ტოტალური კარნახი

„ტოტალური კარნახი 2021“ საქართველოში: სად და როგორ ჩატარდება საგანმანათლებლო აქცია

47
Sputnik-საქართველომ გაარკვია, რისთვის უნდა დაიწეროს „ტოტალური კარნახი“, რატომ არ ღირს გადაწერა და რა უნდა ვიცოდეთ ყველაზე მასშტაბურ საგანმანათლებლო აქციაზე

თბილისი, 7 აპრილი - Sputnik. ყოველწლიური საგანმანათლებლო აქცია „ტოტალური კარნახი“ თბილისში 10 აპრილს ერთბაშად ორ ადგილზე ჩატარდება. ამის შესახებ ღონისძიების კოორდინატორმა ელენა გალაშევსკაიამ Sputnik-საქართველოს მულტიმედიურ პრესცენტრში ისაუბრა.  

არჩევანის შესაძლებლობა

გალაშევსკაიას სიტყვებით, წელს ღონისძიება პრიმაკოვის სახ. ქართულ-რუსულ საზოგადოებრივ ცენტრში და რუსული ენის ცენტრ „აზბუკაში“ გაიმართება. იქვე ჩატარდება ტესტი TruD. ესაა ტესტი, რომელშიც რუსული ენა წარმოდგენილია უცხო ენის სახით, შეიცავს ათ დავალებას და მოკლე კარნახს.

Елена Галашевская. Пресс-конференция на тему Тотальный диктант - 2021 в Тбилиси
© Sputnik / Alex Shlamov
„ტოტალური კარნახის“ კოორდინატორი ელენა გალაშევსკაია

ელენა გალაშევსკაია აღნიშნავს, რომ ზოგადსაგანმანათლებლო „ფლეშმობში“ მონაწილეობის მისაღებად საჭიროა რეგისტრაციის გავლა „ტოტალური კარნახის“ ვებგვერდზე და ქალაქ თბილისის მითითება. რეგისტრაცია რთული არ არის, თუმცა თუ მონაწილეს ხელი არ მიუწვდება ინტერნეტზე, ის შეძლებს უშუალოდ ღონისძიების ადგილზე დარეგისტრირებას.

COVID-19-ის პანდემიის გათვალისწინებით, ორგანიზატორები მონაწილეებს კარნახის სახლში, უბრალო ქაღალდის ფურცლებზე დაწერის შესაძლებლობასაც აძლევენ. თუ მონაწილე მოისურვებს, რომ მისი ნამუშევარი შემოწმდეს, აუცილებელია ფურცლის დახაზვა და შევსება აქციის ვებგვერდზე გამოქვეყნებული ბლანკის მსგავსად. თუმცა კარნახის შემოწმება მონაწილეს თავადაც შეუძლია.

ქართველების შეცდომები და უპირატესობები

Sputnik-ის კითხვას, ყველაზე ხშირად რა შეცდომებს უშვებენ „ტოტალური კარნახის“ ქართველი მონაწილეები, გალაშევსკაიამ უპასუხა, რომ ყველაზე ხშირია პუნქტუაციის შეცდომები.

Елена Галашевская. Пресс-конференция на тему Тотальный диктант - 2021 в Тбилиси
© Sputnik / Alex Shlamov
ელენა გალაშევსკაია. პრეს-კონფერენცია თემაზე „ტოტალური კარნახი - 2021“ თბილისში

„იცით, რით განსხვავდება „ტოტალური კარნახი“? იქ ძალიან რთული საავტორო პუნქტუაცია და წესებია. ზოგჯერ იქ, სადაც შეიძლება ტირეს დასმა, ჩვენ ვსვამთ მძიმეს ან პირიქით, გამოდის, რომ ეს შეცდომაა. ამიტომ „ტოტალური კარნახის“ ხუთიანზე დაწერა, ცოტა არ იყოს, რთულია. ეს ჩემი აზრია“, - ამბობს კოორდინატორი.

