მერაბ კოკოჩაშვილი

ქართველი რეჟისორის ფილმში ჟერარ დეპარდიე და როსი დე პალმა ითამაშებენ

81
(განახლებულია 19:39 05.04.2021)
ფილმი სამი მეგობრის ისტორიას მოგვითხრობს – მათ სიყვარულსა და ურთიერთდაპირისპირებაზე, რომელიც ნაწილობრივ პოლიტიკურ ნიადაგზე ხდება და რაღაც მომენტში ისინი საშინელ მდგომარეობამდე მიჰყავს.

თბილისი, 5 აპრილი – Sputnik. ესპანელი როსი დე პალმა და ფრანგი ჟერარ დეპარდიე მიიღებენ მონაწილეობას ქართველი რეჟისორისა და სცენარისტის მერაბ კოკოჩაშვილის ფილმში „ტერცო მონდო“, ნათქვამია საქართველოს კინემატოგრაფიის ეროვნული ცენტრის განცხადებაში.

სურათს საქართველოს სხვადასხვა ქალაქში და საზღვარგარეთ გადაიღებენ. ფილმში მონაწილეობენ ქართველი მსახიობები ლევან წულაძე, დუტა სხირტლაძე, ქეთა შათირიშვილი. „ტერცო მონდო“ კინოცენტრის მხარდაჭერით იქმნება.

ფილმი სამი ადამიანის ისტორიას – მათი სიყვარულისა და ხშირად პოლიტიკურ ნიადაგზე დაპირისპირების შესახებ მოგვითხრობს. სცენარი ცნობილი ქართველი მწერლის აკა მორჩილაძის ოცი წლის წინ დაწერილი მოთხრობის მოტივების მიხედვით დაიწერა.

„უნიჭიერესი ერი, უნიჭიერესი ადამიანები, რომლებსაც შეუძლიათ უდიდესი სიხარული მოუტანონ ერთმანეთს და საზოგადოებას, და იგივე ადამიანები – რაღაც შური იქნება თუ წინააღმდეგობა, ეჭვი – შეიძლება მოიქცნენ, როგორც უზნეო ადამიანები, ნადირადაც შეიძლება იქცნენ“, – განაცხადა რეჟისორმა და აღნიშნა, რომ ეს პრობლემა საქართველოსთვის დღესაც აქტუალურია.

მერაბ კოკოჩაშვილი 86 წლისაა. ის არის ВГИК-ის სარეჟისორო ფაკულტეტის კურსდამთავრებული. 1970-იანი წლების დასაწყისში კოკოჩაშვილი კინოსტუდია „ქართულ ფილმთან“ არსებულ კურსებზე მსახიობთა ჯგუფს ხელმძღვანელობდა. 1989 წლიდან ეწეოდა პედაგოგიურ მოღვაწეობას, მოგვიანებით იყო საქართველოს თეატრისა და კინოს სახელმწიფო უნივერსიტეტის კინოფაკულტეტის პროფესორი.

კოკოჩაშვილი რეჟისორია ფილმებისა: „დიდი მწვანე ველი“, „ნუცას სკოლა“, „უსუი“, „გზა მშვიდობისა, ჯაყო!", „მიხა“. როგორც მსახიობი გადაღებულია ფილმებში „გიორგი სააკაძე“, „არ დაიდარდო“, „მწვერვალი".

81
თემები:
საქართველო და კულტურა (1080)
ნუცა ბუზალაძე

ნუცა ბუზალაძემ რუსულ პროექტში Ну-ка все вместе! კვლავ ცეცხლი დაანთო

83
(განახლებულია 13:06 19.04.2021)
ახალგაზრდა შემსრულებელმა აღაფრთოვანა პროექტის ჟიური, მათ შორის, ლარისა დოლინა და სერგეი ლაზარევი, რომლებმაც ბუზალაძის პროექტში დაბრუნებას გამბედაობა უწოდეს.

