ხატია ბუნიათიშვილი

ხატია ბუნიათიშვილის ალბომი iTunes-სა და Amazon-ზე ლიდერი გახდა

92
(განახლებულია 21:33 13.01.2021)
პარიზის ფილარმონიაში ჩაწერილი ალბომი კლასიკური მუსიკის მოყვარულთა შორის უზარმაზარი პოპულარობით სარგებლობს.

თბილისი, 13 იანვარი – Sputnik. მსოფლიოში ცნობილი ქართველი პიანისტის ხატია ბუნიათიშვილის ერთ-ერთი ბოლო ალბომი iTunes-სა და Amazon-ზე გადმოწერების მხრივ აბსოლუტური ლიდერი გახდა. ამის შესახებ თავად პიანისტმა თავის Facebook-გვერდზე დაწერა.

„როგორც ბეთჰოვენი" - გერმანიაში ხატია ბუნიათიშვილი დიდ კომპოზიტორს შეადარეს>>

ალბომი სახელწოდებით „ლაბირინთი“ (Labyrinth) 2020 წლის შემოდგომაზე გამოვიდა. მსმენელს ამ ალბომში შეუძლია დატკბეს ხატია ბუნიათიშვილის მიერ შესრულებული კომპოზიციებით სკარლატიდან მორიკონემდე, ბახიდან გლასამდე. ალბომი პარიზის ფილარმონიაში ჩაიწერა.

  • „ლაბირინთი – ჩვენი ბედი და ქმნილებაა; ჩვენი ჩიხი და გათავისუფლება; ცხოვრებისა და გრძნობების პოლიფონია“, – ასე დაწერა პიანისტმა ალბომის შესახებ.
ამჟამად ბუნიათიშვილი პარიზში ცხოვრობს, არის საქართველოსა და საფრანგეთის მოქალაქე. ის ორჯერ გახდა ერთ-ერთი პრესტიჟული ჯილდოს Echo Klassik ლაურეატი – 2012 წელს ფერენც ლისტის ალბომისთვის და 2016 წელს თავისი ალბომი „კალეიდოსკოპისთვის", რომელშიც შევიდა მუსორგსკის, რაველისა და სტრავინსკის ნაწარმოებები.

ბუნიათიშვილს სხვადასხვა ქვეყნის მრავალი სცენა აქვს დაპყრობილი. 

ხატია ბუნიათიშვილი დაიბადა თბილისში 1987 წელს. ფორტეპიანოზე დაკვრა უფროს დასთან გვანცასთან ერთად სამი წლის ასაკიდან დედის ხელმძღვანელობით დაიწყო. ექვსი წლის იყო, როდესაც თბილისში მისი პირველი კონცერტი გაიმართა კამერული ორკესტრის თანხლებით.

კონსერვატორიის სტუდენტობისას, 2003 წელს ხატიამ კიევში ვლადიმირ ჰოროვიცის სახელობის ახალგაზრდა პიანისტთა საერთაშორისო კონკურსზე სპეციალური პრიზი, ხოლო ახალგაზრდა ქართველი მუსიკოსების მხარდასაჭერად გამართულ კონკურსზე პირველი პრიზი მიიღო. ბუნიათიშვილი ასევე Borletti-BuitoniTrustAward (2010) პრემიის ლაურეატია და EchoKlassikAwards-ზე (2012) „წლის საუკეთესო ახალბედას" წოდება მიიღო.

ხატია ბუნიათიშვილი 2020 წელს ცნობილი ბრენდის Cartier-ის ამბასადორი გახდა. 

92
თემები:
საქართველო და კულტურა (1026)

ენტონი ბურდენის თვალით დანახული საქართველო - CNN სტუმრად ქართულ სუფრაზე

55
ენტონი ბურდენი — ამერიკელი ტელეწამყვანი, მწერალი და შეფ-მზარეული. ის Travel Channel-ის თანამშრომელია და მთელ მსოფლიოში მოგზაურობს ადგილობრივი სამზარეულოების გაცნობის მიზნით

ერთ დღეს საქართველოსაც ეწვია და ქართულ სუფრას, მის ტრადიციებს სოფლად, უშანგი და მაყვალა ქოქაშვილების ოჯახში გაეცნო.