მიუხედავად გრამატიკული შეცდომებისა, „კარნახის“ კოორდინატორის თქმით, ქართველი მონაწილეების უმეტესობა გამოირჩევა ლამაზი კალიგრაფიით.

გალაშევსკაიას თქმით, „ტოტალური კარნახი“ არა მხოლოდ ზოგადსაგანმანათლებლო აქციაა, არამედ თანამედროვე რუსული ლიტერატურის გაცნობის უნიკალური შესაძლებლობაცაა.

„ტოტალური კარნახი - ზეიმია ყველასთვის, ვისაც რუსული ენა უყვარს, ვისაც უხარია ახლის შეტყობა რუსულ ლიტერატურაზე, რადგან ყოველი „ტოტალური კარნახისთვის“ ახალი ტექსტი ირჩევა. საინტერესოა, რომ როდესაც ავტორი ახალია, კარნახის შემდეგ ადამიანები ერთმანეთს ესაუბრებიან, ეკითხებიან: „თქვენ თუ წაიკითხეთ?“, „მისი რომანი წაგიკითხავთ?“ ეს ძალიან კარგია, როდესაც თბილისში ვიწყებთ თანამედროვე რუსული ლიტერატურის ძიებას და დროს ფეხს ვუბამთ“, - ხაზს უსვამს კოორდინატორი.

გალაშევსკაიამ აქციის მონაწილეებს მიმართა თხოვნით, არ გადაეწერათ, რადგან ასე შეიძლებოდა სხვისი შეცდომები გაემეორებინათ.

„ყოველთვის ვაფრთხილებ, რომ გადაწერა არ ღირს, რადგან ასე სხვის შეცდომას იწერ. იქნებ თავად სწორად წერ? ასეთი რჩევა მაქვს - როგორც დაწერთ, ისე დატოვეთ. ალბათ ეს ჩემი გამოცდილებაა - როდესაც კარნახს ვწერთ, მთლიანად კონცენტრირებული ვართ, ყურადღებით ვისმენთ და ვწერთ ბევრად უკეთ, ვიდრე შემდეგ, როდესაც ნამუშევარს ვამოწმებთ. ეს ნაშრომში იკითხება - შეიძლება მონაწილემ დაწეროს მძიმე, შემდეგ დიდხანს იფიქროს და გადახაზოს. ხშირად შეცდომით ასწორებენ, თავიდან კი სწორად წერენ“, - ყვება კოორდინატორი.

საქართველოს მოქალაქეებმა შეამოწმეს თავის ცოდნა პროექტში „ტოტალური კარნახი“ >>

„ტოტალური კარნახი“ - ყველა მსურველისთვის ნებაყოფლობითი კარნახის ფორმატის ყოველწლიური საგანმანათლებლო აქციაა. პირველად ღონისძიება 2004 წელს ნოვოსიბირსკში ჩატარდა. „ტოტალური კარნახის" მიზანია თითოეულ ადამიანს მისცეს შესაძლებლობა, შეამოწმოს რუსული ენის ცოდნა და ცოდნის ამაღლების ინტერესი გაუღვიძოს.

47
ტოტალური კარნახი თბილისში 2021 წელს

„ტოტალური კარნახი“ პანდემიის დროს: თბილისში საგანმანათლებლო აქცია გაიმართა

23
კორონავირუსთან დაკავშირებული რთული მდგომარეობის გამო აქციაში მონაწილეთა რაოდენობა საგრძნობლად შემცირდა, მაგრამ გამბედავი ადამიანები მოიძებნა

თბილისი, 10 აპრილი - Sputnik. ყოველწლიური საგანმანათლებლო აქცია „ტოტალური კარნახი“ თბილისში კორონავირუსის პანდემიის მიუხედავად მაინც შედგა.

