გამოფენა „ბერძნები საქართველოში“

„ბერძნები საქართველოში“: თბილისში იმართება გამოფენა უნიკალური ექსპონატებით

54
(განახლებულია 22:53 29.03.2021)
ექსპოზიციაზე წარმოდგენილია უნიკალური საარქივო მასალები, რომლებიც საქართველოში ბერძნების ცხოვრებას და ორი ქვეყნის მეგობრულ ურთიერთობებს ასახავს.

თბილისი, 29 მარტი – Sputnik. იუსტიციის სამინისტროს ეროვნული არქივის საგამოფენო პავილიონში მიმდინარეობს გამოფენა „ბერძნები საქართველოში“, ნათქვამია უწყების განცხადებაში.

ექსპოზიცია საბერძნეთის დამოუკიდებლობის დღეს ეძღვნება, რომელიც ქვეყანაში 25 მარტს აღინიშნება. გამოფენის მიზანია იმ თბილი, მეგობრული ურთიერთობების ჩვენება, რომელიც ორი ქვეყნის ხალხებს აკავშირებს.

დღეს გამოფენას ესტუმრნენ საქართველოს იუსტიციის მინისტრის მოადგილე სოსო გიორგაძე და საბერძნეთის რესპუბლიკის საგანგებო და სრულუფლებიანი ელჩი საქართველოში დიმიტრიოს კარაბალისი.

ექსპოზიციაზე წარმოდგენილია საქართველოში ბერძნების ცხოვრებისა და ორი ქვეყნის ურთიერთობის ამსახველი საარქივო დოკუმენტები, მათ შორის როგორც ძველი ისტორიული საბუთები, ისე საქართველოს პირველი რესპუბლიკის პერიოდის დოკუმენტები და ფოტომასალა. კერძოდ: XIX საუკუნის ბერძნული ისტორიული საბუთები, ბერძნული საგალობლები, რუკები, შენობა-ნაგებობათა პროექტები, დოკუმენტები ტაძრების, ბერძენი ოსტატებისა და ბერძნული სასწავლებლების შესახებ და სხვ.

„ქართულ-ბერძნული ურთიერთობების ამსახველ მასალასთან ერთად გამოფენაზე წარმოდგენილია რამდენიმე ნიმუში იმ ქართული საგანძურიდან, რომელიც საქართველოში ბერძნების მიგრაციას შემოჰყვა და 1920-იანი წლებიდან საქართველოს ეროვნულ არქივში ინახება. ეს უძვირფასესი ხელნაწერებია ანჩის სახარება და კალმახის ციხის სახარება“, – აღნიშნულია განცხადებაში.

გამოფენა აპრილის ბოლომდე გაგრძელდება.

54
თემები:
საქართველო და კულტურა (1079)
სალომე ზურაბიშვილი

საქართველოს პრეზიდენტმა ხუთი ქართველი მეცნიერი დააჯილდოვა

45
საქართველოს პრეზიდენტმა დღეს ის ქართველი მეცნიერები დააჯილდოვა, ვინც სხვადასხვა კუთხით ემსახურებიან ქართული ენის გადარჩენასა და განვითარებას

თბილისი, 14 აპრილი - Sputnik. საქართველოს პრეზიდენტმა სალომე ზურაბიშვილმა ხუთი ქართველი მეცნიერი დააჯილდოვა,  ნათქვამია პრეზიდენტის ადმინისტრაციის მიერ გავრცელებულ განცხადებაში.

„გადავწყვიტე დედაენის დღეს დამეჯილდოვებინა ადამიანები, ვინც სხვადასხვა კუთხით ემსახურებიან ქართული ენის გადარჩენასა და განვითარებას“, - განაცხადა სალომე ზურაბიშვილმა.

უწყების ცნობით, პრეზიდენტმა ფილოლოგიის მეცნიერებათა დოქტორი, პროფესორი ენრიკო გაბიძაშვილი საქართველოში კოდიკოლოგიისა და ტექსტოლოგიის განვითარებაში, ძველი ქართული ნათარგმნი და ორიგინალური მწერლობისა და ქართულ-ბიზანტიური საეკლესიო მწერლობის კვლევაში შეტანილი განსაკუთრებული წვლილისა და ნაყოფიერი სამეცნიერო მოღვაწეობისათვის ღირსების ორდენით დააჯილდოვა.

ოთხი ქართველი მეცნიერი კი პრეზიდენტმა ღირსების მედლით დააჯილდოვა.

მათ შორის, ქართული ენის სიწმინდის დაცვისა და ქართული ენის პოპულარიზაციაში შეტანილი პირადი წვლილისათვის ღირსების მედლით დაჯილდოვდა ვახტანგ ელერდაშვილი.

ასევე, საზღვარგარეთ ქართული ენისა და კულტურის პოპულარიზაციაში შეტანილი განსაკუთრებული წვლილისა და წარმატებული პედაგოგიური საქმიანობისათვის ღირსების მედალი გადაეცათ მაია დარჩიასა და ლელა ჟორჟოლიანი-ლიკლიკაძეს.

დღეს ღირსების მედლით დაჯილდოვდა ზაქარია ფურცხვანიძეც, რომელსაც სახელმწიფო ჯილდო საზღვარგარეთ ქართული ენისა და კულტურის პოპულარიზაციაში შეტანილი პირადი წვლილისათვის მიენიჭა.

საქართველოში დღეს დედაენის დღე აღინიშნება. ქართული ენის დღე 1978 წლის 14 აპრილის მოვლენების ხსოვნის უკვდავსაყოფად დაწესდა. ამ დღეს 43 წლის წინ თბილისში მშობლიური ენის დასაცავად მასობრივი გამოსვლები გაიმართა, რის შედეგადაც საქართველოს სსრ-ის კონსტიტუციაში ქართულმა ენამ სახელმწიფო ენის სტატუსი შეინარჩუნა.

 

 

45
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

20
(განახლებულია 19:12 14.04.2021)
კორონავირუსის პანდემიასთან დაკავშირებით კონცერტი ეპიდრეგულაციების სრული დაცვით ჩატარდება. მსმენელის წინაშე პიანისტი ალექსანდრე ვასაძე წარდგება.

თბილისი, 14 აპრილი – Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ-მუსიკალურ ცენტრში 18 აპრილს გაიმართება. 

სცენაზე გაიჟღერებს ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდრეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში. ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

20
თემები:
საქართველო და კულტურა (1079)
მეტეხის ხიდი

ამინდის ზუსტი პროგნოზი თბილისში 17 აპრილს

0
(განახლებულია 12:05 15.04.2021)
თბილისელებსა და დედაქალაქის სტუმრებს შაბათს გაზაფხულის თბილი ამინდი ელოდებათ, ჰაერი 22 გრადუსამდე გათბება.

თბილისი, 15 აპრილი – Sputnik. სინოპტიკოსები საქართველოს დედაქალაქში შაბათს, 17 აპრილს თბილ და ნაწილობრივ ღრუბლიან ამინდს ვარაუდობენ. 

მზე 06:18 საათზე ამოვა და 19:43 საათზე ჩავა.

ჰაერის მინიმალური ტემპერატურა ღამით პლუს 10–11 გრადუსი, დღისით კი პლუს 21–22 გრადუსია ნავარაუდები.

 

0
თემები:
ამინდის ზუსტი პროგნოზი თბილისში