლაინ–ფორმატში ორი კვირის ვადით გააგრძელებს ფუნქციონირებას. 

„აღნიშნული გადაწყვეტილება კორონავირუსის გავრცელების თავიდან აცილების მიზნით განხორციელდა. სასწავლო დაწესებულებებში კვლავაც გაგრძელდება პედაგოგთა ტესტირებები და სკოლის ადმინისტრაციები მოსწავლეთა ჯანმრთელობის მდგომარეობის მონიტორინგს განახორციელებენ“, – განაცხადა რესურს ცენტრის ხელმძღვანელმა, გოჩა ქორქიამ.

ქვეყნის მასშტაბით ინფიცირების მატების გამო საქართველოს განათლებისა და მეცნიერების სამინისტრო საზოგადოებას კიდევ ერთხელ მიმართავს თხოვნით, ზედმიწევნით დაიცვან ჯანდაცვის სამინისტროს მიერ შემუშავებული რეკომენდაციები, რათა მოსწავლეებმა სემესტრის დასრულება ბუნებრივ გარემოში, სასკოლო სივრცეში შეძლონ.

განათლების სამინისტროს ინფორმაციით, საქართველოში ამ ეტაპზე სრულ დისტანციურ სწავლებაზე 43 სკოლა და 174 ცალკეული კლასი იმყოფება.

0
თემები:
განათლება საქართველოში