რუსუდან გლურჯიძე

რუსუდან გლურჯიძის ახალმა პროექტმა „ევრიმაჟის“ გრანტი მიიღო

57
(განახლებულია 21:49 29.03.2021)
ქართული ფილმი ფრანგი რეჟისორის, მიშელ ხაზანავიჩუსისა და ბელგიელი კინორეჟისორების, ძმები დარდენების, პროექტებთან ერთად გამარჯვებულთა სიაში მოხვდა

თბილისი, 29 მარტი - Sputnik. ქართველი რეჟისორის, რუსუდან გლურჯიძის მხატვრული ფილმის პროექტმა ევროპული ფონდის „ევრიმაჟის“ 162-ე სესიაზე დაფინანსება მოიპოვა. ამის შესახებ საქართველოს კინემატოგრაფიის ეროვნული ცენტრის ვებგვერდზეა აღნიშნული.

„ევრიმაჟი“ (Eurimages) - არის ერთობლივი კინოწარმოებისა და კინემატოგრაფიული და აუდიოვიზუალური ნამუშევრების მხარდაჭერის ევროპული ფონდი, რომელიც 1988 წელს ევროპის საბჭოსთან შეიქმნა.

ფონდი მონაწილეობს ერთობლივი პროდუქციის შექმნაში, მხარს უჭერს ფილმების კინოთეატრებში ჩვენებას, ფილმების ციფრულ ფორმატში გადაყვანის ნაწილობრივ კომპენსაციას ახორციელებს, ასევე ხელს უწყობს მათ დისტრიბუციას.

კორონავირუსის პანდემიის გამო წელს ღონისძიება სტრასბურგში ონლაინ-ფორმატში გაიმართა. 

2021 წელს „ევრიმაჟმა“ საერთო ჯამში 5,8 მილიონი ევროთი 24 პროექტი დააფინანსა. ქართველი რეჟისორის პროექტი „ანტიკვარიატი“, რომელიც საქართველოს, ხორვატიისა და რუსეთის ერთობლივი პროდუქციაა, გამარჯვებულების სიაში მოხვდა ფრანგი რეჟისორის, მიშელ ხაზანავიჩუსისა და ბელგიელი რეჟისორების - ძმები დარდენების პროექტებთან ერთად. მან 150 ათასი ევროს ოდენობის დაფინანსება მოიპოვა.

საქართველო „ევრომაჟის“ წევრი 2011 წელს გახდა. ამ წლების განმავლობაში კინოფონდმა მხარი დაუჭირა 15 ქართულ ფილმს და ერთობლივ ნამუშევარს. სრულმეტრაჟიანი ფილმების დასაფინანსებლად გადაეცა 3 მილიონზე მეტი ევრო. 2019 წლიდან „ევრიმაჟში“ საქართველოს წარმომადგენელია რეჟისორი, სცენარისტი და მსახიობი ნინო კირთაძე.

რუსუდან გლურჯიძე არის ავტორი ფილმისა „სხვისი სახლი“. 2017 წელს ამ ფილმმა მოიპოვა ამერიკელი კინოოპერატორების საზოგადოების ყოველწლიური პრემია და რუსეთის ნაციონალური კინოპრემია „ნიკე“, ერთი წლით ადრე კი საქართველომ „სხვისი სახლი“ პრემია „ოსკარზე“ წარადგინა საუკეთესო უცხოენოვანი ფილმების ნომინაციაში.

57
სალომე ზურაბიშვილი

საქართველოს პრეზიდენტმა ხუთი ქართველი მეცნიერი დააჯილდოვა

45
საქართველოს პრეზიდენტმა დღეს ის ქართველი მეცნიერები დააჯილდოვა, ვინც სხვადასხვა კუთხით ემსახურებიან ქართული ენის გადარჩენასა და განვითარებას

თბილისი, 14 აპრილი - Sputnik. საქართველოს პრეზიდენტმა სალომე ზურაბიშვილმა ხუთი ქართველი მეცნიერი დააჯილდოვა,  ნათქვამია პრეზიდენტის ადმინისტრაციის მიერ გავრცელებულ განცხადებაში.