თბილისი, 19 აპრილი – Sputnik. ცნობილი ქართველი მომღერალი ნუცა ბუზალაძე რუსული სიმღერების კონკურსში Ну-ка, все вместе! კვლავ გამოჩნდა, ასი ქულა  მოიპოვა და ავტომატურად პროექტის ფინალში გავიდა.

აღნიშნულ პროექტში 23 წლის ქართველი მომღერალი პირველად გასულ წელს გამოჩნდა და ჟიური თავისი საშემსრულებლო მანერით აღაფრთოვანა. მაშინ მომღერალი ფინალამდე მივიდა, თუმცა გამარჯვებისთვის რამდენიმე ქულა დააკლდა.

„ამჯერად ბუზალაძემ ისე ძლიერად შეასრულა უიტნი ჰიუსტონის Queen of the night, რომ ყველა ექსპერტი აიძულა ფეხზე ამდგარიყო და მასთან ერთად ემღერა. „ჩვენ ბედნიერი ვართ შენი კვლავ ამ სცენაზე გამოჩენით. ეს ისეთი გამბედაობაა“, – განაცხადა სერგეი ლაზარევმა.

ბუზალაძის გამოსვლა შეაფასა მომღერალმა ლარისა დოლინამ, რომელმაც აღნიშნა, რომ ნუცა იმ მცირე რაოდენობის არტისტებში შედის, რომლებსაც შეუძლიათ ერთდროულად სცენაზე მოძრაობა და სწორი ნოტების აღება. „თქვენ მშვენივრად მოძრაობთ, თქვენ გასაოცარი პლასტიკა გაქვთ. ამასთან, არცერთი ყალბი ბგერა. ეს ფანტასტიური იყო“, – განაცხადა დოლინამ. 

View this post on Instagram

A post shared by Nutsa Buzaladze (@nutsabuza)

რამდენადაც ნუცას და კონკურსის კიდევ ერთ მონაწილეს ქულების ერთნაირი რაოდენობა (100 ქულა) ჰქოდათ, ექსპერტებმა აღნიშნულ მონაწილეებთან დაკავშირებით საკუთარი პოზიციები კიდევ ერთხელ დააფიქსირეს – ჟიურის გადაწყვეტილებით, ფინალში ქართველი მომღერალი გავიდა.

ნუცა ბუზალაძე თინეიჯერობის ასაკიდან წინ დიდი წარმატებით მიიწევს. ცნობილი მომღერალი პოპულარულ კონკურსებში უშიშრად გამოდიოდა. არტისტი საქართველოს ფარგლებს გარეთაც გაიცნეს. მან მონაწილეობა თურქულ Voice-ში მიიღო, სადაც ჟიური აღფრთოვანებას ვერ მალავდა და უცხო ქვეყანაში ის ფინალში მაყურებლებმა გადაიყვანეს.

Ну-ка, все вместе! – რუსული სანახაობრივი ვოკალური შოუა, სადაც საუკეთესო შემსრულებლები, ყველა სტილისა და მიმართულების წარმომადგენლები წარმოაჩენენ საკუთარ მუსიკალურ ნიჭს. მონაწილეთა გამოსვლებს სტუდიაშივე ასამდე ადამიანი დაუყოვნებლივ აფასებს. ჟიურიში შედიან მომღერლები, კომპოზიტორები, პროდიუსერები, ქვეყნის საუკეთესო ვოკალური სასწავლებლების პედაგოგები და მუსიკალური ბლოგერები. ერთ-ერთი ცნობილი შემფასებელი მომღერალი სერგეი ლაზარევია.

 

 

83
რუსთაველის თეატრის დარბაზი

ხმაური რუსთაველის თეატრთან - აქციის მონაწილეებსა და მსახიობებს შორის დაპირისპირება მოხდა

113
(განახლებულია 22:57 17.04.2021)
რუსთაველის გამზირზე აქციის მონაწილეები მსახიობ ნინუცა მაყაშვილს უცხადებენ მხარდაჭერას და რეჟისორ რობერტ სტურუას უპირისპირდებიან, თეატრის მსახიობები კი თავის მხრივ სტურუას უჭერენ მხარს.