„ტოტალური კარნახი“ გაიმართა ორ მოედანზე - პრიმაკოვის სახელობის ქართულ-რუსულ საზოგადოებრივ ცენტრში, სადაც უშუალოდ კარნახს წერდნენ, და რუსული ენის ცენტრ „აზბუკაში“, სადაც ტესტ TruD-ის მონაწილეები შეიკრიბნენ, რომელშიც რუსული როგორც უცხო ენაა წარმოდგენილი.

Тотальный диктант 2021 в столице Грузии
© Sputnik / Vladimir Umikashvili
ტოტალური კარნახი თბილისში 2021 წელს

როგორც თბილისში ღონისძიების კოორდინატორმა ელენა გალაშევსკაიამ განაცხადა, სულ 17 მონაწილე იყო: 11-მა კარნახი დაწერა, დანარჩენმა ექვსმა - ტესტი TruD.

„ეს ჩვენი მეხუთე შეხვედრაა, და სხვა შეხვედრებისგან განსხვავებით, ადამიანების რაოდენობამ იკლო. მაგრამ გვიხარია, რომ ზოგმა ჯანმრთელობის ფასად გარისკა და მოვიდა. ყველანი მზად იყვნენ კარნახის დასაწერად, პანდემიის და ჩვენი თანამედროვე ცხოვრების ხიფათების მიუხედავად“, - განუცხადა გალაშევსკაიამ Sputnik-საქართველოს.

აქციაზე მისულები წერდნენ რუსი მწერლის, დმიტრი გლუხოვსკის ტექსტს. კარნახის შემდეგ აქციის ერთ-ერთმა გამოცდილმა მონაწილემ ციური ბერიძემ აღნიშნა, რომ ტექსტი საინტერესო და არც ისე რთული აღმოჩნდა.

Тотальный диктант 2021 в столице Грузии
© Sputnik / Vladimir Umikashvili
ტოტალური კარნახი თბილისში 2021 წელს

„ყოველ წელს სიამოვნებით ვიღებ მონაწილეობას ამ აქციაში, რადგან მიყვარს ჩემი საგანი. ორმოც წელიწადზე მეტი ვიმუშავე სკოლაში, ვასწავლიდი რუსულ ენასა და ლიტერატურას. ამ კარნახის შინაარსი ყველა მონაწილისათვის საინტერესო იყო. ტექსტი არ იყო ძალიან რთული, სიამოვნებით ვწერეთ“, - უამბო ბერიძემ Sputnik-საქართველოს კორსპონდენტს.

მონაწილეების ნამუშევრები რამდენიმე დღის განმავლობაში შემოწმდება, შემდეგ კი ორგანიზატორები დაადგენენ თარიღს, როდესაც ყველანი კვლავ შეიკრიბებიან და სერტიფიკატებს მიიღებენ.

„ტოტალური კარნახი“ - ყველა მსურველისთვის ნებაყოფლობითი კარნახის ფორმატის ყოველწლიური საგანმანათლებლო აქციაა. პირველად ღონისძიება 2004 წელს ნოვოსიბირსკში ჩატარდა. „ტოტალური კარნახის" მიზანია თითოეულ ადამიანს მისცეს შესაძლებლობა, შეამოწმოს რუსული ენის ცოდნა და ცოდნის ამაღლების ინტერესი გაუღვიძოს.

23

დაუვიწყარი და მომაჯადოებელი მესტია ვიდეო

117
(განახლებულია 19:07 09.04.2021)
მთები, მყინვარები, ხეობები, ლამაზი ბუნება, ჩანჩქერები, მინერალური წყლები და ცნობილი სვანური კოშკები – ეს ყველაფერი გვხვდება სვანეთში.

მესტია სწორედ აქ მდებარეობს. ქალაქი წლის ნებისმიერ დროს ულამაზესია. ეს კავკასიაში ყველაზე მაღალი დასახლებული ადგილია.

