ანა ყიფიანი

ანა ყიფიანმა კანადის პრესტიჟულ კონკურსზე სამი პრიზი მოიპოვა

61
(განახლებულია 15:57 19.02.2021)
ყიფიანთან ერთად კონკურსის პრიზიორები ასევე გახდნენ თბილისის ვანო სარაჯიშვილის სახელობის სახელმწიფო კონსერვატორიის კურსდამთავრებული და პირველკურსელი პიანისტები.

თბილისი, 19 თებერვალი — Sputnik. ქართველი პიანისტი ანა ყიფიანი კანადის საერთაშორისო კონკურსის ლაურეატი და კიდევ ორი პრიზის მფლობელი გახდა, ამის შესახებ პიანისტმა საკუთარ Facebook-გვერდზე დაწერა. 

ანა ყიფიანმა მთავარი კონკურსის მეხუთე პრემია მიიღო და საუკეთესო კონკურსანტების ექვსეულში შევიდა. გარდა ამისა, ყიფიანმა მიიღო სპეციალური პრიზი „კლასიკური ნაწარმოების საუკეთესო შესრულებისთვის“ და „მაყურებლის სიმპათიის“ პრიზი.

აღსანიშნავია, რომ ყიფიანი ერთადერთი ქართველი არ არის, რომელმაც კონკურსში საპრიზო ადგილი მოიპოვა. მთავარი კონკურსის მეექვსე პრემია გადაეცა ასევე თბილისის კონსერვატორიის კურსდამთავრებულს თამთა მაღრაძეს. ხოლო მაყურებლის სიმპათიის პრიზი ყიფიანთან ერთად კონსერვატორიის პირველკურსელმა სალომე მოდებაძემ მიიღო.

ანა ყიფიანი 26 წლისაა. იგი დიდი ბრიტანეთის სამეფო მუსიკალური კოლეჯის კურსდამთავრებულია. მანამდე პეტრე ჩაიკოვსკის სახელობის მოსკოვის სახელმწიფო კონსერვატორია დაასრულა (ელისო ვირსალაძის კლასი).

მიუხედავად ახალგაზრდული ასაკისა, გოგონა მრავალი ჯილდოს მფლობელია – გაიმარჯვა ვლადიმირ კრაინევის სახელობის პიანისტთა საერთაშორისო კონკურსში, ვერბიეს მუსიკალურ ფესტივალსა და არტურ რუბინშტეინის სახელობის პიანისტთა საერთაშორისო კონკურსში.

61
თემები:
საქართველო და კულტურა (1050)
ღირსების ორდენი

საქართველოს პრეზიდენტმა ეროვნული ბიბლიოთეკის თანამშრომელი ღირსების ორდენით დააჯილდოვა

39
დაჯილდოება უკავშირდება წვლილს ემიგრაციის მუზეუმში, სადაც თავმოყრილი ექსპონატები უცხოეთში მყოფი ქართველი ემიგრანტების ცხოვრებასა და მოღვაწეობაზე მოგვითხრობენ

თბილისი, 27 თებერვალი – Sputnik. საქართველოს პრეზიდენტმა სალომე ზურაბიშვილმა პარლამენტის ეროვნული ბიბლიოთეკის საბიბლიოთეკო რესურსების დეპარტამენტის დირექტორს, ლევან თაქთაქიშვილს ქართული სახელმწიფოს მშენებლობის საქმეში შეტანილი პირადი წვლილისთვის ღირსების ორდენი გადასცა, ნათქვამია პრეზიდენტის ადმინისტრაციის განცხადებაში.

„ის, რომ დღეს პარლამენტის ეროვნულ ბიბლიოთეკაში ყველასთვის ხელმისაწვდომია ემიგრაციის შემოქმედება - ლიტერატურა, ფოტომასალა და ისტორია, რომლის დაბრუნებაც ძალიან ხანგრძლივი და რთული საქმე იყო, სწორედ ლევან თაქთაქიშვილის დამსახურებაა“, - განაცხადა საქართველოს პრეზიდენტმა.

ამასთან მან აღნიშნა, რომ ემიგრანტების შესახებ ისტორიული მასალების დაბრუნება ჯერ არ დასრულებულა.

2020 წლის ივლისში ეროვნულ ბიბლიოთეკაში ემიგრაციის მუზეუმი გაიხსნა, სადაც თავმოყრილია ექსპონატები, რომლებიც უცხოეთში ქართველი ემიგრანტების ცხოვრებასა და მოღვაწეობაზე მოგვითხრობენ. მანამდე ეს მუზეუმი 1994 წლიდან თბილისის სახელმწიფო უნივერსიტეტის შენობაში ფუნქციონირებდა.

მასში ინახება ბევრი ემიგრანტის პირადი არქივი, მათ შორის საფრანგეთში ლევილის მამულის არქივი. ეს მამული დევნილობაში მყოფმა საქართველოს მთავრობამ ნოე ჟორდანიას მეთაურობით ქართველი ემიგრანტების თავშესაფრად შეიძინა.