„გადავწყვიტე დედაენის დღეს დამეჯილდოვებინა ადამიანები, ვინც სხვადასხვა კუთხით ემსახურებიან ქართული ენის გადარჩენასა და განვითარებას“, - განაცხადა სალომე ზურაბიშვილმა.

უწყების ცნობით, პრეზიდენტმა ფილოლოგიის მეცნიერებათა დოქტორი, პროფესორი ენრიკო გაბიძაშვილი საქართველოში კოდიკოლოგიისა და ტექსტოლოგიის განვითარებაში, ძველი ქართული ნათარგმნი და ორიგინალური მწერლობისა და ქართულ-ბიზანტიური საეკლესიო მწერლობის კვლევაში შეტანილი განსაკუთრებული წვლილისა და ნაყოფიერი სამეცნიერო მოღვაწეობისათვის ღირსების ორდენით დააჯილდოვა.

ოთხი ქართველი მეცნიერი კი პრეზიდენტმა ღირსების მედლით დააჯილდოვა.

მათ შორის, ქართული ენის სიწმინდის დაცვისა და ქართული ენის პოპულარიზაციაში შეტანილი პირადი წვლილისათვის ღირსების მედლით დაჯილდოვდა ვახტანგ ელერდაშვილი.

ასევე, საზღვარგარეთ ქართული ენისა და კულტურის პოპულარიზაციაში შეტანილი განსაკუთრებული წვლილისა და წარმატებული პედაგოგიური საქმიანობისათვის ღირსების მედალი გადაეცათ მაია დარჩიასა და ლელა ჟორჟოლიანი-ლიკლიკაძეს.

დღეს ღირსების მედლით დაჯილდოვდა ზაქარია ფურცხვანიძეც, რომელსაც სახელმწიფო ჯილდო საზღვარგარეთ ქართული ენისა და კულტურის პოპულარიზაციაში შეტანილი პირადი წვლილისათვის მიენიჭა.

საქართველოში დღეს დედაენის დღე აღინიშნება. ქართული ენის დღე 1978 წლის 14 აპრილის მოვლენების ხსოვნის უკვდავსაყოფად დაწესდა. ამ დღეს 43 წლის წინ თბილისში მშობლიური ენის დასაცავად მასობრივი გამოსვლები გაიმართა, რის შედეგადაც საქართველოს სსრ-ის კონსტიტუციაში ქართულმა ენამ სახელმწიფო ენის სტატუსი შეინარჩუნა.

 

 

45
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

20
(განახლებულია 19:12 14.04.2021)
კორონავირუსის პანდემიასთან დაკავშირებით კონცერტი ეპიდრეგულაციების სრული დაცვით ჩატარდება. მსმენელის წინაშე პიანისტი ალექსანდრე ვასაძე წარდგება.

თბილისი, 14 აპრილი – Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ-მუსიკალურ ცენტრში 18 აპრილს გაიმართება. 

სცენაზე გაიჟღერებს ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდრეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში. ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

20
თემები:
საქართველო და კულტურა
მეტეხის ხიდი

ამინდის ზუსტი პროგნოზი თბილისში 17 აპრილს

0
(განახლებულია 12:05 15.04.2021)
თბილისელებსა და დედაქალაქის სტუმრებს შაბათს გაზაფხულის თბილი ამინდი ელოდებათ, ჰაერი 22 გრადუსამდე გათბება.

თბილისი, 15 აპრილი – Sputnik. სინოპტიკოსები საქართველოს დედაქალაქში შაბათს, 17 აპრილს თბილ და ნაწილობრივ ღრუბლიან ამინდს ვარაუდობენ. 

მზე 06:18 საათზე ამოვა და 19:43 საათზე ჩავა.

ჰაერის მინიმალური ტემპერატურა ღამით პლუს 10–11 გრადუსი, დღისით კი პლუს 21–22 გრადუსია ნავარაუდები.

 

0
თემები:
ამინდის ზუსტი პროგნოზი თბილისში