ნინო ანანიაშვილი

ნოვოსიბირსკის ოპერისა და ბალეტის თეატრმა ნინო ანანიაშვილთან კონტრაქტის შეჩერება გადაწყვიტა

179
(განახლებულია 17:39 13.01.2021)
საქართველოში დიდი ხელოვნება კვლავ დიდ პოლიტიკაში „გაეხვია“ – როგორ გახდა ცნობილი ბალერინა და პედაგოგი ნინო ანანიაშვილი ორი ქვეყნის კულტურულ–პოლიტიკურ სამყაროში „განხეთქილების ვაშლი“

თბილისი, 9 იანვარი – Sputnik. ნოვოსიბირსკის ოპერისა და ბალეტის თეატრის ადმინისტრაციამ ინფორმაციის გაჟონვის გამო ქართველ პრიმა–ბალერინა ნინო ანანიაშვილთან კონტრაქტის შეჩერება გადაწყვიტა. ანანიაშვილს თეატრის საბალეტო დასის ხელმძღვანელის თანამდებობა უნდა დაეკავებინა.

როგორც თეატრის განცხადებაშია აღნიშნული, მასმედიის რიგ საშუალებებიში გამოქვეყნდა ინფორმაცია იმის შესახებ, რომ ნინო ანანიაშვილი მოწვეულია თეატრის საბალეტო დასის ხელმძღვანელის თანამდებობაზე.

„თეატრის ხელმძღვანელობა მიიჩნევს, რომ ხელმძღვანელის ვინაობის გასაჯაროება კოლექტივისთვის მის ოფიციალურ წარდგენამდე დასის მსახიობებისადმი უპატივცემულობის უკიდურესი გამოვლენაა. ამიტომ იძულებული ვართ, შევაჩეროთ კონტრაქტის მოქმედება, სანამ არ გამოირკვევა ამ ინფორმაციის საჯარო სივრცეში გამოჩენის ყველა ვითარება“, – ნათქვამია თეატრის ხელმძღვანელობის განცხადებაში.

საბოლოო გადაწყვეტილება კონტრაქტთან დაკავშირებით იანვრის შუა რიცხვებში, მას შემდეგ იქნება მიღებული, როდესაც თეატრის სამხატვრო ხელმძღვანელი ვლადიმირ კეხმანი ნინო ანანიაშვილს შეხვდება

მომხდარის მიზეზები

საქართველოში ანანიაშვილის დანიშვნის შესახებ ინფორმაცია სხვადასხვაგვარად აღიქვეს. ოპოზიციური პარტიების ნაწილმა ბალერინა, საქართველოსა და რუსეთს შორის დაძაბული ურთიერთობების გამო, მწვავედ გააკრიტიკა და მისი გადაწყვეტილება „არაპატრიოტულ საქციელად“ მონათლა.

იმის თაობაზე, რომ ანანიაშვილმა ნოვოსიბისრსკის თეატრის წინადადება მიიღო საბალეტო დასის ხელმძღვანელობის შესახებ, ცნობილი 6 იანვარს გახდა. ამაზე ანანიაშვილმა თავად განაცხადა რადიო „თავისუფლებასთან“ ინტერვიუში და აღნიშნა, რომ ის, პარალელურად, ქართული საბალეტო დასის ხელმძღვანელიც იქნებოდა. „სხვა შემთხვევაში ამას არ დავთანხმდებოდი“ – განაცხადა ბალერინამ.

მისი თქმით, დიდი პასუხისმგებლობაა, იყო ისეთი დიდი რუსული თეატრის საბალეტო დასის ხელმძღვანელი, როგორიც ნოვოსიბირსკის თეატრია.

„დიახ, ასეა, გადაწყვეტილება მივიღე, მაგრამ ჯერ ამ პოზიციაზე ოფიციალურად არ ვარ დასახელებული. მალე დამასახელებენ. ეს არის თანამდებობა, რომელიც მავალდებულებს შევქმნა განვითარების გეგმა, შევადგინო რეპერტუარი და ა.შ. ეს არის აბსოლუტურად შემოქმედებითი სამუშაო“, – აღნიშნა ანანიაშვილმა.

„თბილისში ყველაფერი მოგვარებულია“

კითხვაზე, თუ რამდენად მნიშვნელოვანია მისთვის ეს პოზიცია, ანანიაშვილმა უპასუხა, რომ, იმის გათვალისწინებით, თუ რაოდენ მნიშვნელოვანია ბალეტი რუსეთისთვის და ამ მხრივ ეს ქვეყანა, პირველი თუ არა, ერთ–ერთი წამყვანია მთელ მსოფლიოში, მისთვის ეს მნიშვნელოვანი პოზიციაა.

ნინო ანანიაშვილი პეკინის ცეკვის აკადემიის საპატიო პროფესორი გახდა>>

მისი თქმით, ის საქართველოს სახელმწიფო ბალეტის ხელმძღვანელი უკვე 15 წელია, მას დასთან მუშაობის გეგმა შემდეგ ოთხ წელზე გაწერილი აქვს.