სვანეთი ცნობილია უძველესი კოშკებით, რომლებიც რეგიონის ლანდშაფტს კიდევ უფრო უნიკალურსა და საინტერესოს ხდის. სვანური კოშკები 20-25 მეტრის სიმაღლის თავდაცვითი ნაგებობებია, ისინი იუნესკომ მსოფლიო მემკვიდრეობის ძეგლებად აღიარა.

სწორედ სვანეთში მდებარეობს სათხილამური კურორტი თეთნულდი, რომელიც განლაგებულია 3,2 ათასი მეტრის სიმაღლეზე. საქართველოში ფიქრობენ, რომ თეთნულდი დროთა განმავლობაში ევროპის ერთ-ერთი საუკეთესო კურორტი გახდება.

მესტიის რაიონულ ცენტრში მდებარეობს მუზეუმი, სადაც ინახება უძველესი საგანძური – ჭედური ხელოვნების ნიმუშები და ხელნაწერები, რომელთა ასაკიც ათ საუკუნეს აღემატება.

 

117
სამძებრო ოპერაცია რიონზე

კარვები აღებულია: რა ვითარებაა „ნამახვან ჰესის“ წინააღმდეგ მიმდინარე საპროტესტო აქციაზე

0
(განახლებულია 00:55 12.04.2021)
აქციის მონაწილეები მოითხოვენ, მიეცეთ უფლება გააგრძელონ მშვიდობიანი პროტესტი სოფელ ნამოხვანის ტერიტორიაზე, ხოლო სამართალდამცველები მათ ალტერნატიულ ლოკაციად სოფელ გუმათს სთავაზობენ

თბილისი, 11 აპრილი – Sputnik. რიონის ხეობაში, სოფელ ნამოხვანის მიმდებარე ტერიტორიიდან საპროტესტო აქციის მონაწილეთა კარვების აღებამ შედარებით მშვიდობიანად ჩაიარა და აქციის ორგანიზატორებს კარვების სოფელ გუმათში ჩატანა შესთავაზეს, ამის შესახებ იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის უფროსმა სულხან თამაზაშვილმა განაცხადა.

მან კიდევ ერთხელ განმარტა, რომ კარვების აღება სოფელ ნამოხვანში მდინარე რიონის მოსალოდნელ ადიდებას უკავშირდება.

„მეტეოროლოგები გვიწინასწარმეტყველებენ ამინდის კიდევ უფრო გაუარესებას, მოსალოდნელია მდინარის კალაპოტიდან გადმოსვლა, დავდექით აუცილებლობის წინაშე, რომ კარვები იქედან აგვეღო. ამის ლეგიტიმაციას ჩვენ გვაძლევს კანონი პოლიციის შესახებ, 26-ე მუხლი. ამ დროისთვის კარვები არის მანქანებზე დალაგებული და შევთავაზეთ, რომ გუმათში ჩავიტანდით, სადაც ერთი კარავი უკვე დგას. მიმდებარე ტერიტორიაზე შეუძლიათ დადგან ეს კარვები და მშვიდობიან ვითარებაში გააგრძელონ პროტესტი“, - განაცხადა თამაზაშვილმა.

აქციის მონაწილეები თანახმა არიან, პროტესტი გადაიტანონ სხვა ადგილას, მაგრამ არა სოფელ გუმათში, როგორც ამას შსს სთავაზობს, არამედ სოფელ ნამოხვანთან. მათი მტკიცებით, იმ ადგილას, სადაც კარვები იყო გაშლილი, რიონის ადიდება არ ხდება, რადგან ამაღლებული ადგილია და მდინარის ადიდება უბრალო საბაბია კარვების ასაღებად. პოლიციას უკვე რამდენიმე დღეა გზა გადაკეტილი ჰქონდა და აქციის მონაწილეებს ნამოხვანში კარვებთან არ უშვებდა.