თბილისი, 17 აპრილი - Sputnik. თბილისში, შოთა რუსთაველის სახელობის ეროვნულ თეატრთან აქციაზე დამოუკიდებელი პროფესიული კავშირი „გილდიას“ წევრებსა და თეატრის მსახიობებს შორის სიტყვიერი დაპირისპირება მოხდა, იუწყება „პირველი არხი“.

აქციის მონაწილეები ძალადობასა და დისკრიმინაციას აპროტესტებენ. მათ მხარდაჭერა გამოუცხადეს მსახიობ ნინუცა მაყაშვილს და საგამოძიებო ორგანოს დაუყოვნებლივი რეაგირებისკენ მოუწოდეს. აქციაზე მყოფი პირებმა ასევე განაცხადეს, რომ სტურუა მოძალადეა და რეპეტიციებზე ქალებს შეურაცხყოფას აყენებს.

12 აპრილს ტელეკომპანია „რუსთავი2“-ის გადაცემა „ფარულ კონვერტში“ მსახიობმა ნინუცა მაყაშვილმა 11 წლის წინანდელი ფაქტები გაიხსენა და განაცხადა, რომ იგი ბესო ზანგურის მხრიდან, რომელიც მაშინ მისი მეუღლე იყო, ძალადობის მსხვერპლი იყო, ორსულობის პერიოდშიც კი. აღნიშნულ ფაქტთან დაკავშირებით შინაგან საქმეთა სამინისტრომ გამოძიება დაიწყო. გუშინ კი რუსთაველის თეატრმა მსახიობი ბესო ზანგური სპექტაკლების ყველა როლიდან დროებით მოხსნა. ამის შესახებ ბრძანება დღეს რუსთაველის თეატრის სამხატვრო ხელმძღვანელმა რობერტ სტურუამ გამოსცა.

რუსთაველის გამზირზე აქციის მიმდინარეობისას გაკეთებულმა განცხადებებმა თეატრში მყოფი მსახიობების გაღიზიანება გამოიწვია. მსახიობები განმარტავენ, რომ აქციის მონაწილეთა განცხადებები, თითქოს რეჟისორი რობერტ სტურუა ბესო ზანგურის მიერ ჩადენილი საქციელის წახალისებას ცდილობს, სიცრუეა.

„ჩვენი გაღიზიანება გამოიწვია იმან, რომ ყველაფერმა რობერტ სტურუაზე გადაიარა. ბესო ზანგური ყველა სპექტაკლიდან მოხსნილია და იურიდიულად, რაც თეატრს შეეძლო გაეკეთებინა, უკვე გააკეთა“, - განაცხადა რუსთაველის თეატრის მსახიობმა გოგა ბარბაქაძემ.

მეორე მხრივ „გილდიას“ დამფუძნებელი გიგა ბექაური განმარტავს, რომ მათი მთავარი მოთხოვნაა თეატრის თითოეულმა წევრმა და მათ შორის რეჟისორმა სტურუამ სოლიდარობა გამოუცხადოს ნინუცა მაყაშვილს. როგორც ცნობილია, სტურუამ ბესო ზანგურს სოციალურ ქსელში მხარი დაუჭირა.

„თანამდებობაზე მყოფი პირები, თეატრში ვინც გადაწყვეტილებებს იღებს, ან სოლიდარობა გამოუცხადონ მაყაშვილს ან, მინიმუმ, გაჩუმდნენ და არაფერი თქვან, რადგან ასე აზიანებენ უამრავი ადამიანის ჯანმრთელობას. ჩვენი მთავარი მიზანია ადამიანებმა შეძლონ საკუთარი უფლებების დაცვა“, - განაცხადა გიგა ბექაურმა.