„ამ მხრივ თბილისში ყველაფერი დალაგებულია, მაგრამ ეს გადაწყვეტილება მიმაღებინა იმ ვითარებამ, რაც ქვეყანაში პანდემიის გამო შეიქმნა და რამაც ჩვენს თეატრზეც იმოქმედა“, – აღნიშნა ანანიაშვილმა და დასძინა, რომ მარტში ერთი წელი გახდება, რაც თეატრი დაკეტილია და უცნობია, როდის გაიხსნება. გაუქმებულია შვიდი გასტროლი.

პრიმა–ბალერინამ სინანული გამოთქვა, რომ უცხოეთიდან, მათ შორის აშშ–იდან მიღებული ყველა წინადადება გამორიცხავდა საქართველოში პარალელურ მუშაობას. ამის გამო მან მიწვევებზე უარი განაცხადა.

მისი თქმით, ის რჩება ქართულ ბალეტში, რაც მეტ შესაძლებლობას მისცემს, მეტი ყურადღება მიიპყროს ქართული დასისადმი საერთაშორისო არენაზე.

ბალერინას თანხმობის ერთ–ერთი მიზეზი ის იყო, რომ ნოვოსიბირსკის თეატრში სპექტაკლებს ცნობილი ქორეოგრაფი ნაჩო დუატო დგამს. როგორც ანანიაშვილმა აღნიშნა, მან ვერ მოახერხა დუატოს საქართველოში ჩამოყვანა, ახლა კი საშუალება ექნება, მასთან ერთად საქართველოში სპექტაკლი დადგას.

„ვიცი, გამაკრიტიკებენ“

კითხვაზე, თუ როგორ წარმოუდგენია მას ორი – რუსული და ქართული – თეატრის თანამშრომლობა, ანანიაშვილმა უპასუხა, რომ ბალეტის სფეროში თანამშრომლობა ჩვეულებრივი საქმეა. მაგალითად, იური პოსოხოვმა ქართული დასისთვის სპექტაკლი „მედეა“ შექმნა.

მიუხედავად კორონავირუსის პანდემიისა, ნოვოსიბირსკის თეატრი მუშაობას განაგრძობს. თვეში ისინი 25 სპექტაკლს წარმოადგენენ. ანანიაშვილის თქმით, მას იქ მუშაობის საშუალება ექნება.

როგორც ბალერინამ აღნიშნა, მისი მეუღლე, პოლიტიკოსი გრიგოლ ვაშაძე ამით აღფრთოვანებული არ ყოფილა. კითხვაზე, მზად არის თუ არა ის იმისთვის, რომ მას გააკრიტიკებენ, ანანიაშვილმა აღნიშნა:

„ვიცი, რომ გამაკრიტიკებენ, მაგრამ მე ვცეკვავდი რუსეთში, რუსეთის ბალერინა ვიყავი და ამის გამო ჩემი სიყვარული საქართველოს მიმართ არასოდეს მომიკლია“, – აღნიშნა ანანიაშვილმა.

ანანიაშვილი რუსეთში, სავარაუდოდ, იანვრის ბოლოს აპირებდა გამგზავრებას. რუსული თეატრის ხელმძღვანელობის განცხადებაზე მას კომენტარი ჯერ არ გაუკეთებია.

179
თემები:
საქართველო და კულტურა (1025)
გიორგი ოთხმეზური

გარდაიცვალა ცნობილი ქართველი ისტორიკოსი გიორგი ოთხმეზური

117
ცნობილი მეცნიერის გარდაცვალებასთან დაკავშირებით მწუხარება უკვე გამოხატეს განათლების, მეცნიერების, კულტურისა და სპორტის მინისტრმა მიხეილ ჩხენკელმა და თბილისის მერმა კახა კალაძემ

თბილისი, 20 იანვარი - Sputnik. გამოჩენილი ქართველი ისტორიკოსი გიორგი ოთხმეზური 66 წლის ასაკში გარდაიცვალა. ამის შესახებ ცნობა თბილისის ივ. ჯავახიშვილის სახ. სახელმწიფო უნივერსიტეტის Facebook-გვერდზე გამოქვეყნდა. ისტორიკოსი უნივერსიტეტში მრავალი წლის განმავლობაში მუშაობდა.

განათლების, მეცნიერების, კულტურისა და სპორტის მინისტრმა მიხეილ ჩხენკელმა გიორგი ოთხმეზურის გარდაცვალებასთან დაკავშირებით სამძიმარი გამოხატა. მინისტრმა აღნიშნა, რომ სამეცნიერო საზოგადოებამ ღირსეული ადამიანი და მეცნიერი დაკარგა.

„სამეცნიერო საზოგადოებამ დაკარგა ღირსეული პიროვნება, მეცნიერი, რომელმაც მთელი ცხოვრება საქართველოს ისტორიის, ქართული ეპიგრაფიკისა და პალეოგრაფიის კვლევას დაუთმო და არაერთი ღირებული და მნიშვნელოვანი ნაშრომი დაგვიტოვა“, - აღნიშნა ჩხენკელმა.