ვიდეორგოლში ბურდენი მაყურებელს მოუთხრობს, როგორ იწვება ღორის მწვადი, როგორ ცხვება სამი სახის ხაჭაპური (სხვადასხვა გულსართით), ამბობს, რომ ქართული სუფრისთვის აუცილებელია მწვანილი და სახლში დაწურული ღვინო.

ამერიკელ სტუმარს უკვირს, როცა ეუბნებიან, რომ ქართული ტრადიციით, სუფრაზე შვიდი სადღეგრძელო მაინც ითქმება: უფლისა, ოჯახისა და ა.შ.

აღნიშნული ვიდეოსიუჟეტი CNN-ით გავიდა, „იუთუბითაც“ გავრცელდა და უამრავი დადებითი კომენტარიც მოჰყვა.

უყურეთ ვიდეოს და ნახეთ ამერიკელი სახელგანთქმული შეფ-მზარეულის ქართული სუფრით აღძრული ემოციები.

 

55
ძველი კინოფირი

„დასაწყისი“ - დეა კულუმბეგაშვილის ფილმს როტერდამის ფესტივალზე აჩვენებენ

74
ფილმი ფესტივალის ვებგვერდზე ხელმისაწვდომი იქნება 72 საათის განმავლობაში, მისი ნახვა ბილეთის ონლაინ შეძენის შემდეგ იქნება შესაძლებელი

თბილისი, 24 იანვარი – Sputnik. ქართველი რეჟისორის, დეა კულუმბეგაშვილის ფილმს „დასაწყისი”. როტერდამის საერთაშორისო კინოფესტივალზე აჩვენებენ, იუწყება საქართველოს კინემატოგრაფიის ეროვნული ცენტრი.

ფილმი წარმოდგენილია სექციაში Limelight, რომელიც გამორჩეულ, საერთაშორისო ჯილდოების მფლობელ ფილმებს აერთიანებს.

ფილმ „დასაწყისის” ჩვენება 4 თებერვალს შედგება და იგი ონლაინ ხელმისაწვდომი იქნება 72 საათის მანძილზე. როტერდამის კინოფესტივალის ვებგვერდზე შესაძლებელია ბილეთის შეძენან ონლაინ.

ფილმს 2020 წელს საერთაშორისო კინოფესტივალებზე დიდი გამოხმაურება მოჰყვა.

დეა კულუმბეგაშვილის სრულმეტრაჟიანმა სადებიუტო მხატვრულმა ფილმმა ერთბაშად ოთხი მთავარი ჯილდო დაიმსახურა პრესტიჟულ სან-სებასტიანის საერთაშორისო კინოფესტივალზე, მიიღო ტორონტოს კინოკრიტიკოსთა საერთაშორისო ასოციაციის პრიზი, თავად რეჟისორი კი Special Cannes 2020-ის ჟიურის წევრად გამოცხადდა.

დრამა „დასაწყისი“ - საქართველოსა და საფრანგეთის ერთობლივი ნამუშევარია. ფილმი მოგვითხრობს იეღოვას მიმდევართა ერთი ჯგუფის ისტორიას, რომელიც პროვინციულ ქალაქში ექსტრემისტული დაჯგუფების მხრიდან თავდასხმას განიცდის. მთავარი გმირი იანა ერთ-ერთი იეღოველის მეუღლეა. მისთვის ნაცნობი სამყარო კონფლიქტის შედეგად ნელ-ნელა იმსხვრევა. იანას შინაგანი მღელვარება ძლიერდება, როდესაც იგი საკუთარი სურვილების გაანალიზებას იწყებს. 