 

39
ველოსიპედისტი ლუკ გრენფელ-შოუ

ინგლისიდან ჩინეთამდე ონკოპაციენტების მხარდასაჭერად: ველომოგზაური უკვე საქართველოშია

56
მისი თქმით, ყველაზე შთამბეჭდავი ოყო ადგილობრივი მცხოვრებლების„ღრმა და გულითადი სითბო“ სტუმრებისა და თავად საქართველოს მიმართ

თბილისი, 27 თებერვალი – Sputnik. სიმსივნით დაავადებული 26 წლის ველოსიპედისტი ლუკ გრენფელ-შოუ, რომელმაც მისნაირი დიაგნოზის მქონე ადამიანების მხარდასაჭერად გადაწყვიტა მანძილი ბრისტოლიდან (დიდი ბრიტანეთი) პეკინამდე (ჩინეთი) ველოსიპედით დაფაროს, უკვე საქართველოშია. ამის შესახებ მან თავის Instagram-გვერდზე დაწერა.

„ბრისტოლიდან პეკინამდე“ - ასეთი სახელწოდებით ველომარშრუტის ფარგლებში ლუკი გეგმავს 30 ქვეყნის გადაკვეთას და კიბოთი დაავადებულთათვის 300 ათასი ევროს შეგროვებას. ასეთი გეგმა ახალგაზრდა მამაკაცმა ორი წლის წინ დაისახა. და ამ ყველაფრის მიზეზი გახდა დიაგნოზი, რომელიც ექიმებმა მას დაუსვეს - მეოთხე სტადიის კიბო. მაშინ ლუკ გრენფელ-შოუმ გადაწყვიტა წავიდეს სამოგზაუროდ, რათა სიცოცხლე ბოლომდე შეიგრძნოს და აჩვენოს სხვებს, რომ ოცნების ახდენა შესაძლებელია და ცხოვრება საინტერესოა. 2020 წლის იანვარში ლუკმა ველოექსპედიციის გზას დაადგა.

„საქართველოში მოგზაურობის საოცარი დასაწყისი! წვიმისგან თავშესაფარი იქცა ფინჯან ყავად, რომელიც ჭიქა ჭაჭაში გადაიზარდა! შემდეგ მას კიდევ ოთხი ჭიქა მოყვა! ბათუმამდე ბოლო კილომეტრზე ნამეტანი კონცენტრირებული ვიყავი ველოსიპედზე და, შესაძლოა, წვიმა გამოფხიზლებაში დამეხმარა! რა სიხარულია ვიყო აქ, ამ გიჟური არქიტექტურის ქალაქში, და ძალიან მიხარია, რომ შევისწავლი საქართველოს და ბევრ ხაჭაპურს შევჭამ“, - დაწერა მან ბათუმში ჩამოსვლისას.

მისი თქმით, ქალაქი ძალიან მრავალფეროვანია: „ბრწყინვალე თანამედროვე შენობები, ლონდონიდან ამოგლეჯილი ტაუნ-ჰაუსები, საბჭოური ეპოქის მრავალბინიანი სახლები“. როგორც ლუკმა აღნიშნა, ყველაზე ძლიერი შთაბეჭდილება დატოვა მცხოვრებლების „ღრმა და გულითადმა სითბომ“ როგორც სტუმრებისა, ისე თავად საქართველოს მიმართ.

პროექტმა მედიის ყურადღება მიიპყრო, და ლუკის მოგზაურობას გამომწერებთან ერთად თვალს ადევნებენ ჟურნალისტებიც. ამჟამად საქართველოში მას თან ახლავს BBC-ს ჟურნალისტი, რომელიც ველოსიპედისთის მოგზაურობის შესახებ ფილმს იღებს.

რეგიონში ყოფნისას ახალგაზრდა მოგზაურმა დაათვალიერა ბათუმის ძირითადი ტურისტული ღირსშესანიშნაობები, ბათუმის ბოტანიკური ბაღი და მთიანი აჭარა. რეგიონში ლუკის მოგზაურობა ორგანიზებულია აჭარის ტურიზმის დეპარტამენტის მიერ. დღეს ის გზას განაგრძობს და აღმოსავლეთ საქართველოში გაემგზავრება.

56
ექიმი ევგენი კომაროვსკი

რა მეთოდებით არ ღირს იმუნიტეტის გაძლიერება - ექიმ კომაროვსკის რჩევები

0
(განახლებულია 09:22 28.02.2021)
ადამიანის ორგანიზმის იმუნიტეტის ამაღლების ერთ-ერთი ყველაზე ეფექტური ხერხია ჯანსაღი ძილი და დადებითი ემოციები

თბილისი, 28 თებერვალი – Sputnik. იმუნიტეტის ამაღლების ყველაზე არაეფექტური და ეფექტური მეთოდები - ამის შესახებ ექიმმა ევგენი კომაროვსკიმ თავის Instagram-ზე ისაუბრა.

მედიკოსის თქმით, ჯანმრთელობის გაუმჯობესების ყველაზე არაეფექტური მეთოდებია ბიოაქტიური საკვები დანამატების, ასევე ელეუთეროკოკის და ექინაცეის მიღება, ხახვის და ნივრის მირთმევა, ვირუსის საწინააღმდეგო ამულეტები, იმუნომოდულატორები და ჰომეოპათია.

კომაროვსკი განმარტავს, რომ იმუნიტეტის ამაღლების ყველაზე ეფექტური მეთოდებია - სრულფასოვანი ძილი, ზომიერი ფიზიკური დატვირთვები, უარი მავნე ჩვევებზე (თამბაქოს და ალკოჰოლის მოხმარება), ვაქცინაცია, სრულფასოვანი კვება და დადებითი ემოციები.

0