ქართულ–ფრანგული ფილმი ბედს საფრანგეთში სცდის

© photo: Georgian National Film Center / FBკადრი ფილმიდან „წყალს საზღვარი არ აქვს“
კადრი ფილმიდან „წყალს საზღვარი არ აქვს“ - Sputnik საქართველო, 1920, 26.02.2021
გამოწერა
ფილმი პლატფორმის ParisDOC Works-in-Progress მონაწილე გახდა, რომელიც აქტიურად უწყობს ხელს სრულმეტრაჟიანი დოკუმენტური ფილმების პოპულარიზებას.

თბილისი, 26 დეკემბერი – Sputnik. რეჟისორ მარადია ცაავას ქართულ–ფრანგული დოკუმენტური ფილმი „წყალს საზღვარი არ აქვს“ წარდგენილია სპეციალურ საერთაშორისო პლატფორმაზე ParisDOC Works-in-Progress.

ParisDOC Works-in-Progress – ესაა ფილმის განხილვისა და კარიერის დაგეგმვის ადგილი. პლატფორმა აქტიურად უწყობს ხელს სრულმეტრაჟიანი დოკუმენტური ფილმების გავრცელებასა და წინსვლას, აკავშირებს რა წარმოების პროცესის საკვანძო ეტაპზე პროექტის რეჟისორებსა და პროდიუსერებს დარგის პროფესიონალებთან. ღონისძიება 16–19 მარტს გაიმართება.

ეიფელის კოშკი - Sputnik საქართველო, 1920, 21.02.2021
ქართულ მულტფილმს „მიტოვებული სოფელი“ პარიზში აჩვენებენ

ParisDOC Works-in-Progress წარადგენს ცაავას ფილმს „წყალს საზღვარი არ აქვს“, როგორც 2021 წლის ერთ-ერთ დაუსრულებელ კინოპროექტს.

პლატფორმა მომდევნო თვეში ქართულ–ფრანგულ ერთობლივ წარმოებას ცხრა სრულმეტრაჟიანი დოკუმენტური ფილმის შემადგენლობაში წარადგენს. ასე კინემატოგრაფიის პროფესიონალებს ურთიერთობებისა და ერთობლივი პროექტების განვითარების საშუალება მიეცემათ.

ცაავას ნამუშევარი საქართველოს ყველაზე მძლავრ ელექტროსადგურ „ენგურჰესზე“ მოგვითხრობს. ის უკვე ორჯერ გახდა კონკურსის New Talents Caucasus გამარჯვებული. კონკურსი New Talents Caucasus არის ფონდ Noosfera Foundation-ის პროექტი, რომელიც დოკუმენტური კინოს საერთაშორისო ფესტივალის Sinedoc ფარგლებში იმართება.

ფილმი საქართველოს ეროვნული კინოცენტრის მიერ არის დაფინანსებული.

ყველა ახალი ამბავი
0