თამარ მეფის ხატი

გერმანულ–ფრანგულ აუდიტორიას დიდი ქართველი მეფე თამარი გააცნეს

66
(განახლებულია 00:07 03.04.2021)
ფრანგულ და გერმანულენოვანი საზოგადოება გაეცნო მეფეთ–მეფე თამარის მოღვაწეობას, რომლის სახელთან არის დაკავშირებული ქართული რენესანსის ეპოქა

თბილისი, 2 აპრილი - Sputnik. გერმანულ–ფრანგულმა ტელეარხმა Arte დიდ ქართველ მეფე თამარზე სიუჟეტი გადაიღო.

Arte თავის პროგრამებში ყურადღებას ამახვილებს ხელოვნებასა და კულტურაზე, ასევე ევროპასთან და ევროკავშირთან დაკავშირებულ თემებზე. ის იღებს შემეცნებით გადაცემებს და მაღალი ხარისხის დოკუმენტალისტიკას.

Arte–ს სიუჟეტში თამარ მეფის შესახებ მონაწილეობდა საქართველოს ხელოვნების სასახლის დირექტორი, ისტორიკოსი გიორგი კალანდია, რომელმაც ტელევიზიას ინტერვიუ ვარძიის სამონასტრო კომპლექსში მისცა, სადაც, გადმოცემის თანახმად, ოდესღაც თამარ მეფე დაიკარგა.

„ფრანგულმა ცნობილმა ტელევიზიამ ARTE-მ დიდი გადაცემა მიუძღვნა ქართველთა სახელოვან მეფეთა-მეფე თამარს. ჩემთვის როგორც ისტორიკოსისათვის, დიდი პატივი იყო ამ გადაცემაში მონაწილეობა მიმეღო და მესაუბრა ვარძიაში მეფეთა-მეფე თამარზე!“ – დაწერა Facebook–გვერდზე კალანდიამ.

თამარ მეფის სახელთან (1166–1213) არის დაკავშირებული საქართველოს ისტორიის „ოქროს ხანა“. თამარმა თავისი მეფობის დროს დიდი ქართველი მეფის დავით აღმაშენებლის სტრატეგია განაგრძო. მართლმადიდებლურმა ეკლესიამ თამარ მეფე წმინდანად შერაცხა.

66
თემები:
საქართველო და კულტურა (1079)
სალომე ზურაბიშვილი

საქართველოს პრეზიდენტმა ხუთი ქართველი მეცნიერი დააჯილდოვა

45
საქართველოს პრეზიდენტმა დღეს ის ქართველი მეცნიერები დააჯილდოვა, ვინც სხვადასხვა კუთხით ემსახურებიან ქართული ენის გადარჩენასა და განვითარებას

თბილისი, 14 აპრილი - Sputnik. საქართველოს პრეზიდენტმა სალომე ზურაბიშვილმა ხუთი ქართველი მეცნიერი დააჯილდოვა,  ნათქვამია პრეზიდენტის ადმინისტრაციის მიერ გავრცელებულ განცხადებაში.

„გადავწყვიტე დედაენის დღეს დამეჯილდოვებინა ადამიანები, ვინც სხვადასხვა კუთხით ემსახურებიან ქართული ენის გადარჩენასა და განვითარებას“, - განაცხადა სალომე ზურაბიშვილმა.

უწყების ცნობით, პრეზიდენტმა ფილოლოგიის მეცნიერებათა დოქტორი, პროფესორი ენრიკო გაბიძაშვილი საქართველოში კოდიკოლოგიისა და ტექსტოლოგიის განვითარებაში, ძველი ქართული ნათარგმნი და ორიგინალური მწერლობისა და ქართულ-ბიზანტიური საეკლესიო მწერლობის კვლევაში შეტანილი განსაკუთრებული წვლილისა და ნაყოფიერი სამეცნიერო მოღვაწეობისათვის ღირსების ორდენით დააჯილდოვა.

ოთხი ქართველი მეცნიერი კი პრეზიდენტმა ღირსების მედლით დააჯილდოვა.

მათ შორის, ქართული ენის სიწმინდის დაცვისა და ქართული ენის პოპულარიზაციაში შეტანილი პირადი წვლილისათვის ღირსების მედლით დაჯილდოვდა ვახტანგ ელერდაშვილი.

ასევე, საზღვარგარეთ ქართული ენისა და კულტურის პოპულარიზაციაში შეტანილი განსაკუთრებული წვლილისა და წარმატებული პედაგოგიური საქმიანობისათვის ღირსების მედალი გადაეცათ მაია დარჩიასა და ლელა ჟორჟოლიანი-ლიკლიკაძეს.

დღეს ღირსების მედლით დაჯილდოვდა ზაქარია ფურცხვანიძეც, რომელსაც სახელმწიფო ჯილდო საზღვარგარეთ ქართული ენისა და კულტურის პოპულარიზაციაში შეტანილი პირადი წვლილისათვის მიენიჭა.

საქართველოში დღეს დედაენის დღე აღინიშნება. ქართული ენის დღე 1978 წლის 14 აპრილის მოვლენების ხსოვნის უკვდავსაყოფად დაწესდა. ამ დღეს 43 წლის წინ თბილისში მშობლიური ენის დასაცავად მასობრივი გამოსვლები გაიმართა, რის შედეგადაც საქართველოს სსრ-ის კონსტიტუციაში ქართულმა ენამ სახელმწიფო ენის სტატუსი შეინარჩუნა.

 

 

45
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

20
(განახლებულია 19:12 14.04.2021)
კორონავირუსის პანდემიასთან დაკავშირებით კონცერტი ეპიდრეგულაციების სრული დაცვით ჩატარდება. მსმენელის წინაშე პიანისტი ალექსანდრე ვასაძე წარდგება.

თბილისი, 14 აპრილი – Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ-მუსიკალურ ცენტრში 18 აპრილს გაიმართება. 

სცენაზე გაიჟღერებს ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდრეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში. ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

20
თემები:
საქართველო და კულტურა (1079)
არ გადაკვეთო დანაშაულის ადგილი!

ბათუმში „ნაცმოძრაობის“ ოფისი დააზიანეს

0
(განახლებულია 13:15 15.04.2021)
მსხვილი ოპოზიციის წარმომადგენლები მომხდარს მმართველი პარტიის მხრიდან  პოლიტიკურ ანგარიშსწორებად აფასებენ.

 

თბილისი, 15 აპრილი – Sputnik. ბათუმში ოპოზიციური პარტია „ერთიანი ნაციონალური მოძრაობის“ ერთ–ერთი ოფისი დააზიანეს, იუწყება პირევლი არხი.

შემთხვევა აღმაშენებლის ქუჩაზე გუშინ, გვიან ღამით მოხდა – ჩამსხვრეულია ოფისის კარის მინები.

პარტიის ერთ–ერთი ლიდერის გიორგი კირთაძის განცხადებით, მათ ვანდალურ ფაქტთან დაკავშირებით ინფორმაცია უკვე მიაწოდეს სამართალდამცავ ორგანოებს.

„ადგილზე კრიმინალური პოლიციის წარმომადგენლები არიან მისული და ფაქტს სწავლობენ. თუმცა, არ გვაქვს მოლოდინი, რომ ვინმეს დაკავება მოხდება“, – განაცხადა კირთაძემ.

მომხდარ ფაქტზე გამოძიება სსკ–ის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

 

 

0
თემები:
შემთხვევები საქართველოში