ნინუცა მაყაშვილის მიერ ბესო ზანგურთან დაკავშირებულ განცხადებას საზოგადოებაში მწვავე რეაქციები მოჰყვა. ნინუცა მაყაშვილი შინაგან საქმეთა სამინისტროში გამოკითხვაზე დაიბარეს, თუმცა მსახიობი ამბობს, რომ ჩვენების მიცემას არ აპირებს, რადგან მისი თვითმიზანი არ არის ყოფილი ქმრის პასუხისგებაში მიცემა.

113
საავადმყოფო

გაბუნია: ეპიდსიტუაცია კვლავ საყურადღებოა, ვფიქრობთ საწოლების დამატებით მობილიზებას

0
(განახლებულია 15:51 19.04.2021)
ამ ეტაპზე საქართველოში კოვიდ-პაციენტებისთვის  დაახლოებით 2 ათასი თავისუფალი საწოლია. როგორც ჯანდაცვის სამინისტროში აღნიშნავენ, ჰოსპიტალური სექტორი მობილიზებულია და პაციენტების მისაღებად მზად არის.

თბილისი, 19 აპრილი – Sputnik. დღეს ქვეყენაში გამოვლენილი კორონავირუსის შემთხვევათა შედარებით ნაკლები რაოდენობა შაბათ-კვირას ტესტების სიმცირეს უკავშირდება, განაცხადა საქართველოს ჯანდაცვის მინისტრის მოადგილემ თამარ გაბუნიამ.

სამეგრელო-ზემო სვანეთში 27 საჯარო სკოლა სწავლების დისტანციურ რეჟიმზე გადავიდა>>

გაბუნიას განცხადებით, ქვეყანაში ეპიდვითარება კვლავაც საყურადღებოა, იზრდება დატვირთვა კლინიკებზე, რის გამოც შესაძლოა მოხდეს დამატებით საწოლების მობილიზება.

„გასული დღეების განმავლობაში შემთხვევათა რაოდენობამ 1 ათასს გადააჭარბა... ჩვენ ამ დღეებში ვფიქრობთ საწოლების დამატებით მობილიზებას. ასევე, პირველადი ჯანდაცვის ქსელი სრულად არის ჩართული პროცესში ონლაინკლინიკების სახით“, – განაცხადა გაბუნიამ.

გაბუნიამ „სინოფარმის“ ვაქცინაციის შესახებაც ისაუბრა და განმარტა, რომ ვაქცინის დასანერგად მოსამზადებელი სამუშაოები მიმდინარეობს და ის ამ კვირაში დასრულდება.

„მიმდინარეობს მუშაობა, რომ რეგისტრაცია დაიწყოს 27 აპრილიდან. „სინოფარმის“ ვაქცინა დღემდე რეგისტრირებულია 35 ქვეყანაში, ახალი შემთხვევების თავიდან აცილების თვალსაზრისით, მისი ეფექტურობა საკმარისად მაღალია, 80 პროცენტამდეა“, - აღნიშნა გაბუნიამ.

მისი განმარტებით, აღნიშნული მაჩვენებლები იძლევა საკმაოდ კარგ და იმედისმომცემ შედეგებს.

„აქედან გამომდინარე, მიმდინარე პერიოდში ჯანდაცვის მსოფლიო ორგანიზაცია განიხილავს Sinopharm-ის ავტორიზაციის საკითხს გადაუდებელი გამოყენებისთვის. ვფიქრობთ, აპრილის ბოლოსთვის ეს პროცესი დასრულდება და საქართველოც დაიწყებს „სინოფარმის“ გამოყენებას აქტიურად“, – განაცხადა თამარ გაბუნიამ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 578-ით გაიზარდა და ინფიცირებულთა საერთო რიცხვმა 295.936-ს მიაღწია.

ბოლო პერიოდში გაიზარდა ინფიცირების შემთხვევები და ხშირად დღიური მაჩვენებელი 1 ათასს სცდება. ეპიდემიოლოგები კორონავირუსის მესამე ტალღის შესახებ საუბრობენ.

0
თემები:
კორონავირუსი საქართველოში: ბოლო ცნობები