ფილმში როლებს ასრულებენ ია სუხიტაშვილი, კახა კინწურაშვილი და ლაშა ონელი.

„დასაწყისი” გადაღებულია ლაგოდეხის მუნიციპალიტეტში – ლაგოდეხსა და გარშემო სოფლებში და შექმნილია ეროვნული კინოცენტრის მხარდაჭერით.

როტერდამის საერთაშორისო კინოფესტივალის 2021 წლის გამოშვება ორ ნაწილად გაიმართება: 1-7 თებერვალსა და 2-6 ივნისს. ფორმატი შერეული იქნება, რაც ონლაინ ღონისძიებების გარდა, კინოჩვენებებზე ფიზიკურ დასწრებასაც გულისხმობს. როტერდამის საერთაშორისო კინოფესტივალი 1972 წელს დაარსდა. იგი მაყურებელს საავტორო და ექსპერიმენტულ კინოს სთავაზობს და ფოკუსირებულია ახალი ტალანტების აღმოჩენაზე.

74
ვაქცინა Спутник V

ინდოეთმა რუსული ვაქცინის გამოცდის მეორე ეტაპი დაასრულა

7
რუსეთში ინდოეთის ელჩის სიტყვებით, ცდების პირველი ორი ფაზა წარმატებით დასრულდა და დაიწყო მესამე ეტაპი

თბილისი, 25 იანვარი - Sputnik. კორონავირუსის საწინააღმდეგო რუსული ვაქცინა „სპუტნიკ  V“ ინდოეთში ცდების მესამე ეტაპის შემდეგ დარეგისტრირდება, იუწყება РИА Новости მოსკოვში ინდოეთის ელჩის, ვენკატეშ ვარმას სიტყვებზე დაყრდნობით.

„ინდოეთისა და რუსეთის თანამშრომლობა ჯანდაცვის სფეროში, მათ შორის, ვაქცინების მიმართულებით, პანდემიის პირობებში ძალიან კარგ დონეზეა, მიმდინარეობს რეგულარული კონტაქტები პირდაპირი ინვესტიციების რუსეთის ფონდსა და ინდურ კომპანიებს შორის“, - განაცხადა მან.

ვარმას თქმით, „სპუტნიკ  V“-ს გამოცდის ორი ფაზა წარმატებით დასრულდა და დაიწყო მესამე.

„როგორც კი ის დასრულდება, ჩატარდება რეგისტრაცია და დაიწყება მისი წარმოება ინდოეთში სარეალიზაციოდ. ვფიქრობ, ეს მომდევნო ორი კვირის განმავლობაში მოხდება“, - აღნიშნა დიპლომატმა.

„როგორც კი ცდების მესამე ფაზა დასრულდება და ის ნებართვას მიიღებს, ჩვენ ვხედავთ ვაქცინის წარმოების შესაძლებლობას, ინდოეთისთვის, რუსეთისთვის, მთელი მსოფლიოსთვის ინდოეთის სიმძლავრეების გამოყენების გზით... ჩვენთან ვაქცინების წარმოებისთვის მნიშვნელოვანი სიმძლავრეებია განთავსებული - მსოფლიო წარმოების დაახლოებით 60 პროცენტი“, - აღნიშნა ელჩმა.

კორონავირუსის საწინააღმდეგო მსოფლიოში პირველი ვაქცინა რუსეთმა 2020 წლის აგვისტოში დაარეგისტრირა. პრეპარატ „სპუტნიკ V"-ს უპირატესობად სპეციალისტები მის უსაფრთხოებას, ეფექტურობასა და ხანგრძლივი ნეგატიური შედეგების არარსებობას ასახელებენ. „სპუტნიკV"-ს ეფექტურობა 90%-ს აღემატება, დაავადების მძიმე შემთხვევებში ვაქცინა სრულ დაცვას უზრუნველყოფს.

7