ამ დროისათვის აქციის მონაწილეები (დაახლოებით 400 ადამიანი) სოფელ გუმათთან „გუმათ ჰესის“ მიმდებარე ტერიტორიაზე არიან შეკრებულები და მათ ნამოხვანიდან ქუთაისის მიმართულებით გზა პროტესტის ნიშნად საკუთარი ავტომობილებით გადაკეტეს.

„მოვუწოდებ ყველას, რომ მოვიდნენ აქ... ჩვენ ყველამ უნდა შევძლოთ, ერთმანეთის მხარში დგომით ეს პრობლემა გადავჭრათ. მოვუწოდებთ მშვიდობიანად, ჩვენ არ მოვუწოდებთ, რომ მოვიდნენ და გადავიდეთ ხელჩართულ ბრძოლაზე. უბრალოდ, გვჭირდება ადამიანების სიმრავლე“, – განაცხადა აქციის ერთ-ერთმა ორგანიზატორმა, „რიონის ხეობის მცველმა“ ვარლამ გოლეთიანმა.

დღეს აქციაზე იმყოფებოდა სახალხო დამცველის წარმომადგენელი, რომელიც ასევე ესწრებოდ კარვების აღების პროცესს.

„დაუყოვნებლივ მიეცეთ აქციის მონაწილეებს მათ მიერ შეთავაზებულ ალტერნატიულ ადგილზე შეკრების გაგრძელების შესაძლებლობა, ხოლო თუ აღნიშნულზე არსებობს დასაბუთებული უარის საფუძველი, აქციის გაგრძელებისთვის გამოეყოთ ალტერნატიული ადგილი სასურველთან ახლომდებარე ლოკაციაზე, რომლის ადგილმდებარეობაც არსს არ დაუკარგავს მოქალაქეთა თავშეყრის მიზანს“, - განაცხადა სახალხო დამცველმა ნინო ლომჯარიამ.

პარალელურად რიონში მიმდინარეობს აქციის ერთ-ერთი მონაწილის, ნიკა ანთიძის ძებნა, რომელიც შაბათ საღამოს მდინარეში შევიდა და გაუჩინარდა. აქციის მონაწილეებმა სცადეს მისი გადარჩენა, მაგრამ უშედეგოდ, ის დინებამ წაიღო. მის ძებნაში მყვინთავები არიან ჩართული.

დღეს გავრცელდა ინფორმაცია, რომ კარვების აღება მათ შორის ამ ინციდენტსაც უკავშირდება - თითქოს კარვები სამძებრო ოპერაციას ხელს უშლიდა.

სამოქალაქო აქტივისტების, ადგილობრივი მცხოვრებლების, არასამთავრობო ორგანიზაციების წარმომადგენლებისა და სასულიერო პირების პროტესტი რიონის ხეობაში „ნამახვან ჰესის“ მშენებლობის წინააღმდეგ 168-ე დღე გრძელდება. მთელი ეს პერიოდი აქციის მონაწილეები ღამეებს ნამოხვანში გაშლილ კარვებში ათენებდნენ. ამაღამ ისინი საკუთარ ავტომობილებში გუმათში გაათენებენ.

აქციის მონაწილეები მოითხოვენ, რათა ჰესის მშენებლობა შეწყდეს, ხელისუფლებამ კი თურქულ კომპანია Enka-სთან კონტრაქტი მოშალოს. თავისი პოზიციის გასამყარებლად მომიტინგეები საუბრობენ ჰესის დამანგრეველ ზემოქმედებაზე გარემოზე და საეჭვო გარიგებაზე ინვესტორთან. „რიონის ხეობის მცველებმა“ ქუთაისში უკვე ორი მრავალათასიანი მიტინგი გამართეს. ისინი ასევე მოითხოვენ, თანამდებობიდან გადადგეს ეკონომიკისა და მდგრადი განვითარების მინისტრი ნათია თურნავა.

0