მინისტრმა მიუთითა ასევე, რომ ოთხმეზური ისტორიის მეცნიერებათა დოქტორი და თსუ-ს ჰუმანიტარულ მეცნიერებათა ფაკულტეტის დოცენტი იყო და თავისი ცოდნა და გამოცდილება სტუდენტების უამრავ თაობას გაუზიარა, აღზარდა არაერთი შესანიშნავი ისტორიკოსი.

მეცნიერის გარდაცვალების გამო სინანული გამოხატა ასევე თბილისის მერმა კახა კალაძემ.

„მინდა მწუხარება გამოვთქვა ცნობილი ქართველი მეცნიერის, ისტორიკოსის, გიორგი ოთხმეზურის გარდაცვალების გამო. დიდია მისი წვლილი საქართველოს ისტორიისა და წყაროთმცოდნეობის კვლევებში. ვიზიარებ გიორგი ოთხმეზურის ოჯახის წევრების, მისი ახლობლების, აკადემიური და სამეცნიერო წრეების დიდ გულისტკივილს“, - დაწერა მერმა თავის Facebook-გვერდზე.

გიორგი ოთხმეზური ისტორიის მეცნიერებათა დოქტორი, თსუ-ს ჰუმანიტარული ფაკულტეტის დოცენტი იყო. მისი კვლევების ძირითადი მიმართულებები იყო საქართველოს ისტორიის, წყაროთმცოდნეობის, ქართული ეპიგრაფიკისა და პალეოგრაფიის შესწავლა და განვითარება.

117

ქუჩის მუსიკოსების კონცერტი ორბელიანის სასახლესთან - ვიდეო

146
ქუჩის მუსიკოსების კონცერტი ორბელიანის სასახლეში საქართველოს პრეზიდენტ სალომე ზურაბიშვილის გადაწყვეტილებით გაიმართა. იხილეთ Sputnik-საქართველოს ვიდეოში კადრები შოუდან

ორბელიანის სასახლე, სადაც ახლა პრეზიდენტის რეზიდენციაა განთავსებული, XIX საუკუნეში საზოგადოებრივი თავშეყრის ადგილი იყო. იქ ასევე იკრიბებოდნენ კულტურის სფეროს მოღვაწეები, იმართებოდა კონცერტები და შეხვედრები.

პრეზიდენტის პრეს-სამსახურის ინფორმაციით, კონცერტი ახალგაზრდა მუსიკოსების პოპულარიზაციის მიზნით გაიმართა. შესაძლოა, მსგავსი ღონისძიებები აქ ტრადიციადაც იქცეს.

146
მიგრანტი ქალი აშშ-მექსიკის საზღვარზე

აშშ დეპორტაციას აჩერებს: ცნობილია ვადა და მიზეზი

0
(განახლებულია 11:55 21.01.2021)
მანამდე ცნობილი გახდა, რომ შინაგანი უსაფრთხოების სამინისტრო წყვეტდა ახალი მიგრანტების ჩართვას პროგრამაში, რომელიც მათ უფლებას აძლევდა, დალოდებოდნენ აშშ–ში შესვლის ნებართვას მექსიკაში

თბილისი, 21 იანვარი — Sputnik. შეერთებული შტატები ასი დღით შეაჩერებს დეპორტაციას, რათა ქვეყნის შინაგანი უსაფრთხოების სამინისტროს მუშაობა უფრო ეფექტური გახადოს, იუწყება სამინისტროს პრესსამსახური. 

„შინაგანი უსაფრთხოების სამინისტრო 2021 წლის 22 იანვრიდან ასი დღით შეაჩერებს არამოქალაქე პირების დეპორტაციას, რათა მიგრაციული კანონმდებლობის სამართლიანი და ეფექტური აღსრულება უზრუნველვყოთ, რაშიც უპირველესი ყურადღება ეთმობა ეროვნულ უსაფრთხოებას, საზღვრებისა და საზოგადოებრივ უსაფრთხოებას“, — ნათქვამია განცხადებაში.

აღინიშნება, რომ ეს ზომა სამინისტროს საშუალებას მისცემს, რესურსები ქვეყნის ყველაზე მნიშვნელოვანი პრობლემებისკენ მიმართოს, მათ შორის, საზოგადოებრივი ჯანდაცვის სფეროში უსერიოზულესი კრიზისის აღმოფხვრის ოპერატიული ამოცანების გადაჭრისკენ.

მანამდე სამინისტრომ გაავრცელა განცხადება, რომ წყვეტს ახალი მიგრანტების მიღებას პროგრამაში, რომელიც მათ უფლებას აძლევდა, დალოდებოდნენ აშშ–ში შესვლის ნებართვას მექსიკის ტერიტორიაზე.

 

0
თემები:
საერთაშორისო პანორამა